|
|
Səhifələr : # 1 2 3 4 5 6 7 #
|
|
MTRŞ-nın radio yayımı üçün 103.3-cü tezlik resursuna elan etdiyi müsabiqə başa çatıb
|
|
Milli Televiziya və Radio Şurası tərəfindən 25 noyabr 25 dekabr 2010-cu il tarixədək radio yayımı üçün 103.3-cü tezlik resursuna elan edilmiş müsabiqə başa çatıb. Bu barədə məlumatı AZADİNORM-ya MTRŞ-dan veriblər.
Radio yayımı üçün 103.3-cü tezlik resursuna elan edilmiş müsabiqədə üç iddiaçı, yəni iki hüquqi şəxs – “Golden Prince” MMC (“Azad Xəbər”), “Obyektiv – Televiziya və Radio Yayım Şirkəti” MMC (“Radio Obyektiv”) və bir fiziki şəxs - Cəfərov Rəsul Ağahəsən oğlu (“nativ radio”) sənədlərini Şuraya təqdim edib. Şura tərəfindən "Televiziya və radio yayımı haqqında" AR qanununun tələblərinə uyğun olaraq 1 ay müddətində müsabiqənin nəticələrinə baxılacaq və "Televiziya və radio yayımı haqqında" qanunun 15.5-ci maddəsinin və "Teleradio yayımı sahəsində xüsusi razılıq (lisenziya) üçün keçirilən müsabiqənin Qaydaları"nın tələblərinə uyğun olaraq müvafiq qərar qəbul ediləcək.
|
28.12.10 Məqaləni oxumaq
|
| |
|
|
|
Qazaxıstan MSK-ı Nürsaltan Nazarbayevin səlahiyyət müddətinin uzadılması barədə referendum qərarı qəbul edib
|
|
Qazaxıstanın Mərkəzi Seçki Komissiyası (MSK) bu gün ölkə prezidenti Nursultan Nazarbayevin prezidentlik səlahiyyətlərinin 2020-ci ilə qədər uzadılması ilə bağlı referendumun keçirilməsinə dair bəyanatın qeydiyyata alınması ilə bağlı qərar qəbul edib. KƏLAMİNFO Qazaxıstan mətbuatına istinadən xəbər verir ki, bu barədə bu ölkənin MSK sədri Kuandık Turqankulov məlumat verib.
K.Turqankulovun sözlərinə görə, MSK referendumun təşəbbüs qrupunu təsdiq edib. Həmçinin bu məsələnin respublika referendumuna çıxarılmasını da təsdiqləyib. K. Turqankulov bildirib ki, təşəbbüs qrupunun bütün lazımi sənədləri MSK-ya dekabrın 23-də təqdim edilib. Bu sənədlərə görə, 320 nəfərdən ibarət təşəbbüs qrupu referendumda iştirak etmək hüququ olan və toplantıda iştirak etmiş 850 vətəndəşın imzalarını təqqim edib.
Qazaxıstanın Baş prokurorluğun məlumatına görə, təşəbbüs qrupunun üzvləri toplantını Konstitusiyanın “Respublika referendumu haqqında” qanununa tam uyğun olaraq keçiriblər.
|
|
28.12.10 Məqaləni oxumaq
|
| |
|
|
|
Sumqayıtda “Breyn-rinq” intelektual oyunu üzrə məktəblərarası kubok təşkil olunub
|
|
Sumqayıtda “Avropa Tələbələr Forumu-Sumqayıt” İctimai Birliyi və “Məktəbli” kitab evi Sumqayıt şəhər Gənclər və İdman Baş İdarəsinin, Sumqayıt şəhər Təhsil Şöbəsinin dəstəyi ilə “Breyn-rinq” intelektual oyunu üzrə Məktəblərarası Kuboku təşkil edib. Bu barədə məlumatı KƏLAMİNFO-ya “Avropa Tələbələr Forumu-Sumqayıt” İctimai Birliyindən veriblər. Kubokun təşkil edilməsində başlıca məqsəd yeniyetmə və gənclərin kitab oxumağa olan həvəsini artırmaq, həmçinin onların asudə vaxtlarının səmərəli keçirilməsinə töhfə verməkdir. Kubokda Sumqayıt şəhərinin ən yaxşı 11 məktəbindən 4 nəfərdən ibarət 11 komanda iştirak edib.
Qeyd edək ki, Kubok çərçivəsində 3-cü yerə 11 saylı orta məktəbin komandası, 2-ci yerə 28 saylı orta məktəbin komandası, 1-ci yerə isə 1 saylı orta məktəbin komandası layiq görülüb. Qaliblərə “Avropa Tələbələr Forumu-Sumqayıt” İctimai Birliyinin təsisçisi Azər Məhərrəmov tərəfindən diplomlar və “Məktəbli” Kitab Evinin hədiyyələri verilib.
|
|
28.12.10 Məqaləni oxumaq
|
| |
|
|
|
Fazil Mustafa: “Müxalif partiyaların Milli Məclisin rəhbərliyində təmsil olunması zəruridir”
|
|
“Parlament seçkilərində uğur qazanan müxalif partiyaların Milli Məclisin rəhbərliyində təmsil olunması zəruridir və biz bu mövqeyin üzərində daim qalacayıq”. Bunu KƏLAMİNFO-ya müsahibəsində Milli Quruluş Partiyasının sədri, millət vəkili Fazil Mustafa bildirib.
