|
Səhifələr : # « 10 11 12 13 14 15 16 17 18 » #
ABŞ müdafiə naziri Robert Qeyts Azərbaycana səfərini müsbət qiymətləndirib
|
ABŞ müdafiə naziri Robert Qeyts Azərbaycana səfərini “çox müsbət” qiymətləndirib. KƏLAMİNFO xəbər verir ki, bu haqda Pentaqonun internet səhifəsində yerləşdirilən məlumatda bildirilir.
R. Qeytsin fikrincə, Bakıya səfər ABŞ-Azərbaycan müdafiə əməkdaşlığının genişləndirilməsi üçün zəmin yaradıb. “Azərbaycanın liderləri ilə müzakirə olunan məsələlərin əksəriyyəti gələn ay ikitərəfli müdafiə məsləhətləşmələrində bir daha gündəmə gətirilərək konkretləşdiriləcək”,-deyə R.Qeyts vurğulayıb.
Pentaqonun məlumatına görə, ABŞ müdaifə naziri prezident İlham Əliyevə prezident Barak Obamanın məktubunu çatdırıb. Məktubda Əfqanıstanda sülhyaratma məsələlərinə verdiyi töhfələrinə görə Azərbaycana minnətdarlıq bildirilib. Bu yardım, davamlı təhlükəsizlik tərəfdaşı kimi, Azərbaycanın mövqeyini gücləndirib.
|
09.06.10 Məqaləni oxumaq
|
|
|
Rusiya Federasiyasında yaşayan Azərbaycan vətəndaşları üçün qəbul imtahanı keçirilib
|
Rusiya Federasiyası ali təhsil müəssisələrində Azərbaycan vətəndaşları üçün ayrılmış plan yerlərinə, bu ölkədə yaşayan Azərbaycan vətəndaşlarının qəbul imtahanı keçirilib. Bu barədə məlumatı KƏLAMİNFO-ya Tələbə Qəbulu üzrə Dövlət Komissiyasının (TQDK) mətbuat xidmətindən veriblər.
Sənəd qəbulu Rusiya Təhsil və Elm Nazirliyi tərəfindən Rusiya Federasiyasının ali təhsil müəssisələrində Azərbaycan vətəndaşlarının təhsil alması üçün ayrılmış plan yerlərinə Rusiyada yaşayan Azərbaycan vətəndaşlarının qəbulu ilə bağlı Ümumrusiya Azərbaycan Konqresi tərəfindən aparılıb. Cari il iyunun 6-da Heydər Əliyev Fondu və Ümumrusiya Azərbaycanlılar Konqresinin təşkilatçılığı ilə TQDK Moskva şəhərində Rusiyanın ali təhsil müəssisələrinə həmin ölkədə yaşayan Azərbaycan vətəndaşları üçün qəbul imtahanı keçirib. İmtahanda iştirak etmək üçün qeydiyyatdan keçmiş 148 abituriyentdən 40 nəfəri müsabiqə şərtlərini ödəyərək RF-nin ali təhsil müəssisələrində təhsil almaq hüququ qazanıblar. Müsabiqədən keçənlərdən 4 nəfəri I qrupu üzrə, 10 nəfəri II qrup, 18 nəfəri III qrup, 8 nəfəri isə IV qrup üzrə ixtisaslara qəbul olublar.
|
09.06.10 Məqaləni oxumaq
|
|
|
|
Məktəbi əla qiymətlərlə bitirənlərə qızıl medalların verilməsi gələn ilə qaldı
|
Orta məktəblərin 11-ci siniflərini əla qiymətlərlə bitirənlərə qızıl medalların verilməsi cari il mümkün olmayacaq. KƏLAMİNFO xəbər verir ki, bu barədə açıqlamanı jurnalistlərə təhsil naziri Misir Mərdanov söyləyib.
