|
Səhifələr : # « 8 9 10 11 12 13 14 15 16 » #
Ziyafət Əsgərov: “Azərbaycan Türkiyə rəhbərliyinin öz vədinə sadiq qalacağına inanır”
|
“Azərbaycan Türkiyə rəhbərliyinin öz vədinə sadiq qalacağına inanır”. KƏLAMİNFO xəbər verir ki, bu sözləri Milli Məclis sədrinin birinci müavini Ziyafət Əsgərov ABŞ-da keçiriləcək Ərdoğan-Sarkisyan görüşünə münasibət bildirərkən söyləyib.
Z.Əsgərov bildirib ki, Türkiyə ilə Ermənistan arasında sərhədlərin açılması Dağlıq Qarabağ probleminin həllindən asılıdır. Onun sözlərinə görə, Türkiyənin Baş naziri və xarici işlər naziri bu məsələdə Azərbaycanın maraqlarının qorunacağını bəyan edib.
“Mövqeyimiz belədir ki, Türkiyə ilə Ermənistan arasında sərhədlər Ermənistanın işğalçılıq siyasətinə son qoyulandan sonra açılmalıdır. Bu mövqeyimizdə də qalırıq. Hesab edirəm ki, Türkiyə tərəfi də bu prinsipə sadiq qalacaq”,-deyə Z.Əsgərov vurğulayıb.
|
13.04.10 Məqaləni oxumaq
|
|
|
TQDK bu gün ali məktəblərin magistratura pilləsinə sənəd qəbuluna başlayır
|
Bu gündən Tələbə Qəbulu üzrə Dövlət Komissiyası (TQDK) 2010/2011-ci tədris ili üçün ali məktəblərin magistratura pilləsinə sənəd qəbuluna başlayır. Bu barədə məlumatı KƏLAMİNFO-ya TQDK-nın mətbuat xidmətindən veriblər. Sənəd qəbulu aprelin 19-dək davam edəcək. Artıq imtahanların günləri də məlumdur. Qəbul imtahanının birinci mərhələsi mayın 2-də, proqramların seçimi isə 7-12 iyun tarixlərində baş tutacaq. Qəbul imtahanlarının ikinci mərhələsi iyunun 20-də keçiriləcək. İkinci mərhələyə buraxılmış bakalavrların ixtisas seçimi isə iyunun 22-dən 25-dək aparılacaq.
|
13.04.10 Məqaləni oxumaq
|
|
|
İnformatika üzrə Ümumrespublika Olimpiadasının birinci mərhələsi başa çatıb
|
Telekommunikasiya və İnformasiya Cəmiyyəti Gününə həsr olunan Ali məktəb tələbələri arasında informatika üzrə Ümumrespublika Olimpiadasının birinci mərhələsi başa çatıb. Bu barədə məlumatı KƏLAMİNFO-ya Rabitə və İnformasiya Texnologiyaları Nazirliyinin mətbuat xidmətindən veriblər.
Ümumilikdə, qeydiyyatdan keçmiş 10 ali təhsil müəssisəsinin 42 komandasından ikinci final mərhələsinə 6 tədris ocağını təmsil edən 20 komanda vəsiqə qazana bilib. İlk turda balların 30%-ni yığan komandalar final mərhələsinə adlayıblar. Finalda Qafqaz Universiteti 8 komanda ilə, Moskva Dövlət Universitetinin Bakı filialı 5 komanda ilə, Bakı Dövlət Universiteti 4 komanda ilə, Azərbaycan Texniki Universiteti 1 komanda ilə, Azərbaycan Dövlət Neft Akademiyası 1 komanda ilə və Naxçıvan Dövlət Universiteti 1 komanda ilə mübarizə aparacaqlar.
Olimpiadanın final mərhələsi cari ilin 8 may tarixində AMEA-nın İnformasiya Texnologiyaları İnstitutunda olacaq.
|
13.04.10 Məqaləni oxumaq
|
|
|
Bu gün uşaq və yeniyetmələrin elmi-texniki yaradıcılıq sərgisi keçirilib
|
Bu gün “Ləndmark” otelinin Rotunda zalında Təhsil Nazirliyi tərəfindən elan olunan uşaq və yeniyetmələrin elmi-texniki yaradıcılıq müsabiqəsinin yekunları ilə bağlı sərgi keçirilib. KƏLAMİNFO xəbər verir ki, təhsil naziri Misir Mərdanov, gənclər və idman naziri Azad Rəhimov, millət vəkilləri və təhsil ictimaiyyətinin iştirak etdiyi sərgidə çıxış edən təhsil nazirinin müavini Elmar Qasımov məlumat verib ki, müsabiqədə 8 yaşdan 18 yaşadək uşaq və yeniyetmə iştirak edib.
