Kelam Jurnalı - Məqələlər

Türkiyə ilə Rusiya arasında viza rejimi rəsmən ləğv edilib. KƏLAMİNFO Türkiyə mətbuatına istinadən xəbər verir ki, mayın 12-də Ankarada imzalanan saziş Nazirlər Kabinetində təsdiq edilib. Xüsusi, xidməti və ümumi pasport sahibi olan Türkiyə və Rusiya vətəndaşları qarşılıqlı olaraq bir-birilərinin ölkələrində 30 gün müddətində vizasız səyahət edə biləcəklər.

27.07.10

Məqaləni oxumaq

Elmin İnkişafı Fondu seminar keçirib

Azərbaycan Prezidenti yanında Elmin İnkişafı Fondu (EİF) ilk məsləhət seminarını keçirib. Bu barədə məlumatı KƏLAMİNFO-ya EİF-nin mətbuat xidmətindən veriblər. Fondun icraçı direksiyasının ofisində reallaşan seminarın məqsədi müsabiqədə iştirak etmək üçün layihələr hazırlamaq, ərizə və əlavə olunan sənədlərin düzgün doldurulmasında çətinlik çəkən və müsabiqəyə dair sualları olan vətəndaşlara yardım etmək, bu prosesi asanlaşdırmaq və effektivliyini artırmaqdan ibarətdir. Fondun icraçı direktoru Elçin Babayevin iştirakı ilə keçirilən seminarda EİF-in qrantların idarə olunması üzrə baş məsləhətçisi Ədilə Babayeva müsabiqə qaydaları, ərizə və sənəd formalarının tərtibatı və 2010-cu il müsabiqəsi haqqında təqdimatla çıxış edib. Təqdimatdan sonra E.Babayev və Ə.Babayeva seminar iştirakçılarını maraqlandıran sualları cavablandırıb.

27.07.10

Məqaləni oxumaq

Almaniyada festivalda 19 nəfər həlak oldu

Almaniyanın Duisburq şəhərində ənənəvi вЂњsevgi paradıвЂќ musiqi festivalında 19 nəfərin öldüyü və 342 nəfərin yaralandığı bildirilir. KƏLAMİNFO xəbər verir ki, insanlar təşvişə düşməsinlər deyə, butun bu faciəyə baxmayaraq əyləncə saatlarla davam edib.
Qeyd edək ki, festivalda 1,4 mln. insan iştirak edib.Təşkilatçılar bildiriblər ki, 1989-cu ildən təşkil olunan festival bu faciədən sonra bir daha keçirilmiyəcək.

27.07.10

Məqaləni oxumaq

ATƏT PA-nın sədri Petros Eftimio Bakıya səfər edəcək

Cari ilin sentyabr ayında ATƏT Parlament Assambleyasının yeni sədri Petros Eftimioun Bakıya səfəri gözlənilir. KƏLAMİNFO xəbər verir ki, bu məlumatı Milli Məclisin Aqrar siyasət komitəsinin sədri, Azərbaycanın ATƏT PA-da nümayəndə heyətinin üzvü Eldar İbrahimov verib.
E. İbrahimov bildirib ki, P.Eftimiou ilə ATƏT PA-nın iqtisadiyyat komitəsində birgə fəaliyyət göstəriblər və onunla dostluq münasibətləri var. Milli Məclisin komitə sədri ATƏT PA-nın yeni sədrinin Azərbaycana dost münasibət bəsləyəcəyinə inamını ifadə edib.

27.07.10

Məqaləni oxumaq

Ekoloji qanunvericiliyi pozanlar cəzalandırılıb

Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin əməkdaşları cari ilin altı ayı ərzində ekoloji qanunvericiliyin tələblərinə riayət olunmasını yoxlamaq məqsədilə araşdırma aparıblar. Bu barədə məlumatı KƏLAMİNFO-ya nazirliyin mətbuat xidmətindən veriblər.
Araşdırma zamanı hüquqi və fiziki şəxslər tərəfindən yol verilmiş qanun pozuntularına görə 1601 akt və protokol tərtib olunub və nöqsanların aradan qaldırılması üçün icrası məcburi olan 497 göstəriş verilib. Ümumilikdə 437 iş üzrə 2241593,17 manat məbləğində cərimə tətbiq edilib, ondan 114968 manat ödənilib. Ətraf mühitə dəymiş ziyanla bağlı 317 iş üzrə 633422,18 manat məbləğində iddia qaldırılıb, ondan 48824 manatın ödənilməsi təmin edilib. İdarə və müəssisələrə 1780 iş üzrə 904737,31 manat məbləğində ödəmə tətbiq edilib, ondan 346058 manatın ödənilməsi təmin olunub.

