Kelam Jurnalı - Məqələlər

Bu gün Türkiyə prezidenti Abdullah Gül Sloveniyaya rəsmi səfərə gedib. KƏLAMİNFO Türkiyə KİV-nə istinadən xəbər verir ki, səfərin ilk günündə prezident A.Gül sloveniyalı həmkarı Danilo Türk tərəfindən Brdo qalasında rəsmi tədbirlə qarşılanıb. Təkbətək və heyətlərarası görüşlərdən sonra keçirilən mətbuat konfransının əsas mövzusu Avropa Birliyi olub. Türkiyənin Avropa Birliyinə üzvlüyünə tam dəstək verdiklərini bildirən Sloveniya prezidenti texniki məsələlərin siyasi məsələlər kimi göstərilməsini doğru hesab etməyib. Prezident A.Gül bildirib ki, Türkiyə Avropa Birliyi ilə müzakirələri davam etdirməkdədir və rəsmi Ankaranın qruma üzvlüyü strateji qərardır. A.Gül Sloveniyaya səfəri çərçivəsində bu ölkənin parlamentində də olub. Parlamentin sədri Pavel Qantarla görüşən A.Gül daha sonra baş nazir Borut Pahorla da bir araya gəlib.

16.07.10

Məqaləni oxumaq

Əhməd Davudoğlu Almatıda Elmar Məmmədyarov və Edvard Nalbandyanla danışıqlar aparacaq

Türkiyənin xarici işlər naziri Əhməd Davudoğlu Almatıda Azərbaycan və Ermənistan xarici işlər nazirləri Elmar Məmmədyarov və Edvard Nalbandyanla danışıqlar aparacaq. KƏLAMİNFO xəbər verir ki, bu barədə məlumatı Türkiyənin "Hürriyyet" qəzeti yayıb. Görüşlər iyulun 16-17-də Qazaxıstanda təşkil olunacaq ATƏT xarici işlər nazirlərinin qeyri-rəsmi sammiti çərçivəsində keçiriləcək. Məlumatda bildirilir ki, Ə.Davudoğlu E.Məmmədyarov və E.Nalbandyanla ikitərəfli görüşlər aparacaq. Qeyd edək ki, sammit çərçivəsində Azərbaycan və Ermənistan xarici işlər nazirlərinin ATƏT-in Minsk Qrupunun həmsədr ölkələri - Fransa, Rusiya və ABŞ xarici işlər nazirləri ilə Dağlıq Qarabağ münaqişəsinin nizama salınması üzrə birgə görüşlərinin keçirilməsi planlaşdırılır. Təxmin olunan görüş tarixində - 17 iyulda tərəflərin danışıqların yekunlarına dair birgə bəyanatla çıxışları gözlənilir.

15.07.10

Məqaləni oxumaq

DQİDK-nin nəzdində yaradılan Şuranın ilk iclası keçiriləcək

Yaxın günlərdə Dini Qurumlarla İş üzrə Dövlət Komitəsinin (DQİDK) nəzdində yaradılan Dini ibadət yerinin tikintisi və mövcud dini ibadət yerinin yenidən qurulmasının (bərpası, əsaslı təmiri) məqsədəuyğunluğunu daha obyektiv araşdıracaq Şuranın ilk iclası keçiriləcək. Bu barədə məlumatı KƏLAMİNFO-ya müsahibəsində DQİDK mətbuat xidmətinin rəhbəri Saleh Aslanov verib. S.Aslanov bildirib ki, Şura yeni yaradılıb və ona DQİDK sədri Hidayət Orucov sədrlik edir. Əsasnaməyə uyğun olaraq, Şuranın tərkibi 5-11 nəfərdən ibarət ola bilər. Şurada AMEA, Dövlət Torpaq və Xəritəçəkmə Komitəsi, Dövlət Arxitektura Komitəsi, yerli icra hakimiyyəti orqanları və digər müvafiq qurumların nümayəndələri təmsil olunur.