3 mərhələdə reallaşan müsabiqə texniki yaradıcılığın 5 növü üzrə 15 nominasiyada keçirilib. Müsabiqənin keçirilməsində məqsəd uşaq və yeniyetmələrin elmi-texniki potensialının üzə çıxarılması, onların yaradıcılığının inkişaf etdirilməsi üçün stimulun yaradılması və onlar arasında təcrübə mübadiləsinin təşkil olunmasından ibarətdir.
|
12.04.10 Məqaləni oxumaq
|
|
|
TQDK-ın keçirdiyi növbəti sınaq imtahanında 8 mindən çox abituriyent iştirak edib
|
Ötən gün respublika üzrə keçirilən sınaq imtahanlarında nəticə etibarilə 8 mindən çox abituriyent iştirak edib. Bu barədə məlumatı KƏLAMİNFO-ya Tələbə Qəbulu üzrə Dövlət Komissiyasının (TQDK) mətbuat xidmətinin rəhbəri Elnur Nağızadə verib. O, qeyd edib ki, bu sınaq imtahanı TQDK tərəfindən cari il üçün keçirilən sayca ikinci imtahan idi. “Bu imtahanda iştirak edən abituriyentlərə sual kitabçaları aprelin 4-də təqdim olunub. Bu təkrar sınaq imtahanı olduğu üçün əvvəlki imtahanda təqdim olunan sual kitabçaları ilə indiki eyni idi. Bundan əvvəlki imtahanda iştirak edə bilməyən abituriyentlərə imkan yaradıldı ki, imtahanda iştirak etsinlər. Sınaq imtahanları bütün regionlar üzrə nəzərdə tutulmuş bütün binalarda uğurla həyata keçirilib. Ötən gün keçirilən imtahanların nəticələri isə abituriyentlərə aprelin 15-də elan olunacaq”,-deyə E.Nağızadə açıqlayıb. Onun sözlərinə görə, aprelin 18-də keçiriləcək növbəti sınaq imtahanında 30 mindən artıq abituriyentin iştirakı gözlənilir.
|
12.04.10 Məqaləni oxumaq
|
|
|
Aspirant və doktorantlar 5000 İsveçrə frankı məbləğində mükafat qazana bilər
|
Ümumdünya Ticarət Təşkilatı (ÜTT) Katibliyi tərəfindən gənc iqtisadçılar üçün bir sıra mövzularla bağlı yazılan tədqiqat işi üzrə 5000 İsveçrə frankı məbləğində mükafat elan edilib. Təhsil Nazirliyindən KƏLAMİNFO-ya verilən məlumata görə, mövzular ticarət sazişlərinin formalaşdırılması, şərti himayədarlıq, ticarətin asanlaşdırılması, ticarət sazişlərinin təsirləri, ticarət üçün yardım və mübahisələrin həllinin iqtisadi aspektlərindən ibarətidir.
|
12.04.10 Məqaləni oxumaq
|
|
|
AzərTAc saytının dizaynında dəyişiklər edib
|
Azərbaycan Dövlət Teleqraf Agentliyi – AzərTAc özünün www.azertag.com saytının dizaynında dəyişiklər edib. KƏLAMİNFO xəbər verir ki, saytın yeni dizaynında bu sahənin ən son tendensiyalarının əlamətləri nəzərə alınıb, resursun kontenti isə indi daha sürətlə yüklənir. Daha rahat naviqasiya ilə təmin olunmuş saytın birinci səhifəsi lazımi bölməyə tez keçməyə imkan verir. Əvvəlki versiyada olduğu kimi burada da multimedia blokları mövcuddur. Resursun bölmələri də, elə bölünüb ki, istifadəçinin seçimi üzrə Azərbaycan və xarici xəbərlərlə ayrıca tanış olmaq mümkündür.
Saytda ən son xəbərləri izləmək imkanı verən yenilənmiş xəbər lenti və “Günün xəbərləri” bölmələri də yerləşdirilib.
