|
Səhifələr : # « 9 10 11 12 13 14 15 16 17 » #
Politoloq: “Məlum güclər hələ də Qarabağla bağlı həlledici razılığa gəlməyiblər”
|
Soz zamanlar Qarabağ münaqişəsi ilə bağlı müşahidə olunan danışıqlar və bəyanatlar ümidverici xarakter daşımasına baxmayaraq, məsələ ilə bağlı yanılmaq olmaz. Yəni, bunlara rəğmən yaxın müddət ərzində hadisədə ciddi dəyişikliyin aparılması ilə bağlı hansısa sazişin imzalanmasını gözləmək yanlışlıqdır. Bunları KƏLAMİNFO-ya müsahibəsində politoloq Fikrət Sadıxov söyləyib.
Onun sözlərinə görə, son həftələr ərzində baş verən hadisələr ilk növbədə kifayət qədər ümidvericidir. “Bunun üçün ilk növbədə Torontoda “səkkizlik”lərin görüşü çərçivəsində üç böyük dövlətin Dağlıq Qarbağ (DQ) ətrafında işğal olunmuş rayonların boşaldılması ilə bağlı bəyanatını əsas götürmək olar. İkincisi, ABŞ dövlət katibi Azərbaycana səfəri zamanı birmənalı şəkildə bəyan etdi ki, DQ ətrafındakı rayonlar dərhal boşaldılmalıdır. Bunu ATƏT-in Parlament Assambleyası da təsdiq etdi. Eyni zamanda yaxın günlərdə Almata şəhərində Azərbaycan və Ermənistan XİN başçılarının görüşü və iki rayonun da növbəti beş il müddətinə boşaldılması ilə bağlı müzakirələrin olacağı da hadisələrdə canlanma yaradır.
|
13.07.10 Məqaləni oxumaq
|
|
|
YAP-ın gənclər üçün təşkil etdiyi yay istirahət düşərgəsinin ikinci mərhələsi başa çatıb
|
Yeni Azərbaycan Partiyasının (YAP) Oğuz şəhərində gənclər üçün təşkil etdiyi yay istirahət düşərgəsinin ikinci mərhələsi başa çatıb. Partiyanın mətbuat xidmətindən KƏLAMİNFO-ya verilən xəbərə görə, düşərgədə YAP Gənclər Birliyinin müxtəlif şəhər və rayon təşkilatlarını təmsil edən 70 fəal gənc iştirak edib. Düşərgənin ilk günü gənclər əvvəlcə Şəkiyə səfər edib, şəhərin tarixi abidələri və muzeyləri ilə tanış olublar. Sonra iştirakçılar düşərgədə təşkil olunmuş əyləncəli proqramlarda iştirak edib, intellektual oyunlar üzrə yarışıblar. Düşərgənin proqramına uyğun olaraq gənclər arasında “Vətənpərvərlik: gənclərin baxışı” mövzusunda diskussiya keçirilib. Sonra gənclər Milli Məclisin deputatları ilə görüşüblər. YAP İcra katibinin müavini, deputat Siyavuş Novruzovun təklifi ilə gənclər 3 qrupa bölünərək müxtəlif mövzular ətrafında diskussiyalar aparıblar.
|
12.07.10 Məqaləni oxumaq
|
|
|
Mətbuat Şurası Prezident Administrasiyasına siyahı təqdim edib
|
Azərbaycan Mətbuat Şurasının sədri Əflatun Amaşov bizə müsahibə verib.
- Jurnalistlərə dövlət tərəfindən fəxri adların verilməsi ilə bağlı müraciət edənlərin siyahısı hazırdırmı?
- Jurnalistlər, redaksiyalar Mətbuat Şurasına bu sahədə xidmətləri olan insanların adlarını təqdim ediblər. Prezidentin Milli Mətbuatın 135 illik yubileyi ilə bağlı müvafiq Sərəncamında nəzərdə tutulub ki, Mətbuat Şurası mətbuatın inkişafında xidmətləri olan insanları müəyyənləşdirib onların siyahısını Prezident Administrasiyasına təqdim etsin. Yəni, bu Sərəncam Mətbuat Şurasına da aid olduğundan Mətbuat Şurası da daxil olan müraciət əsasında siyahı hazırlayaraq Prezident Administrasiyasına təqdim edib. Müraciət edənlərin sayı barədə dəqiq heç nə deyə bilmərəm.
- Prezident Administrasiyasına təqdim olunan siyahında əyalət mətbuatında çalışan həmkarlarımızın çəkisi nə qədərdir?
- Prezident Administrasiyasına ünvanladığımız məktubda demək olar ki, əksəriyyət əyalət mətbuatının nümayəndələridir.
|
12.07.10 Məqaləni oxumaq
|
|
|
DİP sədri Asim Mollazadə Polşaya səfər edib
|
Demokratik İslahatlar Partiyasının (DİP) sədri Asim Mollazadə Avropa Birliyinin “Şərq tərəfdaşlığı” proqramına həsr olunan Varşava Şərqi Avropa konfransında iştirak etmək üçün Polşaya səfərə gedib. Bu barədə məlumatı KƏLAMİNFO-ya DİP-in mətbuat xidmətindən veriblər.
