|
|
Səhifələr : # 2 3 4 5 6 7 8 9 10 #
|
|
Təhsil Nazirliyinin əməkdaşları Slovakiyaya gediblər
|
|
Bu gündən fevralın 25-dək Slovakiyanın Bratislava şəhərində “Həmkara dəstək” mövzusunda beynəlxalq seminar keçirilir. Bu barədə məlumatı KƏLAMİNFO-ya Təhsil Nazirliyindən veriblər.
Seminarda ölkəmizi Təhsil Nazirliyinin nəzdindəki Təhsil Sisteminin İnformasiyalaşdırılması İdarəsinin əməkdaşı Ayaz Abuşov, “Təhsildə Əməkdaşlıq” proqramı üzrə “Microsoft Azərbaycan” şirkətinin meneceri Emin Axundov və “Mədəd” təşkilatından Teymur Məmmədov təmsil edirlər.
“Microsoft” şirkətinin təşkilatçılığı ilə keçiriləcək seminarın məqsədi müxtəlif ölkələrdən olan nümayəndələrə peşəkarlıq səviyyələrinin artırılması üçün “Həmkara dəstək” adlı tədris proqramı haqqında ətraflı məlumat verməkdir.
|
23.02.10 Məqaləni oxumaq
|
| |
|
|
|
Mədəniyyət və Turizm Nazirliyi “Çal oyna-2010” baxış-müsabiqəsini keçirir
|
|
Mədəniyyət və Turizm Nazirliyi bu gündən fevralın 28-dək özfəaliyyət rəqs kollektivlərinin “Çal oyna-2010” baxış-müsabiqəsini keçirir. Bu barədə məlumatı KƏLAMİNFO-ya nazirliyin mətbuat xidmətindən veriblər.
Abşeron, Masallı, Mingəçevir və Zaqatala rayonlarında keçirilən müsabiqədə yaşından asılı olmayaraq mədəniyyət müəssisələri nəzdində fəaliyyət göstərən rəqs kollektivləri, habelə solo ifaçıları iştirak edir. Müsabiqənin qalibləri nazirliyin əmri ilə yaradılmış Münsiflər Heyətinin qərarı ilə müəyyənləşəcək.
Qaliblərə mükafat və diplomlar təqdim olunacaq.
|
|
22.02.10 Məqaləni oxumaq
|
| |
|
|
|
Sumqayıtda Xocalı faciəsi ilə bağlı e-mail aksiyası təşkil edilib
|
|
Sumqayıt Gənclər və İdman Baş İdarəsi şəhər gənclər təşkilatlarının təşəbbüsü ilə Xocalı faciəsi ilə bağlı 17 fevral 2010-cu ildən başlayaraq e-mail aksiyası təşkil edib. Bu barədə məlumatı KƏLAMİNFO-ya Sumqayıt şəhər İcra Hakimiyyətindən veriblər.
E-mail aksiyası 26 fevral 2010-cu il tarixədək davam edəcək. E-mail aksiyasına şəhərdə fəaliyyət göstərən gənclər təşkilatlarının üzvləri, ali və orta ixtisas məktəblərində təhsil alan tələbələr, habelə müxtəlif idarə, müəssisə və təşkilatlarda çalışan gənclər qoşulub.
Aksiya çərçivəsində gənclər Xocalı soyqırımı haqqında ingilis və rus dillərində qısa məlumat və video lentləri xarici ölkələrin hökumət nümayəndələrinə, habelə beynəlxalq təşkilatlarının nümayəndələrinə, xarici ölkələrdəki gənclər təşkilatlarına elektron poçt vasitəsilə məlumat göndərirlər.
Qeyd edək ki, aksiyanın təşkilində Sumqayıt İnformasiya Texnologiyaları Akademiyası, İREX-in Sumqayıt nümayəndəliyi texniki dəstək göstərir.
|
|
22.02.10 Məqaləni oxumaq
|
| |
|
|
|
Çexiyanın Lidiçe və Xocalı şəhərlərinin qardaşlaşması barədə protokol imzalanacaq
|
|
Fevralın 26-da Çexiyanın Lidiçe və Xocalı şəhərlərinin qardaşlaşması barədə protokol imzalanacaq. Diasporla İş üzrə Dövlət Komitəsindən (DİDK) KƏLAMİNFO-ya verilən məlumata görə, protokolu hər iki şəhərin İcra Hakimiyyəti başçıları imzalayacaqlar.
