Kelam Jurnalı - Məqələlər

Bakı şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi Cəmşid Hənifəyev: В«Yeni körpülərin tikintisi başa çatdıqdan və yolların genişləndirilməsi prosesi tamamlandıqdan sonra paytaxtda tıxac problemi tamamilə aradan qaldırılacaqВ»

Bu gün Azərbaycan Respublikasında dövlət müstəqilliyinin möhkəmləndirilməsi naminə mühüm tədbirlər həyata keçirilir. Dövlətimizin ümumi inkişafı və mövcud problemlərin aradan qaldırılması yolunda daim səylə çalışan strukturlar arasında Daxili İşlər Nazirliyinin ayrılmaz hissəsi olan Bakı şəhər Dövlət Yol Polisi İdarəsi fərqlənir. Göstərilən strukturun əməkdaşları yol hərəkəti təhlükəsizliyinin təmin edilməsi, yol-nəqliyyat hadisələrinin qarşısının alınması və ictimai asayişin qorunması sahəsində vaxtaşırı iş aparırlar. BDYPİ-nin konkret fəaliyyətinə dair suallarla qəzetimizin əməkdaşları Bakı şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi Cəmşid Hənifəyevə müraciət etdilər.

- Ötən ilin nəticələrinə görə, yol hərəkəti təhlükəsizliyinin təmin edilməsi istiqamətində hansı işlər görülüb?

- Ötən ilin nəticələrinə əsasən, deyə bilərik ki, hər il olduğu kimi 2009-cu ildə də yol hərəkəti qaydalarının pozulması halları və yol-nəqliyyat hadisələri baş vermişdir. Əsas işlər xüsusən paytaxtın mərkəzində yolların genişləndirilməsi ilə bağlı olmuşdur. Əlbəttə, yolların genişləndirilməsi zamanı da bəzi müvəqqəti problemlər yaranır, lakin onların hamısı yol polisi əməkdaşları tərəfindən uğurla həll olunur.

12.05.10

Məqaləni oxumaq

Bu gün Rusiya prezidenti Dmitri Medvedevin Türkiyəyə səfəri başlayır

Bu gün Rusiya prezidenti Dmitri Medvedevin Türkiyəyə səfəri başlayır. KƏLAMİNFO Türkiyə mətbuatına istinadən xəbər verir ki, səfər çərçivəsində Cənubi Qafqazdakı münaqişələr, o cümlədən, Dağlıq Qarabağ münaqişəsinin müzakirəsi gözlənilir. Bunu jurnalistlərə açıqlamasında Rusiya prezidentinin köməkçisi Sergey Prixodko bildirib. Onun sözlərinə görə, səfər zamanı Ermənistan-Türkiyə əlaqələrinin inkişafı ilə bağlı məsələnin müzakirə olunması da nəzərdə tutulub. İki günlük səfər çərçivəsində iqtisadiyyat, energetika, kənd təsərrüfatı sahəsində ikitərəfli əməkdaşlığın inkişaf etdirilməsi, İran, İraq və Əfqanıstandakı vəziyyət diqqət mərkəzində olacaq. Rusiya prezidenti və həyat yoldaşı Svetlana Medvedeva Ankaraya bu gün axşam saatlarında Suriyadan gedəcəklər. D.Medvedev türkiyəli həmkarı Abdullah Güllə Çankaya iqamətgahında işgüzar nahar zamanı görüşəcək. Sabah isə Rusiyanın dövlət başçısı Atatürkün məzarını ziyarət edəcək. Daha sonra prezidentlərin təkbətək və geniş tərkibdə görüşləri planlaşdırılır.

12.05.10

Məqaləni oxumaq

TQDK sədri: вЂњDaşqınlarla bağlı ali məktəblərə sənəd qəbulunun vaxtının uzadılması gözlənilmirвЂќ

Ölkədə baş verən daşqınların ali məktəblərə sənəd qəbulu prossesinə hansı təsir göstərdiyi araşdırılır. KƏLAMİNFO xəbər verir ki, bu barədə məlumatı Tələbə Qəbulu üzrə Dövlət Komissiyasının (TQDK) sədri Məleykə Abbaszadə söyləyib. M.Abbaszadə qeyd edib ki, daşqınlar yeni baş verdiyi üçün hələlik hər hansı problemin yaranması haqqında məlumat yoxdur. вЂњOla bilsin ki, bundan sonra problem yaransın. Əhali indi ərizə vermək haqda yox, evdə olan şəraiti barədə düşünür. Əgər həmin bölgələrdə yaşayan abituriyentlərin elektron ərizələrin doldurulması prosesində problem yaransa, biz yeni sənəd qəbulu komissiyası yaradıb onların ərazilərini qəbul edəcəyikвЂќ, - deyən M.Abbaszadə həmçinin əlavə edib ki, daşqınlarla bağlı ali məktəblərə sənəd qəbulunun vaxtının uzadılması gözlənilmir. вЂњSənəd qəbulunun başa çatmasına hələ kifayət qədər vaxt varвЂќ,-deyə o məsələyə münasibət bildirib. Xatırladaq ki, bir neçə gündür ki, ölkənin müxtəlif bölgələrində, xüsusən də Aran zonasına aid rayonlar daşqınlar nəticəsində ciddi problemlərlə üzləşib. Suyun səviyyəsinin qalxması həyatın müxtəlif sahəsinə mənfi təsir edib. Hazırda daşqınların və qrunt suların aradan qaldırılması istiqamətində müvafiq qurumlar işlər görür.

