|
Səhifələr : # « 1 2 3 4 5 6 7 » #
Akademik Zərifə Əliyevanın 87-ci ildönümünə həsr olunmuş beynəlxalq elmi konfrans işə başlayıb
|
Zərifə Əliyeva adına Milli Oftalmologiya Mərkəzində görkəmli oftalmoloq alim, akademik Zərifə xanım Əliyevanın anadan olmasının 87-ci ildönümünə həsr olunmuş beynəlxalq elmi konfrans işə başlayıb. KƏLAMİNFO xəbər verir ki, konfrans iştirakçıları və Azərbaycanın tibb ictimaiyyətinin nümayəndələri Fəxri Xiyabana gələrək ümummilli lider Heydər Əliyevin xatirəsini ehtiramla yad edib, məzarı önünə əklil qoyublar. Sonra konfrans iştirakçıları görkəmli oftalmoloq alim, akademik Zərifə xanım Əliyevanın xatirəsini yad edib, məzarı önünə əklil və gül dəstələri düzüblər.
Konfransda Rusiya, Türkiyə, Gürcüstan, Qazaxıstan, Misir, İtaliya, Ukrayna və İsraildən mütəxəssislər iştirak ediblər.
Konfransda səhiyyə naziri Oqtay Şirəliyev, akademik Zərifə Əliyeva adına Milli Oftalmologiya Mərkəzinin direktoru Elmar Qasımov, Türk Cümhuriyyəti Oftalmoloji Dərnəyinin sədri Sunay Duman, Rusiya Tibb Elmləri Akademiyasının akademiki Alevtina Brovkina və digərləri çıxış ediblər.
|
28.04.10 Məqaləni oxumaq
|
|
|
“Zirvədəki şəxsiyyətlərimiz” mövzusunda ədəbi-bədii tədbir keçiriləcək
|
Aprelin 30-da Cəlil Məmmədquluzadənin Bakıdakı ev-muzeyində “Zirvədəki şəxsiyyətlərimiz” mövzusunda ədəbi-bədii tədbir keçiriləcək. KƏLAMİNFO xəbər verir ki, Dünya Azərbaycanlıları Mədəniyyət Mərkəzinin “Bura Vətəndir” Məclisi ilə birgə keçiriəcəyi tədbirdə “Molla Nəsrəddin” jurnalının işıq üzü görməsində və nəşrində Cəlil Məmmədquluzadənin fəaliyyəti, onun Azərbaycan ədəbiyyatı və mətbuatında əvəzsiz xidmətindən, mollanəsrəddinçilərdən ətraflı söz açılacaq.
Tədbirdə C.Məmmədquluzadə yaradıcılığının tədqiqatçıları, Bakı muzeylərinin əməkdaşları iştirak edəcəklər.
|
28.04.10 Məqaləni oxumaq
|
|
|
Muzey Mərkəzində TÜRKSOY-un qeyri-maddi mədəni irsin qorunmasına dair III Beynəlxalq seminarı keçirilir
|
Bu gün Bakıda Muzey Mərkəzində TÜRKSOY-un qeyri-maddi mədəni irsin qorunmasına dair III Beynəlxalq seminarı işə başlayıb. KƏLAMİNFO xəbər verir ki, “Türkdilli xalqların qeyri-maddi mədəni irsinin konvensiyalaşdırılması, inventarlaşdırılması və proqramlaşdırılması” mövzusunda seminarı Mədəniyyyət və Turizm Nazirliyinin təşkilati dəstəyi ilə keçirilir. Seminarın açılışına TÜRKSOY-un məsul işçiləri, Türkiyə, Qazaxıstan və digər ölkələrdən gəlmiş mütəxəssislər qatılıblar.
Mədəniyyət və turizm naziri Əbülfəs Qarayev çıxış edrək seminarla bağlı fikirlərini bildirib. O, tədbirin ilk günü “Türk dünyasının qeyri-maddi mədəni irsinin qorunması və dəstəklənməsinin konvensiyalaşdırılması perspektivləri” mövzusunda məruzə dinləniləcəyini söyləyib.
Qeyd edək ki, günün ikinci yarısında seminar iştirakçıların 2010-cu il üçün Azərbaycanın sənətkarlıq paytaxtı elan olunan Şəkiyə yola düşməsi və aprelin 28-də seminarın işini Şəki şəhərində davam etdirməsi planlaşdırılır.
|
28.04.10 Məqaləni oxumaq
|
|
|
Moskvada içərilərində azərbaycanlı da olan bir qurup qafqazlıya hücum olub
|
Dünən axşam radələrində Rusiyanın paytaxtı Moskvanın cənub hissəsində bir qurup naməlum şəxs qafqazlılara silahlı hücum edib. KƏLAMİNFO Rusiya mətbuatına istinadən xəbər verir ki, hadisə nəticəsində zərərçəkmişlərdən bir nəfər ağır halda xəstəxanaya çatdırılıb.