“Biz hara gedirik? Post-kommunist və post-sovet ölkələri son 20 ildə” mövzusunda keçiriləcək konfransda “Şərq tərəfdaşlığı” proqramının birgə təşəbbüskarı kimi Polşanın rolu, bu layihənin reallaşmasında rəsmi Varşavanın öhdəlikləri, “Şərq tərəfdaşlığı” ilə bağlı ehtimalların reallaşdırılması səviyyəsinin qiymətləndirilməsi, tərəfdaş ölkələrdən gözlənilən təşəbbüslər müzakirə olunacaq.
A.Mollazadə “Azərbaycanın son 20 ildə qət etdiyi məsafə və Şərq tərəfdaşlığı proqramında rolu” mövzusunda məruzə edəcək. Ölkəmizin post-sovet dönəmindəki vəziyyəti barədə məlumat verəcək, onun “Şərq tərəfdaşlığı” proqramında iştirak perspektivlərinə və öhdəliklərinə, Avropa məkanına verə biləcəyi töhfələrə aydınlıq gətirəcək.
|
12.07.10 Məqaləni oxumaq
|
|
|
Ə.Cəfərova: ”Milli Kitabxanada oxucu problemi yoxdur”
|
Əvvəlki illərə nisbətən M.F.Axundov adına Azərbaycan Milli Kitabxanasına gələn oxucuların sayında artım müşahidə olunur. Bu barədə məlumatı KƏLAMİNFO-ya müsahibəsində Milli Kitabxananın elmi katibi Əminə Cəfərova söyləyib.
Kitabxanada çoxsaylı oxu zallarının fəaliyyət göstərdiyini vurğulayan Ə.Cəfərova bildirib ki, təmsil olunduğu qurumda oxucu problemi yoxdur və oxuculara hər bir şərait yaradılıb. Cari ilin altı ayı ərzində kitabxanada 16 min 494 oxucunun qeydiyyatdan keçdiyini diqqətə çatdıran Ə.Cəfərova bildirib ki, davamiyyət isə 102 410 olub. Milli Kitabxanada 4 525033 kitabın oluduğunu qeyd edən Ə.Cəfərova onların müəyyən sayının elektronlaşdırıldığını söyləyib və bildirib ki, kitabların elektron versiyaya çevrilməsi üzərində iş davam etdirilir. Ə.Cəfərova bildirib ki, cari ilin altı ayı ərzində kitabxananın elektron versiyasından yararlanan virtual oxucuların sayı isə 128 421 nəfər olub.
Xatırladaq ki, ötən ilin sonuna kimi Milli Kitabxanada qeydiyyatdan keçən oxucuların sayı 38666, davamiyyət isə 209522 olub.
|
12.07.10 Məqaləni oxumaq
|
|
|
Bakıda ABŞ və Azərbaycanın müdafiə rəsmiləri arasında ikigünlük müdafiə məsləhətləşmələri başlayıb
|
Bakıda ABŞ və Azərbaycanın müdafiə rəsmiləri arasında ikigünlük ikitərəfli müdafiə məsləhətləşmələri başlayıb. Bu barədə məlumatı KƏLAMİNFO-ya ABŞ-ın Azərbaycandakı səfirliyi veriblər.
Görüşlər zamanı Pentaqon və Azərbaycan Müdafiə Nazirliyinin nümayəndələri ikitərəfli əməkdaşlıq üzrə geniş çesiddə məsələləri nəzərdən keçirəcək və növbəti il üçün konkret planlar müəyyənləşdirəcəklər.
ABŞ müdafiə naziri köməkçisinin müavini Selesta Uolander ikitərəfli müdafiə məsləhətləşmələri üzrə Birləşmiş Ştatların nümayəndə heyətinə rəhbərlik edir. ABŞ-ın Avropa komandanı və ABŞ səfirliyinin rəsmiləri onunla birgə məsləhətləşmələrdə iştirak edirlər.
Qeyd edək ki, ikitərəfli müdafiə məsləhətləşmələri Bakı ilə Vaşinqton arasında növbə ilə ildə bir dəfə keçirilir.
|
12.07.10 Məqaləni oxumaq
|
|
|
Bakıda “Samp” qitələrarası muzeylər şəbəkəsinin seminarı işə başlayıb
|
Şəhriyar adına Mədəniyyət Mərkəzində “Samp” qitələrarası muzeylər şəbəkəsinin seminarı işə başlayıb. KƏLAMİNFO xəbər verir ki, “Samp”ın icraçı direktoru xanım Elizabet Olofssonun apardığı seminarda Azərbaycan Musiqi Mədəniyyəti Dövlət Muzeyi, Stokholm Kral Texnologiya Universiteti, Filippin, Tanzaniya, Kolumbiya, Hindistan muzeylərinin əməkdaşları, musiqi ictimaiyyətinin nümayəndələri, ziyalılarımız iştirak edirlər.
