|
|
Səhifələr : # 16 17 18 19 20 21 22 23 24 #
|
|
Rusiya Federasiyasına məxsus tanker dəniz quldurlarının əlinə keçib
|
|
Hind okeanında dəniz quldurları Rusiya Federasiyasına məxsus tankeri ələ keçiriblər. KƏLAMİNFO Rusiya mətbuatına istinadən xəbər verir ki, bu barədə gəminin məxsus olduğu şirkət xəbər verib.
Məlumatı bu rayonda keşik çəkən beynəlxalq qüvvələrin komandanlığı da təsdiq edib. Gəmidə Rusiya vətəndaşları olan 23 adam var. Rusiyanın hərbi gəmiləri hadisə yerinə yollanıb.
|
06.05.10 Məqaləni oxumaq
|
| |
|
|
|
Ağsuda “Tarixi-mədəni irsə qayğıkeş münasibətin Heydər Əliyev nümunəsi” mövzusunda silsilə tədbirlər keçiriləcək
|
|
Sabah Ağsu şəhərində ümummilli lider Heydər Əliyevin anadan olmasının 87-ci ildönümü münasibətilə “Tarixi-mədəni irsə qayğıkeş münasibətin Heydər Əliyev nümunəsi” mövzusunda silsilə tədbirlər keçiriləcək. Bu barədə məlumatı KƏLAMİNFO-ya Azərbaycan Milli Elmlər Akademiyasından (AMEA) veriblər.
AMEA Arxeologiya və Etnoqrafiya İnstitutunun Ağsu arxeoloji ekspedisiyası və Ağsu rayon İcra Hakimiyyətinin təşkilatçılığı ilə reallaşacaq tədbirin iştirakçıları ulu öndərin şəhərdəki abidəsini və Heydər Əliyev Muzeyini ziyarət etdikdən sonra Ağsu orta əsr şəhər yerində aparılan arxeoloji qazıntılarla tanış olacaqlar.
|
|
06.05.10 Məqaləni oxumaq
|
| |
|
|
|
Əli Həsənov: “Ermənistanla Rusiya arasında hərbi-strateji əməkdaşlıq varsa, niyə Azərbaycanla Türkiyə arasında da olmasın?"
|
|
"Əgər Ermənistanla Rusiya arasında hərbi-strateji əməkdaşlıq mövcuddursa, niyə Azərbaycanla Türkiyə arasında da olmasın?". KƏLAMİNFO xəbər verir ki, bu barədə Türkiyənin “Cihan” agentliyinə müsahibəsində Prezident Administrasiyası İctimai-siyasi məsələlər şöbəsinin müdiri Əli Həsənov bildirib.
PA-nın rəsmisi Ankaranın Ermənistan-Azərbaycan, Dağlıq Qarabağ münaqişəsinin həllində xüsusi iştirakını qeyd edib. O, son vaxtlar Türkiyənin tez-tez bu məsələni beynəlxalq arenada qaldırdığını və Bakının məhz bunu Ankaradan gözlədiyini bəyan edib. "Biz Türkiyədən məhz belə addımlar gözləyirdik. Baş nazir Rəcəb Tayyib Ərdoğan, Prezident Abdullah Gül, xarici işlər naziri Əhməd Davudoğlu və Türkiyənin digər rəsmi şəxsləri bütün beynəlxalq arenalarda bəyan edirlər ki, Azərbaycanın problemi həll olunmayınca, Ermənistanla sərhədlər açılmayacaq və öz sözlərinin üstündə də dururlar. Biz onların hamısına minnətdarıq. Azərbaycan xalqı məhz bunu gözləyirdi",-Ə.Həsənov vurgulayıb.
|
|
06.05.10 Məqaləni oxumaq
|
| |
|
|
|
Tibbi xidmətin səviyyəsi əhəmiyyətli dərəcədə yüksəlib
|
Səhiyyə sahəsində ümummilli lider Heydər Əliyev tərəfindən əsası qoyulmuş ənənələr müsbət nəticələr verir
Son bir neçə il ərzində ölkədə səhiyyə sahəsində müşahidə edilən müsbət tendensiyalar sübut edir ki, sözügedən sahədə ümummilli lider Heydər Əliyev tərəfindən əsası qoyulmuş ənənələr müsbət nəticələr verir. Respublikada tibb və səhiyyə sahəsinin təkmilləşdirilməsi, Azərbaycan Respublikası vətəndaşlarının keyfiyyətli tibbi xidmətlə təmin edilməsi üzrə genişmiqyaslı işlər aparılır. Dövlətimizdə Konstitusiya ilə təsbit olunmuş sağlamlıq hüququnun müdafiəsi üçün hər şey edilir. Bu və digər məsələlər barədə qəzetimizin əməkdaşları ilə müsahibə zamanı Bakı Şəhəri Baş Səhiyyə İdarəsinin sədri Leyla Seyidbəyova məlumat vermişdir.
