Kelam Jurnalı - Məqələlər

Türkiyənin İstanbul şəhərində İstanbulun cari il üçün Avropa Mədəniyyət Paytaxtı elan olunması ilə əlaqədar hazırlanmış Tədbirlər Planı çərçivəsində 1-ci Beynəlxalq İstanbul Opera Festivalı keçirilir. Tədbirdə вЂњKoroğluвЂќ opreası da təqdim olunub. Bu barədə məlumatı KƏLAMİNFO-ya Mədəniyyət və Turizm Nazirliyinin mətbuat xidmətindən veriblər. İlk dəfə olaraq təşkil olunan Beynəlxalq İstanbul Opera Festivalının əsas özəlliyi türk xalqlarının mədəniyyət və yaşamını özündə əks etdirməsidir. Beynəlxalq Koroğlu Operası layihəsi TÜRKSOY-a üzv olan 6 ölkədən, Azərbaycan, Türkiyə, Qazaxıstan, Qırğızıstan, Tatarıstan və Başqırdıstanın 250 sənətçisinin iştirakı ilə keçən il Bişkek, Almatı, Ankara və Bakı şəhərlərində böyük uğurla səhnələnib. Bu il türk dilində səsləndiriləcək Koroğlu operası Azərbaycan, Türkiyə, Qazaxıstan, Qırğızıstan, Tatarıstan və digər türk ölkələrinin sənətçilərinin iştirakı ilə səhnələşdiriləcək.

22.07.10

Məqaləni oxumaq

Rusiyada Baksan SES-də terrorçular partlayış törədiblər

Bu gün səhər saatlarında Rusiya Federasiyası Kabardin-Balkar Respublikasının Baksan Su Elektrik Stansiyasında partlayış baş verib. KƏLAMİNFO Rusiya Fövqəladə Hallar Nazirliyinə istinadən xəbər verir ki, ilk partlayış Moskva vaxtı ilə saat 05:20-də qeydə alınıb. Terrorçular əvvəlcə stansiyanın iki mühafizəçisini qətlə yetirib və maşın stansiyasını minalayıblar. İlkin məlumatlara əsasən, SES-in ərazisi silahlı şəxslər tərəfindən ələ keçirilib. Şimali Qafqaz dairəsinin güc strukturlarında hesab edirlər ki, bu, terror əməliyyatı olub. Onların fikrincə, partlayışların həyata keçirilmə sxemi ona dəlalət edir ki, bu, yaxşı planlaşdırılmış terror əməliyyatıdır. Rusiya Fövqəladə Hallar Nazirliyinin Cənub Regional Mərkəzinin mətbuat xidmətinin rəhbəri Oleq Qrekovun məlumatına görə, SES-də baş verən partlayışlardan sonra əhali və ərazi üçün heç bir təhlükə yoxdur. Rusiya mətbuatının məlumatına görə, Baksan SES-ə hücumdan qabaq şəhərin milis bölməsi atəşə tutulub.

22.07.10

Məqaləni oxumaq

Fransız Mədəniyyət Mərkəzində elmi seminar keçiriləcək

İyulun 22-i Fransız Mədəniyyət Mərkəzində вЂњPostsovet dövründə Azərbaycan şərqşünasları İslam təbliğatçıları və tədqiqatçıları rolundaвЂќ mövzusunda elmi seminar keçiriləcək. Bu barədə məlumatı KƏLAMİNFO-ya Fransanın Azərbaycandakı səfirliyindən veriblər. Fransanın Anadolu Araşdırmaları İnstitutunun nəzdində Qafqaz Tədqiqatları Mərkəzi və Fransız Mədəniyət Mərkəzinin təşkilatçılığı ilə reallaşacaq seminarda Bakı Dövlət Universitetinin (BDU) müəllimi Altay Göyüşov çıxış edəcək. Seminar rus dilində aparılacaq.

22.07.10

Məqaləni oxumaq

Əl-Qaidə Yaxın Şərq liderlərini sionizmi dəstəkləməkdə günahlandırıb

вЂњƏl-QaidəвЂќnin liderlərindən olan Ayman əl-Zəvahiri yeni yayımlanmış audioyazısında Yaxın Şərq, eləcə də ərəb dünyası liderlərini sionizmdə və İsrailə kömək etməkdə günahlandırıb. KƏLAMİNFO xarici xəbər agentliklərinə istinadən məlumat verir ki, Ayman əl-Zəvahiri Misir prezidenti Hüsnü Mübarəkin sionizmi dəstəkləyən ərəb ölkələri liderlərinə rəhbərlik etdiyini və İsrailin Qəzza bölgəsini blokada şəraitində saxlamasına imkan yaratdığını vurğulayıb. Əl-Qaidə lideri İordaniya kralı İkinci Abdullanı, Səudiyyə Ərəbistanının kralı Abdulla ibn Abdul Əzizi və Fələstin avtonomiyasının lideri Mahmud Abbası da sionizmdə günahlandırıb.