Seminar günlərində Azərbaycan Turizm İnstitutunda, Qərb Universitetində və digər təhsil ocaqlarında tələbələrlə görüşlər nəzərdə tutulub.
Qonaqlar, həmçinin Azərbaycan Musiqi Mədəniyyəti Dövlət Muzeyi və onun filialları, habelə maestro Niyazinin ev-muzeyi və Vagif Mustafazadənin xatirə muzeyinin ekspozisiyaları ilə də tanış olacaqlar.
Seminarda, həmçinin Azərbaycanda ilk dəfə olaraq muzey işinə dair beynəlmiləl nəşr olan “Daha yaxşı işləməyin yolları, işçiləri təşviq etmənin əhəmiyyəti” adlı kitabın təqdimatı keçiriləcək.
Seminar iyulun 11-dək davam edəcək.
|
10.07.10 Məqaləni oxumaq
|
|
|
Mədəniyyət və Turizm Nazirliyi jurnalistləri mükafatlandırdı
|
Bu gün Mədəniyyət və Turizm Nazirliyi mədəniyyət mövzusunda yazan jurnalistlər arasında keçirdiyi müsabiqənin qaliblərinin mükafatlandırıb. KƏLAMİNFO xəbər verir ki, M.F.Axundzadə adına Azərbaycan Milli Kitabxanasında baş tutan mükafatlandırma mərasimində milli mətbuatımızın 135 illiyinə həsr edilmiş tədbir keçirilib.
Tədbirdə çıxış edən mədəniyyət və turizm naziri Əbülfəs Qarayev Azərbaycan mətbuatının tarixindən, müstəqillik dövründə KİV-lərın inkişafı və demokratikləşməsi istiqamətində görülən işlərdən danışıb.
Tədbirdə çıxış edən millət vəkili Aqil Abbas və digərləri Azərbaycan mətbuatının 135 illik inkişaf tarixindən, müstəqil Azərbaycanda jurnalistlər üçün yaradılan şəraitdən danışıblar. Çıxış edənlər milli mətbuatımızın dünəni və bu günü haqqında fikirlərini bölüşüblər.
Sonra müsabiqənin qaliblərinə fəxri fərman və pul mükafatları təqdim edilib.
|
10.07.10 Məqaləni oxumaq
|
|
|
Hindistanın səfiri Debnat Şou Qubadakı soyqırımı məzarlığını vandalizmin real nişanəsi adlandırıb
|
Bu gün Hindistanın ölkəmizdəki səfiri Debnat Şou Quba rayonuna səfər edib. KƏLAMİNFO səfirliyin mətbuat xidmətinə istinadən xəbər verir ki, səfir rayonun ümumi təsərüfat sistemi ilə yaxından tanış olub.
O, soyqırım məzarlığını da ziyarət edib. Ermənilərin 1918-ci ildə Qubada törətdiyi soyqırım hadisəsi ilə maraqlanan diplomat bu məzarlığı vandalizmin real nişanəsi adlandırıb. “Məsum insanlara işgəncə vermək, onları qətlə yetirmək vəhşilikdir. Xüsusilə də qadınlara, uşaqlara qarşı törədilən vəhşilik məni çox kədərləndirir. Mən bu hadisə barəsində təmsil etdiyim ölkənin ictimaiyyətini məlumatlandıracağam”-deyə, səfir bəyan edib.
|
10.07.10 Məqaləni oxumaq
|
|
|
YAP-ın gənclər üçün təşkil etdiyi yay istirahət düşərgəsinin ikinci turuna start verildi
|
Yeni Azərbaycan Partiyasının (YAP) gənclər üçün təşkil etdiyi yay istirahət düşərgəsinin ikinci turuna start verilib. YAP-ın mətbuat xidmətindən KƏLAMİNFO-ya verilən məlumata görə, bu gün Bakıdan avtobusla yola düşən 50 nəfər tələbə gəncə yol boyu bələdçi vasitəsilə Azərbaycanın tarixi yerləri haqqında məlumat veriləcək. Istirahət düşərgəsinin proqramına uyğun olaraq Qəbələ şəhəri və köhnə Qəbələ qala divarı ilə tanışlıqdan sonra, gənclər arasında intellektual oyunlar təşkil olunacaq.
Iyulun 10-də gənclərin Milli Məclisin deputatları ilə görüşü keçiriləcək. Yay düşərgəsi iyulun 11-də başa çatacaq.
|
09.07.10 Məqaləni oxumaq
|
|
|
|
Səhifələr : # « 9 10 11 12 13 14 15 16 17 » #
|
Torpaqlarımızı qaytaraq..
|
|
|
|