Kelam Jurnalı - Məqələlər

Bu gün Azərbaycanın İnsan Hüquqları üzrə Müvəkkili (Ombudsman) və BMT-nin Narkotiklər və Cinayətkarlıqla Mübarizə İdarəsinin (UNODS) birgə təşkilatçılığı ilə Ümumdünya QİÇS-lə mübarizə gününə həsr olunan tədbir keçirildi. KƏLAMİNFO xəbər verir ki, Ombudsman Aparatında təşkil edilən tədbirdə bir sıra millət vəkilləri, Ədliyyə, Səhiyyə nazirlikləri və QHT-lərin nümayəndələri iştirak edib. Tədbirdə çıxış edən ombudsman Elmira Süleymanova sözügedən problem və onun törətdiyi fəsadlardan danışıb. O, qonaqlara cəmiyyət arasında yayılan bu problemlərin həlli istiqamətində birgə mübarizənin vaciblinyi vurğulayıb. E.Süleymanova əlavə edib ki, həmin xəstəliyə düçar olan şəxslərə qarşı ayrı-seçkilik, diskirminasiya hallarına yol verilməməsi üçün müvafiq qanun qəbul edilib. O, bu xəstəliyin ümumilikdə cəmiyyətin problemi olduğunu diqqətə çatdırıb.

02.12.10

Məqaləni oxumaq

MEK direktoru A.Əliyeva-Kəngərli İranda səfərdə olub

Bu günlərdə AMEA-nın Mərkəzi Elmi Kitabxanasının (MEK) direktoru Aybəniz Əliyeva-Kəngərli respublikamızın bir sıra mədəniyyət qurumlarının əməkdaşları ilə birgə İranda səfərdə olub. MEK-dən KƏLAMİNFO-ya verilən məlumata görə, Azərbaycanın Təbrizdəki Konsulluğunun təşkilati dəstəyi ilə gerçəkləşən səfərdə əsas məqsədlərdən biri kitabxananın xeyli müddətdir həyata keçirdiyi ümummilli lider Heydər Əliyev irsinin təbliği mövzusunda daha bir tədbirin keçirilməsi olub. Səfər çərçivəsində konsulluqda MEK tərəfindən hazırlanaraq nəşr etdirilən вЂњHeydər Əliyev və Azərbaycan elmiвЂќ adlı kitabın təqdimat mərasimi keçirilib. Səfər zamanı Kitabxananın direktoru və nümayəndə heyətinin digər üzvləri Təbriz Mərkəzi Kitabxanasına baş çəkib, kitabxananın strukturu, fəaliyyəti, iş prinsipi ilə yaxından tanış olublar. Burada hər iki kitabxana arasında aparılan kitab mübadiləsini və əməkdaşlığı daha da inkişaf etdirmək üçün müəyyən məsələlər müzakirə edilib.

02.12.10

Məqaləni oxumaq

Astanada ATƏT-in 7-ci sammiti öz işinə başlayıb

Bu gün Qazaxıstanın paytaxtı Astanada ATƏT-in 7-ci sammiti işə başlayıb. KƏLAMİNFO xəbər verir ki, Prezident İlham Əliyev sammitdə iştirak edir. Sammitdə ümumilikdə 56 üzv və 12 tərəfdaş ölkənin dövlət və hökumət başçıları, nümayəndə heyətləri, həmçinin beynəlxalq təşkilatların nümayəndələri iştirak edirlər. Qazaxıstan prezidenti Nursultan Nazarbayev sammitin keçirildiyi вЂњMüstəqillikвЂќ sarayında nümayəndə heyətlərinin rəhbərlərini, həmçinin Prezident İlham Əliyevi qarşılayıb. ATƏT-in 7-ci sammitini Qazaxıstan prezidenti Nursultan Nazarbayev açıb.

01.12.10

Məqaləni oxumaq

Prezident İlham Əliyev Avstraliyanın xarici işlər naziri Kevin Ruddla görüşüb

Bu gün Astanada Azərbaycan prezidenti İlham Əliyev Avstraliyanın xarici işlər naziri Kevin Ruddun görüşü olub. KƏLAMİNFO xəbər verir ki, K.Rudd ölkəsinin Azərbaycan ilə həm ikitərəfli, həm də təhlükəsizlik, ekologiya və qlobal məsələlərdə əməkdaşlığı inkişaf etdirməkdə maraqlı olduğunu deyib. O, Avstraliyada Azərbaycan icmasının olduğunu bildirib. Prezident İlham Əliyev deyib ki, Azərbaycan Avstraliya ilə əməkdaşlığı inkişaf etdirə bilər. Azərbaycanın son illər bütün sahələrdəki inkişafından danışan dövlət başçısı qeyd edib ki, Avstraliya şirkətlərinin Azərbaycanda fəaliyyəti üçün hər cür şərait var. Görüşdə Ermənistan-Azərbaycan, Dağlıq Qarabağ münaqişəsinin nizama salınması məsələsinə toxunulub. Prezident İlham Əliyev münaqişənin həlli ilə bağlı Azərbaycanın mövqeyindən danışıb.

01.12.10

Məqaləni oxumaq

Rusiya prezidenti: вЂњMünaqişələrin həll olunması üçün vahid prinsiplər olmalıdırвЂќ

Münaqişələrin həll olunmasında vahid prinsiplərə ehtiyac var və bu bütün böhran vəziyyətlərinə aid olunmalıdır. KƏLAMİNFO Rusiya mətbuatına istinadən xəbər verir ki, bu sözləri Rusiya prezidenti Dmitri Medvedev ATƏT-in Astana sammitində deyib. Onun sözlərinə görə, belə prinsiplər gücün tədbiq edilməməsi, razılaşma və sülh formatlarına hörmət və münaqişədən əziyyət çəkən mülki əhalinin təhlükəsizliyinin qorunmasına kömək edəcək. вЂњBir daha təkrar edirəm ki, belə sualların həllində mütləq sülh olmalıdır. 2008-ci ilin avqustunda Gürcüstanın Cənubi Osetiyaya etdiyi hərbi güc yolverilməzdirвЂќ,- deyə D.Medvedev vurğulayıb.

