|
|
Səhifələr : # 5 6 7 8 9 10 11 12 13 #
|
|
AQUPDK-nin sədr müavini ölkəmizi Beynəlxalq konfransda təmsil edəcək
|
|
Dekabrın 19-u Tehranda İslam Konfransı Təşkilatına (İKT) üzv ölkələrin beynəlxalq konfransı keçiriləcək. KƏLAMİNFO xəbər verir ki, konfrnas “İKT-yə üzv ölkələrin inkişafında qadınları rolu” adı altında keçiriləcək.
Tədbirdə Azərbaycanı Ailə, Qadın və Uşaq Problemləri üzrə Dövlət Komitəsinin (AQUPDK) sədr müavini Sədaqət Qəhrəmanova təmsil edəcək. Onun rəhbərlik etdiyi nümayəndə heyəti sabah İrana yola düşür.
|
17.12.10 Məqaləni oxumaq
|
| |
|
|
|
İçəri şəhər “Cümə” məscidində qanvermə aksiyası keçirilib
|
|
Aşura günü ilə bağlı ənənəvi olaraq İçəri şəhər “Cümə” məscidində qanvermə aksiyası keçirilib. Səbail hayon İcra Hakimiyyətindən KƏLAMİNFO-ya verilən məlumata görə, səhər saatlarında başlanan qanvermə aksiyasında İçərişəhər “Cümə” məscidi dini icmasının üzvləri, dindarlar, digər məscidlərin dini icmalarının nümayəndələri və vətəndaşlar iştirak ediblər.
Gün ərzində “Cümə” məscidində 200-dən artıq vətəndaş könüllü qan verib. Qanvermə aksiyasında Elmi-Tədqiqat Hemotologiya və Transfiziologiya İnstitutunun səyyar qan köçürmə laboratoriyasının əməkdaşlarına tam şərait yaradılıb.
Keçirilən xeyirxah aksiya ilə əlaqədar məlumat verən İçəri şəhər “Cümə” məscidi dini icmasının sədri, axund hacı Surxay Məmmədli bildirib ki, dini mərasimlər zamanı qan çıxarmaq, zəncir vurmaq, bədənə hər hansı xəsarət gətirmək əvəzinə donor qanına çox ciddi ehtiyacı olan insanlara, ilk növbədə talassemiya, hemofiliya və digər qan xəstəliklərindən əziyyət çəkən uşaqlara köməklik göstərmək savab işdir. “Biz bu işləri dəstəkləyirik və müsəlman qardaş və bacılarımızı belə işlərə qoşulmağa çağırırıq”,-deyə o əlavə edib.
|
|
17.12.10 Məqaləni oxumaq
|
| |
|
|
|
Bu gün Aşuradır
|
|
Bu gün Hicri-Qəməri təqvimi ilə Məhərrəm ayının 10-cu günü - Aşuradır. KƏLAMİNFO xəbər verir ki, 1368 il öncə Məhərrəm ayının 10-cu günündə Məhəmməd Peyğəmbərin (s) nəvəsi, İmam Əlinin (ə) oğlu İmam Hüseyn (ə) İraqın Kərbəla çölündə 71 tərəfdarı ilə birlikdə şəhid olub, Yezid ibn Müaviyyənin 30 minlik ordusu tərəfindən qətlə yetirilib. İmam Hüseynin (ə) əhli-əyalı isə Yezidin qoşunu tərəfindən əsir alınaraq Şam şəhərinə sürgün edilib.
Tarixi mənbələrdə xəlifə Müaviyyə ibn Əbu Süfyanın ölümündən sonra onun taxta çıxan oğlu Yezid ibn Müaviyyənin imansız və əyyaş olduğu, bütün gününü qumar oynamaqla keçirdiyi bildirilir. Onun bu əməlləri İmam Hüseyni (ə) ciddi narahat etdiyindən İmam Hüseyn (ə) Yezidə bildirir ki, İslam xəlifəsinə yaraşmayan pis işlərdən çəkinməsə, babası Peyğəmbərin (s) dinini qorumaq üçün ona qarşı üsyan edəcək. Yezid isə İmam Hüseynə (ə) çoxlu pul və qızıl qarşılığında onun xəlifəliyini qəbul etməyi təklif edir, əks halda öldürəcəyi ilə hədələyir. İmam Hüseyn (ə) isə bu təklifi rədd edir və bildirir ki, “Əgər babam Məhəmmədin dini mənim ölməyimlə yaşayacaqsa, onda ey qılınclar, doğrayın məni!”
|
|
17.12.10 Məqaləni oxumaq
|
| |
|
|
|
Bu gün Rusiyanın Baş naziri V. Putin televiziya vasitəsilə ölkə vətəndaşları ilə söhbət edəcək
|
|
Bu gün Rusiyanın Baş naziri Vladimir Putin televiziya vasitəsilə ölkə vətəndaşları ilə dialoqa girəcək. KƏLAMİNFO xəbərverir ki, “Vladimir Putinlə söhbət. Təkliflər” adlı xüsusi buraxılış vasitəsilə Baş nazir ona ünvanlanacaq sualları cavablandıracaq, son günlər Moskvada baş verən milli – etnik qarşıdurmalar haqqında fikir mübadiləsi aparacaq.