O, qeyd edib ki, bu məsələdə beynəlxalq təşkilatlar da israrlı olmalıdırlar. “Bununla bağlı parlamentdə mövcud olan müxalif partiyalar olaraq bizim ümumi rəyimiz də var. Yəni parlamentin sədarətində müxalif partiyalarda təmsil olunsun. Adətən bizim ümumi rəyimizin qarşına belə bir arqument qoyulur ki, parlamentdə müxalifətin tərkibi yetərincə deyil. Lakin, biz bu arqumenti alt- üst eləmişik. Onda gərək BMT-də Çin digər azsaylı ölkələrə, məsələn, Azərbaycana hüquqi baxımdan meydan oxusun ki, onun əhalisinin sayı bizdən dəfələrlə çoxdur. Əlbəttə ki, bu yanaşma düzgün deyil. Məhz bu baxımdan bizim parlamentdə də bizə qarşı qoyulan arqumentləri rədd etmişik”,-deyə müxalif millət vəkili vurğulayıb.
|
|
28.12.10 Məqaləni oxumaq
|
| |
|
|
|
Şeyxülislam A.Paşazadə Oqtay Şirəliyevə məktub ünvanlayıb
|
|
Qafqaz Müsəlmanları İdarəsinin sədri Şeyxülislam hacı Allahşükür Paşazadə səhiyyə naziri Oqtay Şirəliyevə məktub ünvanlayıb. Bu barədə məlumatı KƏLAMİNFO-ya Səhiyyə Nazirliyinin mətbuat xidmətindən veriblər.
Şeyxülislam məktubda Müqəddəs həcc ziyarətindən qayıdan zaman Türkiyə ərazisində qəzaya uğraması nəticəsində dünyasını dəyişmiş və xəsarət almış vətəndaşlarımıza göstərilən diqqət və qayğıya, yaralıların vaxtında xəstəxanalara yerləşdirilməsi və tibbi yardımın təşkili işindəki səylərinə görə Qafqaz müsəlmanları adından minnətdarlığını bildirib. A.Paşazadə məktubda belə bir çətin və fövqəladə vəziyyətdə Azərbaycan tibb işçilərinin nümayiş etdirdiyi operativlik və professionallığın yüksək təqdirə layiq fakt kimi qiymətləndirərək eyni zamanda bunu dövlətə və xalqa xidmətin bariz nümunəsi kimi dəyərləndirib.
|
|
28.12.10 Məqaləni oxumaq
|
| |
|
|
|
BDU-da “Riyaziyyat və mexanizmin aktual problemləri” adlı konfrans keçirilib
|
|
Bu gün Bakı Dövlət Universitetində “Riyaziyyat və mexanizmin aktual problemləri” adlı Beynəlxlaq konfrans keçirilib. KƏLAMİNFO xəbər verir ki, BDU-nın rektoru, akademik Abel Məhərrəmov konfransın keçirilməsinin məqsədlərindən danışıb. O, konfransın görkəmli alim və ictimai xadim, Azərbaycan MEA-nın müxbir üzvü, əməkdar elm xadimi, Dövlət mükafatı laureatı, BDU-nun sabiq rektoru, fizika-riyaziyyat elmləri doktoru, professor Yəhya Məmmədovun anadan olmasının 80 illiyinə həsr olunduğunu bildirib. A.Məhərrəmov vurğulayıb ki, Y.Məmmədov BDU-da 17 il rektor olmaqla bərabər, 35 il riyaziyyat kafedrasına da rəhbərlik edib. “Onun bu illər ərzində universitetdə yüksək ixtisaslı kadrların hazırlanmasında böyük xidmətləri olub. Onun rəhbərliyi altında Azərbaycan, Rusiya, Özbəkistan, Türkmənistan, Əlcəzair, Misir, Polşa, Almaniya, Türkiyə kimi ölkələrin 32 nəfər nümayəndəsi namizədlik dissertasiyası və onlardan 7 nəfəri doktorluq dissertasiyası müdafiə ediblər”,-deyə A.Məhərrəmov bildirib.