12.05.10

Məqaləni oxumaq

SAM-da вЂњRusiya və Azərbaycanın Yaxın və Orta Şərqdə roluвЂќ mövzusunda Dəyirmi masa keçiriləcək

Bakıda Azərbaycan Prezidenti Yanında Strateji Araşdırmalar Mərkəzi (SAM) Rusiya Strateji Araşdırmalar İnstitutunun (RSAİ) birgə layihəsi əsasında вЂњRusiya və Azərbaycanın Yaxın və Orta Şərqdə roluвЂќ mövzusunda Dəyirmi masa keçiriləcək. SAM-dan KƏLAMİNFO-ya verilən məlumata görə, tədbirdə iştirak etmək üçün RSAİ direktoru Leonid Reşetnikovun başçılığı ilə nümayəndə heyəti mayın 13-15-də Azərbaycanda səfərdə olacaq. Azərbaycan və Rusiyanın tanınmış siyasi ekspertləri, regional və beynəlxalq münasibətlər üzrə mütəxəssislərinin də iştirak edəcəyi toplantıda iki ölkə arasında mövcud siyasi, iqtisadi və mədəni əlaqələrə nəzər yetiriləcək və münasibətlərin inkişaf perspektivlərinə dair fikir mübadiləsi aparılacaq.

12.05.10

Məqaləni oxumaq

Oqtay Əsədov: вЂњPrezident İlham Əliyev təbii fəlakətin aradan qaldırılması üçün göstərişlər veribвЂќ

вЂњPrezident İlham Əliyev Kür çayının məcrasının dəyişməsi nəticəsində təbii fəlakətə məruz qalan rayonları bir-bir gəzir və fəlakətin aradan qaldırılması üçün müvafiq göstərişlər verirвЂќ. KƏLAMİNFO xəbər verir ki, bunu Milli Məclisin bu gün keçirilən iclasında spiker Oqtay Əsədov bildirib. O.Əsədov qeyd edib ki, müvafiq qurumlar təbii fəlakəti aradan qaldırmaq üçün bütün sutkanı fasiləsiz işləyirlər. Deputat Mübariz Qurbanlı isə müxalifət partiyalarının Kür çayının məcradan çıxması nəticəsində baş verən təbii fəlakətdən siyasi qazan kimi istəfadə etdiyini söyləyib. O, bu prossesin müxalifət mətbuatında da özünü göstərdiyini bildirib. "Kürdə daşqınlar həmişə olub. Lakin builki daşqınlar əvvəlkindən səviyyəsinə görə daha böyük olduğundan, fəlakətlə nəticələnib. Amma hakimiyyət fəlakətin qarşısını almaq üçün bütün tədbirləri görür. Son illər heç bir deputat parlamentdə Kür ətrafındakı bəndlərin qəzalı vəziyyətdə olması barədə məsələ qaldırmayıb",-M.Qurbanlı əlavə edib.

12.05.10

Məqaləni oxumaq

UNİCEF-in regional direktoru Steven Allen ölkəmizdə səfərdədir

Bu gün UNİCEF-in Mərkəzi və Şərqi Avropa, Müstəqil Dövlətlər Birliyi ölkələri üzrə regional direktoru Steven Allenin ölkəmizə səfəri başlayıb. Bu barədə məlumatı KƏLAMİNFO-ya UNİCEF-in Bakı ofisindən veriblər. Səfərin əsas məqsədi səhiyyə, təhsil və müdafiə sahəsində uşaqlar üçün əldə olunan nəticələrin təhlil edilməsindən ibarətdir. Səfər çərçivəsində S.Allen yüksək səviyyəli hökumət rəsmiləri, o cümlədən Baş nazirin müavini, xarici işlər, səhiyyə, sosial müdafiə, təhsil, gənclər və idman nazirləri, Azərbaycanın birinci xanımı, Heydər Əliyev Fondunun prezidenti Mehriban Əliyeva, Milli Məclisin sədri və vətəndaş cəmiyyətinin, beynəlxalq təşkilatların və Birləşmiş Millətlər Təşkilatının nümayəndələri ilə görüşü gözlənilir. Görüşlər zamanı S.Allen Azərbaycan uşaqlarının üzləşdikləri çətinliklər, Azərbaycan hökuməti və UNİCEF təərfindən onlara yardım etmək üçün görülən və вЂњUşaqlar üçün tam yararlı Azərbaycanın qurulmasıвЂќ təşəbbüsünə xidmət edən işlər barədə daha yaxşı məlumatlandırılacaq. Qeyd edək ki, mayın 13-də S.Allenin səfəri ilə bağlı mətbuat konfransı keçiriləcək.