27.07.10

Məqaləni oxumaq

II ixtisas qrupu üzrə keçirilmiş qəbul imtahanının nəticələri açıqlandı

Ali təhsil müəssisələrinə II ixtisas qrupu üzrə keçirilmiş qəbul imtahanının nəticələri açıqlanıb. Bu barədə məlumatı KƏLAMİNFO-ya TQDK-nın mətbuat xidmətindən veriblər.
İmtahanın nəticələri TQDK-nın internet saytında yerləşdirilib.
II ixtisas qrupu üzrə imtahanda iştirak etmək üçün 28072 abituriyent ərizə təsdiq etdirib. Onlardan 27395 nəfəri imtahanda iştirak edib. II ixtisas qrupu üzrə ixtisas seçimində aşağıdakı müsabiqə şərtlərini ödəmiş abituriyentlər iştirak edə bilərlər: Üümumi balı 250-dən, hər bir imtahan fənni üzrə ayrılıqda topladığı nisbi balı 10-dan az olmayan abituriyentlər. II ixtisas qrupu üzrə ümumi balı 350 və daha çox olan abituriyentlərin ixtisas seçiminə buraxılmaları üçün onların fənlər üzrə cavablarına nisbi bal məhdudiyyəti tətbiq olunmur. II ixtisas qrupu üzrə dövlət sifarişi əsasında ayrılmış yerlərin ixtisas seçimində ümumi balı 400-dən az olmayan abituriyentlər iştirak edə bilər.

27.07.10

Məqaləni oxumaq

Hərbi Prokurorluq 286 şəxs barəsində axtarış elan edib

Cari ilin birinci yarısında Azərbaycanın hərbi prokurorluq orqanlarında vətəndaşların 806 müraciəti müsbət həllini tapıb, 2396 vətəndaş müxtəlif məsələlərlə bağlı Hərbi Prokurorluq əməkdaşları tərəfindən qəbul edilib. Bu barədə məlumatı altı ayın yekunlarına dair keçirdiyi kollegiya iclasında Baş prokurorun müavini, hərbi prokuror, ədliyyə general-leytenatı Xanlar Vəliyev söyləyib.
X.Vəliyev bildirib ki, Xocalı, Qaradağlı, Meşəli, Bağanis-Ayrım faciələri, terror, habelə əsir düşən şəxslərə işgəncə verilməsi və erməni silahlı qüvvələrinin törətdikləri digər cinayət əməlləri AR Cinayət Məcəlləsinin soyqırıma görə məsuliyyəti nəzərdə tutan 103-cü və digər maddələrinə tövsif edilib, iş üzrə 286 təqsirləndirilən şəxs barəsində axtarış elan edilib. Onun sözlərinə görə, hazırda cinayət işi üzrə intensiv istintaq-əməliyyat tədbirləri davam etdirilir.

26.07.10

Məqaləni oxumaq

Hərbi Prokurorluq 1090 qanun pozuntusu aşkar edib

Cari ilin birinci yarımilliyində Respublika Hərbi Prokurorluğunun Ağır Cinayətlərə dair İşlər üzrə İstintaq İdarəsində ağır və xüsusilə ağır, mürəkkəb və aktual xarakterli cinayət işlərinin istintaqı tamamlanaraq, baxılması üçün məhkəməyə göndərilib. KƏLAMİNFO xəbər verir ki, bu barədə məlumatı altı ayın yekunlarına dair keçirdiyi kollegiya iclasında Baş prokurorun müavini, hərbi prokuror Xanlar Vəliyev söyləyib.
X.Vəliyev bildirib ki, təhqiqat orqanlarının fəaliyyətində qanunların icrasına dair 86 yoxlama keçirilib, nəticədə 1090 qanun pozuntusu aşkar edilib, qanun pozuntularını doğuran səbəb və şəraitin aradan qaldırılması üçün 94 təqdimat göndərilib, 51 nəfərə xəbərdarlıq edilib, 37 cinayət işi başlanılıb, təhqiqat orqanlarının icraatında olan işlər üzrə 70 yazılı göstəriş verilib.
Hesabat dövründə dövlət ittihamının müdafiəsi üzrə şöbənin fəaliyyəti səmərəli olub. Şöbə tərəfindən birinci instansiya məhkəmələrinin hökm və qərarlarından verilən 21 apelyasiya protestinin 79 faizi təmin olunub.
Hesabat dövründə 130 məhkəmə prosesinin səyyar qaydada keçirilməsi təmin edilib.

