|
|
Səhifələr : # « 11 12 13 14 15 16 17 18 19 » #
|
|
Dubay: Bu şəhəri ancaq görməklə kəşf etmək olar. III yazı
|
Dünyanın ən hündür binasında
Səhəri gün səfər proqramına uyğun olaraq dünyanın ən hündür binasına - “Burc Xəlifə”yə yollanırıq. Açılışı cari ilin yanvarın 4-də olan binanın hündürlüyü 830 metrə yaxındır. Mərtəbələrin sayı 160-dır. Bina 95 km məsafədən görünür. Binanın inşasına 2004-cü ildə Dubay iqtisadiyyatın çiçəkləndiyi bir vaxtda başlanıb və tikinti işləri 6 il davam edib. ƏvvəlcəВ "Bürc Dubay" olan bu tikilinin adı açılış günü dəyişdirilərək Birləşmiş Ərəb Əmirliklərinin əmiri Xəlifə Min Zahid əl-Nahyanın şərəfinə "Bürc Xəlifə" adlandırılıb. Smeta dəyəri 4,1 milyard dollar olan binanın tikintisində 330 min kubmetr betondan, 39 min ton armaturdan istifadə olunub. Binanın ərsəyə gəlməsi üçün hər gün 12 min işçi 22 milyon saat çalışılıb.
|
08.06.10 Məqaləni oxumaq
|
| |
|
|
|
|
|
Bir sıra şəhər və rayonların ümumtəhsil məktəblərinin XI siniflərində buraxılış imtahanları keçirilib
|
|
Bu gün Gəncə, Mingəçevir və Naftalan şəhərləri, Ağstafa, Bərdə, Lerik, Yardımlı, Daşkəsən, Gədəbəy, Goranboy, Göygöl, Qazax, Samux, Şəmkir, Tərtər, Tovuz və Yevlax rayonlarının ümumtəhsil məktəblərinin XI siniflərində buraxılış imtahanları keçirilib. Bu barədə məlumatı KƏLAMİNFO-ya Təhsil Nazirliyindən veriblər.
Qərb bölgəsi üzrə keçirilən imtahanlarda 21975 şagird 75 mərkəzdə imtahan verib. Qeyd olunan şəhər və rayonlar üzrə ötən tədris illərində attestat ala bilməyən 2405 nəfər XI sinif məzunu da 19 imtahan mərkəzində imtahan verib.
Sabah isə həmin rayonların ümumtəhsil məktəblərinin IX siniflərində təhsil alan 30160 şagird 75 imtahan mərkəzində imtahan verəcək.
|
|
07.06.10 Məqaləni oxumaq
|
| |
|
|
|
Dini icmaların təkrar dövlət qeydiyyatından keçməsi prosesi davam edir
|
|
Bu günə qədər 365 dini icma təkrar dövlət qeydiyyatından keçib və onlara müvafiq şəhadətnamələr verilib. Bu barədə məlumatı KƏLAMİNFO-ya Dini Qurumlarla İş üzrə Dövlət Komitəsinin (DQİDK) mətbuat xidmətindən veriblər.
İcmaların təkrar dövlət qeydiyyatından keçməsi prosesi davam edir.
Hazırda Komitədə 800-dən artıq müracət var. Həmin müraciətlər qurumun müvafiq şöbəsi tərəfindən araşdırılır.
Qeydiyyatdan keçən icmaların böyük əksəriyyəti İslam təmayüllüdür.
|
|
07.06.10 Məqaləni oxumaq
|
| |
|
|
|
Politoloq: “İstanbulda imzalanacaq qaz Sazişi Türkiyə-Azərbaycan arasında anlaşılmaz məqamlara son qoyacaq”
|
|
Azərbaycan Prezidentinin Türkiyəyə səfəri çərçivəsində imzalanacaq qaz Sazişindən sonra iki ölkə arasında anlaşılmaz məqam daha qalmayacaq, siyasi müstəvidə olduğu kimi, iqtisadi müstəvidədə qaranlıq məqamlara son qoyulacaq. Bu barədə KƏLAMİNFO-ya müsahibəsində Prezident yanında Geosiyasi Araşdırmalar Mərkəzinin direktor müavini, politoloq Elman Nəsirov bildirib.
O, qeyd edib ki, imzalanan müqavilə iki qardaş ölkə arasında sıx əməkdaşlığın davamı kimi xarakterizə olunur. “İmzalanan müqavilənin digər mühüm əhəmiyyəti də ondan ibarətdir ki, artıq Azərbaycandan Türkiyəyə gedən qazın həcmi də bundan sonra artacaq. Türkiyə vasitəsilə Azərbaycan qazının Avropaya satılması məsələsi daha real mərhələyə qədəm qoyacaq. İstisna deyil ki, artıq cari ildə Azərbaycan 30 mlrd. kubmetr qaz hasil etsin və bu da, heç şübhəsiz ki, Türkiyə vasitəsi ilə qazın dünya bazarına çatdırılmasında təkan olacaq”,-deyə E.Nəsirov vurğulayıb.
|
|
07.06.10 Məqaləni oxumaq
|
| |
|
|
|
R.T.Ərdoğanın Qəzzaya səfəri gözlənilir
|
|
İsrailin yardım gəmilərinə hücumundan sonra dünyada artan etiraz dalğasından sonra Türkiyə baş naziri R.T.Ərdoğanın Qəzzaya qarşı tətbiq edilən blokadanı tək başına aradan qaldırmaq istədiyi bildirilir. KƏLAMİNFO Türkiyə mətbuatına istinadən xəbər verir ki, bu barədə Ərəb mətbuatı etibarlı mənbələrə əsaslanaraq məlumat yayıb.
