|
Səhifələr : # « 13 14 15 16 17 18 19 20 21 » #
Respublika Elmi Tədqiqatların Təşkili və Əlaqələndirilməsi Şurasının iclası keçirilib
|
Azərbaycan Milli Elmlər Akademiyası (AMEA) Rəyasət Heyətində Respublika Elmi Tədqiqatların Təşkili və Əlaqələndirilməsi Şurasının elmin istiqamətləri üzrə Problem Şuraların sədrləri ilə iclas keçirilib. Bu barədə məlumatı KƏLAMİNFO-ya AMEA-dan veriblər.
İclasda AMEA-nın müxbir üzvü Fəxrəddin Qədirov “Abşeron yarımadasında müasir geodinamik şərait” mövzusunda elmi məruzə ilə çıxış edib. Məruzədə o, Abşeron yarımadasında seysmoloji vəziyyətin öyrənilməsi və mümkün zəlzələnin proqnozlaşdırılması ilə bağlı aparılan elmi tədqiqatlar haqqında ətraflı məlumat verib.
|
01.02.10 Məqaləni oxumaq
|
|
|
TQDK Bakı üzrə zona müşavirəsi keçirəcək
|
Tələbə Qəbulu üzrə Dövlət Komissiyası (TQDK) cari il fevralın 3-də Bakı şəhərində 2009/2010-cu tədris ili üçün ali məktəblərə qəbul imtahanlarının elmi-statistik təhlilinə həsr olunmuş zona müşavirəsi keçirəcək. Bu barədə məlumatı KƏLAMİNFO-ya TQDK-nın mətbuat xidmətindən veriblər.
Tədbirdə TQDK sədri Məleykə Abbaszadə 2009/2010-cu tədris ili üçün keçirilmiş qəbul imtahanlarının elmi-statistik təhlilinə dair ətraflı məruzə ilə çıxış edəcək.
|
01.02.10 Məqaləni oxumaq
|
|
|
Azərbaycanda 455 yeni HİV-ə yoluxma faktı aşkar olunub
|
Azərbaycan HİV-ə yoluxma səviyyəsi aşağı olan ölkələr sırasına daxil və burada epidemiya əsasən yüksək riskli qrupa aid olan infeksion narkotik istifadəçiləri arasında yayılıb. Bu barədə məlumatı KƏLAMİNFO-ya Səhiyyə Nazirliyinin mətbuat xidmətindən veriblər.
Ölkədə təkcə 2009-cu il ərzində aşkar olunan HİV-ə yoluxma hallarının 62,2%-i, ümumilikdə isə 1987-2010-cu il tarixinə olan dövrdə bütün yoluxma hallarının 62,6%-i infeksion narkotik istifadəsi nəticəsində baş verib. Ötən il ərzində Azərbaycanda 455 yeni HİV-ə yoluxma faktı aşkar olunaraq qeydiyyata alınıb. Onlardan 437-si ölkə vətəndaşı, 18 nəfəri isə əcnəbi vətəndaşdır. Qeydiyyata alınmış 437 Azərbaycan vətəndaşından 362-i kişi, 75-i qadındır.
|
01.02.10 Məqaləni oxumaq
|
|
|
Ölkə əhalisinin 31%-ni gənclər təşkil edir
|
Cari ilin əvvəlinə ölkə əhalisinin 2,8 mln. nəfərini və ya 31%-ni 14-29 yaşında olan gənclər təşkil edir. Bu barədə məlumatı KƏLAMİNFO-ya Dövlət Statistika Komitəsindən veriblər.
Onların 49% kişilər, 51% isə qadınlardır. Son 5 ildə gənc analar tərəfindən doğulan uşaqların sayı təqribən 9% artıb və bütövlükdə doğulan körpələrin 82,3% gənc ailələrdə dünyaya göz açıb.
Ötən ildə ölkədə nikaha daxil olanların 75,1%-ni gənclər təşkil edib və son beş ildə nikah bağlayan gənclərin sayı 12% artıb. Ölkə üzrə ilk dəfə nikaha daxil olan kişilərin orta yaşı 27, qadınların orta yaşı isə 23-dür. Bundan başqa ötən il erkən nikaha (18 yaşa qədər) daxil olan qadınların sayı əvvəlki ilə nisbətən 10,4% artaraq 6,9% çatıb.
|
01.02.10 Məqaləni oxumaq
|
|
|
Bakıda dahi bəstəkar Qara Qarayevin yubileyi qeyd olunacaq
|
Fevralın 3-də Azərbaycan Musiqi Mədəniyyəti Dövlət Muzeyində görkəmli bəstəkar, SSRİ xalq artisti, Dövlət mükafatları laureatı Qara Qarayevin anadan olması münasibətilə tədbir keçiriləcək. Bu barədə məlumatı KƏLAMİNFO-ya Mədəniyyət və Turizm Nazirliyinin mətbuat xidmətindən veriblər.
Mərasimdə bəstəkarlardan Azərbaycanın xalq artisti Musa Mirzəyevin, əməkdar incəsənət xadimi Asya Sultanovanın, Qara Qarayevin oğlu Fərəc Qarayevin çıxışları nəzərdə tutulub. Tədbirdə muzeyin direktoru, əməkdar mədəniyyət işçisi Alla Bayramova Qara Qarayevin Sankt-Peterburqdan Azərbaycana gətirilmiş irsinin bir hissəsi barədə məlumat verəcək.
İştirakçılara Qara Qarayevin əsərlərindən ibarət konsert proqramı da təqdim olunacaq.
|
01.02.10 Məqaləni oxumaq
|
|
|
|
Səhifələr : # « 13 14 15 16 17 18 19 20 21 » #
|
Torpaqlarımızı qaytaraq..
|
|
|
|