|
|
Səhifələr : # « 9 10 11 12 13 14 15 16 17 » #
|
|
ATƏT sədri Vaşinqtonda Dağlıq Qarabağ münaqişəsindən danışıb
|
|
ATƏT-in fəaliyyətdə olan sədri, Qazaxıstanın xarici işlər naziri Kanat Saudabayev Vaşinqtona səfəri çərçivəsində ABŞ Helsinki Komissiyasında çıxış edib. KƏLAMİNFO ATƏT-in mətbuat xidmətinə istinadən xəbər verir ki, ATƏT sədri çıxışında təhlükəsizliyə yeni çağırışlar və hədələrlə mübarizədə dövlətlər arasında etimad böhranının aradan qaldırılmasının vacibliyini diqqətə çatdırıb. K.Saudabayev Qazaxıstanın ATƏT-ə sədrliyi dövründə insan hüquqları və mətbuat azadlığı sahələrində öncül istiqamətlərdən danışıb. Bildirib ki, Əfqanıstanla əməkdaşlığın genişləndirilməsi, habelə Dağlıq Qarabağ, Moldova, Gürcüstanda dondurulmuş münaqişələrin həlli üçün səylər artırılacaq. Bununla əlaqədar, K.Saudabayev fevralın 15-18-də Cənubi Qafqaz regionuna səfər edəcək.
Qeyd edək ki, Vaşinqtona səfəri çərçivəsində ATƏT-in hazırkı sədri ABŞ-ın dövlət katibi Hillari Klinton, energetika naziri Stiven Çu, milli təhlükəsizlik üzrə müşavir, general Ceyms Cons və ABŞ-ın Əfqanıstandakı xüsusi nümayəndəsi Riçard Holbrukla görüşəcək.
|
05.02.10 Məqaləni oxumaq
|
| |
|
|
|
AMEA Aşqarlar Kimyası İnstitutunun yaranmasının 45 ili tamam olur
|
|
Bu il Azərbaycan Milli Elmlər Akademiyası (AMEA) Aşqarlar Kimyası İnstitutunun (AKİ) yaranmasının 45 ili tamam olur. AMEA-dan KƏLAMİNFO-ya verilən məlumata görə, AKİ 1965-ci ildə Kuybışev adına AZETNEİ-də və sonradan Azərbaycan Elmlər Akademiyası Neft-Kimya Prosesləri İnstitutunda fəaliyyət göstərən ixtisaslaşdırılmış laboratoriyanın əsasında yaradılıb.
İnstitut yaradılarkən onun tərkibində aşqarlar kimyası sahəsində mühüm istiqamətləri əhatə edən 12 laboratoriya təşkil edilib. 1980-cı ildə AİK-nin təcrübi-texnoloji bazası əsasında “Aşqar” Təcrübi İstehsalı ilə Xüsusi Texnoloji Büro yaradılıb və indiyədək AKİ-nin nəzdində fəaliyyət göstərir.
Hazırda institut 15 laboratoriya və 4 şöbədən ibarətdir. İnstitutda 229 əməkdaş çalışır. Onlaprdan 2 nəfəri akademik, 16-ı elmlər doktoru və 47-i isə elmlər namizədidir.
|
|
05.02.10 Məqaləni oxumaq
|
| |
|
|
|
Almaniyada Dağlıq Qarabağ münaqişəsinə həsr olunan tədbir keçirilib
|
|
Berlində Almaniyadakı Azərbaycanlıların Koordinasiya Mərkəzinin (AAKM) təşkilatçılığı ilə Dağlıq Qarabağ münaqişəsinə həsr olunan tədbir keçirilib. Bu barədə məlumatı KƏLAMİNFO-ya Diasporla İş üzrə Dövlət Komitəsindən (DİDK) veriblər.
Azərbaycanın Almaniyadakı səfirliyinin nümayəndələrinin də qatıldığı tədbirin məqsədi Dağlıq Qarabağ münaqişəsi barədə alman ictimaiyyətini məlumatlandırmaq, ölkəmizin reallıqlarını davamlı şəkildə təbliğ etmək olub. Toplantıda AAKM-in icraçı direktoru Samirə Patzer-İsmayılova “Sülhə ümid və ya siyasi-coğrafi məngənə.
|
|
04.02.10 Məqaləni oxumaq
|
| |
|
|
|
AMEA-nın müxbir üzvü R.Məmmədovun elmi-pedaqoji fəaliyyətinin 35 illiyinə həsr olunan elmi konfrans keçirilb
|
|
Bu gün Azərbaycan Milli Elmlər Akademiyası Geologiya İnstitutunda AMEA-nın müxbir üzvü, Coğrafiya İnstitutunun elmi işlər üzrə direktor müavini professor Ramiz Məmmədovun anadan olmasının 60, elmi-pedaqoji fəaliyyətinin 35 illik yubileyinə həsr olunmuş elmi konfrans keçirilb. Bu barədə məlumatı KƏLAMİNFO-ya Geologiya İnstitutundan veriblər.