Mərasim Azər-Çex Cəmiyyətinin təşkilatçılığı, DİDK və Azərbaycanın Çexiyadakı səfirliyinin dəstəyi ilə Lidiçe Xatirə Kompleksində Xocalı faciəsinin 18-ci ildönümü ilə əlaqədar keçiriləcək tədbir çərçivəsində baş tutacaq. Həmin gün Lidiçe Muzeyində Heydər Əliyev Fondunun hazırladığı fotosərgi təqdim olunacaq, çexiyalı mütəxəssis Helena Masnikova Ermənistan-Azərbaycan, Dağlıq Qarabağ münaqişəsi haqqında məruzə ilə çıxış edəcək və Xocalı qətliamından bəhs edən sənədli film göstəriləcək.
|
|
22.02.10 Məqaləni oxumaq
|
| |
|
|
|
Ombudsman Xocalı soyqırımının ildönümü ilə əlaqədar beynəlxalq təşkilatlara Bəyanat ünvanladı
|
|
Bu gün Ombudsman Elmira Süleymanova Xocalı soyqırımının 18-ci ildönümü ilə əlaqədar BMT-nin Baş katibi, Baş katibin müavini, Uşaqlar və silahlı münaqişələr üzrə xüsusi nümayəndəsi, BMT-nin İnsan Hüquqları üzrə Ali Komissarı, ATƏT, Avropa Şurası, Beynəlxalq və Avropa Ombudsmanlar İnstitutları, Asiya Ombudsmanlar Assosiasiyası, Beynəlxalq Sülh Bürosu, Universal Sülh Federasiyası, müxtəlif ölkələrin ombudsmanları, Azərbaycanın xaricdəki, xarici ölkələrin ölkəmizdəki səfirlikləri və Azərbaycanın diaspor təşkilatlarına Bəyanat ünvanlayıb.
Bəyanatda Xocalı faciəsi iki yüz ilə yaxın bir müddətdə erməni millətçilərinin və onların havadarlarının Azərbaycan xalqına qarşı apardığı etnik təmizləmə və soyqırımı siyasətinin dəhşətli nümunəsi olduğu bildirilir.
|
|
22.02.10 Məqaləni oxumaq
|
| |
|
|
|
“Qarabağ problemi yalnız Azərbaycanın gücü ilə həll edilə bilməz”
|
Mübariz Qurbanlı: “Təcavüzkara lazımi səviyyədə sanksiyalar tətbiq olunmalıdır”
Bu il yanvarın 1-dən ATƏT-ə sədrlik etməyə başlayan Qazaxıstan "dondurulmuş münaqişələr"in həllinə xüsusi diqqət yetirir. Təşkilatın fəaliyyətdə olan yeni sədri, Qazaxıstanın xarici işlər naziri Kanat Saudabayev bugünlərdə regiona səfəri çərçivəsində ilk olaraq Azərbaycanda olub və bu səfərin yekunları ilə bağlı keçirdiyi mətbuat konfransında bildirib ki, 2010-cu il Dağlıq Qarabağ münaqişəsinin həllində dönüş ili olacaq. Yeni Azərbaycan Partiyasının icra katibinin müavini, millət vəkili Mübariz Qurbanlı isə hesab edir ki, Dağlıq Qarabağ münaqişəsi bir dövlətin iradəsi ilə həll edilə bilməz.
- Mübariz müəllim, necə hesab edirsiniz, ATƏT-ə Qazaxıstanın sədrlik etməsi Dağlıq Qarabağ münaqişəsinin həllində müsbət irəliləyişlərə gətirib çıxara bilərmi?
- Təbii ki, sədrliyin Qazaxıstanda olması bizim üçün olduqca önəmlidir. Qazaxıstan bizə dost, qardaş, həm də müsəlman ölkəsidir. Amma gəlin realist olaq və hər şeyə olduğu kimi qiymət verməyə çalışaq. Şəxsən mən düşünmürəm ki, Qazaxıstanın ATƏT-ə sədrliyi dövründə Qarabağ danışıqlarında hansısa bir sıçrayış olsun. Çünki bu proses ATƏT sədrinin nəzarətində deyil. Bu prosesə ATƏT-in Minsk qrupu nəzarət edir. Düzdür, formal olaraq ATƏT-in sədri bu təşkilat çərçivəsində formalaşdırılan qurumlara, komitələrə rəhbərlik edir. Amma sədr qurumların fəaliyyətinə təsir imkanlarına malik deyil. Bu gün ATƏT-in Minsk qrupunun həmsədrliyində üç ölkə var ki, onlar BMT Təhlükəsizlik Şurasında veto hüququna malikdirlər. Belə olan şəraitdə ATƏT-in rotasiya qaydasında müvəqqəti sədrliyini götürmüş ölkənin nümayəndəsinin regiona səfərləri tanışlıq, münaqişə ilə bağlı hansısa bir mövqe ortaya qoymaqdan uzağa gedə bilməyəcək. Düzdür, istər-istəməz ATƏT-in sədrliyində olan ölkənin nümayəndəsinin səfərləri münaqişə ilə bağlı danışıqlara impuls verə bilər. Amma sədr ölkənin danışıqlar masasında olan mövzuya, bu və ya digər layihələrə təsir etmək imkanları bir o qədər də böyük deyil.
