Kelam Jurnalı - Məqələlər

Bu gün saat 11:55 radələrində paytaxt Bakıda, eləcə də respublikanın bir çox rayonlarında elektrik enerjisinin verilişində problem yaranıb. KƏLAMİNFO xəbər verir ki, bir çox dövlət müəssisələrində, eləcə də strateji əhəmiyyətli dövlət obyektlərində elektrik olmayıb. İşığın olmaması metronun işinə də mənfi təsir edib. Sahil, Nizami, İçərişəhər, Elmlər Akademiyası və digər stansiyalarda qatarlar dayanıb, sərnişinlər vaqonlarda qalıblar. Elektrik enerjisinin dayanması nəticəsində yüzlərlə insan qatarlarda qalıb. Bir qism sərnişin isə metronun platformasında kömək gözləyib. Metroya giriş-çıxışı təmin edən eskalatorlar işləməyib, nəticədə sərnişin hərəkətində tıxac yaranıb. Stansiya daxilində gərgin izdiham yaşanıb. Metroya giriş müvəqqəti dayandırılıb. Vətəndaşlar metro stansiyalarından və tunellərdən çıxarılıb və stansiyaya buraxılmayb. Təxminən saat 12:15-də elektrik enerjisi qismən bərpa olunub. Fövqəladə Hallar Nazirliyinin (FHN) müvafiq ixtisaslaşdırılmış briqadaları metro stansiyalarından əhalinin evakuasiyasına başlayıblar. Qeyd edək ki, Bakı və ətraf rayonların elektrik verilişinin təminatı вЂњBakıelektrikşəbəkəвЂќ ASC vasitəsilə həyata keçirilir. İlkin məlumatlara görə, elektrik təchizatının kəsilməsinə səbəb sistem qəzasıdır.

09.02.10

Məqaləni oxumaq

Azərbaycan və Belarus arasında İKT sahəsində müqavilələr imzalanıb

Azərbaycan və Belarus informasiya-kommunikasiya texnologiyaları sahəsində əməkdaşlıq haqqında müqavilə imzalayıb. KƏLAMİNFO xəbər verir ki, müqavilənin imzalanması Bakıda keçirilən informasiya texnologiyaları üzrə birinci Azərbaycan-Belarus biznes forumu zamanı baş tutub. Sənədi Belarus Dövlət İnformatika və Radioelektronika Universitetinin rektoru Mixail Batur və Azərbaycan Texniki Universitetinin rektoru Havar Məmmədov imzalayıb. Forum çərçivəsində həmçinin Azərbaycanın "Ultra" şirkəti və "ST-Qrup" Belarus İnnovasiya Birliyi arasında müqavilə imzalanıb. Sənədi "Ultra" şirkətinin rəhbəri Tahir Mirkişili və "ST-Qrup"un Baş direktoru Aleksandr Mukovozçik imzalayıb.

09.02.10

Məqaləni oxumaq

"Zəfər" mükafatının təqdimat mərasimi keçiriləcək

Sabah Gənclər və İdman Nazirliyi (GİN) və "Sportsman" jurnalının təşkilatçılığı ilə "Zəfər" Yüksək İdman Nailiyyətlər Mükafatının təqdimat mərasimi keçiriləcək. Bu barədə məlumatı KƏLAMİNFO-ya GİN-in mətbuat xidmətindən veriblər. Tədbir Milli Olimpiya Komitəsi və Azərbaycan İdman Jurnalistləri Assosiasiyasının dəstəyi ilə gerçəkləşir. Tədbir zamanı müxtəlif nominasiyalar üzrə qaliblərin təltif olunması, təbriklər, konsert proqramı nəzərdə tutulub.

09.02.10

Məqaləni oxumaq

Milli Məclisin Regional məsələlər komitəsinin iclası keçrilib

Bu gün Milli Məclisin Regional məsələlər komitəsinin iclası keçrilib. KƏLAMİNFO xəbər verir ki, iclasda bələdiyyələrin fəaliyyətinə inzibati nəzarəti həyata keçirən orqanın illik məruzəsi Milli Məclisə təqdim olunub. Ədliyyə Nazirliyinin Bələdiyyələrlə İş Mərkəzinin rəisi M.Səlimzadə bildirib ki, ötən il bələdiyyələrə daha çox 872 tövsiyə və yeni işlənib hazırlanmış 19 metodiki vəsait verilib. вЂњBələdiyyələrin fəaliyyətinə inzibati nəzarətlə bağlı vətəndaşlardan 1833 müraciət daxil olub. Ötən il nazirliyə inzibati nəzarət qaydasında baxılması üçün 20152 bələdiyyə aktı göndərilib ki, bu da 2008-ci ildə təqdim olunan aktların sayından çoxdurвЂќ.-deyən M.Səlimzadə qeyd edib ki, yerli özünüidarəetmə orqanlarında aparılan hüquqi maarifləndirmə və bələdiyyələrin fəaliyyətlərində qazandığı təcrübənin artırılması sayəsində bu aktlar əsasən qanunvericiliyin tələblərinə uyğun hazırlanıb.