R.T.Ərdoğanın bu barədə yaxın ətrafı ilə bu mövzunu müzakirə etdikdən sonra gündəmə gətirdiyini bildirilir. Digər bir iddiaya görə, R.T.Ərdoğanın türk donanmasına aid gəmilərlə yanaşı, başqa bir yardım gəmisinin də Qəzzaya getməsi məsələsini ABŞ rəsmilərilə də müzakirə etdiyi qeyd edilib.
|
|
07.06.10 Məqaləni oxumaq
|
| |
|
|
|
Sabah Milli Məclisin növbədənkənar sessiyasının iclası keçiriləcək
|
|
Sabah Milli Məclisin növbədənkənar sessiyasının iclası keçiriləcək. Parlamentdən KƏLAMİNFO-ya verilən məlumata görə, iclasda “Azərbaycan Hökuməti və Böyük Liviya Ərəb Xalq Sosialist Cəmahiriyyəsi arasında diplomatik, xidməti və xüsusi pasportlara malik şəxslərin viza tələbindən azad edilməsi haqqında” Anlaşma Memorandumunun təsdiq edilməsi barədə”, “Asiyada Qarşılıqlı Əlaqə və Etimadyaratma Tədbirlərinə dair Konfransın Katibliyinin Nizamnaməsində dəyişiklik edilməsi haqqında” Protokolun təsdiq edilməsi barədə”, “Azərbaycan və Estoniya prezidentlərinin Birgə Bəyannaməsinin təsdiq edilməsi haqqında”, Azərbaycan hökuməti ilə Estoniya və Yunanıstan hökumətləri arasında sərmayələrin təşviqi və qarşılıqlı qorunması, təbii fəlakətlərin və texnogen qəzaların qarşısının alınması və nəticələrinin aradan qaldırılması, diplomatik pasportlara malik şəxslər üçün viza tələbinin ləğvi ilə bağlı sazişlərin təsdiqi barədə, eləcə də “Fövqəladə hallar orqanlarında xidmətkeçmə haqqında”, “Azərbaycanın Hərbi Doktrinasının layihəsi haqqında” qanun layihələri müzakirə olunacaq, Mərkəzi Seçki Komissiyasının üzvləri seçiləcək.
|
|
07.06.10 Məqaləni oxumaq
|
| |
|
|
|
Barak Obama İsrailin gəmilərə hücumunu "faciəvi" adlandırıb
|
|
ABŞ prezidenti Barak Obama İsrailin Qəzzaya yardım gəmilərinə hücumunun "faciəvi" olduğunu bildirib. KƏLAMİNFO xəbər verir ki, CNN televiziyasında məşhur jurnalist Larri Kinqin suallarını cavablandıran B.Obama bildirib ki, bu hadisə Orta Şərqdəki sülh səylərinin inkişaf etdirilməsi üçün fürsət yarada bilər: "İsrailin təhlükəsizlik qayğılarını necə ortadan qaldıra biləcəyimizi, ancaq eyni zamanda da fələstinlilər üçün necə fürsətlər yarada biləcəyimizi, bütün tərəflərlə necə çalışa biləcəyimizi çözə bilərik. Bütün bu prosesdə Türkiyənin də müsbət bir səsinin ola biləcəyini düşünürəm",-deyə B.Obama vurğulayıb.
ABŞ dövlət katibi Hillari Klinton isə ABŞ-ın Ankaradakı səfiri Ceyms Cefrinin İsrailin hücumu nəticəsində ölən ABŞ vətəndaşı Furkan Doğanın ailəsi ilə əlaqə saxladığını söyləyib.
B.Klinton gəmilərə basqın zamanı və sonrakı etirazlar zamanı iki amerikalının yaralandığını da qeyd edib.
Dövlət katibi beynəlxalq birliyin də iştirakı ilə etimad yaradan istintaq aparılmasını təmin edəcək bütün yollara açıq olduqlarını vurğulayıb.
|
|
05.06.10 Məqaləni oxumaq
|
| |
|
|
|
Avropa Şurası ölkələri parlament sədrlərinin konfransı keçiriləcək
|
|
İyunun 10-12-də Kiprin Limassol şəhərində Avropa Şurası ölkələri parlament sədrlərinin konfransı keçiriləcək. KƏLAMİNFO Avropa Şurasının mətbuat xidmətinə istinadən xəbər verir ki, konfransda “Parlamentdə müxalifətin hüquq və vəzifələri”, “Milli parlamentlər və beynəlxalq insan hüquqları: Diskriminasiyaya qarşı prinsiplərin həyata keçirilməsi” mövzularında müzakirələr keçiriləcək.
Tədbirdə AŞ PA prezidenti Mövlud Çavuşoğlu və AŞ-nin insan haqları üzrə komissarı Tomas Hammarberq də iştirak edəcək.
|
|
05.06.10 Məqaləni oxumaq
|
| |
|
|
|
Bu gün xarici işlər naziri Elmar Məmmədyarov İtaliyaya səfər edəcək
|
Bu gün xarici işlər naziri Elmar Məmmədyarov İtaliyaya səfər edəcək. Xarici İşlər Nazirliyindən KƏLAMİNFO-ya bildiriblər ki, səfərin məqsədi iyunun 5-də Venesiyada Avropa Şurası Venesiya Komissiyasının yaradılmasının 20 illiyi ilə bağlı keçiriləcək tədbirlərdə iştirak etməkdir.
E.Məmmədyarov Venesiyada ATƏT-in Minsk Qrupunun həmsədrləri ilə də görüşəcək.
|
|
05.06.10 Məqaləni oxumaq
|
| |
|
|
|
Səhifələr : # « 11 12 13 14 15 16 17 18 19 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