15.07.10

Məqaləni oxumaq

M.V.Lomonosov adına MDU-nun Bakı filialı tələbə qəbulu elan edir

M.V.Lomonosov adına Moskva Dövlət Universitetinin Bakı filialı 2010/2011-ci tədris ili üçün (bakalavriat səviyyəsi, rus bölməsi) tələbə qəbulu elan edir. Bu barədə məlumatı KƏLAMİNFO-ya TQDK-dan veriblər. M.V.Lomonosov adına Moskva Dövlət Universitetinin yaratdığı qəbul komissiyası tərəfindən aparılan sınaqlarda yalnız TQDK-nın 2010-cu ildə keçirdiyi test imtahanlarında 300 və daha artıq bal toplayan rus bölməsinin abituriyentləri iştirak edə bilərlər. Orta məktəbin Azərbaycan bölməsini rus dili fənni üzrə вЂњəlaвЂќ və вЂњyaxşıвЂќ qiymətlə bitirən və TQDK-nın keçirdiyi test imtahanlarında 300 və daha artıq bal toplayan abituriyentlər də qəbul sınaqlarında iştirak edə bilərlər.

15.07.10

Məqaləni oxumaq

ABŞ-dan Fransaya çadra qadağasına görə etiraz olunub

ABŞ Dövlət Departamentinin sözçüsü Filip Qrovley insanların dini inancları ilə bağlı olaraq nə geyinib, nə geyinmədikləri qanunla müəyyənləşdirilməməli olduğunu bildirib. KƏLAMİNFO xəbər verir ki, F.Qrovley "din azadlığına və din azadlığının bir parçası olan simvollara hörmət göstərdiyimiz üçün belə bir addım atmazdıq",-deyə əlavə edib. Qeyd edək ki, iki gün əvvəl Fransada ictimai yerlərdə niqablı çadra ilə gəzməyi qadağan edən qanun qəbul edilib.

15.07.10

Məqaləni oxumaq

Dağıstanda törədilən partlayış Bakı-Moskva qatarının hərəkətinin dayanmasına səbəb olub

Bu gün səhər Rusiya Federasiyası Dağıstan Respublikası ərazisindən keçən dəmir yolunda partlayış baş verib. KƏLAMİNFO Rusiya mətbuatına istinadən xəbər verir ki, Tarku-Manas yolunda lokomotiv və qumla dolu 2 vaqonun partladılması nəticəsində ölən və yaralanan olmayıb. Buna baxmayaraq, partlayış səbəbindən bu istiqamətdə hərəkət edən Bakı-Moskva və digər qatarlar dayandırılıb. Hazırda hadisə yerində operativ-istintaq qrupu və təmir briqadası fəaliyyət göstərir.

15.07.10

Məqaləni oxumaq

İranlı nüvə alimi bir ildən sonra ölkəsinə qayıtdı

Bir il əvvəl ABŞ Mərkəzi Kəşfiyyat İdarəsi tərəfindən oğurlandığı iddia edilən iranlı alim ölkəsinə qayıdıb. KƏLAMİNFO Türkiyə mətbuatına istinadən xəbər verir ki, Kəşfiyyat İdarəsi İranın elm adamları və nüvə proqramından məlumatlı olanları Tehranda ayırmaq məqsədilə Şahram Əmiriyə 5 mln. dollar ödədiyini iddia edir. Heç bir gizli məlumatdan xəbərdar olmadığını bildirən Ş.Əmiri İrana qayıtdıqdan sonra bildirib ki, o ABŞ-ın Kəşfiyyat İdarəsi tərəfindən qaçırılıb və orda qalması üçün ona 50 mln. dollar təklif olunub. Qeyd edək ki, rəsmi Tehran İranın nüvə araşdırmaçısı Ş.Əmirinin Həcc ziyarəti zamanı ABŞ Kəşfiyyat İdarəsi tərəfindən girov götürüldüyünü bildirmişdi.