- Son bir neçə il ərzində cəmiyyətin həyat fəaliyyətinin bütün sahələrində böyük inkişaf müşahidə olunur. Səhiyyə sahəsi də istina deyil. Bu barədə Sizin fikrinizi bilmək istərdik.
- Səhiyyə sahəsindəki uğurlar respublika rəhbərliyinin həmvətənlilərimizin sağlamlığının müdafiəsinə göstərdiyi daimi diqqət nəticəsində əldə edilmişdir ki, bu da ümummilli lider Heydər Əliyev tərəfindən əsası qoyulmuş və hal-hazırda Azərbaycan Respublikasının Prezidenti İlham Əliyev tərəfindən davam etdirilən sosial istiqamətli siyasətin tərkib hissəsidir. Sözügedən sahədəki islahatlar ilk növbədə yeni tibb müəssisələrinin yaradılması, onların maddi-texniki bazalarının möhkəmləndirilməsi kimi istiqamətləri əhatə edir. Dövlət başçısı təməlqoyma və yeni tibb müəssisələrinin açılış mərasimlərində iştirak edir, tikinti və tibb müəssisələrinin müasir avadanlıqlarla təchizatı prosesi ilə maraqlanır. Məhz Prezident İlham Əliyevin diqqəti sayəsində son illər ərzində respublika ərazisində təxminən 300 tibb müəssisəsinin tikinti və təmir işləri başa çatdırılmışdır.
|
|
06.05.10 Məqaləni oxumaq
|
| |
|
|
|
|
|
|
|
Ağdaşda III ənənəvi Kitab Bayramı keçirilib
|
|
Ağdaş rayon Mədəniyyət evində ümummilli lider Heydər Əliyevin anadan olmasının 87-ci ildönümü, faşizm üzərində Qələbənin 65 illiyi münasibətilə rayon ictimaiyyətinin iştirakı ilə III ənənəvi Kitab Bayramı keçirilib. Bu barədə məlumatı KƏLAMİNFO-ya Mədəniyyət və Turizm Nazirliyinin mətbuat xidmətindən veriblər.
Kitab bayramında balaca istedadların hazırladığı “Bacarıqlı əllər” sərgisi iştirakçıların marağına səbəb olub. Sonra tədbir iştirakçıları “Zamanın lideri”, “Əbədiyaşarlıq zirvəsi”, “Gənclər vətən uğrunda”, “Böyük Qələbə-65”, “Yazılsın tarixə bir qızıl xətlə”, “İncəsənətdə müharibə mövzusu”, “Ədəbiyyatımızın nəsri” kitab sərgiləri ilə tanış olublar. Tədbirdə rayon İcra Hakimiyyəti Aparatının məsul işçiləri və yerli mətbuat nümayəndələri iştirak ediblər.
|
|
06.05.10 Məqaləni oxumaq
|
| |
|
|
|
Gənc Vətənpərvərlər Birliyi ümummilli lider Heydər Əliyevin anadan olmasının 87-ci ildönümünü qeyd edib
|
|
Gənc Vətənpərvərlər Birliyi (GVB) ümummilli lider Heydər Əliyevin anadan olmasının 87-ci ildönümü ilə əlaqədar “Vətən torpağını müdafiə etmək hər bir gənc üçün müqəddəs vəzifə olmalıdır” mövzusunda tədbir keçirib. Bu barədə məlumatı KƏLAMİNFO-ya İB-dən veriblər.
