|
|
Səhifələr : # 1 2 3 4 5 6 7 8 #
|
|
Azərbaycanın şəhər və rayonlarının turizm potensialı ilə bağlı sərgi keçiriləcək
|
|
Aprelin 28-də Heydər Əliyev adına İdman və Konsert Kompleksində Azərbaycanın şəhər və rayonlarının turizm potensialı ilə bağlı geniş miqyasda sərgi keçiriləcək. KƏLAMİNFO xəbər verir ki, bu barədə məlumatı mədəniyyət və turizm naziri Əbülfəs Qarayev keçirdiyi mətbuat konfransında deyib.
“Turizm sərgisində Şəki, Gəncə və Qazaxın xüsusi stendləri qurulacaq. Bu, digər rayon və şəhərlərimizə də aiddir. Çoxsaylı beynəlxalq qonaqlara geniş məlumatlar veriləcək”,-deyən Ə.Qarayev artıq sərginin keçirilməsi istiqamətində hazırlıq işlərinə başlanıldığını və bu prosesin qeyd olunan tarixə qədər başa çatdırılacağını vurğulayıb.
|
25.02.10 Məqaləni oxumaq
|
| |
|
|
|
Məleykə Abbaszadə ali məktəblərə qəbul qaydaları ilə bağlı mətbuat konfransı keçirdi
|
|
Bu gün Tələbə Qəbulu üzrə Dövlət Komissiyasının sədri Məleykə Abbaszadə cari il ali məktəblərə qəbul qaydalarına və “Abituriyent” jurnalının 2010-cu ildə nəşr olunan ilk buraxılışına həsr olunmuş mətbuat konfransı keçirib. KƏLAMİNFO xəbər verir ki, M.Abbasazdə jurnalın bu ilki birinci sayında dərc olunan qəbul qaydalarına dəyişikliklərdən bəhs edib.
O, qeyd edib ki, qaydalarda 2010/2011-ci tədris ili üçün ali məktəblərin Azərbaycan bölməsi üzrə II və III ixtisas qruplarının Xarici dil fənlərindən imtahan verilməsilə bağlı dəyişikliklər edilib. “Azərbaycan bölməsi üzrə II və III ixtisas qruplarının Xarici dildən imtahan fənləri arasına “Rus dili” fənni də əlavə edilib. II ixtisas qrupunun Azərbaycan bölməsində abituriyentlər ingilis, alman, rus, fransız, rus bölməsində isə ingilis, alman və fransız dillərindən birini seçə bilərlər. II ixtisas qrupunda ərəb və fars dilləri Xarici dil fənləri sırasından çıxarılıb.
III qrupun Azərbaycan bölməsində Xarici dil kimi ingilis, alman, fransız, rus, ərəb və fars, rus bölməsində isə ingilis, alman və fransız dillərindən birini seçə bilərlər”,-deyə M.Abbaszadə vurğulayıb. TQDK sədri həmçinin bildirib ki, ötən illərdən fərqli olaraq, Azərbaycan bölməsinin III qrupunun dil-tarix altqrupunda da Xarici dil fənninə nisbi bal məhdudiyyəti tətbiq olunacaq.
|
|
25.02.10 Məqaləni oxumaq
|
| |
|
|
|
Azərbaycanın qeyri-maddi irsinin siyahısı hazırlanacaq
|
|
Mədəniyyət və Turizm Nazirliyi tərəfindən Azərbaycanın qeyri-maddi irsinin siyahısı hazırlanacaq. KƏLAMİNFO xəbər verir ki, bu barədə məlumatı mədəniyyət və turizm naziri Əbülfəs Qarayev keçirdiyi mətbuat konfransında səsləndirib.
Onun sözlərinə görə, sözügedən siyahıda Azərbaycan ənənələri, musiqisi, toy mərasimlərinin keçirilməsi, hətta at üstündə oyunlar da yer alacaq.
|
|
24.02.10 Məqaləni oxumaq
|
| |
|
|
|
“Xocalıya Ədalət” müsiqi manifestinin klip təqdimatı keçirilib
|
|
Bu gün “Xocalıya Ədalət” beynəlxalq kampaniyası çərçivəsində “Xocalıya Ədalət” müsiqi manifestinin kilip təqdimatı keçirilib. KƏLAMİNFO xəbər verir ki, klip təqdimatından sonra çıxış edən gənclər və idman nazirinin müavini İntiqam Babayev qeyd edib ki, Heydər Əliyev Fondunun Rusiya Federasiyasındakı nümayəndəliyinin başçısı Leyla xanım Əliyevanın təşəbbüsü ilə həyata keçirilən “Xocalıya Ədalət” müsiqi layihəsi ermənilərin Azərbaycan xalqına qarşı apardıqları etnik təmizləmə siyasətini diqqətə çatdıran daha bir əhəmiyyətli vasitə olacaq.