Hücuma məruz qalanlar arasında Şimali Qafqaz xalqlarının nümayəndələri ilə yanaşı, bir nəfər azərbaycanlı da olub. İnsident Moskvanın cənubunda general Belov küçəsi, ev 25-in yaxınlığında baş verib. Davanın gedişində hücum edənlərdən biri travmatik tapançayla bir neçə dəfə atəş açıb.
Hücum edənlər qara rəngli “VAZ-2114”də hadisə yerindən qaçıblar. Qafqazlılar isə maşının 2 şüşəsini sındıra biliblər.
|
28.04.10 Məqaləni oxumaq
|
|
|
TQDK-da 2010/2011-ci tədris ili üçün sənəd qəbulu ilə bağlı seminar keçirilib
|
Tələbə Qəbulu üzrə Dövlət Komissiyasında (TQDK) 2010/2011-ci tədris ili üçün Respublikanın ali təhsil müəssisələrinə və tam orta təhsil bazasında orta ixtisas təhsli müəssisələrinə ərizə qəbulunun aparılması ilə bağlı Sənəd Qəbulu Komissiyaları (SQK) ilə seminar-məşğələ keçirilib. Bu barədə məlumatı KƏLAMİNFO-ya TQDK-nın mətbuat xidmətindən veriblər.
Seminarda müasir informasiya texnologiyaları tətbiq edilməklə TQDK-nın inzibati binasından Komissiyanın Naxçıvan, Gəncə, Lənkəran, Quba və Şəki regional bölmələri ilə canlı videobağlantı qurulub. Tədbirdə Komissiyanın Təşkilat şöbəsinin müdiri Arzu Bağırov, sektor müdirləri H.Zeynalov və İ.Allahverdiyev, regional bölmələrin əməkdaşları, 50-dək SQK nümayəndələri iştirak edib.
Tədbirdə SQK müvafiq hazırlıq işlərinin aparılması, onların üzərlərinə düşən vəzifələr barədə tapşırıqlar verilib. Daha sonra SQK üzvlərinə “elektron ərizə” qəbulu sisteminin proqram təminatı barədə məlumat verilib.
|
28.04.10 Məqaləni oxumaq
|
|
|
"İRƏLİ"də BMT-nin Qaçqınlar üzrə Ali Komissarlığının hüquqşünası ilə görüş keçirilib
|
"İRƏLİ" Hüquq Mərkəzində BMT-nin Qaçqınlar üzrə Ali Komissarlığının hüquqşünası Zaur Nağıyevin iştirakı ilə görüş keçirilib. Bu barədə məlumatı KƏLAMİNFO-ya "İRƏLİ" İB-dən veriblər.
Ekspert BMT QAT-ın səlahiyyətləri, fəaliyyətini tənzimləyən normativ aktlar, yaradılmasının məqsədi haqqında ümumi məlumat verib. O, təmsil etdiyi qurumun Azərbaycandakı fəaliyyətinin əsas istiqamətlərinə aydınlıq gətirib.
Tədbirin ikinci hissəsində Çeçenistan, Əfqanıstan, İran gənclərinin beynəlxalq münaqişələrə və praktikaya əsaslanaraq hüquqi statusu, onların təhsil və digər hüquqlarının realizəsi ilə əlaqədar, o cümlədən ölkəmizdə qarşılaşdıqları müxtəlif çətinliklərlə bağlı verdikləri suallar cavablandırılıb.
Həmin problemlərin Azərbaycan dövləti və BMT QAT-ın hansı hüquq sənədləri ilə tənzimlənməsi və yardım prosedurları sxematik olaraq ətraflı şərh edilib.
|
28.04.10 Məqaləni oxumaq
|
|
|
Spiker O.Əsədov İran İslam Şurası Məclisinin Azərbaycanla dostluq qrupunun sədrini qəbul edib
|
Milli Məclisin sədri Oqtay Əsədov İran İslam Şurası Məclisinin Azərbaycanla dostluq qrupunun sədri Seyid Kazım Musəvinin başçılıq etdiyi nümayəndə heyətini qəbul edib. Bu barədə məlumatı KƏLAMİNFO-ya Milli Məclisdən veriblər.
Spiker O.Əsədov qonaqları salamlayaraq bu cür səfərlərin əlaqələrin inkişafı baxımından əhəmiyyətli olduğunu bildirib. O, cari ilin fevralında İranın Tehran və Təbriz şəhərlərinə səfərlərini xatırlayaraq orada keçirdiyi görüşlər və aparılan danışıqlardan məmnun qaldığını vurğulayıb.