11.05.10

Məqaləni oxumaq

Sabah AŞ PA prezidenti Mövlud Çavuşoğlu Ermənistana səfər edəcək

Sabah Avropa Şurası Parlament Assambleyasının (AŞ PA) prezidenti Mövlud Çavuşoğlu Ermənistana iki günlük səfər edəcək. KƏLAMİNFO AŞ PA-nın rəsmi saytına istinadən xəbər verir ki, M.Çavuşoğlu səfər çərçivəsində Ermənistan prezidenti Serj Sərkisyan, parlamentin sədri Ovik Abramyan, xarici işlər naziri Edvard Nalbandyan, parlamentdə təmsil olunan müxtəlif siyasi partiyaların nümayəndələri və müxalifət liderləri ilə görüşəcək. M.Çavuşoğlunun 2008-ci il 1-2 mart hadisələrinə dair AŞ PA-nın xüsusi komitəsinin tövsiyələrinin yerinə yetirilməsinə məsul Daimi Komitənin sədri David Arutyunyanla da görüşü nəzərdə tutulur.

11.05.10

Məqaləni oxumaq

ADA-da Afrikalı tələbələrlə görüş olub

Azərbaycan Diplomatik Akademiyasında Xarici İşlər Nazirliyinin xətti ilə ölkəmizə tanışlıq üçün Afrikadan gəlmiş bir qrup jurnalistlə görüş keçirilib. Bu barədə məlumatı KƏLAMİNFO-ya ADA-dan veriblər. вЂњQlobal perspektivlər: Azərbaycan və AfrikaвЂќ mövzusunda keçirilmiş görüşdə akademiyanın rektoru, xarici işlər nazirinin müavini Hafiz Paşayev qonaqlara ölkəmiz barədə məlumat verib. Rektor son illər ölkəmizin siyasi, iqtisadi sahədə əldə etdiyi uğurlardan danışıb, Avropa ilə Asiya arasında körpü rolunu oynayan Azərbaycanın uğurlu enerji siyasətindən söz açıb. Sonra akademiyada təhsil alan afrikalı tələbələr Azərbaycanda onlar üçün yaradılmış şərait barədə məlumat veriblər.

08.05.10

Məqaləni oxumaq

Ombudsman Elmira Süleymanova Çinin Azərbaycandakı səfiri ilə görüşüb

Ombudsman Elmira Süleymanova Çinin ölkəmizdəki səfiri Can Yannyanı qəbul edib. Ombudsman Aparatından KƏLAMİNFO-ya verilən məlumata görə, tanışlıq məqsədi daşıyan görüşdə E.Süleymanova ölkəmizlə Çin arasında dostluq münasibətləri, iqtisadiyyat, təhsil, mədəniyyət sahələrində əməkdaşlığın uğurla davam etdirildiyini vurğulayıb. E.Süleymanova rəhbərlik etdiyi qurum haqqında səfirə ətraflı məlumat verib. O qeyd edib ki, Azərbaycan Ombudsmanının fəaliyyətinin əsas strategiyasını heç bir ayrı-seçkiliyə yol vermədən hər kəsin əsas beynəlxalq müqavilələrdə təsbit olunan hüquq və azadlıqların səmərəli müdafiəsi təşkil edir.

08.05.10

Məqaləni oxumaq

Prezident İlham Əliyev faşizm üzərində Qələbənin 65-ci ildönümü münasibətilə keçirilən təntənəli mərasimdə iştirak edib

Bu gün paytaxt Bakıda ikinci dünya müharibəsində faşizm üzərində Qələbənin 65-ci ildönümü münasibətilə təntənəli mərasim keçirilib. KƏLAMİNFO xəbər verir ki, prezident İlham Əliyev mərasimdə iştirak edib. Böyük Vətən müharibəsinin görkəmli sərkərdələrindən biri, xalqımızın rəşadətli oğlu, tank qoşunları general-mayoru, iki dəfə Sovet İttifaqı Qəhrəmanı Həzi Aslanovun abidəsi önünə toplaşmış müharibə veteranları, ictimaiyyət nümayəndələri, paytaxt sakinləri prezident İlham Əliyevi hörmət və ehtiramla qarşılayıblar. Dövlət başçısı müharibə veteranlarını salamlayıb, onların hər birini Qələbə günü münasibətilə təbrik edib. Prezident İlham Əliyev iki dəfə Sovet İttifaqı Qəhrəmanı Həzi Aslanovun abidəsi önünə əklil qoyub, İkinci Dünya müharibəsində misilsiz qəhrəmanlıqlar göstərmiş cəsur sərkərdənin, xalqımızın igid oğullarının əziz xatirəsini dərin ehtiramla yad edib. Dövlət başçısı İkinci Dünya müharibəsi veteranları ilə xatirə şəkli çəkdirib.