|
|
Səhifələr : # 1 2 3 4 5 6 7 8 9 #
|
|
ABŞ dövlət katibinin qonşu Rusiyaya səfəri başlayıb
|
|
Bu gün ABŞ dövlət katibi Hillari Klintonun Rusiyaya səfəri başlayır. KƏLAMİNFO rus mətbuatına istinadən xəbər verir ki, H.Klinton Moskvada Yaxın Şərq üzrə danışıqlarda iştirak etməli, habelə Rusiya rəhbərliyiylə strateji hücum silahlarının ixtisari haqda müqaviləni müzakirə etməlidir.
H.Klinton Moskvada iki gün olacaq. Gündəlikdə əsas 2 məsələ göstərilir. Moskvada ABŞ, Avropa İttifaqı, Rusiya və BMT-ni özündə cəmləşdirən Yaxın Şərq dördlüyünün görüşü keçiriləcək və xanım Klinton burada ABŞ-ı təmsil edəcək. Digər məsələ son vaxtlar ABŞ-Rusiya münasibətlərində aparıcı mövzuya çevrilmiş strateji hücum silahlarının ixtisarı haqda müqavilədir. Bu müqavilə dekabrda bitmiş əvvəlki Sazişi əvəzləməlidir. İlk əvvəl yeni müqavilənin hələ ötən il imzalanacağı gözlənilirdi, ancaq qarşılıqlı narazılıqlar onu hələ də imzasız saxlayır. Ehtimallara görə, H.Klintonla onun rusiyalı həmkarı S.Lavrov işə təkan verməyə çalışacaqlar.
|
18.03.10 Məqaləni oxumaq
|
| |
|
|
|
Bu gün prezidentin “Məhkum edilmiş bir sıra şəxslərin əfv olunması haqqında” Sərəncamının icrasına başlanılıb
|
|
Bu gün prezident İlham Əliyevin dünən imzaladığı “Məhkum edilmiş bir sıra şəxslərin əfv olunması haqqında” Sərəncamının icrasına başlanılıb. KƏLAMİNFO xəbər verir ki, bu gün səhərdən başlayaraq əfv olunmuş məhbuslar evlərinə buraxılır.
Qeyd edək ki, prezident İlham Əliyevin bu Sərəncamı ilə 72 nəfər əfv olunub. Onlardan 62-si cəzasının çəkilməmiş hissəsindən azad edilib. Cəzasının çəkilməsi təxirə salınmış bir nəfər cəzadan, yeddi məhkum isə cəzasının çəkilməmiş hissəsindən azad olunub. Bir nəfərin cərimə cəzası ləğv olunub, bir nəfərin isə ömürlük məhkumluğu 20 il müddətinə azadlıqdan məhrumetmə cəzası ilə əvəz edilib.
|
|
18.03.10 Məqaləni oxumaq
|
| |
|
|
|
Miqrasiya orqanları işçilərinin peşə bayramı günü təsis edildi
|
|
Martın 19-u Azərbaycan Respublikası Dövlət Miqrasiya Xidmətinin yaradıldığı gün - miqrasiya orqanları işçilərinin peşə bayramı günü kimi təsis edilib. KƏLAMİNFO xəbər verir ki, bu barədə prezident İlham Əliyev Sərəncam imzalayıb.
Qeyd edək ki, AR Prezidentinin 19 mart 2007-ci il tarixli Fərmanı ilə Azərbaycan Respublikası Dövlət Miqrasiya Xidməti yaradılıb və Əsasnaməsi təsdiq edilib.
Azərbaycan prezidentinin 25 iyul 2006-cı il tarixli Sərəncamı ilə “Azərbaycan Respublikasının Dövlət Miqrasiya Proqramı (2006-2008-ci illər)” təsdiq edilmişdir.
|
|
18.03.10 Məqaləni oxumaq
|
| |
|
|
|
DQİDK sədri Hidayət Orucov Səudiyyə Ərəbistanına gedir
|
|
Sabah Dini Qurumlarla İş üzrə Dövlət Komitəsinin (DQİDK) sədri Hidayət Orucov Səudiyyə Ərəbistanı Krallığının İslam Məsələləri, Vəqflər, Dəvət və İrşad Nazirliyinin dəvəti ilə bu ölkədə rəsmi səfərdə olacaq. Bu barədə məlumatı DQİDK-nin mətbuat xidmətindən veriblər.
