|
|
Səhifələr : # 1 2 3 4 5 6 7 8 9 #
|
|
Milli Məclisdə Xocalı soyqrımı müzakirə olundu
|
|
Bu gün Milli Məclisin yaz sessiyasının növbəti iclası keçirildi. KƏLAMİNFO xəbər verir ki, iclasda Milli Məclisin sədri Oqtay Əsədov çıxış edərək bildirdi ki, üç gün sonra Xocalıda 20-ci əsrdə insanlığa qarşı törədilən ən dəhşətli faciənin 18-ci ildönümü tamam olacaq. Spiker Xocalı faciəsinin 18-ci ildönümü ilə bağlı soyqırımı qurbanlarının xatirəsini bir dəqiqəlik sükutla yad edilməsini təklif edib. Soyqırımı qurbanlarının xatirəsi yad edildikdən sonra parlamentin plenar iclası öz işinə başlayıb.
Cari məsələlər zamanı çıxış edən deputat Əhəd Abıyev bir neçə gün əvvəl cəbhə xəttindəki atışma zamanı həlak olmuş Azərbaycan Ordusunun əsgəri, Masallı rayon sakini Röyal Fərəcovun yas mərasiminə qatıldığını bildirib. Ə.Abıyev qeyd edib ki, həlak olmuş əsgərin həyat yoldaşı və körpə uşağının yaşayış vəziyyəti çox pisdir. Ə.Abıyev Masallı rayonunda şəhid ailələri üçün yaşayış binası tikildiyinə diqqət çəkərək, Milli Məclis sədri Oqtay Əsədovdan bu ailəyə mənzil verilməsini xahiş edib.
|
24.02.10 Məqaləni oxumaq
|
| |
|
|
|
Milli Məclisin növbəti iclası keçirildi
|
|
Milli Məclisin bu gün keçirilən iclasında bir sıra qanunlara əlavə və dəyişiklik edildi. KƏLAMİNFO xəbər verir ki, iclasda əvvəlcə “Naxçıvan Muxtar Respublikasının Konstitusiyasına əlavələr və dəyişikliklər edilməsi haqqında” Konstitusiya qanun layihəsi müzakirə olundu. Sənədi millət vəkillərinin diqqətinə parlamentin Hüquq siyasəti və dövlət quruculuğu məsələləri komitəsinin sədri Əli Hüseynov təqdim etdi.
İclasda 2009-cu il martın 18-də keçirilmiş referendum nəticəsində qəbul edilmiş “AR Konstitusiyasına əlavələr və dəyişikliklər edilməsi haqqında” AR Referendum Aktının tətbiqi ilə əlaqədar “Azərbaycan Respublikasının iqtisadi müstəqilliyinin əsasları haqqında” Konstitusiya Qanununa dəyişiklik edilməsi barədə”, “AR Mülki Məcəlləsinə dəyişiklik və əlavə edilməsi barədə”, “İnsanın immun çatışmazlığı virusunun törətdiyi xəstəliklə (HİV infeksiyası ilə) mübarizə haqqında” Qanun layihələri müzakirə olundu.
|
|
23.02.10 Məqaləni oxumaq
|
| |
|
|
|
Xocalı soyqırımı haqqında ingilis dilində yeni kitablar işıq üzü görüb
|
|
Bu gün Trend Xəbərlər Şirkətinin Mətbuat Mərkəzində Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) Xocalı soyqırımı ilə bağlı erməni vəhşiliyini əks etdirən kitabların təqdimatını keçirib. KƏLAMİNFO xəbər verir ki, AVCİYA-nın vitse-prezidenti Vəli Əlibəyli kitabların 18 il bundan əvvəl ermənilər tərəfindən Xocalıda törədilmiş soyqırımın dolğun faktlardan bəhs etdiyini bildirib.
V.Əlibəyli “Faciədən danışan iki şəkil” və “Tarixi faktlar və erməni uydurmaları” adlı kitabların ingilis dilində nəşr olunduğunu, xaricdə yayılmasının nəzərdə tutulduğunu vurğulayıb. “Kitablardakı faktlar əsasən o dövrdə faciə haqqında əsl faktları işıqlandıran xarici mətbatın yazılarına əsaslanıb. Birinci kitbatda üstünlük təşkil edən soyqırımı əks etdirən fotolar azərbaycanlı fotograflar M.Həsənoğluya və İ.Cəfərova məxsusdur. İkinci kitab isə faktları öz miflərinə uyğun dəyişdirən ermənilərə xarici mətbuat gözü ilə cavabdır”,-deyə V.Əlibəyli diqqətə çatdırıb.
|
|
23.02.10 Məqaləni oxumaq
|
| |
|
|
|
Xocalı soyqırımı haqqında ingilis dilində yeni kitablar işıq üzü görüb
|
|
Bu gün Trend Xəbərlər Şirkətinin Mətbuat Mərkəzində Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) Xocalı soyqırımı ilə bağlı erməni vəhşiliyini əks etdirən kitabların təqdimatını keçirib. KƏLAMİNFO xəbər verir ki, AVCİYA-nın vitse-prezidenti Vəli Əlibəyli kitabların 18 il bundan əvvəl ermənilər tərəfindən Xocalıda törədilmiş soyqırımın dolğun faktlardan bəhs etdiyini bildirib.
