|
|
Səhifələr : # « 2 3 4 5 6 7 8 9 10 » #
|
|
TQDK-da magistraturalara qəbul imtahanlarının nəticələrinə həsr olunmuş müşavirə keçirilib
|
|
Bu gün Tələbə Qəbulu üzrə Dövlət Komissiyasının (TQDK) sədri Məleykə Abbaszadənin yanında ali təhsil müəssisələrinin magistraturalarına qəbul imtahanlarının nəticələrinə həsr olunmuş müşavirə keçirilib. Bu barədə məlumatı TQDK-nın mətbuat xidmətindən veriblər. Müşavirədə qərara alınıb ki, ali təhsil müəssisələri magistraturalarının aşağıda göstərilən ixtisaslaşmalarının dövlət sifarişli yerləri üzrə müsabiqə şərtləri dəyişdirilsin. Bu yerlər üzrə ixtisaslaşma seçiminə və müsabiqəyə iki mərhələ üzrə qəbul imtahanlarından topladığı ümumi balı (balların cəmi) 80-dən, o cümlədən ixtisas üzrə testlərdən topladığı bal 20-dən az olmayan bakalavrlar buraxılsınlar.
|
24.06.10 Məqaləni oxumaq
|
| |
|
|
|
Azərbaycan AŞ-nin “Kibercinayətkarlıq haqqında” Konvensiya üzrə Komitəsinin iclasında iştirak edəcək
|
|
İyunun 24-25-də Fransa paytaxtı Paris şəhərində Avropa Şurasının “Kibercinayətkarlıq haqqında” Konvensiya üzrə Komitənin (T-CY) 5-ci iclası keçiriləcək. Azərbaycanı tədbirdə Rabitə və İnformasiya Texnologiyaları Nazirliyinin Hüquq və kadrlar şöbəsinin müdiri Bəxtiyar Məmmədov təmsil edəcək. Bu barədə məlumatı KƏLAMİNFO-ya RİTN-nin mətbuat xidmətindən veriblər.
B.Məmmədov ölkəmizdə bu istiqamətdə görülən işlər barədə iclas iştirakçılarına məlumat verəcək.
İclasın gündəliyinə internetdə yurisdiksiya məsələləri, dövlətlərin birgə kibercinayətkarlıqla mübarizəsi, məlumatların qorunması və s. məsələlər daxildir. Həmçinin kibercinayətlərin qarşısının alınması istiqamətində müxtəlif strategiyalar ətrafında fikir mübadilələri aparılacaq.
Bundan əlavə iclasda komitənin rəhbəri, onun müavinləri və büro üzvləri seçiləcək.
|
|
24.06.10 Məqaləni oxumaq
|
| |
|
|
|
ADU-da Avstriya kitabxanası açıldı
|
|
Bu gün Azərbaycan Dillər Universitetində (ADU) Avstriya kitabxanasının açılış mərasimi keçirildi. KƏLAMİNFO xəbər verir ki, mərasimdə Avstriyanın xarici işlər naziri Mixael Şpindeleqqer və bu ölkənin Azərbaycanda yeni təyin olunmuş səfiri Silvia Mayer Kaybiç iştirak ediblər.
Əvvəlcə Avstriya kitabxanasının açılış rəmzini bildirən qırmızı lent kəsilib. Açılışdan sonra M.Şpindeleqqer kitabxanaya baxış keçirdi və kitabxananın fəaliyyət istiqamətləri ilə tanış oldu. Daha sonra universitetin İnformasiya Resurs Kompleksində (İRK) Avstriya xarici işlər nazirinin Alman dili fakultəsinin tələbə və müəllim heyyəti ilə görüşü oldu. Görüşdə ilk olaraq Tərcümə fakultəsinin dekanı, dosent Vilayət Hacıyev açılış nitqi ilə çıxış etdi. O,Avstriyalı diplomata ADU-nun rektoru Səməd Seyidovun salamlarını çatdırdı. Alman dili fakultəsinin II-kurs tələbəsi Ülviyə Cəfərova tələbələr adından, Alman dilinin leksikologiyası və üslubiyyətı kafedrasının müdiri, dosent Sevinc Rzayeva isə professor-müəllim heyəti adından ADU-da Avstirya kitabxanasının açılmasına görə nazir M.Şpindeleqqerə minnətdarlıq etdilər.