Qeyd edək ki, yeni dizayn Azeriland şirkəti tərəfindən hazırlanıb.
|
10.04.10 Məqaləni oxumaq
|
|
|
Komissar Ştefan Füle Azərbaycana səfərə gəlib
|
Avropa İttifaqının genişləndirmə və Avropa Qonşuluq Siyasəti məsələləri üzrə komissarı Ştefan Füle Azərbaycana səfərə gəlib. KƏLAMİNFO xəbər verir ki, bir günlük səfər çərçivəsində komissar Azərbaycan prezidenti İlham Əliyev, xarici işlər, iqtisadi inkişaf nazirləri, vətəndaş cəmiyyətinin nümayəndələri, müxalifət partiyalarının təmsilçilərilə görüşəcək.
Görüşlər zamanı Avropa İttifaqının Cənubi Qafqaz respublikaları ilə ikitərəfli münasibətləri, “Şərq Tərəfdaşlığı” proqramı müzakirə olunacaq.
Ş.Füle həmçinin Binəqədi rayonu ərazisində məskunlaşan məcburi köçkünlərə də baş çəkəcək. Avropa komissarının səfəri sabah başa çatacaq.
Qeyd edək ki, bu, Ş.Fülenin Avropa İttifaqının genişləndirmə və Avropa Qonşuluq Siyasəti məsələləri üzrə komissarı statusunda Cənubi Qafqaz regionuna ilk səfəridir.
|
10.04.10 Məqaləni oxumaq
|
|
|
Aydın Mirzəzadə: “Azərbaycan öz ərazi bütövlüyünü şübhə altına alan heç bir təklifə razılıq verməyəcək”
|
“Azərbaycan birmənalı şəkildə öz ərazi bütövlüyünü şübhə altına alan heç bir təklifə razılıq verməyəcək”. KƏLAMİNFO xəbər verir ki, bu sözləri Milli Məclisin Təhlükəsizlik və müdafiə komitəsinin sədr müavini Aydın Mirzəzadə bildirib.
A.Mirzəzadə qeyd edib ki, yenilənmiş Madrid təkliflərində Azərbaycanın maraqları əsasən əks olunub. Bu baxımdan, ümumilikdə ölkəmizin Madrid prinsiplərini qəbul etdiyini söyləyən A.Mirzəzadənin fikrincə, Ermənistan bu məsələlərdə tez-tez mövqe dəyişikliyi nümayiş etdirir. Onun sözlərinə görə, Ermənistana problemin həlli deyil, onun dondurulmuş şəkildə uzun müddətli qalması lazımdır.
вЂњİşğalçı dövlətin rəhbərliyinə münaqişənin həlli sərf etmir. Çünki rəhbərlikdə olan komanda hakimiyyətə “Qarabağ dalğası” üzərində gəlib. Bu hakimiyyət öz şəxsi məsələlərini kifayət qədər həll edib. Bu gün hakimiyyətdəkilərə Ermənistan cəmiyyətinin problemlərinin həlli maraqlı deyil.
|
09.04.10 Məqaləni oxumaq
|
|
|
Azərbaycan və Türkiyə XİN rəhbərləri arasında telefon danışığı olub
|
Türkiyənin xarici işlər naziri Əhməd Davudoğlu ilə Azərbaycanlı həmkarı Elmar Məmmədyarov arasında telefon danışığı olub. KƏLAMİNFO Türkiyə mətbuatına istinadən xəbər verir ki, telefon söhbəti barədə məlumat verən Ə.Davudoğlu hər önəmli hadisədən əvvəl və sonra E.Məmmədyarovla əlaqə saxladıqlarını bildirib. O, həmkarına Türkiyə XİN Aparatının rəhbəri və Baş nazirin xüsusi elçisi Firudin Sinirlioğlunun Ermənistan səfəri haqqında bilgi verdiyini, eləcə də Rəcəb Tayyib Ərdoğanın Vaşinqtonda Ermənistan prezidenti Serj Sarkisyanla keçirəcəyi görüş barədə fikir mübadiləsi apardıqlarını söyləyib. Ə.Davudoğlu E.Məmmədyarova bildirib ki, R.T.Ərdoğanla Fransa prezidenti Nikola Sarkozi arasında Parisdə keçirilmiş görüşdə də Ermənistan-Azərbaycan, Dağlıq Qarabağ münaqişəsi müzakirə olunub.
|
09.04.10 Məqaləni oxumaq
|
|
|
|
Səhifələr : # « 8 9 10 11 12 13 14 15 16 » #
|
Torpaqlarımızı qaytaraq..
|
|
|
|