V.Əlibəyli “Faciədən danışan iki şəkil” və “Tarixi faktlar və erməni uydurmaları” adlı kitabların ingilis dilində nəşr olunduğunu, xaricdə yayılmasının nəzərdə tutulduğunu vurğulayıb. “Kitablardakı faktlar əsasən o dövrdə faciə haqqında əsl faktları işıqlandıran xarici mətbatın yazılarına əsaslanıb. Birinci kitbatda üstünlük təşkil edən soyqırımı əks etdirən fotolar azərbaycanlı fotograflar M.Həsənoğluya və İ.Cəfərova məxsusdur. İkinci kitab isə faktları öz miflərinə uyğun dəyişdirən ermənilərə xarici mətbuat gözü ilə cavabdır”,-deyə V.Əlibəyli diqqətə çatdırıb.
|
|
23.02.10 Məqaləni oxumaq
|
| |
|
|
|
“Abituriyent” jurnalının 2010-cu ildə ilk buraxılışı nəşr olunub
|
|
Cari ildə ali və orta ixtisas məktəblərinə hazırlaşan gənclər üçün TQDK-nın orqanı olan “Abituriyent” jurnalının 2010-cu ildə ilk buraxılışı nəşr olunub. Bu barədə məlumatı KƏLAMİNFO-ya TQDK-nın mətbuat xidmətindən veriblər.
Jurnal artıq komissiyanın satış məntəqələrinə paylanıb. Jurnalda 2010/2011-ci tədris ili üçün respublikanın ali və orta ixtisas məktəblərinə qəbul qaydaları dərc olunub. Həmçinin müxtəlif fənlərdən test nümunələrinin izahatı, imtahanlara hazırlaşmaq üçün lazım olan vəsaitlərin siyahısı verilib.
|
|
23.02.10 Məqaləni oxumaq
|
| |
|
|
|
DQİDK-in nəzdində yeni Şura yaradılacaq
|
|
Dini Qurumlarla İş üzrə Dövlət Komitəsinin (DQİDK) nəzdində yeni Şura yaradılacaq. Bu barədə məlumatı KƏLAMİNFO-ya DQİDK-nin Hüquq şöbəsinin müdiri Yusif Əsgərov verib.
Y.Əsgərov qeyd edib ki, Şuranın tərkibi minimum 5, maksimum 11 nəfərdən ibarət olacaq. Onların bəziləri Komitənin əməkdaşı, digərləri isə yerli İcra Hakimiyyəti orqanlarının nümayəndələrindən ibarət olacaq.
O, Şuranın tərkibinin bir ay ərzində formalaşdırılmasının nəzərdə tutulduğunu söyləyib. Y.Əsgərovun sözlərinə görə, Şura məscidlər, dini icmalar, həmçinin digər bu kimi məsələlərin qeydiyyatı, məscidlərin hansı arxitekturada, hansı xarici görünüşdə inşa olunması və müvfiq qaydalara uyğunluğunun araşdırılması və digər məsələlərə baxacaq. O, məscidlərin tikilməsinə DQİDK-nin baxmadığını, qurumun yalnız dini icmaların məsələsinə baxdığını söyləyib.
|
|
23.02.10 Məqaləni oxumaq
|
| |
|
|
|
Milli Məclisin sabah keçiriləcək növbəti iclasında bir sıra sənədlər təsdiq ediləcək
|
|
Sabah Milli Məclisin növbəti iclası keçiriləcək. KƏLAMİNFO xəbər verir ki, iclasda “Naxçıvan Muxtar Respublikasının Konstitusiyasına əlavələr və dəyişikliklər edilməsi haqqında” Konstitusiya Qanunu layihəsi müzakirə olunacaq, bələdiyyələrin fəaliyyətinə inzibati nəzarəti həyata keçirən orqanın illik məruzəsi dinləniləcək.
İclasda 2009-cu il martın 18-də keçirilmiş referendum nəticəsində qəbul edilmiş “Azərbaycan Respublikasının Konstitusiyasına əlavələr və dəyişikliklər edilməsi haqqında” AR Referendum Aktının tətbiqi ilə əlaqədar “Azərbaycan Respublikasının iqtisadi müstəqilliyinin əsasları haqqında” Konstitusiya Qanununa dəyişiklik edilməsi barədə”, “Azərbaycan Respublikasının Mülki Məcəlləsinə dəyişiklik və əlavə edilməsi barədə”, “İnsanın immun çatışmazlığı virusunun törətdiyi xəstəliklə (HİV infeksiyası ilə) mübarizə haqqında” Qanun layihələri müzakirə olunacaq.