M.Şpindeleqqer kitabxananın açılmasının iki ölkə arasında mədəni əlaqələrin gücləndirilməsinə xidmət etdiyini vurğuladı.
|
|
24.06.10 Məqaləni oxumaq
|
| |
|
|
|
Bakıda “Azərbaycanda dövlət qulluğunun hüquqi, mənəvi-psixoloji əsasları” mövzusunda elmi-parktiki konfrans keçirildi
|
|
Bu gün Azərbaycan Prezidenti yanında Dövlət İdarəçilik Akademiyasında (DİA) dövlət qulluqçularının peşə bayramı və Beynəlxalq Dövlət Qulluğu Günü münasibətilə “Azərbaycanda dövlət qulluğunun hüquqi, mənəvi-psixoloji əsasları” mövzusunda elmi-parktiki konfrans keçirildi. KƏLAMİNFO xəbər verir ki, konfransda çıxış edən DİA-nın rektoru, professor Seyfəddin Qəndilov Azərbaycanda bayram kimi qeyd olunan bu günun əhəmiyyətindən danışıb.
Müstəqilliyimizin ilk illərində dövlət qulluğuna, dövlət qulluqçularına münasibətdə çox böyük yanlışlığa yol verildiyini diqqətə çatdıran S.Qəndilov bildirdi ki, bu da, o zamanlar Azərbaycana rəhbərlik edənlərin təcrübəsizlik və səriştəsizliyindən irəli gələn münasibət olub. S.Qəndilov qeyd etdi ki, ümummilli lider Heydər Əliyev Azərbaycanda hakimiyyətə gələndən sonra bir çox istiqamətdə olduğu kimi, dövlət qulluğu sahəsində də səliqə-səhman yaradıldı, dövlət qulluğu sistemi və onun hüquqi bazası formalaşdırlıdı.
|
|
24.06.10 Məqaləni oxumaq
|
| |
|
|
|
Elmar Məmmədyarov: “Hazırkı “status-kvo” heç kimi qane etmir”
|
|
Dağlıq Qarabağ münaqişəsi Ermənistanın iddia etdiyi kimi heç də dondurulmuş deyil. Bunu son günlər cəbhə xəttində baş verən insident də təsdiq edir. KƏLAMİNFO xəbər verir ki, bu barədə jurnalistlərə açıqlamasında xarici işlər naziri Elmar Məmmədyarov bildirib.
E.Məmmədyarov qeyd edib ki, baş verən insident münaqişənin dondurulmuş olmamasını bütün dünyaya bir daha xəbərdar etdi. “Hərbi ritorikadan Azərbaycanın geri çəkilməsi üçün ilk növbədə torpaqlar işğaldan azad olunmalıdır. Həmsədrlər müharibəyə şans verməməyə çağırırlar. Lakin bunun üçün Ermənistan ordusu işğal etdikləri Azərbaycan ərazilərindən çıxmalıdır. Bu proses nə qədər tez başlansa, hamı üçün yaxşı olar. Hazırkı “status-kvo” heç kimi qane etmir. Nə qədər ki, torpaqlar işğal altındadır, nə sülh, nə müharibə vəziyyətidir, belə insidentlər baş verə bilər. Səngərdə olan hər bir əsgər özünü müharibə anında hiss edir. Ermənistan güc tətbiq etməmək barədə bizimlə hansısa saziş imzalamaq istəyir. Artıq gücdən istifadə olunub və bunun nəticələri aradan qaldırılmalıdır. Nə qədər imkan var Ermənistan tərəfi konstruktiv danışıqlara keçməlidir. Bu hamı üçün yaxşı olar”,-deyə E.Məmmədyarov vurğulayıb.
|
|
23.06.10 Məqaləni oxumaq
|
| |
|
|
|
MM-in komitə sədri Əli Hüseynov Bürüsselə səfərə gedib
|
|
Milli Məclisin Hüquq siyasəti və dövlət quruculuğu komitəsinin sədri Əli Hüseynov Avropa İttifaqının “Şərq tərəfdaşlığı” proqramına qoşulan ölkələrin parlament birliyi – Avronest PA-nın tərəfdaş dövlətləri nümayəndə heyəti rəhbərlərinin görüşündə iştirak etmək üçün bu gündən iyunun 25-dək Belçikanın Brüssel şəhərində səfərdə olacaq. Bu barədə məlumatı KƏLAMİNFO-ya Milli Məclisin mətbuat xidmətindən veriblər.
Avropa Parlamentində keçiriləcək tədbirdə Azərbaycanla yanaşı Gürcüstan, Ermənistan, Ukrayna, Moldova təmsilçiləri və Avropa Parlamentinin deputatları iştirak edəcəklər.
Toplantıda Avronest PA-nın təsis və prosedur sənədləri, qurumun işinin təşkili və digər məsələlər müzakirə olunacaq.
|
|
23.06.10 Məqaləni oxumaq
|
| |
|
|
|
Əli Həsənov: “Milli mətbuatın 135 illiyi ilə əlaqədar xüsusi tədbirlər planı təsdiq olunaraq icraya yönəldilib”
|
|
Azərbaycan hökuməti mətbuatın maddi-texniki bazasının gücləndirilməsi, mətbuatda çalışan insanların sosial vəziyyətinin yaxşılaşdırılması istiqamətində bəzi tədbirlər həyata keçirməyi düşünür və bunlar, tədricən həyata keçiriləcək. KƏLAMİNFO xəbər verir ki, bu barədə açıqlamanı jurnalistlərə Prezident Administrasiyasının (PA) İctimai-siyasi şöbəsinin müdiri Əli Həsənov söyləyib.