“Xəzər dənizi və ətraf region ekosistemləri: təhlükə və risklər” adı altında təşkil edilmiş tədbirdə AMEA-nın vitse-prezidenti, Geologiya İnstitutunun direktoru akademik Akif Əlizadə, Coğrafiya İnstitutunun direktoru akademik Budaq Budaqov və digər elm xadimləri iştirak ediblər.
Konfransda “Xəzərin və Azərbaycan təbiətinin sistemli tədqiqatçısı”, “Coğrafiya İnstitutu ilə Bakı Dövlət Universitetinin Coğrafiya fakültəsinin əməkdaşlığına dair” və “Xəzər dənizinin tədqiqi: nəticələr və perspektivlər” mövzularında çıxışlar dinlənilib.
|
|
04.02.10 Məqaləni oxumaq
|
| |
|
|
|
Türkiyənin Xarici İşlər Nazirliyinin nümayəndəsi İsveçrəyə şikayətə gedir
|
|
Sabah Türkiyənin Xarici İşlər Nazirliyinin nümayəndəsi Feridun Sinirlioğlu İsveçrəyə gedəcək. KƏLAMİNFO xəbər verir ki, F.Sinirlioğlu Berndə isveçrəli həmkarı Michael Ambuhl ilə görüşəcək.
Görüşdə Ermənistanın Konstitusiya Məhkəməsinin protokollara qeyri-qanuni olaraq məlum düzəlişi müzakirə olunacaq. Məlumatda o da bildirilib ki, Yerevan protokollara sadiq qalmayacağı təqdirdə Türkiyə tərəfinin onu ratifikasiya etmə imkanı qalmayacaq.
|
|
04.02.10 Məqaləni oxumaq
|
| |
|
|
|
M.Abbaszadə: “Buraxılış imtahanlarının mərkəzləşdirilmiş qaydada keçirilməsini dəstəkləyirik”
|
|
Bu gün Bakı şəhərində yerləşən 1 saylı orta məktəbdə Tələbə Qəbulu üzrə Dövlət Komissiyasının (TQDK) sonuncu müşavirəsi keçirildi. KƏLAMİNFO xəbər verir ki, tədbirdə çıxış edən təhsil naziri Misir Mərdanov qeyd etdi ki, 400-dən artıq müəllim və pedaqoji rəhbərliyin iştirak etdiyi yığıncaqda ötən ilin tələbə qəbulu, həmçinin təhsillə bağlı yekunlar, gələcəkdə qarşıda duran vəzifələr müzakirə olunacaq.
Son illər Azərbaycanda təhsil sahəsində islahatların aparıldığını və bu sahədə inkişafın olduğunu diqqətə çatdıran M.Mərdanov təəssüflə bildirdi ki, bəziləri təhsilin səviyyəsinin son bir ildə kəskin aşağı düşdüyünü iddia edirlər. Bunula razılaşmayan nazir qeyd etdi ki, təhsil elə bir sahədir ki, onun səviyyəsinin bir ildə kəskin aşağı düşməsi qeyri-mümkündür. O, bu sahədə irəliyə doğru atılan addımlarda TQDK ilə birgə işlər aparmağın zəruri olduğunu vurğuladı.
|
|
04.02.10 Məqaləni oxumaq
|
| |
|
|
|
Gəncədə ali məktəblərə qəbul imtahanlarının keçirilməsi nəzərdə tutulub
|
|
Bu il Azərbaycanda ali məktəblərə birinci ixtisas qrupu üzrə qəbul imtahanları Gəncə şəhərində keçirilməsi nəzərdə tutulub. KƏLAMİNFO xəbər verir ki, bu barədə məlumatı jurnalistlərə açıqlamasında Tələbə Qəbulu üzrə Dövlət Komissiyasının (TQDK) sədri Məleykə Abbaszadə söyləyib.
Onun sözlərinə görə, bu, həmin ixtisas qrupuna sənəd verəcək abituriyentlərin sayından da asılı olacaq.