Qızıl medalların verilməsi üçün qaydaların hələlik hazır olmadığını açıqlayan M.Mərdanov qeyd edib ki, gələn ildən bu qaydaların tətbiqinə başlanacaq. “Amma qızıl medalların ali məktəblərə qəbul prosesində ciddi əhəmiyyəti olmayacaq”,-deyən M.Mərdanov bildirib.
Təhsil naziri ali məktəblərin Bakıdan kənara köçürüləcəyi barədə xəbərlərə də münasibət bildirib və qeyd edib ki, bu haqda məlumatı yoxdur. “Amma ali məktəblərin köçürülməsi məsələsinə müsbət baxıram”,-deyən nazir xaricdə ali təhsil müəssisələrinin filialının açılması məsələsinə də münasibət bildirib. O xatırladıb ki, bir il öncə Misir Ərəb Respublikasından təklif daxil olub ki, orada Azərbaycan Dövlət Neft Akademiyasının filialı açılsın. Onun sözlərinə görə, müxtəlif səbəblərdən hələlik bu iş həyata keçirilməyib.
|
08.06.10 Məqaləni oxumaq
|
|
|
Misir Mərdanov: “Buraxılış imtahanlarının nəticələri ötən ildəkindən yüksəkdir”
|
Azərbaycanın su basan ərazilərində 11-ci sinif məzunlarına attestat verilməsində heç bir problem yaranmayacaq. KƏLAMİNFO xəbər verir ki, bu barədə məlumatı jurnalistlərə təhsil naziri Misir Mərdanov söyləyib.
Nazir bildirib ki, iyunun 24-25-nə kimi şagirdlərin attestatı onlara çatdırılacaq. Hələlik iki bölgədə mərkəzləşdirilmiş buraxılış imtahanlarının keçirildiyini xatırladan M.Mərdanov qeyd edib ki, birinci bölgədə 9 və 11-ci siniflər üçün keçirilən imtahanların nəticələri bəllidir. Onun sözlərinə görə, nəticələr ötən ildəkindən yüksəkdir. “Dünən isə qərb bölgəsində 11-ci siniflərdə imtahan olub. Bu gün həmin bölgədə 9-cu siniflər üçün imtahanlar keçirilir”,-deyən M. Mərdanov əlavə edib ki, həmin bölgədə bu gün 11-ci, sabah isə 9-cu siniflərin imtahanlarının nəticələri bəlli olacaq.
|
08.06.10 Məqaləni oxumaq
|
|
|
Ermənistanda hakimiyyət dəyişikliyi aktuallaşıb
|
Ermənistanda hakimiyyət dəyişikliyi erməni xalqının milli təhlükəsizlik məsələsi olduğu dövrə çatıb. KƏLAMİNFO erməni mətbuatına istinadən xəbər verir ki, bu barədə Daşnaqsütun partiyasının rəsmisi Armen Rustamyan bildirib.
Onun bu bəyanatına müxalifətçi Erməni Milli Konqresindən (EMK) reaksiya gəlib. Sabiq prezident Levon Ter-Petrosyanın liderlik etdiyi qurumun koordinatoru Levon Zurabyan bəyan edib ki, bu, Daşnaqsütunun yeni kursudursa və daşnaqlar bəyanatlarında səmimidirlərsə, EMK onlarla əməkdaşlığa hazırdır.
|
08.06.10 Məqaləni oxumaq
|
|
|
Qarşıdakı illərdə təhsilin 6 komponenti üzrə islahatlar davam etdiriləcək
|
Təhsil Sektorunun İnkişafı üzrə İkinci Layihə (TSİİL) çərçivəsində 2009-2014-cü illər ərzində təhsilin bir sıra mühüm sahələrini əhatə edən 6 komponent üzrə islahatların davam etdirilməsi nəzərdə tutulub. KƏLAMİNFO xəbər verir ki, bu barədə məlumatı təhsil naziri Misir Mərdanov söyləyib.