İclasda, həmçinin prezident İlham Əliyev və Belarus prezidenti Aleksandr Lukaşenkonun Birgə Bəyannaməsi, Azərbaycan və Sloveniya prezidentlərinin Birgə Bəyanatı, Azərbaycan və Sloveniya hökumətləri arasında diplomatik pasportlara malik vətəndaşlara viza tələbinin ləğv olunması barədə Saziş təsdiq ediləcək.
|
|
23.02.10 Məqaləni oxumaq
|
| |
|
|
|
İranın Azərbaycandakı səfirliyinin qarşısında etiraz aksiyası keçirilib
|
|
Bu gün Dünya Azərbaycanlıları Konqresi (DAK) Vətəndaş Həmrəyliyi Partiyasi ilə birgə İranın Azərbaycandakı səfirliyi qarşısında etiraz aksiyası keçirib. KƏLAMİNFO xəbər verir ki, DAK-ın Daimi Şurasının sədri Əjdər Tağızadə aksiyanın keçirilməsinin əsas səbəblərini açıqlayıb.
Sədrin sözlərinə görə, Təbrizdə “Ənsar-e Hizbullah” təşkilatının fəalları Azərbaycan əleyhinə kəskin şüarlar səsləndiriblər. Buna cavabı olaraq DAK nümayəndələrinin də İranın Azərbaycandakı səfirliyi qarşısında sivill şəkildə etiraz aksiyası keçirdiklərini bildirən Ə.Tağızadə “Azərbaycan bir olsun, paytaxtı Təbriz olsun!”, “İslamçı dövlət, işğalçı dövət”, “Azərbaycan, Azərbaycan”, İranda həps olunan Azərbaycanlılara azadlıq kimi şüarlar səsləndirdiklərini söyləyib.
Aksiya iştirakçıları Ermənistan prezidenti Serj Sarkisyanın İranın dövlət başçısı Əhmədnejatın qucaqlaşmış formada fotoşəkillərini havaya qaldırıblar. Bu şəkillərlə aksiya iştirakçıları İran və Ermənistan dostluğuna etirazlarını bildiriblər.
|
|
23.02.10 Məqaləni oxumaq
|
| |
|
|
|
“Paytaxtdan bölgələrə” adlı silsilə sərgilər keçiriləcək
|
|
Mədəniyyət və Turizm Nazirliyi tərəfindən Sumqayıt, Mingəçevir, Şirvan şəhərlərində, Salyan, Biləsuvar, Cəlilabad, Masallı, Saatlı, Kürdəmir və Xaçmaz rayonlarında “Paytaxtdan bölgələrə” adlı layihə çərçivəsində silsilə sərgilər keçiriləcək. Bu barədə məlumatı KƏLAMİNFO-ya nazirliyin mətbuat xidmətindən veriblər.
Təşkil olunan sərgilərdə nümayiş etdiriləcək əsərlər Azərbaycan Dövlət Rəsm Qalereyası Fondundan seçilib. Təsdiq olunmuş qrafik üzrə ilk sərginin açılışı sabah Salyan Dövlət Rəsm Qalereyasında keçiriləcək. Sərgi Salyanda fevral ayının 28-dək davam edəcək.
|
|
23.02.10 Məqaləni oxumaq
|
| |
|
|
|
Türkiyədə erməni kilsələri yenidən qurulacaq
|
|
Türkiyədə bir vaxtlar fəaliyyətini dayandırmış erməni kilsələri yenidən qurulacaq. KƏLAMİNFO türk mətbuatına istinadən xəbər verir ki, Van valiliyi erməni kilsələrinin bərpa olunması üzrə xüsusi proqram hazırlayıb. Proqrama əsasən Van gölündəki Çarpanak və Yuxarıbakraçalı kəndində olan erməni kilsələri təmir olunacaq.
Van valisinin müavini Xəlil Berk Akdamar adasındakı erməni kilsəsinin muzeyə çevrilməsindən sonra ötən il Hoşap və Van qalalarında bərpa işləri aparıldığını, bu il də Çarpanak və Yuxarıbakraçalı kəndindəki kilsələrin təmir olunacağını bildirib. O, bərpa işləri ilə əlaqədar hazırda erməni kilsələrində lazer vasitəsilə fotoqrametrik qiymətləldirmə aparıldığını söyləyib.
|
|
23.02.10 Məqaləni oxumaq
|
| |
|
|
|
Səhifələr : # 1 2 3 4 5 6 7 8 9 # |
|
Torpaqlarımızı qaytaraq..
|
| |
|
|
|
Açılış Səhifəsi et 