Səfər çərçivəsində Səudiyyə Ərəbistanı Krallığının müvafiq qurumları ilə əlaqələrin inkişafı, həmçinin din sahəsinə aid qarşılıqlı maraq doğuran digər məsələlər barədə fikir mübadiləsi aparılacaq, Dövlət Komitəsi və Səudiyyə Ərəbistanı Krallığının İslam işləri üzrə strukturları arasındakı əməkdaşlığın perspektivi müzakirə olunacaq.
Rəsmi səfərin proqramına H. Orucovun “Heydər Əliyev və Azərbaycanda milli siyasət” kitabının ərəb dilində ikinci nəşrinin təqdimat mərasimi də daxildir.
|
|
18.03.10 Məqaləni oxumaq
|
| |
|
|
|
TQDK-da elmi-metodiki seminar keçirilib
|
|
Bu gün Tələbə Qəbulu üzrə Dövlət Komissiyasında (TQDK) fizika fənni üzrə elmi-metodiki seminar keçirilib. Bu barədə məlumatı KƏLAMİNFO-ya TQDK-nın mətbuat xidmətindən veriblər.
İclasda “Elektromaqnit sahəsi” ilə bağlı müzakirə aparılıb. Seminar iclasında mövzu ilə əlaqədar olaraq 32 saylı Ağdam köçkün məktəbinin müəllimi Leyla Quliyeva çıxış edib.
Müzakirələr nəticəsində mövzuya dair test tapşırıqlarının tərtibi ilə bağlı hansı məqamlara diqqət verilməsi barədə təkliflər səslənib. Növbəti seminar iclasında müzakirə davam etdiriləcək.
|
|
18.03.10 Məqaləni oxumaq
|
| |
|
|
|
“İrəli” İB tələbələrə diplom təqdim edəcək
|
|
“İrəli” İctimai Birliyi Novruz bayramı münasibətilə sabah Bakı Musiqi Akademiyasında musiqili tədbir təşkil edəcək. Bu barədə məlumatı KƏLAMİNFO-ya “İrəli” İctimai Birliyindən veriblər.
İctimai Birlik 2009-cu ilin sonunda Azərbaycanda bələdiyyə seçkilərinin keçirildiyini nəzərə alaraq “Azərbaycanda Yerli Demokratiya Həftəsi” çərçivəsində vətəndaşların hüquqi bilikləri və seçkilərə marağını artırmaq məqsədilə tədbirlər həyata keçirib. Respublikanın bir çox şəhər və rayonlarında gənc fəallar üçün “Bələdiyyələrin statusu” və ”Seçkiqabağı təşviqatın təşkili” mövzuları üzrə müasir kompüter texnologiyasından istifadə olunmaqla təqdimatlar və interaktiv müzakirələr aparılıb. Bir neçə şəhər və rayonda təlimlərlə yanaşı, Bakı Musiqi Akademiyasının gənc tələbələrinin ifasında “Gələcək Gənclərlə Gələcək” şüarı altında klassik Azərbaycan musiqisi konsertləri də keçirilib.
Qeyd edək ki, sabah konsert proqramının yekun bağlanışı ilə əlaqədar layihədə iştirak edən tələbələrə diplom təqdim olunacaq.
|
|
18.03.10 Məqaləni oxumaq
|
| |
|
|
|
Mədəniyyət və Turizm Nazirliyi simli alətlər üzrə respublika müsabiqəsini keçirəcək
|
|
Mədəniyyət və Turizm Nazirliyi cari ilin may ayında Bakı şəhərində uşaq musiqi və incəsənət məktəbləri şagirdlərinin simli alətlər üzrə respublika müsabiqəsini keçirəcək. Bu barədə məlumatı KƏLAMİNFO-ya nazirliyin mətbuat xidmətindən veriblər.