Bu komponentlər arasında müəyyən bağlılıq, sistemli əlaqələr olduğunu nəzərə çatdıran nazir yeni kurrikulumu, təlim strategiyalarını və yeni qiymətləndirmə üsullarını uğurla həyata keçirmək üçün müəllimlərin pedaqoji bacarıqları, fənn üzrə biliklərini artırmağın, yeniləşdirməyin zəruriliyini qeyd edib.
Tədrisin və təlimin keyfiyyətinin yeni kurrikulumu tədris edəcək, yeni qiymətləndirmə üsullarını tətbiq edəcək müəllimlərin hazırlığından asılı olduğunu vurğulayan M.Mərdanov müəllimlərin peşəkarlıq səviyyəsinin yüksəldilməsi üçün müasir modellər tətbiq etməyin səmərəli olacağına inamını ifadə edib.
|
08.06.10 Məqaləni oxumaq
|
|
|
Azərbaycan nümayəndə heyəti XVII Beynəlxalq Krım Konfransına qatılıb
|
Bu gün Ukraynanın Krım Vilayətində XVII Beynəlxalq Krım Konfransı öz işinə başlayır. Konfransda Azərbaycan da təmsil olunur. Bu barədə məlumatı KƏLAMİNFO-ya Mədəniyyət və Turizm Nazirliyinin mətbuat xidmətindən veriblər.
Azərbaycan nümayəndə heyətinə cəmi 18 nəfər olmaqla Mədəniyyət və Turizm Nazirliyinin tövsiyəsi ilə göndərilən mütəxəssislər, habelə Prezident Kitabxanası, Xarici İşlər Nazirliyinin kitabxanası, Bakıdakı Amerika Mərkəzi, F.Köçərli adına Respublika Uşaq Kitabxanası, C.Cabbarlı adına Respublika Gənclər Kitabxanasının nümayəndələri daxildir. Konfransda dünya kitabxana-informasiya sahəsində baş verən yeniliklər, kitabxana işinin inkişafı, muzey və kitabxanaların avtomatlaşdırılması, kitabxanalar vasitəsi ilə məsafəli təhsilin həyata keçirilməsi və s. maraqlı məsələlər müzakirə olunacaq.
|
08.06.10 Məqaləni oxumaq
|
|
|
BMT İsrailin Qəzzaya yardım aparan gəmilərə hücumunu araşdırmaq üçün komissiya yaradacaq
|
BMT İsrailin Qәzzaya yardım aparan gəmilərə təşkil etdiyi hücuma dair araşdırma aparılması üçün 5 nəfərdən ibarət komissiya yaradacaq. KƏLAMİNFO xəbər verir ki, komissiyanın üzvləri Türk və israillilərdən ibarət olacaq.
BMT Baş katibi Ban Ki Mun, Baş nazir Rəcəb Tayyıb Әrdoğana telefon açaraq mövzu ilə bağlı məlumat verib. Telefon danışığında B.Ki Mun yardım gəmilərinə təşkil edilən hucum əməliyyatını araşdırmaq üçün özünün nəzarətində olacaq 5 nəfərlik müstəqil bir beynəlxalq araşdırma komissiyasının yaradılmasını, bu komissiyanın rəhbərliyinə isə Yeni Zelandiyanın baş naziri Geoffrey Palmerin təyin ediləcəyini bildirib.
Beş nəfərdən ibarət olacaq komissiyaya Türk və İsrailli üzvlərdən başqa, biri beynəlxalq hüquqşünas, biri də hərbçi olmaqla 2 üzv də təyin ediləcək.
Baş nazir R.T.Әrdoğan telefon danışığında bildirib ki, yaranacaq komissiya araşdırmalarını 2 ay ərzində yekunlaşdırmalıdır.
B.K.Mun da komissiyanın vəzifə müddətinin 2 ay olacağını vurğulayıb.
|
08.06.10 Məqaləni oxumaq
|
|
|
|
|
Səhifələr : # « 10 11 12 13 14 15 16 17 18 » #
|
Torpaqlarımızı qaytaraq..
|
|
|
|