09.02.10

Məqaləni oxumaq

Baş prokuror Zakir Qaralov: вЂњDaşkəsəndəki Hərbi Hissədə baş verən qanlı hadisənin tam və hərtərəfli istintaqı təmin ediləcəkвЂќ

Daşkəsən rayonu ərazisində yerləşən N saylı Hərbi Hissədə baş verən və 6 hərbçinin ölümü ilə nəticələnən qanlı hadisənin tam və hərtərəfli istintaqı təmin ediləcək. KƏLAMİNFO xəbər verir ki, bu barədə məlumatı rəhbərlik etdiyi qurumun kollegiya iclasında Baş prokuror Zakir Qaralov səsləndirib. Z.Qaralov bildirib ki, Respublika Hərbi Prokurorluğunun rəhbərliyi tərəfindən fəaliyyət istiqamətləri üzrə iş daha da təkmilləşdiriləcək. Onun sözlərinə görə, məsələ ilə bağlı hərbi cinayətlərin profilaktikası üçün zəruri tədbirlərin görülməsi, bu qəbildən olan hadisələrin qarşısının alınması üçün Müdafiə və Milli Təhlükəsizlik nazirliklərinin müvafiq qurumları ilə əlaqəli şəkildə kompleks profilaktik tədbirlərin həyata keçirilməsi təmin ediləcək.

09.02.10

Məqaləni oxumaq

ABŞ dövlət katibinin müavini Ceyms Steynberq: вЂњDağlıq Qarabağ münaqişəsinin nizamlanmasında hazırki danışıqlar formatı düzgün formatdırвЂќ

ABŞ Dövlət Departamenti Dağlıq Qarabağ münaqişəsinin nizamlanması prosesində dövlətlərin ərazi bütövlüyü və xalqların milli müqəddəratını təyinetmə prinsipinin qarışıq modelinin tətbiqini mümkün sayır. KƏLAMİNFO-nun вЂњArmenia TodayвЂќ saytına istinadən yaydığı məlumata görə, bu fikirləri Ermənistan İctimai Televiziyasına müsahibəsində ABŞ dövlət katibinin müavini Ceyms Steynberq söyləyib. Vaşinqtonun Dağlıq Qarabağ münaqişəsinin nizamlanmasına böyük əhəmiyyət verdiyini söyləyən ABŞ dövlət katibinin müavini bildirib ki, hazırkı danışıqlar formatı ən düzgün formatdır. Minsk prosesini effektli hesab edən və bu yolu davam etdirməyin daha düzgün olduğunu düşünən C.Steynberq вЂњABŞ ATƏT-in Minsk Qrupunun həmsədri kimi həll yolunun tapılması ilə bağlı üzərinə götürdüyü öhdəliyə sadiqdirвЂќ,-deyə bildirib. C.Steynberq nizamlanma prosesinin başa çatmaqda olduğu barədə fikirləri bölüşmədiyini vurğulayıb. вЂњHəllini gözləyən məsələlər çoxdur.

09.02.10

Məqaləni oxumaq

Bərdədə regionlarda yaradılan ilk Elektron Kitabxananın açılış mərasimi keçiriləcək

Sabah Bərdə rayonu Mərkəzi Kitabxanasında Azərbaycan regionlarında yaradılan ilk Elektron Kitabxananın açılış mərasimi keçiriləcək. Bu barədə məlumatı KƏLAMİNFO-ya Mədəniyyət və Turizm Nazirliyindən veriblər. Təqdimat mərasimində mədəniyyət və turizm naziri Əbülfəs Qarayev, Bərdə rayon İcra Hakimiyyətinin başçısı İlham Ağayev, rayon ictimaiyyəti, ziyalılar, mədəniyyət müəssisələrinin əməkdaşları iştirak edəcəklər. Bərdə rayonunda yaradılmış ilk Elektron Kitabxana rayon Mərkəzi Kitabxanasında təşkil olunub. Kitabxana üçün xüsusi Avtomatlaşdırılmış Kitabxana - İnformasiya Sistemi alınıb, habelə kitabxananın Veb-saytı (http://www.barda-mks.az) yaradılaraq oxucuların istifadəsinə təqdim edilib. Kitabxananın binası əsaslı təmir olunub, müasir inventar və avadanlıqlarla təchiz edilib. Veb-saytda Elektron Kataloq və Elektron Kitabxana vasitəslə oxuculara kitabxananın resursları, habelə kitabların tam mətni təqdim olunur.

