|
|
Səhifələr : 1 2 3 4 5 » #
|
|
Hadı Rəcəbli: “Ölkədə 840 minə yaxın talassemiya və hemofiliya xəstəliyinin daşıyıcısı var”
|
|
Hazırda ölkədə 840 minə yaxın talassemiya və hemofiliya xəstəliyinin daşıcıyısı var. KƏLAMİNFO xəbər verir ki, bu barədə Milli Məclisi Sosial siyasət komitəsinin sədri Hadı Rəcəbli məlumat verib.
Onun sözlərinə görə, bu xəstəliklərin artmasına səbəb olan başlıca amillərdən biri də qohum nigahların artmasıdır. H.Rəcəbli bununla bağlı ciddi tədbirlərin görülməsinin vacibliyini vurğulayıb. “Hazırda biz komitənin iclaslarında nigahın bağlanması zamanı tibbi arayışın tələb olunması məsələsinin əlavə olunması bəradə müzakirələr aparırıq. Hesab edirəm ki, bunun tətbiq olunması zəruri haldır. Çünki hər bir nigahın bağlanmasından da vacib hal ilk növbədə ailə quran gənclərin sağlamlığının təmin olunmasıdır”,-deyə millət vəkili əlavə edib.
|
01.05.10 Məqaləni oxumaq
|
| |
|
|
|
Ali məktəblərin magistratura pilləsinə imtahan vermək üçün 15362 bakalavr ərizə verib
|
|
Tələbə Qəbulu üzrə Dövlət Komissiyası (TQDK) mayın 2-də cari tədris ili üçün ali təhsil müəssisələrinin magistraturalarına qəbul imtahanının birinci mərhələsini keçirəcək. Bu barədə məlumatı KƏLAMİNFO-ya TQDK-nın mətbuat xidmətindən veriblər.
İmtahanla bağlı ərizələrin qəbulu internet vasitəsilə aprelin 12-dən 19-dək aparılıb və 15 362 bakalavr ərizə verib. Onlardan 13 563 Azərbaycan bölməsi, 1799 nəfəri rus bölməsi üzrə imtahan verəcək. Ərizə verənlərin 7508 nəfəri oğlan, 7854 nəfəri isə qızlardır.
Bakalavrlardan 9193 nəfəri 2010-cu ilin məzunlarıdır. Qəbul imtahanı Bakı şəhərində 21, Naxçıvan şəhərində 1, Gəncə şəhərində 1 binada keçirilir. İmtahanın idarə olunması üçün 103 imtahan rəhbəri, 1081 nəzarətçi-müəllim cəlb olunub. İmtahan saat 14:00-da başlanır və sualların cavablandırılmasına 2 saat 30 dəqiqə vaxt ayrılır.
Bakalavrlara ümumi intellekt səviyyəsinin (məntiqi təfəkkür) yoxlanılması üzrə 50, xarici dil üzrə 25 və informatika fənni üzrə 25 test tapşırığı təqdim olunur.
|
|
01.05.10 Məqaləni oxumaq
|
| |
|
|
|
Almaniya - Azərbaycan Cəmiyyətinin 20 illik yubileyi qeyd edilib
|
|
Bakı Caz Mərkəzində Almaniya - Azərbaycan Cəmiyyətinin yaradılmasının 20 illiyi qeyd olunub. KƏLAMİNFO xəbər verir ki, tədbirdə respublikamızın bir sıra tanınmış ali məktəblərinin rəhbərləri, təhsil işçiləri, mədəniyyət xadimləri, Almaniyadan qonaqlar, cəmiyyətin İdarə Heyətinin üzvləri və Almaniyanın ölkəmizdəki səfiri Kristofer Ştançina iştirak edib.
Almaniya – Azərbaycan Cəmiyyətinin idarə heyətinin sədri, professor Çingiz Abdullayev ötən 20 il ərzində cəmiyyətin keçdiyi yol və fəaliyyəti barədə məlumat verib. Qeyd olunub ki, bu illər ərzində cəmiyyətin fəaliyyəti çoxşaxəli olub, sosial-mədəni tədbirlərlə yanaşı, tarix sahəsində ciddi elmi-tədqiqat işləri aparılıb, diasporanın formalaşmasına dəstək olub, hər iki ölkədə elm və iqtisadiyyatın aktual tədqqat obyektlərinə həsr olunmuş beynəlxalq konfranslar keçirilib.