|
|
20.02.10 Məqaləni oxumaq
|
| |
|
|
|
“Eurovision-2010” mahnı müsabiqəsində Azərbaycanı təmsil edəcək şəxs martın 2-də bəlli olacaq
|
|
Martın 2-də “Buta” sarayında “Eurovision-2010” mahnı müsabiqəsində Azərbaycan təmsilçisinin seçilməsi üçün milli final konserti keçiriləcək. “Eurovision” üzrə Azərbaycanın musiqi əlaqələndiricisi Zəhra Bədəlbəyli KƏLAMİNFO-ya bildirib ki, finala vəsiqə qazanmış üç namizəd - Məryəm Şabanova, Səfurə Əlizadə və Milk&Kisses qrupu Azərbaycanı Osloda keçiriləcək 55-ci “Eurovision” müsabiqəsində təmsil etmək uğrunda mübarizə aparacaqlar. Onlar 5 əcnəbi bəstəkarın Kiyevdə yazdırdıqları mahnıları milli münsiflərin və tamaşaçıların qarşısında nümayiş etdirəcəklər.
Həmin gün cari ilin mayında keçiriləcək “Eurovision-2010” mahnı yarışmasında Azərbaycanı təmsil edəcək musiqiçi və orada ifa oluncaq mahnı müəyyənləşdiriləcək.
|
|
20.02.10 Məqaləni oxumaq
|
| |
|
|
|
Xocalı faciəsinin 18-ci ildönümü münasibətilə sərgi keçiriləcək
|
|
Fevralın 25-də Milli Kitabxanada Xocalı faciəsinin 18-ci ildönümü münasibətilə “Xocalı soyqırımı-əsrin faciəsi” adlı kitab sərgisinin açılışı olacaq. Bu barədə məlumatı KƏLAMİNFO-ya Milli Kitabxanadan veriblər.
Həmin gün “Xocalı soyqırımı rabitəçilərin yaddaşında” kitabının da təqdimat mərasimi keçiriləcək.
|
|
20.02.10 Məqaləni oxumaq
|
| |
|
|
|
ADU-nun İctimaiyyətlə əlaqələr və mətbuat xidmətinin 1 ilinə həsr olunan tədbir keçirildi
|
|
Bu gün Azərbaycan Dillər Universitetinin (ADU) İctimaiyyətlə əlaqələr və mətbuat xidmətinin 1, qurumun mətbu orqanı olan “Poliqlot” qəzetinin isə 10 illiyinə həsr olunan tədbir keçirildi. KƏLAMİNFO xəbər verir ki, tədbirdə çıxış edən ADU-nun rektoru, professor Səməd Seyidov bildirdi ki, bir il öncə rəhbərlik etdiyi təhsil ocağının İctimaiyyətlə əlaqələr və mətbuat xidməti, 10 il əvvəl isə “Bilik” qəzetinin bağlanmasından sonra “Poliqlot” qəzeti fəaliyyətə başlayıb. ADU-nun keçdiyi yola nəzər salan S.Seyidov qeyd edib ki, ümummilli lider Heydər Əliyev və hazırki prezident İlham Əliyevin diqqət və qayğısı nəticəsində ADU Azərbaycanı dünyaya, dünyanın isə Azərbaycana gətirilməsinə çalışıb. Hazırda ADU-nun 3 korpusunun fəaliyyət göstərdiyini diqqətə çatdıran S.Seyidov universitetdə 5 mindən çox tələbənin təhsil aldığını vurğulayıb. O, Azərbaycanda bir sıra xarici dillərin də tədris olunduğunu qeyd edib.
|
|
20.02.10 Məqaləni oxumaq
|
| |
|
|
|
Milli Məclisin Təbii ehtiyatlar, energetika və ekologiya komitəsinin iclası keçirilib
|
|
Bu gün Milli Məclisin Təbii ehtiyatlar, energetika və ekologiya komitəsinin iclası keçirilib. KƏLAMİNFO xəbər verir ki, Milli Məclis sədrinin müavini, komitənin sədri Valeh Ələsgərov gündəlikdəki məsələlər barədə məlumat verərək bildirib ki, “Azərbaycan Respublikası Konstitusiyasına əlavələr və dəyişikliklər edilməsi haqqında” Referendum aktının tətbiqi ilə əlaqədar “Qiymətli metallar və qiymətli daşlar haqqında”, həmçinin “İxrac məqsədli neft-qaz fəaliyyətinə xüsusi iqtisadi rejimin tətbiqi haqqında” Qanunlara redaktə xarakterli dəyişikliklər təklif olunur. Onun sözlərinə görə, “AR Silahlı Qüvvələrinin Daxili xidmət nizamnaməsi”nə və Meşə Məcəlləsində isə dəqiqləşdirmə aparılması ilə əlaqədar dəyişikliklər edilməlidir.
Deputatlar bu dəyişikliklərin qanunvericilik bazasının təkmilləşdirilməsi baxımından əhəmiyyətini qeyd ediblər.
|
|
20.02.10 Məqaləni oxumaq
|
| |
|
|
|
Səhifələr : # 2 3 4 5 6 7 8 9 10 # |
|
Torpaqlarımızı qaytaraq..
|
| |
|
|
|
Açılış Səhifəsi et 