Qeyd edək ki, Rusiya prezidenti Dmitri Medvedev də cari ilin noyabr ayının 22 – də televiziya vasitəsilə ölkənin müxtəlif bölgələrindən olan vətəndaşlar ilə təmasda olub, onların suallarını cavablandırıb.
|
|
17.12.10 Məqaləni oxumaq
|
| |
|
|
|
Cari ilin 11 ayında Şəkiyə 13178 nəfər turist gəlib
|
|
Son illər Şəkidə turizm infrastrukturunun yaradılması istiqamətində məqsədyönlü tədbirlər həyata keçirilir. Bu barədə məlumatı KƏLAMİNFO-ya Şəki şəhər İcra Hakimiyyətindən veriblər.
Məlumata görə, yeni mehmanxanalar, kotteclər, turizm xidməti obyektləri, digər sosial obyektlər inşa edilir, körpülər tikilir, yollar salınır. Eyni zamanda, şəhərdə genişmiqyaslı tikinti-quruculuq, abadlıq işləri aparılır, meydan və xiyabanlar öz simasını dəyişir, şəhər abadlaşır, gözəlləşir.
Bütün bu amillər, Şəkiyə gələn turistlərin sayının artmasına səbəb olub. Belə ki, 2004-cü ildə rayona gələn turistlərin sayı cəmi 2800, cari ilin 11 ayında isə turistlərin sayı 13178 nəfər olub. Onlardan 1938 nəfərini xarici turistlər təşkil edib. İlin sonunadək rayona gələn turistlərin sayının 13400 nəfərə çatacağı gözlənilir.
|
|
17.12.10 Məqaləni oxumaq
|
| |
|
|
|
SAM-ın elmi işçisi Z.Şiriyev Macarıstanda məruzə ilə çıxış edəcək
|
|
Dekabrın 17-18-i tarixlərində Budapeştdə Macarıstan Elmlər Akademiyasının təşkilati dəstəyi ilə “Avropa İttifaqının Şərq Tərəfdaşlığı: təcrübələr, səylər və gözləntilər” mövzusunda konfrans keçiriləcək. Macarıstanın Avropa İttifaqında sədrliyi məsələsi və Şərq Tərəfdaşlığı proqramının müzakirə olunacağı tədbirdə Azərbaycan Respublikasının Prezidenti yanında Strateji Araşdırmalar Mərkəzinin (SAM) elmi işçisi Zaur Şiriyev “Azərbaycanın Şərq Tərəfdaşlığı proqramındakı təcrübələri və Macarıstanın Avropa İttifaqına sədrliyindən gözləntiləri” mövzusunda məruzə ilə çıxış edəcək.
Tədbirdə həmçinin “Erməni Milli və Beynəlxalq Tədqiqatlar Mərkəzi”nin direktoru Riçard Giraqosyan, Belarusun “Beynəlxalq Strateji araşdırmalar Mərkəzi”nin direktoru Vladimir Ulaxoviç, Ukraynanın “Avropa və Avroatlantik Mərkəzi”nin direktoru Oleksey Kolemiyets və digər nüfuzlu ekspertlərin çıxışı gözlənilir.
Səfər çərçivəsində SAM-ın əməkdaşının Macarıstanın aparıcı “beyin mərkəzləri”ndə də görüşləri nəzərdə tutulub.
|
|
17.12.10 Məqaləni oxumaq
|
| |
|
|
|
“Bakının strateji nəqliyyat planının hazırlanması” layihəsinin yekun planının təqdimatına həsr olunan konfrans keçirilib
|
|
Bu gün Nəqliyyat Nazirliyində Azərbaycan ilə Yenidənqurma və İnkişaf Bankı arasında imzalanmış Qrant Sazişinə əsasən həyata keçirilən “Bakı şəhər ərazisi üçün strateji nəqliyyat planının hazırlanması” layihəsi çərçivəsində yekun planın təqdimatına həsr olunmuş konfrans keçirilib. Nəqdiyyat Nazirliyindən KƏLAMİNFO-ya verilən məlumata görə, nəqliyyat nazirinin müavini Musa Pənahovun sədrliyi ilə keçirilən konfransda Nazirlər Kabinetinin, İqtisadi İnkişaf, Maliyyə, Ekologiya və Təbii Sərvətlər, Daxili İşlər nazirliklərinin, Dövlət Şəhərsalma və Arxitektura Komitəsinin, Bakı Şəhər İcra Hakimiyyətinin, “Bakı Metropoliteni”nin, “Azərbaycan Dəmir Yolları” QSC-nin nümayəndələri ilə yanaşı Dünya Bankının, Finlandiyanın “WSP” şirkətinin və Yunanıstanın “KLC” hüquq şirkətinin təmsilçiləri də iştirak edib.