01.12.10

Məqaləni oxumaq

Elman Rüstəmov: вЂњAzərbaycanda ipoteka kreditləşməsi sərtləşdirilmirвЂќ

Azərbaycanda gələn il də ipoteka kreditləşməsi davam etdiriləcək. KƏLAMİNFO xəbər verir ki, bu barədə jurnalistlərə açıqlamasında Mərkəzi Bankın sədri Elman Rüstəmov bildirib. O, qeyd edib ki, ipoteka kreditləşməsi sərtləşdirilmir, sadəcə onun şərtləri dəqiqləşdirilir. вЂњİpoteka kreditlərini ölkə əhalisinin iqtisadi fəal hissəsi almalıdır. Azərbaycan Mərkəzi Bankı ipoteka kreditləşməsinin tənzimlənməsi mexanizmi barədə düşünür və proses çərçivəsində ipoteka kreditləşməsinin şərtlərinin sərtləşdirilməsi nəzərdə tutulmur. Biz çalışırıq ki, ipoteka kreditlərindən istifadə edənlərin sayında daha çox artım müşahidə olunsunвЂќ-deyə Mərkəzi Bankın sədri vurğulayıb.

01.12.10

Məqaləni oxumaq

Geologiya İnstitutu CTBTO-nun dünya şəbəkəsi ilə təcrübə və məlumat mübadiləsini genişləndirir

AMEA Geologiya İnstitutunun nəzdində fəaliyyət göstərən BMT-nin Nüvə Sınaqlarının Hərtərəfli Qadağan Olunması üzrə Müqavilə Təşkilatının (CTBTO) Azərbaycan Milli Məlumat Mərkəzi dünyadakı bütün Milli Məlumat Mərkəzləri ilə təcrübə və məlumat mübadiləsi aparmaq imkanını genişləndirir. Bu barədə məlumatı KƏLAMİNFO-ya Geologiya İnstitutundan veriblər. Bu məqsədlə beynəlxalq təşkilat institutun alimlərinə şəbəkədaxili məlumatlardan tam istifadə hüququnu verib. Belə ki, dünyada baş verən və CTBTO tərəfindən qeydə alınan seysmik hadisələr Azərbaycan Milli Məlumat Mərkəzində müşahidə olunacaq və digər mərkəzlərlə araşdırılıb təhlil ediləcək.

01.12.10

Məqaləni oxumaq

Moskvada MDB-nin Baş Qərargah Rəisləri Komitəsinin növbəti iclası keçiriləcək

Cabah Moskvada MDB-nin Baş Qərargah Rəisləri Komitəsinin növbəti iclası keçiriləcək. Bu barədə məlumatı KƏLAMİNFO-ya Müdafiə Nazirliyinin mətbuat xidmətindən veriblər. Tədbirdə Azərbaycan nümayəndə heyəti də iştirak edəcək. MDB Baş Qərargah Rəisləri Komitəsinin iclaslarında Azərbaycanı Silahlı Qüvvələrin baş qərargah rəisi, general-polkovnik Nəcməddin Sadıqov təmsil edəcək.

01.12.10

Məqaləni oxumaq

Azərbaycan və Türkiyə arasında imzalanmış hərbi əməkdaşlıq planına əsasən bir sıra tədbirlərin keçiriləcək

Azərbaycan və Türkiyə arasında imzalanmış hərbi əməkdaşlıq prlanına uyğun olaraq dekabr ayında bir sıra tədbirlərin keçirilməsi planlaşdırılır. Müdafiə Nazirliyi mətbuat xidmətindən KƏLAMİNFO-ya verilən məlumata görə, tədbirlər Türkiyə və Azərbaycanda təşkil olunacaq. Tədbirlər planına əsasən bu gün Bakıda rabitə mövzusunda təcrübə mübadiləsi və məlumat mübadiləsi üzrə əməkdaşlıq fəaliyyətlərinə həsr olunmuş üçgünlük görüş başlayıb. Bununla yanaşı, Ankarada Azərbaycan və Türkiyə arasında xəritəçilik sahəsində əməkdaşlıq məsələləri üzrə işçi görüşü keçiriləcək. Azərbaycan hərbçiləri həmçinin İstanbulda вЂњAvrasiya ulduzu 2010вЂќ təliminə qatılacaqlar.

01.12.10

Məqaləni oxumaq

MDB-yə üzv ölkələrin Sərhəd Qoşunları Komandanları Şurasının iclası keçiriləcək

Sabah Belarusun paytaxtı Minsk şəhərində MDB-yə üzv ölkələrin Sərhəd Qoşunları Komandanları Şurasının növbəti-64-cü iclası keçiriləcək. KƏLAMİNFO MDB İcraiyyə Komitəsinin mətbuat xidmətinə istinadən xəbər verir ki, iclas iki gün davam edəcək. İclasda MDB dövlətlərinin xarici sərhədlərinin dəqiq vəziyyəti və onun inkişaf tendensiyası müzakirə ediləcək, Şuranın bu ilki fəaliyyətinə, planlarının icrasına yekun vurulacaq, birgə xüsusi sərhəd əməliyyatları və operativ profilaktik tədbirlərin keçirilməsi haqqında fikir mübadiləsi aparılacaq. Qeyd edək ki, iclasın gündəliyinə ümumilikdə 10-a yaxın məsələ daxildir.

01.12.10

Məqaləni oxumaq