|
|
Səhifələr : # 3 4 5 6 7 8 9 10 11 #
|
|
Magistratura pilləsinə qəbul imtahanlarının birinci mərhələsinin vaxtı açıqlandı
|
|
Ali məktəblərin magistratura pilləsinə qəbul imtahanlarının birinci mərhələsinin vaxtı müəyyənləşib. Bu barədə məlumatı KƏLAMİNFO-ya Tələbə Qəbulu üzrə Dövlət Komissiyasının (TQDK) mətbuat xidmətindən veriblər.
İmtahanlar üçün ərizə qəbulu gələn il yanvarın 25-dən fevralın 7-dək aparılacaq. Qəbul imtahanlarının ilk mərhələsi fevralın 20-də keçiriləcək. Bu mərhələdə bakalavrların ümumi intellekt səviyyəsi, xarici dil və informatika fənni üzrə bilikləri yoxlanacaq. Yanvarın 23-də isə TQDK ilk dəfə tətbiq olunacaq açıq testlərə abituriyentlərin cavabların təhlil etmək üçün Bakı, Naxçıvan, Sumqayıt, Gəncə, Lənkəran, Şəki, Quba, Göyçay, Şirvan, Ağcabədi və Mingəçevirdə sınaq imtahanları keçirəcək.
|
21.12.10 Məqaləni oxumaq
|
| |
|
|
|
Səməd Seyidov: "Tomaş Parobenin Cənubi Qafqazda gələcək fəaliyyəti dayandırılmalıdır"
|
|
"Avropa Birliyi və Avropa Parlamenti Azərbaycanın ərazi bütövlüyünü tanımasına baxmayaraq, təəssüflər olsun ki, bu qurumun nümayəndəsi öz təşkilatının qətnaməsinə qarşı çox hörmətsiz çıxıb". KƏLAMİNFO xəbər verir ki, bu barədə Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov bildirib.
O, qeyd edib ki, Avropa Parlamentinin nümayəndəsi olan Tomaş Parabe Dağlıq Qarabağa səfər etməklə Azərbaycanın ərazi bütövlüyünü kobud şəkildə pozub. "T.Parabenin bu hərəkəti nəinki Azərbaycanın maraqalarını, hətta Avropa Birliyinin öz siyasətinə ziddir. Biz buna dərhal reaksiya verməliyik. Müvafiq məktublar göndərməliyik. Çünki bu hadisədən sonra T.Parabe gələcəkdə regionda obyektiv fəaliyyət göstərə bilməz. O bütün beynəlxalq prinsipləri pozub. Biz Avropa Birliyinin özündən də tələb etməliyik ki, onun regionda gələcək fəaliyyəti dayandırılsın. Bu məqsədlə də komitəmiz tərəfindən Avropa Parlamentinə etiraz məktubları göndərəcəyik",-deyə S.Seyidov vurğulayıb.
|
|
21.12.10 Məqaləni oxumaq
|
| |
|
|
|
TQDK qəbul imtahanlarında 116 müəllimə şifahi xəbərdarlıq edib
|
|
Bu gün Tələbə Qəbulu üzrə Dövlət Komissiyası (TQDK) ali və orta ixtisas təhsili müəssisələrinə bu il keçirilmiş qəbul imtahanlarında öz vəzifələrini layiqincə yerinə yetirmiş nəzarətçi-müəllimlərlə görüş keçirib. KƏLAMİNFO xəbər verir ki, tədbirdə TQDK rəhbərliyi qəbul imtahanlarında müntəzəm iştirak edərək zal nəzarətçisi vəzifəsini nümunəvi yerinə yetirmiş 23 nəzarətçiyə Fəxri Fərman təqdim edib, onlar TQDK-nın nəşrləri, test kitabçaları, tədris vəsaitləri ilə mükafatlandırılıb, 617 nəzarətçi-müəllimə isə təşəkkür elan edilib.
Qeyd edək ki, TQDK-nın nəzarətçilər bazasına 8000-dək fənn müəllimi daxildir. 2010-cu ildə keçirilmiş qəbul imtahanlarına 6109 nəzarətçi-müəllim cəlb olunub, 184 nəzarətçi əsaslı bir səbəb olmadan imtahana gəlməyib, 236 nəfər isə imtahanda laqeydlik, səhlənkarlıq göstərdiklərinə və təlimat qaydalarını pozduqları üçün nəzarətçilər bazasından çıxarılıb və onlar barədə müvafiq tədbirlər görülməsi üçün aidiyyatı orqanlara müraciət edilib, 116 müəllimə isə şifahi xəbərdarlıq edilib.
|
|
21.12.10 Məqaləni oxumaq
|
| |
|
|
|
AMEA prezidenti Nazirlər Kabinetinin elmi cihazların ƏDV-dən azad olunması qərarını alqışlayır
|
|
Nazirlər Kabinetinin ölkəyə idxal olunan elmi cihazların və avadanlıqların gömrük rüsumundan və əlavə dəyər vergisindən (ƏDV) azad olunması ilə bağlı qərarını alqışlayırıq. Bu fikirləri KƏLAMİNFO-ya müsahibəsində Azərbaycan Milli Elmlər Akademiyasının (AMEA) prezidenti, akademik Mahmud Kərimov söyləyib.