Tədbirdə çıxış edənlər ötən müddət ərzində cəmiyyətin fəaliyyətinə yüksək qiymət verib, bu işlərin həyata keçirilməsində cəmiyyətin sədri, professor Cingiz Abdullayevin rolunu xüsusi vurğulayıblar.
|
|
01.05.10 Məqaləni oxumaq
|
| |
|
|
|
H.Orucov: “Şuşa məscidinin bərpası ideyasının ermənilər tərəfindən gerçəkləşməsinə sadəcə görüntü kimi baxıla bilər”
|
|
Şuşadakı Azərbaycan məscidi bərpa olunanda mütləq Azərbaycan mütəxəssislərinin rəyi nəzərə alınmalı, bununla bağlı Azərbaycana müraciət olunmalıdır. KƏLAMİNFO xəbər verir ki, bu barədə açıqlamanı jurnalistlərə Dini Qurumlarla İş üzrə Dövlət Komitəsinin (DQİDK) sədri Hidayət Orucov Dünya Dini Liderlərinin ümumdünya sammitində iştirak etmək üçün Bakıya gələn bütün ermənilərin katalikosu II Qareginin Şuşa məscidinin bərpası ilə bağlı açıqlamasına münasibət bildirərkən deyib.
O bildirib ki, sırf Azərbaycana məxsus Şuşa məscidinin saxtalaşdırılmasının qarşısını almaq üçün azərbaycanlı mütəxəssislərin rəyi nəzərə alınmalıdır. “Mən o məscidi çox yaxşı xatırlayıram. Məscid sırf Azərbaycan memarlığı üslubundadır. Onu başqa müsəlman ölkəsinin üslubuna oxşatmaq və ya təhrif etmək olmaz”,-deyən H.Orucov əlavə edib ki, ermənilər təkcə Dağlıq Qarabağ ərazisində deyil, işğal etdikləri bütün 20 faiz torpaqlarda milli, dini abidələrin hamısını məhv edib, qədim alban abidələrini isə qriqoryanlaşdırıblar. “Bu gün Ermənistan adlandırılan qədim Azərbaycan torpaqlarında məzarlıqlardan tutmuş məscidlərə, türbələrə, ziyarətgahlara qədər bütün milli və dini abidələrin hamısı məhv edilib. Şübhəsiz ki, Şuşa məscidinin bərpası ideyasının ermənilər tərəfindən gerçəkləşməsinə sadəcə görüntü kimi baxıla bilər. Çünki ölkə prezidenti bu barədə hər yerdə açıq danışır.
|
|
01.05.10 Məqaləni oxumaq
|
| |
|
|
|
“Bolonya prosesi: problemlər, perspektivlər, reallıqlar” adlı monoqrafiya nəşr edilib
|
|
Müdafiə Mahmudovun “Bolonya prosesi: problemlər, perspektivlər, reallıqlar” adlı monoqrafiyası nəşr edilib. AMEA-dan KƏLAMİNFO-ya verilən məlumata görə, “Elm və Təhsil” Nəşriyyatı tərəfindən işıq üzü görən kitab Azərbaycanın ali təhsil müəssisələrinin Avropa ali təhsil məkanına inteqrasiyasına həsr olunub.
Monoqrafiyada Bolonya prosesinin meydana gəlməsi tarixi, məqsədi, məzmunu, vəzifələri və digər məsələlər əks olunub, respublikamızın bu prosesə qoşulması ilə Avropa təhsil sisteminə inteqrasiya yolunda mühüm addımın atıldığı açıqlanıb. Bundan başqa, monoqrafiyada ölkəmizin intellektual potensialının gücləndirilməsi, Azərbaycanın Bolonya prosesinə daxil olmasının reallıq olduğu və digər məsələlər öz əksini tapıb.
Qeyd edək ki, monoqrafiyanın elmi redaktoru AMEA-nın müxbir üzvü Yusif Məmmədovdur.
|
|
30.04.10 Məqaləni oxumaq
|
| |
|
|
|
Hidayət Orucov: “Qanundankənar dini fəaliyyətlərə qarşı qanun çərçivəsində münasibət bildirilib”
|
|
Ötən ilin payızından bu günə kimi 350-yə yaxın dini icma dövlət qeydiyyatına alınıb. KƏLAMİNFO xəbər verir ki, bu barədə məlumatı Dini Qurumlarla İş üzrə Dövlət Komitəsinin (DQİDK) sədri Hidayət Orucov verib.
O qeyd edib ki, 10-dan artıq dini icmanın qeydiyyatından imtina edilib. Qeydiyyatdan imtina olunan dini icmaların İslam və qeyri-islam təmayüllü olduğunu diqqətə çatdıran H.Orucov əlavə edib ki, imtinanın səbəbi onların sənədlərinin qanunauyğun tərtib olunmamasıdır.