Ə.Həsənov Azərbaycan Prezidentinin milli mətbuatın 135 illiyinin geniş qeyd olunması ilə bağlı imzaladığı Sərəncamdan sonra Prezident Administrasiyasına, Kütləvi İnformasiya Vasitələrinin İnkişafına Dövlət Dəstəyi Fonduna və Mətbuat Şurasına birgə tədbirlər planı hazırlamaq, mətbuat sahəsində xüsusi seçilən mətbuat orqanlarına və nümayəndələrinə prezident mükafatının verilməsi ilə bağlı tapşırıqların verildiyini bildirib.
|
|
23.06.10 Məqaləni oxumaq
|
| |
|
|
|
Rusiya prezidenti ABŞ-da səfərdədir
|
|
Bu gün Rusiya prezidenti Dimitri Medvedev ABŞ-a səfər edib. KƏLAMİNFO Rusiya mətbuatına istinadən xəbər verir ki, hazırda D.Medvedev San-Fransiskoda “Twitter” internet şəbəkəsinin təsisçiləri ilə görüş keçirir.
Rusiya prezidentinin Kaliforniyanın “Silikon vadisində” digər yüksək texnologiya nümayəndələri ilə də görüşəcəyi bildirilir. D.Medvedevin Stanford universitetində çıxışı da gözlənilir. Rusiya prezidenti ölkəsinin xam məhsul istehsalçısından intellektual mərkəzə çevrilməsini istəyir.
Kaliforniyadan sonra Vaşinqtonda həmkarı Barak Obama ilə görüşdən sonra, hər iki prezident Kanadaya Böyük 8-lik və 20-liyin sammitinə gedəcəklər.
|
|
23.06.10 Məqaləni oxumaq
|
| |
|
|
|
ADP sədri ATƏT-in Seçkiqabağı Qiymətləndirmə Missiyasının nümayəndələri ilə görüşüb
|
|
Bu gün Azərbaycan Demokrat Partiyasının (ADP) sədri Sərdar Cəlaloğlu Azərbaycanda səfərdə olan ATƏT-in Demokratik Təsisatlar və İnsan Hüquqları Bürosunun Seçkiqabağı Qiymətləndirmə Missiyasının nümayəndələri ilə görüşüb. Bu barədə məlumatı KƏLAMİNFO-ya ADP-dan veriblər.
Görüşdə ölkədəki seçkiqabağı ictimai-siyasi vəziyyət, seçki qanunvericiliyi və ona edilən son əlavə və dəyişikliklər müzakirə predmeti olub.
Müzakirələrdə qarşıdan gələn parlament seçkilərinin azad, ədalətli və bərabər şəkildə keçirilməsinin Azərbaycanın milli maraqları, demokratiyanın inkişafı və ölkəmizin Avropa məkanına inteqrasiyası baxımından zəruriliyi vurğulanıb. Görüşdə həmçinin qarşıdan gələn parlament seçkiləri ilə bağlı qarşılıqlı maraq doğuran bir sıra məsələlər də müzakirə olunub.
|
|
23.06.10 Məqaləni oxumaq
|
| |
|
|
|
Asim Mollazadə Ağ Evdə Qarabağ və regional təhlükəsizlik məsələlərini müzakirə edib
|
|
Demokratik İslahatlar Partiyasının (DİP) sədri Asim Mollazadə Ağ Evdə ABŞ-ın Milli Təhlükəsizlik Şurasının Cənubi Qafqaz məsələləri üzrə direktoru Bricit Brinklə görüşüb. Bu barədə məlumatı KƏLAMİNFO-ya DİP-dən veriblər.
Görüşdə Azərbaycan-ABŞ münasibətləri, Cənubi Qafqaz regionundakı vəziyyət, buradakı lokal münaqişələr, o cümlədən, Dağlıq Qarabağ münaqişəsinin həlli, Azərbaycanın Xəzər hövzəsinin enerji təhlükəsizliyində oynadığı rol müzakirə olunub. A.Mollazadə xanım Brinkə ölkələrimiz arasındakı hazırkı münasibətlərin daha da inkişaf etdirilməsinin zəruri olduğunu bildirib.
|
|
23.06.10 Məqaləni oxumaq
|
| |
|
|
|
Səhifələr : # « 2 3 4 5 6 7 8 9 10 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