Əvvələr elmi cihaz və avadanlıqların ölkəyə gətirilməsində vergilər, gömrüklə müəyyən problemlərin olduğunu xatırladan M.Kərimov qeyd edib ki, ölkə prezidentinin müvafiq Sərəncamından sonra bununla bağlı problemlər olmayacaq və bu sahəyə ayrılan vəsait də səmərəli istifadə ediləcək.
|
|
21.12.10 Məqaləni oxumaq
|
| |
|
|
|
Uşaqlar üçün xalq çalğı alətləri üzrə II respublika müsabiqəsinə yekun vurulub
|
|
Mədəniyyət və Turizm Nazirliyi tərəfindən keçirilən Uşaq musiqi və incəsənət məktəbləri şagirdlərinin xalq çalğı alətləri üzrə II respublika müsabiqəsinə yekun vurulub. Bu barədə məlumatı KƏLAMİNFO-ya Nazirliyin mətbuat xidmətindən veriblər.
Müsabiqənin I turu 01-10 dekabr tarixində zonalar üzrə Bakı, Gəncə, Naxçıvan, Lənkəran, Sumqayıt, Şəki şəhərlərində və Ağcabədi rayonunda, II turu isə 14-15 dekabr tarixlərində ancaq Bakı şəhərində keçirilib. Müsabiqədə respublikanın müxtəlif rayon və şəhərlərinin uşaq musiqi və incəsənət məktəblərindən 598 şagird iştirak edib. İki yaş qrupunda tar, kamança, saz, kanon, balaban və qarmon musiqi alətləri üzrə keçirilən müsabiqədə münsiflər heyətinin qərarı ilə Bakı, Gəncə, Şəki, Şirvan, Ağcabədi, Göygöl, Qusar, Samux şəhər və rayonlarının, habelə Naxçıvan Muxtar Respublikası uşaq musiqi və incəsənət məktəblərinin şagird, müəllim və konsertmeysterləri Mədəniyyət və Turizm Nazirliyinin müxtəlif dərəcəli diplomları, Fəxri fərmanları və pul mükafatları ilə təltif olunublar.
|
|
21.12.10 Məqaləni oxumaq
|
| |
|
|
|
Bu gün səhər Bütün Qafqazın Şeyxi Hacı Allahşükür Paşazadə Gürcüstana səfərə yola düşüb
|
|
Bu gün səhər Bütün Qafqazın Şeyxi Hacı Allahşükür Paşazadənin başçılıq etdiyi nümayəndə heyəti Gürcüstana səfərə yola düşüb. QMİ-dən KƏLAMİNFO-ya daxil olan məlumata görə, bir günlük səfər çərçivəsində A.Paşazadəni, müavinləri Hacı Salman Musayev, Hacı Sabir Həsənli, Fətva komissiyasının sədri Hacı Mirəziz Seyidzadə, millət vəkilləri Fəttah Heydərov və Cavanşir Paşazadə müşayiət edir.
Bütün Gürcüstanın katalikosu II İlyanın qonağı olacaq A.Paşazadə səfər zamanı prezident Mixel Saakaşvili ilə də görüşəcək.
|
|
21.12.10 Məqaləni oxumaq
|
| |
|
|
|
“Azercell” valideyn himayəsindən məhrum olan uşaqların “Yeni il arzuları”nı gerçəkləşdirəcək
|
|
Yeni il bayramının gəlişi ilə bağlı “Azercell Telekom” MMC tərəfindən valideyn himayəsindən məhrum olan uşaqların “Yeni il arzuları”nı gerçəkləşdiriləcək. Bu barədə məlumatı KƏLAMİNFO-ya “Azercell Telekom” MMC-dən veriblər.