08.02.10

Məqaləni oxumaq

TQDK nəzarətçi müəllimlər üçün seminar-məşğələlər keçirəcək

Tələbə Qəbulu üzrə Dövlət Komissiyası (TQDK) növbəti tədris ili üçün ali və orta ixtisas məktəblərinə qəbul imtahanlarında nəzarətçi kimi iştirak edəcək müəllimlər üçün seminar-məşğələlər keçirəcək. Bu barədə məlumatı KƏLAMİNFO-ya TQDK-nın mətbuat xidmətindən veriblər. Seminar-məşğələlərin məqsədi nəzarətçi-müəllimləri qəbul imtahanının texnologiyası ilə yaxından tanış etmək, imtahanları təlimata uyğun keçirməyə hazırlamaqdır. Seminarlar TQDK-nın təşkilat şöbəsinin məsul əməkdaşları tərəfindən aparılacaq. Seminarlarda Bakı və Sumqayıt şəhərlərinin orta məktəblərindən nəzarətçi qismində cəlb olunacaq müəllimlər iştirak edəcək. Seminar-məşğələlərdə iştirak edən müəllimlər, xüsusən də bu prosesə ilk dəfə cəlb edilən nəzarətçilər aprel ayından etibarən TQDK tərəfindən keçiriləcək sınaq imtahanlarında nəzarətçi kimi iştirak etməyə dəvət olunacaqlar. Bu da onların seminarlarda əldə etdikləri nəzəri bilikləri təcrübədə tətbiq etmələrinə kömək edəcək. Sınaq imtahanlarında nəzarətçi kimi özünü doğruldan müəllimlər qəbul imtahanlarına cəlb olunacaqlar.

08.02.10

Məqaləni oxumaq

Türkiyənin Beynəlxalq Strateji Araşdırmalar Mərkəzinin rəhbəri Azərbaycana gəlir

Bu gündən etibarən fevralın 11-dək Türkiyənin Beynəlxalq Strateji Araşdırmalar Mərkəzinin (USAD) rəhbəri Cəlal Cem Oğuz Azərbaycanda səfərdə olacaq. Bu barədə məlumatı KƏLAMİNFO-ya Prezident yanında Strateji Araşdırmalar Mərkəzinin (SAM) mətbuat xidmətindən veriblər. SAM-ın dəvəti ilə reallaşan səfər çərçivəsində türkiyəli alimin Azərbaycanın bir sıra rəsmi şəxsləri, elm xadimləri, beynəlxalq münasibətlər üzrə mütəxəssisləri ilə görüşləri nəzərdə tutulub.

08.02.10

Məqaləni oxumaq

"Bütün ölkə əhalisi üçün vahid soyad sonluğu düşünülməlidir"

Əli Həsənov: "Soyadların milliləşdirilməsi məsələsi ciddi ictimai müzakirəyə çıxarılmalıdır"

"Hesab edirəm ki, milli səviyyədə, bütün ölkə əhalisi üçün vahid soyad sonluğu düşünülməli və bu sonluq yalnız azərbaycançılığa, Azərbaycan xalqına, dövlətinə mənsubluğu göstərməlidir". Bunu Trend-ə müsahibəsində Prezident Administrasiyasının ictimai-siyasi şöbəsinin müdiri Əli Həsənov deyib. Şöbə müdiri deyib ki, hər bir millətin soyadı və onun sonluğu milli domendir. Milli domen üzərində də millətin mənsubiyyətini müəyyən etdirmək texnologiyaları qurulur.
Ə.Həsənov müsahibəsində gündəmdə olan digər məsələlərə də toxunub.

- Avropa Şurasının Aqo qrupunun Azərbaycana dair son hesabatını necə dəyərləndirirsiniz?

- Avropa Şurası ilə Azərbaycan arasındakı əlaqələr, Azərbaycanın Avropa Şurası qarşısında götürdüyü öhdəliklərin yerinə yetirilməsinin monitorinqi ilə bağlı vəziyyət, son zamanlar bu qurumun müxtəlif strukturları ilə Azərbaycan arasında müxtəlif sahələrdə - qanunvericilik, praktiki fəaliyyət, seçki, mətbuat və insan hüquqları sahələrində həyata keçirilən münasibətlər kifayət qədər dinamikdir. Burda ciddi konstruktivlik ruhu duyulmaqdadır.
Bilirsiniz ki, uzun müddət Avropa Şurasının Azərbaycan üzrə monitorinq qrupuna münasibətlərə ciddi müdaxilə edən və təsir göstərən Andreas Qross və onun həmfikirlərinin rəhbərlik etməsi bu münasibətləri xeyli kəskinləşdirirdi, qeyri-konstruktiv məcraya yönəldirdi. Burda subyektiv məqamlar, yanaşmalar, ayrı-ayrı qüvvələrin münasibətlərə əsassız müdaxiləsi var idi. Azərbaycanın milli dövlət haqlarına müdaxilə məsələləri münasibətlərə mənfi təsir göstərirdi. Son zamanlar bu praktika xeyli şəkildə aradan qalxıb.

05.02.10

Məqaləni oxumaq