22.07.10

Məqaləni oxumaq

Əmək qanunvericiliyi ilə bağlı 5031 qanun pozuntusu aşkar olunub

Cari ilin ilk 6 ayı ərzində Dövlət Əmək Müfəttişliyi (DƏM) tərəfindən mülkiyyət və təşkilati-hüquqi formasından asılı olmayaraq 1561 müəssisə, idarə və təşkilatda keçirilmiş dövlət nəzarəti zamanı əmək qanunvericiliyinə əməl olunmasına dair 5031 qanun pozuntusu aşkar olunub. KƏLAMİNFO xəbər verir ki, bu barədə Əmək və Əhalinin Sosial Müdafiəsi Nazirliyində cari ilin 6 ayının yekunlarına həsr olunan kollegiya iclasında bildirilib. İqtisadiyyatın sahələri üzrə bu pozuntulara ticarət və ictimai iaşədə (1532), sənayedə (862), mənzil-kommunal və xidmətdə (429), elm, təhsil, mədəniyyətdə (547), tikintidə (359) daha çox rast gəlinib. Hesabat dövründə əmək müqaviləsi olmadan işə cəlb edilmiş 2718 nəfər fiziki şəxslə əmək müqaviləsinin bağlanılması təmin edilib. DƏM-in vəzifəli şəxsləri tərəfindən aşkar olunmuş inzibati xətalara görə işəgötürənlər 302 600 manat məbləğində cərimə olunublar.

22.07.10

Məqaləni oxumaq

Spiker Oqtay Əsədov Cenevrədə bir sıra ikitərəfli görüşlər keçirib

Cenevrədə parlament spikerlərinin 3-cü Ümumdünya konfransında iştirak edən Milli Məclisin sədri Oqtay Əsədov tədbir çərçivəsində bir sıra ikitərəfli görüşlər keçirib. Milli Məclisin mətbuat xidmətindən KƏLAMİNFO-ya verilən məlumata görə, Qazaxıstan Senatının sədri Kasım Jomart Tokayevlə görüşdə ikitərəfli münasibətlərin daha da inkişaf etdirilməsi, parlamentlərarası əlaqələrin möhkəmləndirilməsi məsələləri diqqət mərkəzində olub. Qeyd olunub ki, tarixi köklərlə bir-birinə çox yaxın və bağlı olan xalqlarımız ölkə başçılarımızın səyi və iradəsi sayəsində daha dərin münasibətlər çərçivəsində öz əlaqələrini yüksələn xətlə inkişaf etdirməkdədir.

21.07.10

Məqaləni oxumaq

PKK-nın növbəti hücumu nəticəsində 6 türk əsgəri şəhid olub

Türkiyənin Hakkari bölgəsi Çukurca ərazisində PKK terrorçuları hərbi hissəyə hücum ediblər. KƏLAMİNFO xəbər verir ki, terrorçuların xain hücumu nəticəsində 6 türk əsgəri şəhid olub, 17 nəfər isə yaralanıb. İlkin məlumatlara görə, qələbəlik bir qrup İraq sərhəddində yerləşən Xantəpə Hərbi Baza bölgəsinə hücum edib. Terrorçular uzun mənzilli silahlardan istifadə ediblər. Hazırda atışmanın davam etdiyi bölgəyə çox sayda xüsysi təyinatlılar göndərilib. Bölgədə geniş miqyaslı əməliyyat başladılıb. Əməliyyata Diyarbəkirdən qalxan F-16 və Kobra vertolyotları da dəstək verir.

21.07.10

Məqaləni oxumaq

Suriyada çarşab qadağan olundu

Fransadakı çarşab mövzusu bitməmiş daha bir ölkədə çarşaba qadağa qoyuldu. KƏLAMİNFO xəbər verir ki, çarşaba qadağa qoyan növbəti dövlət əhalisinin 97%-i müsəlman olan Suriyadır. Bundan sonra, Suriyada qızların universitetə çadra ilə getməsinə icazə verilməyəcək. Qeyd edək ki, Suriyanın təhsil naziri Ghiath Barakat deyib ki, insanın üzünü qapayan və tanınmaz hala gətirən çadra akademik və etik dəyərlərlə uzlaşmır. O, bu səbəbdən universitetlərdə çadraya qadağa qoyulduğunu vurğulayıb.

21.07.10

Məqaləni oxumaq

Somalidə atışma nəticəsində 12 nəfər ölüb

Somalinin paytaxtı Moqadişuda militanlarla Afrika Birliyi sülhməramlı missiyası əsgərlərinin dəstəklədiyi hökumət qüvvələri arasında atışma olub. KƏLAMİNFO Türkiyə mətbuatına istinadən xəbər verir ki, atışmada 12 nəfər ölüb. Rəsmilər atışmada yaralananların sayının 43-ə yüksəldiyini bildiriblər. "Əl-Qaidə" terror təşkilatına bağlı olduğu düşünülən "Əş-Şəbab" təşkilatının sözçüsü yeni hücumlar təşkil etdiklərini və yeni bir bölgəni ələ keçirdiklərini söyləyib. Hökumətə bağlı komandanlar isə hücumların qarşısını aldıqlarını və terrorçuları geri oturtduqlarını bildiriblər.

21.07.10

Məqaləni oxumaq

Prezident Abdullah Gül Misirə gedib

Bu gün Türkiyə prezidenti Abdullah Gül Misirə iki günlük işgüzar səfərə yola düşüb. KƏLAMİNFO Türkiyə mətbuatına istinadən xəbər verir ki, A.Gül səfər zamanı Misir prezidenti Hüsnü Mübarəklə görüşəcək. Prezident A.Gül Hərb Akademiyada keçiriləcək məzuniyyət törəninə qatılacaq, Misirin yüksək rütbəli hərbi rəhbərləri ilə bir araya gələcək. Səfər zamanı ikitərəfli əlaqələr və Yaxın Şərqdəki proseslər başda olmaqla bölgədə və beynəlxalq arenada iki ölkəni maraqlandıran məsələlər müzakirə ediləcək.