İslam Konfransı Gənclər Forumunun Baş katibi, “Xocalıya Ədalət” beynəlxalq məlumat və təbliğat kampaniyasının koordinatoru Elşad İsgəndərov bu vaxta qədər 130 min xarici ölkə vətəndaşının bu kampaniyaya dəstək verdiyini nəzərə çatdırıb O, sabahdan başlayaraq Vaşinqton, Vyana, London kimi dünyanın 20 ölkəsində “Xocalıya Ədalət” müsiqi manifestinin klip təqdimatının keçiriləcəyini vurğulayıb.
|
|
24.02.10 Məqaləni oxumaq
|
| |
|
|
|
Ali məktəblərdə ödənişsiz oxumaq üçün ölkə üçün ehtiyac olan ixtisaslara dövlət qrantlar ayıracaq
|
|
Ali məktəblərə qəbul qayadalarına edilmiş dəyişiklərə əsasən bu ildən etibarən ölkədə ehtiyac yaranan peşələrə uyğun qəbul olunan abituriyentlərin ödənişsiz oxuması üçün dövlət tərəfindən qrantların ayrılması nəzərdə tutulub. KƏLAMİNFO xəbər verir ki, bu barədə Tələbə Qəbulu üzrə Dövlət Komissiyasının sədri Məleykə Abbaszadə jurnalistlərə açıqlamasında bildirib.
M.Abbaszadə qeyd edib ki, bu ölkə başçısının “Ali təhsil müəssisələrində yeni maliyyələşmə mexanizminin tətbiq edilməsi barədə” 10 fevral 2010-cu il tarixli fərmanına əsasən həyata keçiriləcək. “İldən-ilə bu qrantlar bütün ixtisaslara şamil olunacaq. Hansı ixtisasa neçə faiz şamil olunmağı o ixtisaslardakı peşələrin ölkə üçün nə qədər zəruri olmasından irəli gələcək. Bu proses özəl ali məktəblərə də aiddir. Bu il hansı peşələrə daha çox üstünlük veriləcəyi isə martın 15-dək TQDK-a təqdim olunan plana əsasən bilinəcək”,-deyə TQDK sədri vurğulayıb. M.Abbaszadə onu da əlavə edib ki, qrantların ayrıldığı ixtisaslara yiyələnmək üçün abituriyentlər yüksək nəticə göstərməli olacaqlar.
|
|
24.02.10 Məqaləni oxumaq
|
| |
|
|
|
Gəncə, Qazax və Şəki Azərbaycanın mədəniyyət paytaxtı elan olunub
|
|
Bu gün Mədəniyyət və Turizm Nazirliyində Azərbaycanın bir sıra şəhər və rayonlarının 2010-cu ilin mədəniyyət paytaxtları elan olunması ilə bağlı tədbir keçirildi. KƏLAMİNFO xəbər verir ki, tədbirdə çıxış edən mədəniyyət və turizm naziri Əbülfəs Qarayev bildirdi ki, ölkə prezidenti İlham Əliyevin apardığı siyasət nəticəsində Azərbaycan mədəniyyəti inkişaf edib və bu irəliləyişlər ölkə hüdudlarından kənarda da hiss olunur. Mədəniyyətimizin təbliği sahəsində Heydər Əliyev Fondunun prezidenti Mehriban Əliyevanın da böyük işlər gördüyünü diqqətə çatdıran Ə.Qarayev qeyd etdi ki, bu istiqamətdə görülən işlər beynəlxalq ictimaiyyət tərəfindən də maraqla izlənilir.
Bu il görüləcək işlərə toxunan Ə.Qarayev nazirlik tərəfindən “2010-2014-cü ilər üçün Xalq Yaradıcılığı Paytaxtları” Proqramının təsdiq olunduğunu söylədi.
|
|
24.02.10 Məqaləni oxumaq
|
| |
|
|
|
Gültəkin Hacıbəyli: “Azərbaycan haqqında hazırlanacaq məruzənin obyektiv olacağına ümid edirik”
|
|
“Avropa Şurasının həmməruzəçiləri tərəfindən Azərbaycan haqqında hazırlanacaq sənədin obyektiv olacağına ümid edirik”. KƏLAMİNFO xəbər verir ki, bu sözləri Azərbaycanın AŞPA-dakı nümayəndə heyətinin üzvü, Milli Məclisin Beynəlxalq münasibətlər və parlamentlərarası əlaqələr komitəsinin sədr müavini Gültəkin Hacıbəyli bildirib.
G.Hacıbəyli qeyd edib ki, mart ayında təşkilatın monitorinq komitəsində aparılacaq müzakirələrdə Azərbaycan deputatları da iştirak edəcək.