Qeyd edək ki, Azərbaycanda indiyə kimi qəbul imtahanları Bakı, Sumqayıt və Naxçıvan şəhərlərində keçirilib.
|
|
04.02.10 Məqaləni oxumaq
|
| |
|
|
|
Qafqaz Müsəlmanları İdarəsi qanvermə aksiyası keçirəcək
|
|
Fevralın 4-5-də Qafqaz Müsəlmanları İdarəsi (QMİ) məhərrəm ayının 40-cı günü ilə əlaqədar Səhiyyə Nazirliyi ilə birgə qanvermə aksiyası keçirəcək. Bu barədə məlumatı KƏLAMİNFO-ya müsahibəsində Qafqaz Müsəlmanları İdarəsi mətbuat xidmətinin rəhbəri Rəhimə Dadaşova verib.
Onun sözlərinə görə, qanvermə kampaniyası fevralın 4-dü Təzəpir, fevralın 5-də isə Əjdərbəy məscidində, Buzovnadakı Əli-Qədəmgah ziyarətgahında və Şüvəlandakı Mirmövsüm Ağa ziyarətgahında təşkil ediləcək. R.Dadaşova kampaniya zamanı toplanacaq qanın talassemiya xəstəliyindən əziyyət çəkən xəstələr üçün tədarük ediləcəyini vurğulayıb.
Qeyd edək ki, bu aksiyaya qoşulmaq istəyənlər könüllü şəkildə sözügedən məscid və ziyarətgahlara gedə bilərlər.
|
|
04.02.10 Məqaləni oxumaq
|
| |
|
|
|
"Nabukko" layihəsi həddindən artıq siyasiləşdirilir"
|
İlham Əliyev: "Biz yalnız bir marşrutdan asılılığa yol verə bilmərik"
Prezident İlham Əliyev yanvarın 27-də Davosda "Bloomberg" informasiya agentliyinə müsahibə verib. Həmin müsahibəni təqdim edirik.
- Azərbaycan olduqca böyük neft hasilatçısıdır. Neftin qiyməti barədə nə düşünürsünüz?
- Hesab edirəm ki, hazırda qiymət ədalətlidir. Bu qiymət hasilatçıların və istehlakçıların tələbatlarına cavab verir və eyni zamanda, şirkətlərə sərmayə qoymaq imkanı yaradır. Çünki hazırkı səviyyədən aşağı olan qiymət şirkətlərə yeni işlənmə, kəşfiyyat və hasilat işlərinə sərmayə yatırmaqda çətinlik yaradır. Zənnimcə, bu qiymət tarazlıdır.
- Hazırda qiymətlər qalxmaqda davam edir, lap yüz dolları ötsün, məgər Siz bundan məmnun olmayacaqsınızmı?
- Neftin qiymətinin kəskin şəkildə qalxması büdcəmizə əlavə vəsaitlər verdi. Lakin, eyni zamanda, bu, ölkəmizdə olduqca yüksək inflyasiya yaratdı və istehlak qiymətləri də qalxdı. Ölkənin tarazlı şəkildə inkişafını təmin etmək və əhalinin sosial vəziyyətini daha da möhkəmləndirmək məqsədi ilə əlavə imkanlar əldə etmək üçün hesab edirəm ki, qiymət təxminən 90 və ya 100 dollar səviyyəsində olmalıdır. 70 dollar da yaxşı qiymətdir.
- Bilirik ki, təbii qaz Azərbaycanın gələcək inkişafı üçün çox önəmli amildir. "Qazprom" Azərbaycan qazını almaq təklifi ilə çıxış etmişdir. Onlar bu gün nə qədər həə qazı almağı təklif ediblər və ölkəniz hazırda istismar olunan boru kəmərləri şəbəkəsi ilə nə qədər qazı ixrac etmək imkanındadır?
|
|
04.02.10 Məqaləni oxumaq
|
| |
|
|
|
Ali məktəblərə tələbə qəbulunda ciddi dəyişiklik olmayacaq
|
|
Cari il ali məktəblərə keçiriləcək tələbə qəbulunda ciddi dəyişiklik olmayacaq. KƏLAMİNFO xəbər verir ki, bu fikirləri Tələbə Qəbulu üzrə Dövlət Komissiyasının (TQDK) sədri Məleykə Abbaszadə söyləyib.
O qeyd edib ki, dəyişiklik yalnız Azərbaycan bölməsində rus dilinin xarici dil kimi tətbiq olunması olacaq. M.Abbaszadə qəbulda olan dəyişikliklərlə bağlı ən azı iki il əvvəl ictimaiyyəti məlumatlandırdıqlarını söyləyib.
|
|
03.02.10 Məqaləni oxumaq
|
| |
|
|
|
Səhifələr : # « 9 10 11 12 13 14 15 16 17 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