|
|
28.12.10 Məqaləni oxumaq
|
| |
|
|
|
İngilis və rus dillərində “Daha yaxşı bilmək üçün nəzər yetirin” adlı buklet çap edilib
|
|
Qloballaşan Dünyaya İnteqrasiya İctimai Birliyinin Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə həyata keçirdiyi “Azərbaycan həqiqətlərinin beynəlxalq ictimaiyyətin diqqətinə çatdırılmasında gənclərin və digər vacib tərəflərin virtual məkanda səfərbər edilməsi” layihəsi çərçivəsində ingilis və rus dillərinə “Daha yaxşı bilmək üçün nəzər yetirin” adlı buklet çap edilib. Bu barədə məlumatı KƏLAMİNFO-ya təşkilatın sədri İlkin Ağayev verib. Onun sözlərinə görə, bu bukletlərin əcnəbilər arasında yayılması ilə bağlı olaraq xüsusi aksiya və tədbirlər keçiriləcək. Belə ki, konkret olaraq Bakı Dövlət Universiteti, eləcə də Azərbaycan Dövlət Neft Akademiyasında əcnəbi tələbələrin dəvət edilməsi ilə tədbirlər təşkil olunacq və onlara Azərbaycan həqiqətləri ilə bağlı məlumat verildikdən sonra bu həqiqətlərlə bağlı əhatəli məlumatlar olan internet saytlarının əksini tapdığı bukletlər tələbələrə paylanacaq.
Ölkəmizdəki müxtəlif diplomatik korpusların nümayəndələrinə də sözügedən bukletlər paylanacaq.
|
|
28.12.10 Məqaləni oxumaq
|
| |
|
|
|
Bakıda “Vətəndaşı olmayandan, olmaz ölkə vətəndaşı” mövzusunda elmi praktik konfrans keçirilib
|
|
Gənc Vətənpərvərlər Birliyi (GVB) Dünya Azərbaycanlılarının Həmrəyliyi günü və yeni illə əlaqədar “Vətəndaşı olmayandan, olmaz ölkə vətəndaşı” mövzusunda elmi praktik konfrans keçirib. Bu barədə məlumatı KƏLAMİNFO-ya GVB-dən veriblər.
Tədbirdə çıxışlardan sonra birliyin fəxri diplomları paylanıb. Vətənpərvərlik və gənc nəslin mənəvi-əxlaqi tərbiyəsinin artırılmasında jurnalist yazılarına və gənclərin milli hərbi vətənpərvərlik hisslərinin gücləndirilməsi istiqamətində yüksək təşkilatçılıq fəaliyyətinə və xidmətlərinə görə Prezident yanında QHT-lərə Dövlət Dəstəyi Şurasının icracı direktoru Fərasət Qurbanov, QHTXEBER.AZ saytının redaktoru Səfər Alışanlı, KƏLAMİNFO İnformasiya Agentliyinin muxbiri Atif Eyvazov, “Qoşa Ulduz” jurnalının baş redaktoru Gülzar Namazova, gvb.ucoz.com saytın redaktoru Natiq Qocayev fəxri diplomla təltif olunublar.
|
|
27.12.10 Məqaləni oxumaq
|
| |
|
|
|
Rusiya hava limanlarında pis hava şəraiti səbəbindən aviareyslər saxlanılıb
|
|
Moskvanın Domodedovo hava limanında 13, "Şeremetyevo" hava limanında 35, "Vnukovo" hava limanında isə 25 reys ləğv edilib. KƏLAMİNFO Rusiya mətbuatına istinadən xəbər verir ki, Moskva aeroportlarının işində ötən istirahət günlərindən pis havaya görə nasazlıqlar yaranıb. Ən böyük problemlər "Domodedovo" hava limanında mövcuddur. 100-dən çox reys elektrik enerjisinin verilməsində və güclü yağışın yağması problemlərinə görə şənbə və bazar günləri saxlanılıb. Podolskda yarımstansiyalarda buz bağlamasıyla bağlı olaraq Volodarski qəsəbəsində elektrik məftili kəsilib.
Aeroportda isə 8 min insan reysin bərpa olacağını gözləyir. Dünən axşam saatlarında isə aeroportda elektrik enerjisinin verilməsi bərpa edilib.
|
|
27.12.10 Məqaləni oxumaq
|
| |
|
|
|
ADU-da ərəb ölkələrinin Azərbaycandakı səfirlərinin görüşü keçiriləcək
|
|
Sabah Azərbaycan Dillər Universitetində (ADU) ərəb ölkələrinin Azərbaycandakı səfirlərinin görüşü keçiriləcək. Bu barədə məlumatı KƏLAMİNFO-ya ADU-nun mətbuat xidmətindən veriblər.
Görüşdə ADU-nun rektoru, millət vəkili, Səməd Seyidov, İraqın, İordaniya Krallığının, Misir Ərəb Respublikasının, Küveytin, Mərakeş Krallığının, Qətərin, Səudiyyə Ərəbistanı Krallığının, Fələstin dövlətinin səfirləri, eləcə də Liviya Xalq Sosialist Ərəb Cəmahiriyyəsinin Azərbaycandakı müvəqqəti işlər vəkili iştirak edəcəklər. Qarşılıqlı dialoq zamanı ərəb ölkələri ilə Azərbaycan arasındakı əlaqələr müzakirə ediləcək. Parlamentlərarası dostluq qruplarının fəaliyyəti də əsas müzakirə mövzularından olacaq.
|
|
27.12.10 Məqaləni oxumaq
|
| |
|
|
|
Səhifələr : # 1 2 3 4 5 6 7 # |
|
Torpaqlarımızı qaytaraq..
|
| |
|
|
|
Açılış Səhifəsi et 