15.07.10

Məqaləni oxumaq

Həsən bəy Zərdabi və вЂњƏkinçiвЂќ kitabının təqdimatı oldu

Bu gün вЂњCaspian PlazaвЂќda Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA ) və Söz Azadlığını Müdafiə Fondunun (SAMF) dəstəyi ilə Azərbaycan Milli jurnalistikasının 135 illiyi münasibətilə Həsən bəy Zərdabi və вЂњƏkinçiвЂќ kitabının təqdimat mərasimi oldu. KƏLAMİNFO xəbər verir ki, kitaba Həsən bəy Zərdabinin bioqrafiyasını, onun mətbuat tariximizdəki xidmətlərini, milli oyanış və geniş maarifçilik fəaliyyətini əks etdirən tarixi materiallar və tədqiqatlar daxil edilib. Tədbirdə SAMF sədri, şair Musa Yaqub çıxış edərək bildirdi ki, Həsən bəy Zərdabi mətbuatın bünövrəsini qoyan, öz canını mətbuata fəda edən bir şəxsiyyətdir. Onun sözlərinə görə, kitabda вЂњƏkinçinin tarixi yenidən tədqiq olunub və toplanan materiallar Zərdabinin həyat yoldaşı Hənifə xanım Məlikova Abayevanın, qızı Qəribsoltan xanımın xatirələri və böyük ictimai-siyasi xadim Əlimərdan bəy Topçubaşovun qeydləri əsasında yazılıb. Bu gün yaxşı qələmi olan jurnalistlər olsa da, Zərdabi kimi fədakar olanı yoxdur.

15.07.10

Məqaləni oxumaq

Almaniya kansleri Angela Merkel Rusiyada səfərdədir

Almaniya Kansleri Angela Merkel Almaniya-Rusiya dövlətlərarası yüksər rütbəli məmurların 12-ci toplantısında iştirak etmək üçün Yekatirinburqa səfər edib. Səfər Rusiya prezidenti Dmitri Medvedevlə əldə olunmuş razılığa əsasən reallaşıb. KƏLAMİNFO xəbər verir ki, hökümət nümayəndələrinin də iştirak edəcəyi sammitdə iki ölkə arasındakı münasibətlər, ticari əlaqələrin daha da inkişaf etdirilməsi barədə geniş fikir mübadiləsi aparılacaq, müxtəlif razılıqlar əldə olunacaq. Qeyd edək ki, görüşlərdə Lufthansa və Siemens AG-nin rəhbərlərinin iştirakı da gözlənilir.

15.07.10

Məqaləni oxumaq

Bu gün ümummilli lider Heydər Əliyevin Azərbaycanda hakimiyyətə gəlişinin 41 ili tamam olur

Bu gün ümummilli lider Heydər Əliyevin Azərbaycanda hakimiyyətə gəlişinin 41 ili tamam olur. KƏLAMİNFO xəbər verir ki, Heydər Əliyev 1969-cu ilin iyulunda Azərbaycan Kommunist Partiyasının birinci katibi, respublikanın rəhbəri olub. Ulu öndən 1982-ci ilin dekabrında Sovet İttifaqı Kommunist Partiyası Mərkəzi Komitəsi Rəyasət Heyətinə üzv seçilib, SSRİ Nazirlər Soveti sədrinin birinci müavini təyin olunub və SSRİ-nin rəhbərlərindən olub. Heydər Əliyev iyirmi il ərzində SSRİ Ali Sovetinin deputatı və beş il SSRİ Ali Soveti sədrinin müavini olub. Heydər Əliyev 1987-ci ilin oktyabrında Sovet İttifaqı Kommunist Partiyası Mərkəzi Komitəsi Siyasi Bürosu və şəxsən Baş katib Mixail Qorbaçovun yeritdiyi siyasi xəttə etiraz əlaməti olaraq, tutduğu vəzifələrdən istefa verib.