O.Əsədov bildirib ki, Azərbaycanla İran arasındakı münasibətlər dostluq və qardaşlıq təməli üzərində qurulub. “Azərbaycan Cənubi-Şərqi Asiyada özünəməxsus yer tutan İranla əlaqələrin inkişafına böyük əhəmiyyət verir. Dövlət başçılarının qarşılıqlı səfərləri zamanı aparılan danışıqlar və imzalanmış sənədlər əməkdaşlığımızın gələcək inkişafı üçün möhkəm zəmin yaradıb. Bu günədək dövlətlərimiz arasında 90-dan çox sənəd imzalanıb ki, bu da əlaqələrimizin hüquqi bazasını təşkil edir”,-deyə spiker vurğulayıb.
|
28.04.10 Məqaləni oxumaq
|
|
|
Diplomat T.Musayev Nyu-York Universitetində Dağlıq Qarabağ problemi ilə bağlı mühazirə oxuyub
|
Azərbaycanın BMT-dəki Daimi Nümayəndəliyinin müşaviri Tofiq Musayev Nyu-York Universitetinin dəvəti ilə beynəlxalq hüquq və münasibətlər üzrə təhsil alan tələbələr qarşısında “Ermənistan və Azərbaycan arasında silahlı münaqişə: köklü səbəblər, nəticələr və həll üçün beynəlxalq hüquqi əsas” mövzusunda mühazirə ilə çıxış edib. Daimi nümayəndəlikdən KƏLAMİNFO-ya bildiriblər ki, mühazirədə Cənubi Qafqazda davamlı münaqişələrin bölgə dövlətlərinin təhlükəsizliyinə, müstəqilliyinə və demokratik inkişafına mane olan, bütün regionun qeyri-sabitliyinin əsas mənbəyi kimi siyasi-tarixi, hüquqi tərəflərinə toxunulub.
|
27.04.10 Məqaləni oxumaq
|
|
|
SAM-da “Kosovo və Dağlıq Qarabağ: fərqlər və ziddiyyətlər” mövzusunda Dəyirmi masa təşkil olunacaq
|
Aprelin 30-da Azərbaycan Prezidenti yanında Strateji Araşdırmalar Mərkəzində (SAM) “Kosovo və Dağlıq Qarabağ: fərqlər və ziddiyyətlər” mövzusunda Dəyirmi masa təşkil olunacaq. Bu barədə məlumatı KƏLAMİNFO-ya SAM-dan veriblər.
Tədbirdə məruzəçilər qismində Türkiyə Beynəlxalq Strateji Araşdırmalar Mərkəzinin (USAD) rəhbəri Cəlal Cem Oğuz, Bilkənt Universitetinin beynəlxalq münasibətlər üzrə professoru Mark Almond və həmin universitetin jurnalistika fakultəsinin müəllimi Devid Barçard çıxış edəcəklər.
Tədbirin keçirilməsində məqsəd Kosovo və Dağlıq Qarabağ məsələləri arasında fərqləri və ziddiyyətləri müəyyənləşdirmək, bu istiqamətdə ekspert ictimaiyyətilə fikir mübadiləsi aparmaqdır.
Görüşdə XİN-nin məsul əməkdaşları, millət vəkilləri, Azərbaycanda akkreditə olunmuş diplomatik nümayəndəliklərin təmsilçiləri, regional və beynəlxalq münasibətlər üzrə mütəxəssislər iştirak edəcəklər.
|
27.04.10 Məqaləni oxumaq
|
|
|
Yaxın Şərqin nüfuzlu din xadimi: “Ermənistan Qarabağdan rədd olmalıdır!”
|
Yaxın Şərqin nüfuzlu din xadimlərindən olan Ərdəbilin imam-cüməsi Seyyid Həsən Amuli Ermənistanı kəskin ittiham edib. O, ermənilərdən Qarabağı dərhal tərk etmələrini tələb edib. KƏLAMİNFO xəbər verir ki, bu fikirləri S.H.Amuli öz növbəti xütbəsində bəyan edib.
O, qeyd edib ki, ATƏT-in Minsk Qrupu Dağlıq Qarabağ münaqişəsinin sülh yolu ilə həll olunması istiqamətində heç bir uğur əldə edə bilmir. Bununla yanaşı, alim xatırladıb ki, Ermənistan müraciətə heç bir reaksiya verməsə də, qonşu Azərbaycan İranın bu münaqişəsinin həlli istiqamətində vasitəçiliyini qəbul etməyə razılaşıb. “Müsəlmanlar yenidən Qarabağ məscidlərindən “Allahu əkbər” sədaları eşitməlidir. Dağlıq Qarabağ yenidən Azərbaycanın tərkibinə qaytarılmalı, Ermənistan isə Qarabağ ərazisindən rədd olmalıdır”, - deyə alim bildirib.
Həmin xütbədə Azərbaycanın İrandakı səfiri Cavanşir Axundov da iştirak edib.
|
27.04.10 Məqaləni oxumaq
|
|
|
|
Səhifələr : # « 1 2 3 4 5 6 7 » #
|
Torpaqlarımızı qaytaraq..
|
|
|
|