Müsabiqə skripka, alt, violonçel, arfa alətləri üzrə üç yaş qrupunda keçirilir. Birinci qrupa 9-11 yaş, ikinci qrupa 12-14 yaş, üçüncü qrupa isə 15-17 yaş kateqoriyaları aiddir. Müsabiqə 2 turdan ibarət olacaq.
|
|
18.03.10 Məqaləni oxumaq
|
| |
|
|
|
R.T.Ərdoğan: “ATƏT-in Minsk Qrupu vəzifəsinin öhdəsindən gəlməlidir”
|
|
Hazırda bölgədə sülhün və sabitliyin bərqərar olmasında, Dağlıq Qarabağ münaqişəsinin nizama salınmasında ATƏT-in Minsk Qrupunun üzərinə böyük vəzifə düşür. Bu qrup vəzifəsinin öhdəsindən gəlməlidir. Belə olan təqdirdə, nə Türkiyə ilə Ermənistan, nə də Azərbaycanla Ermənistan arasında bir problem qalacaqdır. KƏLAMİNFO xəbər verir ki, bu barədə açıqlama ilə Böyük Britaniyada səfərdə olan Türkiyənin Baş naziri Rəcəb Tayyib Ərdoğan BBC televiziyasına müsahibəsində çıxış edib.
R.T.Ərdoğan vurğulayıb ki, Ankara qonşularla “sıfır problem” siyasətini bundan sonra da qətiyyətlə davam etdirəcək. “Amma, biz əlimizi uzatdığımız zaman qarşılığında yumruq atılırsa, o zaman heç bir şey edə bilmərik”,-deyən Türkiyənin Baş naziri erməni iddiaları ilə bağlı qərarlar qəbul edən ölkələrin parlamentlərini “şou göstərməkdə” ittiham edib. Onların bu qərarının və erməni diasporunun ermənilərin özlərinə zərər verdiyini diqqətə çatdıran R.T.Ərdoğan deyib: “Baxın, mənim ölkəmdə 170 min erməni var. Bunlardan yalnız 70 mini Türkiyə vətəndaşıdır. Qalan 100 mini biz yola veririk.
|
|
18.03.10 Məqaləni oxumaq
|
| |
|
|
|
Uşaq musiqi və incəsənət məktəbləri xor kollektivlərinin II respublika baxışı keçirilir
|
|
Mədəniyyət və Turizm Nazirliyi Uşaq musiqi və incəsənət məktəbləri xor kollektivlərinin II respublika baxışını keçirir. Bu barədə məlumatı KƏLAMİNFO-ya nazirliyin mətbuat xidmətindən veriblər.
Baxış cari il 2-27 aprel tarixlərində zonalar üzrə Bakı, Gəncə, Lənkəran, Naxçıvan, Sumqayıt, Şəki, Şirvan, Mingəçevir şəhərlərində, Ağcabədi rayonunda keçiriləcək. Burada respublikanın uşaq musiqi və incəsənət məktəblərinin xor kollektivləri iştirak edəcək. Baxışda müxtəlif xarakterli, iki və daha çox səsli dörd əsər, o cümlədən bir əsər capella ifa olunmalıdır. Proqrama klassik dünya musiqi nümunələri, Azərbaycan bəstəkarlarının əsərləri və xalq mahnıları daxil edilə bilər.
|
|
17.03.10 Məqaləni oxumaq
|
| |
|
|
|
“Beynəlxalq Novruz Festivalı Azərbaycanda - 2010” beynəlxalq tədbir təşkil edilib
|
|
Gənclər və İdman Nazirliyinin dəstəyi ilə AEGEE-Bakı (Avropa Tələbələr Forumu- Bakı) İctimai Birliyi tərəfindən “Beynəlxalq Novruz Festivalı Azərbaycanda - 2010” beynəlxalq tədbir təşkil edilib. Bu barədə məlumatı KƏLAMİNFO-ya Gənclər və İdman Nazirliyindən veriblər.
Tədbirin keçirilməsində əsas məqsəd dünya gənclərinin xalqımızın milli adət və ənənəsi, dəyərləri və tarixi haqqında məlumatlandırmaq, mədəniyyətlər arası gənclər mübadiləsini genişləndirmək, ən əvvəl isə Azərbaycanı dünya gənclərinə tanıtmaqdır. Tədbirdə dünya ölkələrindən olan 30 əcnəbi gəncin iştirakı gözlənilir. İştirakçılar ölkəmizin tarixi abidələrinə səfərlər edəcək, Bakı şəhərində təşkil ediləcək bayram tədbirlərinə qoşulacaqlar. Onlar həmçinin ailələrdə Novruz axşamını qeyd etməklə mədəniyyətimizi daha yaxından tanımaq imkanı əldə edəcəklər.
|
|
17.03.10 Məqaləni oxumaq
|
| |
|
|
|
Səhifələr : # 1 2 3 4 5 6 7 8 9 # |
|
Torpaqlarımızı qaytaraq..
|
| |
|
|
|
Açılış Səhifəsi et 