|
|
16.12.10 Məqaləni oxumaq
|
| |
|
|
|
“İRƏLİ” İB Ərzurumda keçiriləcək XXV Dünya Universitetlərarası Qış İdman Oyunlarına öz dəstəyini göstərəcək
|
|
“İRƏLİ” İctimai Birliyi və Ərzurum “Sivil Toplum Dəstəkləmə Dərnəyi” arasında əldə olunan razılaşmaya əsasən “İRƏLİ” XXV Dünya Universitetlərarası Qış İdman Oyunları tədbirinin təşkil olunmasında öz dəstəyini göstərəcək. Bu barədə məlumatı KƏLAMİNFO-ya “İRƏLİ”-dən veriblər.
Bu məqsədlə təşkilatın fəallarından ibarət 20 nəfərlik nümayəndə heyətinin göstərilən müddətdə Ərzuruma səfəri planlaşdırılır. Müsabiqə əsasında seçilmiş nümayəndə heyətinin tərkibi müəyyən edilib və səfərə hazırlıq başlanıb.
Qeyd edək ki, XXV Dünya Universitetlərarası Qış İdman Oyunları 27 yanvar - 06 fevral 2011-ci il tarixlərində Türkiyənin Ərzurum şəhərində keçiriləcək. Universiadaya 5 qitənin 57 ölkəsindən 3000 nəfərdən artıq idmançının qatılması gözlənilir.
|
|
16.12.10 Məqaləni oxumaq
|
| |
|
|
|
GUAM-a üzv ölkələrin gənc alimlərinin tədqiqatlara cəlb edilməsi məqsədilə “yay məktəbləri” təşkil ediləcək
|
|
GUAM Katibliyində Mədəniyyət, elm və təhsil məsələləri üzrə İşçi Qrupunun 5-ci iclası keçirilib. Tədbirdə GUAM-a üzv ölkələrin profili nazirlikləri və qurumlarının nümayəndələri və digər aidiyyatlı şəxslər iştirak ediblər. KƏLAMİNFO GUAM-ın rəsmi saytına istinadən xəbər verir ki, iclasda mədəniyyət, elm və texnoloji inkişaf sahəsində regional əməkdaşlığın prioritet istiqamətləri müəyyən edilib, gənc alimlərin elm və texnoloji inkişaf sahəsində qabaqcıl tədqiqatlara cəlb edilməsi məqsədilə “yay məktəbləri”nin təşkili üzrə təkliflərin işlənilməsinə razılıq əldə olunub, 2011-ci ildə prioritet istiqamətlər üzrə video konfrasların təşkili barədə və GUAM-a üzv ölkələrin alimlərin birgə tədqiqat qrupunun yaradılması mümkünlüyü barədə məsələyə baxılıb, eləcə də mədəniyyət, elm və təhsil sahəsində GUAM qrant proqramlarının konsepsiyası barədə təkliflərin verilməsinə razılıq əldə edilib.
İQ-nin növbəti iclasının gələn ilin I yarısında keçirilməsi planlaşdırılıb.
|
|
16.12.10 Məqaləni oxumaq
|
| |
|
|
|
Nardaranda hicab aksiyası keçirilib
|
|
Bu gün Bakının Nardaran kəndində hicabın orta məktəbdə qadağasına qarşı aksiya keçirilib. KƏLAMİNFO xəbər verir ki, aksiyaçılar “Biz ölərik Hicabı əldən vermərik»” şüarı ilə çıxış ediblər.
Nardaran pirində keçirilən mərasimdə dindarlar hicabın qadağası ilə bağlı prezidentə və Təhsil nazirinə müraciət ünvanlayıblar. Onlar imza toplama kampaniyasını davam etdirəcəklərini bildiriblər.
|
|
16.12.10 Məqaləni oxumaq
|
| |
|
|
|
Səhifələr : # 5 6 7 8 9 10 11 12 13 # |
|
Torpaqlarımızı qaytaraq..
|
| |
|
|
|
Açılış Səhifəsi et 