26.07.10

Məqaləni oxumaq

Elçin Babayev: вЂњÜmidləri doğrultmağa çalışırıqвЂќ

Azərbaycan Respublikasının Prezidenti yanında Elmin İnkişafı Fondunun icraçı direktoru Elçin Babayev müsahibə verib. E.Babayev Elmin İnkişafı Fondunun yaranma zərurəti, məqsədi və qarşıda duran vəzifələri barədə danışıb:

- Elmin İnkişafı Fondunun yaradılmasında əsas məqsəd elmin inkişafına yeni bir təkan və alimlərin yaradıcılıq imkanlarına əlavə stimul verməkdir. Təbii ki, elm və elmin inkişafı ilk növbədə ölkənin, cəmiyyətin, iqtisadiyyatın inkişafına yardımçı olmalıdır və bu inkişaf bir deyil, bir neçə istiqamətdə getməlidir və bu istiqamətlər bir-birini tamamlamalıdır. Yəni, biz tək klassik fundamental tədqiqatlarla kifayətlənməməliyik, həmçinin fundamental tədqiqatların nəticələrinin bilavasitə iqtisadiyyatda tətbiqinə nail olmalıyıq. Fond tərəfindən fundamental, tətbiqi və axtarış-innovasiya xarakterli layihələrin qrantlar şəklində maliyyələşdirilməsi nəzərdə tutulub. Elm ümumbəşəri bir anlayışdır. Azərbaycanda yerinə yetirilən elmi-tədqiqat işləri, zaman keçdikcə dünya səviyyəsinə gəlib çatmalıdır. Bu səbəbdən Elmin İnkişafı Fondunun yaradılması irəliyə atılmış mühüm bir addımdır və ümid edirik ki, öz missiyamızı layiqincə yerinə yetirməklə, bizə göstərilən etimadı tez bir zamanda doğrulda biləcəyik.

- Bu günlərdə ilk qrant müsabiqəsi elan olundu. Bununla bağlı Fonda nə qədər layihə daxil olub?

- Elanın verilməsi və ondan sonrakı dövrün yay mövsümünə düşməsinə baxmayaraq, müsabiqəyə maraq böyükdür və kifayət qədər fəallıq müşahidə olunur. Fondun internet səhifəsinə girişlərin sayını göstərən proqram qoyulub. Məlum olur ki, maraqlananların sayı üç minə çatıb.

26.07.10

Məqaləni oxumaq

Şimali İraqdan ən son ABŞ çəkiləcək

İraqdakı ABŞ qüvvələrinin komandanı, general Raymond Odierno bölgədə ən son İraqın şimalından çəkiləcəklərini bildirib. KƏLAMİNFO Türkiyə mətbuatına istinadən xəbər verir ki, İraqdakı ABŞ güclərinin 2011-ci ildə tamamlanacaq çəkilmə prosesi haqda Vaşinqtonda jurnalistlərə açıqlama verən Odierno İraqın şimalında ərəblərlə kürdlər arasındakı etnik gərginliyi ölkənin sabitliyinə qarşı ən böyük təhdid saydıqlarını deyib. General "ABŞ qüvvələrinin 2011-ci ilin sonuna qədər qalacağı son yerlərdən biri böyük ehtimalla Kərkük olacaq",-deyə əlavə edib. Şimali İraqdakı kürd peşmərgələrinə və İraq ordusuna təlim keçdiklərini bildirən Odierno "Hər iki güc İraq xalqının güvənəcəyi bir güc olaraq birləşməlidir",-deyə vurğulayıb. O, bölgə əhalisinin təmsilçisi olacaq belə bir gücün sabitliyin də təminatı olacağını deyib.