H.Orucov Azərbaycanda qanunsuz dini fəaliyyətlə məşğul olanlara da münasibətini açıqlayıb. “Qanundankənar hərəkət edənlərə qarşı qanun çərçivəsində münasibət bildirilib və bildiriləcək. Dövlət Komissiyasının öz funksiyaları, hüquq-mühafizə orqanlarının isə öz səlahiyyətləri var. Bu, daha çox hüquq-mühafizə orqanlarının səlahiyyətlərinə aid olan məsələdir”,-deyə H.Orucov əlavə edib.
|
|
30.04.10 Məqaləni oxumaq
|
| |
|
|
|
|
|
Hacı Əbdülrza Musayev: “Binəqədinin toy axşamı adətlərinin bəziləri bu gün də qalır”
|
|
“Vətəndaş Maarifləndirilməsi” İctimai Birliyi Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə “Azərbaycan xalqının unudulmuş və unudulmaqda olan milli adət-ənənələrinin öyrənilməsi və təbliği” layihəsini həyata keçirir. Layihə çərçivəsində Bakı kəndlərində adət-ənənələrin yaşadılması ilə bağlı araşdırma aparılır. Bu kəndlərdən biri də Binəqədidir.
|
|
30.04.10 Məqaləni oxumaq
|
| |
|
|
|
“Praqa prosesi çərçivəsində aparılan danışıqlar artıq sona yaxınlaşmaq üzrədir”
|
Rasim Musabəyov son nöqtənin may ayında Moskvada qoyula biləcəyini proqnozlaşdırır
Dağlıq Qarabağ münaqişəsinin nizamlanması ilə bağlı danışıqlar prosesi uzunmüddətli intensivlikdən sonra yenidən durğunluq dövrünə qədəm qoymaqdadır. Azərbaycanın kompromis naminə razılaşdığı Madrid prinsiplərinin yeniləşmiş variantına Ermənistan tərəfindən hər hansı bir reaksiya yoxdur. Belə görünür ki, prinsiplərin müəyyən hissələri Ermənistanı qane etmir. Bir sözlə, işğalçı dövlət danışıqlar prosesini bir qədər də uzatmağa çalışır. Azərbaycanın isə buna vaxtı yoxdur. Ölkə rəhbərliyi bir neçə dəfə qəti şəkildə bəyan edib ki, ya Ermənistan ATƏT-in Minsk qrupunun həmsədr dövlətləri tərəfindən təqdim olunan Madrid prinsiplərinin yeniləşdirilmiş variantını qəbul edəcək, ya da Azərbaycan münaqişənin həlli ilə bağlı digər variantlara əl atmalı olacaq. Danışıqların bu mərhələsində prezident İlham Əliyevin Müdafiə Nazirliyində xüsusi müşavirə keçirməsi də diqqətdən yayınmır. Münaqişənin həlli prosesi ilə bağlı yaranmış vəziyyətə aydınlıq gətirmək üçün politoloq Rasim Musabəyova müraciət etdik.
- Ermənistan tərəfi nə üçün danışıqlar prosesini uzatmaq istəyir?
- Ermənilər danışıqları sonsuz şəkildə uzatmaqda maraqlıdırlar. Azərbaycan isə heç bir nəticə verməyən danışıqlarla bağlı qəti mövqe tutmaqdadır. Hiss olunur ki, rəsmi Bakının səbri tükənməkdədir. Artıq danışıqlara vasitəçilik edən həmsədr ölkələrin nümayəndələrinin də yorulduqları hiss olunur.
|
|
30.04.10 Məqaləni oxumaq
|
| |
|
|
|
Azərbaycanın ABŞ-dakı səfiri Amerika Yəhudi Komitəsi qarşısında çıxış edib
|
|
Amerika Yəhudi Komitəsinin (AYK) dəvətilə Azərbaycanın ABŞ-dakı səfiri Yaşar Əliyev komitənin illik konfransı çərçivəsində təşkil olunmuş xüsusi tədbirdə çıxış edib. Bu barədə məlumatı KƏLAMİNFO-ya Azərbaycanın Vaşinqtondakı səfirliyindən veriblər.
Tədbirdə ABŞ yəhudi icmasının yüksək rütbəli nümayəndələri iştirak ediblər.
AYK-nin prezidenti Riçard Saydman və icraçı katibi Deyvid Xarris səfiri salamlayaraq, Azərbaycanın çoxəsrlik dözümlülük ənənələrini, xüsusilə çoxsaylı yəhudi icmasına daima xoş münasibətini vurğulayıblar. Azərbaycanın İsrail ilə dost münasibətləri, onun ABŞ və İsrail üçün strateji tərəfdaş kimi xüsusi önəmi qeyd olunub.
Səfir Y.Əliyev çıxış edərək Azərbaycan yəhudilərinin tarixi, azərbaycanlıların etnik və dini dözümlülüyü, azərbaycanlılarla yəhudilər arasındakı sıx bağlardan danışaraq, Azərbaycanla İsrail arasında getdikcə daha da möhkəmlənən və çoxşaxəli səciyyə daşıyan münasibətlərin əhəmiyyətini vurğulayıb.
|
|
30.04.10 Məqaləni oxumaq
|
| |
|
|
|
Səhifələr : 1 2 3 4 5 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