Şirkət tərəfindən bu il ilk dəfə uşaq evlərində yaşayan körpələr üçün keçirilən “Onlar da hədiyyə gözləyirlər...” layihəsinin unikallığı ondadır ki, istənilən şəxs bu uşaqların bayramına öz əvəzsiz töhfəsini verə bilər. Uşaqlar üçün nəzərdə tutulan hədiyyələr hal-hazırda “Park Bulvar” alış-veriş mərkəzinin birinci və ikinci mərtəbəsində yerləşdirilən 3 şam ağacından asılıb və ağacların üzərindəki hədiyyələr təsadüfən seçilməyib. Şirkət əməkdaşları uşaqların hər birindən istədiyi hədiyyəni öyrənib, onları ağacın üzərindəki rəngarəng yeni il oyuncaqlarının üzərinə yerləşdiriblər. Beləliklə də, istənilən şəxs bir və ya bir neçə hədiyyəni alıb onu arzulayan uşağın özünə təqdim etmək imkanı əldə edir. Hədiyyələrin təqdim edilməsi üçün “Azercell Telekom”un dəstəyi ilə dekabrın 28-də “Landmark”ın Rotunda zalında bir neçə uşaq evinin sakinləri üçün yeni il şənliyi keçiriləcək.
|
|
21.12.10 Məqaləni oxumaq
|
| |
|
|
|
SAMF-da işğal altında olan rayonların muzey direktorları ilə görüş keçirilib
|
|
“Söz Azadlığı Müdafiə Fondun”da (SAMF) işğal altında olan rayonların tarix-diyarşünaslıq muzeylərinin direktorları ilə görüş keçirilib. Bu barədə məlumatı KƏLAMİNFO-ya SAMF-ın mətbuat xidmətindən veriblər. Tədbirdə çıxış edən fondun sədri, tanınmış şair Musa Yaqub fondun Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirdiyi “Dağlıq Qarabağ münaqişəsi nəticəsində zərər çəkən rayonların diyarşünaslıq muzeylərinin virtual pilot şəbəkəsinin yaradılması” layihəsi barədə tədbir iştirakçılarına məlumat verib, üç ay ərzində layihə iştirakçılarının gördüyü işlərdən danışıb.
Fondun icraçı direktoru Vüqar Tofiqli isə layihənin məqsədi kimi respublika üzrə virtual diyarşünaslıq muzeylər şəbəkəsini yaratmaq olduğunun qeyd edib. Əlaqəli məlumat bazasının yaradılmasının əhəmiyyətindən danışan layihə direktoru bildirib ki, yaradılan resurs vasitəsi ilə ilk olaraq Azərbaycanın işğal altında olan maddi-mədəni irsi haqqında məlumatlar geniş ictimaiyyətə çatdırılacaq.
|
|
21.12.10 Məqaləni oxumaq
|
| |
|
|
|
Aleksandr Lukaşenko növbəti dəfə Belarusun prezidenti seçilib
|
|
Belarus Mərkəzi Seçki Komissiyası seçicilərin 84%-nin səsvermə hüququndan istifadə etdiyi barədə məlumat yayıb. KƏLAMİNFO Rusiya mətbuatına istinadən xəbər verir ki, “Exit-poll” nəticələrinə görə, Belarusda keçirilən prezident seçkilərində hazırkı prezident Aleksandr Lukaşenko 70 faizdən çox səs toplayıb. İkinci və üçüncü yerlərdə isə 4 faiz səslə müxalifətdən olan namizədlər Andrey Sannikov ilə Vladimir Neklyayev gəlirlər.
“Exit-poll” nəticələrindən sonra müxalifətin minlərlə tərəfdarı Belarus paytaxtında etiraz aksiyalarına başlayıb. Belarus polisi gecə saatlarında Hökumət Evinin qarşısına toplaşan müxalifət tərəfdarlarının mitinqini dağıdıb. Sialhllı polis qüvvələri meydana girərək aksiya iştirakçılarını zorla ərazidən kənarlaşdırıb.
|
|
21.12.10 Məqaləni oxumaq
|
| |
|
|
|
“Azərbaycanfilm” kinostudiyası özünün yeni loqotipini yaratmaq üçün müsabiqə elan edib
|
|
“Azərbaycanfilm” kinostudiyası özünün yeni loqotipini yaratmaq üçün müsabiqə elan edib. Bu barədə məlumatı KƏLAMİNFO-ya Mədəniyyət və Turizm Nazirliyindən veriblər.
Loqo elektron qrafik formatda və ya kağız üzərində işlənmiş təsvirdən ibarət olmalıdır.
Qalib işin müəllifinə 1000 manat dəyərində mükafat veriləcək.
Müsabiqəyə işləri 2011-ci il fevralın 1-dək “Azərbaycanfilm” kinostudiyasına təqdim etmək lazımdır.
|
|
20.12.10 Məqaləni oxumaq
|
| |
|
|
|
Səhifələr : # 3 4 5 6 7 8 9 10 11 # |
|
Torpaqlarımızı qaytaraq..
|
| |
|
|
|
Açılış Səhifəsi et 