Tədbirdə Birliyin İdarə Heyətinin üzvləri, yerli şöbələr, üzv olan İdman Federasiyaları, idman klubları və QHT-lərin nümayəndələri iştirak ediblər. Tədbiri giriş sözü ilə açan birliyin sədri Müqamət Əliyev Azərbaycana və onun qüdrətli xalqına bəxş olunan görkəmli dövlət xadimi ümummilli lider Heydər Əliyevin hayat yolundan bəhs edib. “Bu böyük şəxsiyyət Azərbaycanın ən cətin və mürəkkəb dövrlərində hakimiyyətə gələrək dövləti xilas edib, millətin gələcəyini təmin edib. Onun idarəçiliyi müstəqillik, azərbaycançılıq, dövlətçilik, respublikaçılıq, ədalətlilik, demokratiya, milli tərəqqi, dünyəvilik, vətəndaş cəmiyyətinin qurulması və s. ümumbəşəri dəyərlər olan yeni bir ideologiyanın əsasını qoydu”,-deyə M.Əliyev vurğulayıb.
Tədbirdə İdarə Heyətinin üzvüləri, GVB sədrinin müşaviri N.Niftiyev, Cü-Citsu Karate-do Fedrasiyasının nümayəndəsi Azad Quliyev, VCK üzrə Azərbaycan Karate-do Federasiyasının prezidenti Nurəddin Quliyev və digər qonaqlar çıxış ediblər.
Tədbir mayın 10-na kimi davam edəcək.
|
|
06.05.10 Məqaləni oxumaq
|
| |
|
|
|
Rusiya ali təhsil müəssisələrinin müsabiqəsində iştirak etmək üçün qeydiyyat mayın 11-dək davam edəcək
|
|
Tələbə Qəbulu üzrə Dövlət Komissiyası (TQDK) tərəfindən Rusiya Federasiyası ali təhsil müəssisələrinin müsabiqəsində iştirak etmək üçün qeydiyyat mayın 11-dək davam edəcək. Bu barədə məlumatı KƏLAMİNFO-ya TQDK-nın mətbuat xidmətindən veriblər.
İmtahanda iştirak etmək hüququna orta attestat qiyməti 4 və daha yüksək olan Azərbaycan vətəndaşları malikdirlər. Ali təhsil müəssisəsinin tələbəsi və ya məzunu olan şəxslər bu imtahanda iştirak etmək hüququna malik deyillər. Müsabiqə iki mərhələdən ibarətdir. I mərhələdə abituriyentlər TQDK tərəfindən keçiriləcək test imtahanında iştirak edirlər. Test imtahanı Azərbaycan və rus dillərində keçirilir. Bölməsindən asılı olmayaraq III ixtisas qrupu üzrə test tapşırıqları rus dilində təqdim olunacaq.
Test imtahanı mayın 15-də keçiriləcək. Abituriyentlərə “İmtahana buraxılış vərəqəsi” 13 və 14 may tarixlərində veriləcək. Test imtahanı nəticəsində I ixtisas qrupunda 400 və daha yüksək, digər qruplarda 500 və daha yüksək bal toplayan abituriyentlər II mərhələyə, yəni müsahibəyə buraxılacaqlar. Müsahibə mayın 17-də keçiriləcək.
|
|
06.05.10 Məqaləni oxumaq
|
| |
|
|
|
Milli Məclisin növbəti iclası mayın 7-də keçiriləcək
|
|
Milli Məclisin növbəti iclası mayın 7-də keçiriləcək. Bu barədə məlumatı KƏLAMİNFO-ya parlamentdən veriblər.
İclasda “Fərdi məlumatlar haqqında”, “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında”, “Azərbaycan Respublikasının sülhməramlı əməliyyatlarda iştirakı haqqında” və “İnsanın immunçatışmazlığı virusunun törətdiyi xəstəliklə mübarizə haqqında” qanun layihələri üçüncü oxunuşda müzakirəyə çıxarılacaq. Bundan əlavə, iclasın gündəliyinə “Pambıqçılıq haqqında” qanun layihəsi (ikinci oxunuş), “Avropa Şurasının “İnsan alverinə qarşı mübarizə haqqında” Konvensiyasının təsdiq edilməsi barədə” qanun layihəsi və “Bakı şəhərinin Əzizbəyov rayonu Xəzər rayonu adlandırılması haqqında” qanun layihəsinin müzakirəsi daxildir. İclasının gündəliyinə həmçinin, bir sıra qanunvericilik aktlarına əlavə və dəyişikliklərin edilməsi, eləcə də, bəzi beynəlxalq konvensiyalara qoşulmaq barədə məsələlər daxildir.
|
|
06.05.10 Məqaləni oxumaq
|
| |
|
|
|
Səhifələr : # 16 17 18 19 20 21 22 23 24 # |
|
Torpaqlarımızı qaytaraq..
|
| |
|
|
|
Açılış Səhifəsi et 