Deputatın sözlərinə görə, ölkəmiz Avropaya inteqrasiya siyasətinə sadiqdir və demokratiyanın inkişafı naminə uğurlu siyasəti davam etdirməkdədir.
|
|
24.02.10 Məqaləni oxumaq
|
| |
|
|
|
R.T.Ərdoğana ayaqqabı atan şəxs sərxoş vəziyyətdə olub
|
|
İspaniyada bir nəfər Türkiyənin baş naziri Rəcəb Tayyib Ərdoğana ayaqqabı atıb. KƏLAMİNFO xəbər verir ki, hadisə baş nazirə “NODO” mədəniyyətlərarası mükafatı veriləndən sonra baş verib. Hadisə Sevilla Bələdiyyəsi binasının çıxışında baş verib.
Ayaqqabını atan şəxs Türkiyənin Baş nazirini binanın girişində gözləyən nümayişçilərin arasında olub. O, ayaqqabını R.T.Ərdoğana avtomobilə oturanda atıb. Lakin ayaqqabı Ərdoğana dəyməyib.
Təxribatçı İspaniya polisi tərəfindən həbs edilib və dindirilib. Məlum olub ki, ayaqqabı atan şəxs 1989-cu il təvəllüdlü Suriya vətəndaşıdır. Bu arada məlum olub ki, həmin şəxs həddindən artıq sərxoş vəziyyətində olub.
|
|
24.02.10 Məqaləni oxumaq
|
| |
|
|
|
Təhsil işçilərinin Çexiyada keçiriləcək təlim proqramında iştirak etmək şansı var
|
|
Mayın 12-14-ü tarixlərində Çexiyada Avropa Şurasının Pestalotzi proqramı çərçivəsində “Müəllimlik fəaliyyətində yaradıcılıq və innovasiya” mövzusunda təlim proqramı keçiriləcək. Təhsil Nazirliyindən KƏLAMİNFO-ya verilən məlumata görə, proqramda Azərbaycanın ibtidai sinif müəllimləri, müəllim hazırlığı sahəsində çalışan şəxslər, məktəb rəhbərləri və digər təhsil işçiləri iştirak edə bilərlər.
Proqramın işçi dili ingilis dilidir. İştirakçıların beynəlxalq nəqliyyat, eləcə də təlim proqramı müddətində yemək və yaşayış xərcləri təşkilatçılar tərəfindən ödəniləcək.
Təlim proqramlarında iştirak etmək arzusunda olan namizədlər müvafiq qaydada doldurulan ərizə formasını 26 fevral 2010-cu il tarixinə qədər Təhsil Nazirliyinin Beynəlxalq əlaqələr şöbəsinə təqdim etməlidirlər.
|
|
24.02.10 Məqaləni oxumaq
|
| |
|
|
|
QMİ dünya xalqlarına, dövlət başçılarına, parlamentlərə və beynəlxalq təşkilatlara müraciət ünvanlayıb
|
|
Qafqaz Müsəlmanları İdarəsinin sədri Şeyxulislam Hacı Allahşükür Paşazadə Xocalı faciəsilə bağlı dünya xalqlarına, dövlət başçılarına, parlamentlərə və beynəlxalq təşkilatlara müraciət ünvanlayıb. Bu barədə məlumatı KƏLAMİNFO-ya QMİ-nin mətbuat katibi Rəhimə Dadaşova verib.
QMİ-nin sədri A.Paşazadənin müraciətində bildirilir: “Xocalı faciəsi bu günədək dünya səviyyəsində qınaq obyektinə çevrilməmiş, onun baiskarları lənətlənməmişdir. 1992-ci il fevralın 26-da Xocalının 10 mindən artıq dinc, silahsız, müdafiəsiz əhalisinin erməni quldurlarının amansız basqınına məruz qalması, 613 nəfərin qətlə yetirilməsi, qocalara, uşaqlara, hamilə qadınlara belə rəhm olunmaması, 1275 nəfərin əsir götürülərək ağır işgəncələrə məruz qalması, meydlərin üzərində təhqiramiz həqarətlər edilməsi kimi vəhşiliklərə biganə qalmaq bəşəriyyətə baş ucalığı gətirə bilməz. Bütün dünya sözdə etiraf edir ki, hər bir cinayətkar, terrorçu milli və dini mənsubiyyətindən asılı olmayaraq məsuliyyətə cəlb olunmalı və beynəlxalq hüquq qarşısında cavab verməlidir”.
|
|
24.02.10 Məqaləni oxumaq
|
| |
|
|
|
Səhifələr : # 1 2 3 4 5 6 7 8 # |
|
Torpaqlarımızı qaytaraq..
|
| |
|
|
|
Açılış Səhifəsi et 
