|
|
Səhifələr : # 5 6 7 8 9 10 11 12 13 #
|
|
Minsk Qrupunun həmsədrləri və xüsusi nümayəndəsi Anji Kaspşik illik hesabatla çıxış ediblər
|
|
ATƏT-in Daimi Şurasının Vyanada keçirilmiş iclasında Minsk qrupunun həmsədrləri və ATƏT-in hazırkı sədrinin xüsusi nümayəndəsi Anji Kaspşik illik hesabatla çıxış ediblər. KƏLAMİNFO xəbər verir ki, A.Kaspşik çıxışında bildirib ki, ötən ilin noyabrından indiyədək keçən dövrdə qoşunların təmas xəttində vəziyyət sabit, lakin gərgin olub. Xüsusi nümayəndə bu kontekstdə Azərbaycan və Ermənistan prezidentlərinin Həştərxan görüşündən sonra qəbul edilmiş bəyanatı alqışlayıb.
Həmsədrlər Robert Bratke (ABŞ), Bernar Fasye (Fransa) və İqor Popov (Rusiya) çıxışlarında hesabat dövründə Ermənistan-Azərbaycan, Dağlıq Qarabağ münaqişəsinin nizamlanması ilə bağlı Ermənistan və Azərbaycan arasında keçirilmiş görüşlər və aparılan danışıqlar barədə məlumat veriblər.
|
13.11.10 Məqaləni oxumaq
|
| |
|
|
|
KİV nümayəndələrinin iştirakı ilə reyd keçirilib
|
|
Ekologiya və Təbii Sərvətlər, Daxili İşlər və Vergilər nazirliklərinin əməkdaşları növbəti reydi KİV nümayəndələrinin iştirakı ilə Abşeron rayonu Zığ şossesində yerləşən “Zeytun bağı” restoranında keçiriblər. Nazirliyin mətbuat xidmətindən KƏLAMİNFO-ya verilən məlumata görə, reyd zamanı sözügedən restoranda vəhşi təbiətdən götürülmüş iki ədəd ayının saxlanılması faktı aşkar edilərək qanunvericilikdə nəzərdə tutulmuş qaydada sənədləşdirilərək götürülüb. Növbəti reyd zamanı isə Ekologiya və Təbii Sərvətlər, Daxili İşlər və Vergilər nazirliklərinin əməkdaşları tərəfindən Bakı şəhər Nizami rayonu ərazisində yerləşən iaşə obyektinin həyətində 1 ədəd ceyranın, Şüvəlan qəsəbəsindəki “Xəzri” istirahət mərkəzində isə 1 ədəd ayının saxlanılması faktları aşkar edilib və sənədləşdirilərək götürülüb. Bu kimi reydlər Azərbaycanın digər rayonlarında da həyata keçirilib. Belə ki, Nabranda yerləşən “İsa bulağı” istirahət mərkəzində bir ədəd ayının qəfəsdə saxlanılması faktı aşkar edilərək qanunvericilikdə nəzərdə tutulmuş qaydada sənədləşdirilmiş və ayı götürülüb. Bütün hallarda qanunu pozmuş şəxslər AR “Heyvanlar aləmi haqqında” qanununa müvafiq olaraq inzibati qaydada məsuliyyətə cəlb edilərək cərimə olunublar. Hazırda respublika ərazisində bu kimi reydlər davam etdirilir.
|
|
13.11.10 Məqaləni oxumaq
|
| |
|
|
|
Qurban bayramı ilə bağlı aksiya keçiriləcək
|
|
Milli QHT Forumu və “Damla” Aztəminatlı Ailələrə İctimai Birliyinin birgə təşkilatçılığı ilə “Qurban bayramı-2010” layihəsi həyata keçirilir. Bu barədə məlumatı KƏLAMİNFO-ya Milli QHT Forumundan veriblər.
Məlumata görə, bununla bağlı noyabrın 16-17-i tarixlərində “Aydınlığa doğru” İctimai Birliyinin ofisində aksiya keçiriləcək.
|
|
12.11.10 Məqaləni oxumaq
|
| |
|
|
|
Cinayət yolu ilə əldə edilən pul vəsaitlərinin leqallaşdırılmasına dair seminar keçirilib
|
|
Bu gün Azərbaycan Auditorlar Palatası və Mərkəzi Bank Yanında Maliyyə Monitorinqi Xidmətinin təşkilatçılığı ilə “Cinayət yolu ilə əldə edilən pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizəyə” dair birgə seminar keçirildi. KƏLAMİNFO xəbər verir ki, tədbirdə çıxış edən Auditor Palatasının sədr müavini Azərbaycan Qanununun auditor xidməti göstərən şəxslər qarşısında yaratdığı öhtəliklərdən danışıb. Auditor Palatasının sədrinin müşaviri Nəcəf Talıbov “Cinayət yolu ilə əldə edilən pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizədə auditorun hüquq və vəzifələri”ndən söz açıb.
|
|
12.11.10 Məqaləni oxumaq
|
| |
|
|
|
X.Hacıyev: “Hazırda Azərbaycandan Avropa İnsan Haqları Məhkəməsinə edilən müraciətlərin sayı 1000-ə yaxındır”
|
|
“Hazırda Azərbaycandan Avropa İnsan Haqları Məhkəməsinə edilən müraciətlərin sayı 1000-ə yaxındır”. KƏLAMİNFO xəbər verir ki, bu barədə açıqlamanı jurnalistlərə Avropa İnsan Haqları Məhkəməsində Azərbaycandan olan hakim Xanlar Hacıyev verib. O Avropa İnsan Haqları Məhkəməsinə müraciətlərin böyük hissəsinin Dağlıq Qarabağ münaqişəsi nəticəsində öz evlərindən didərgin düşmüş azərbaycanlı məcburi köçkünlər tərəfindən edildiyini bildirib: “Digər müraciətlər isə hüquq-mühafizə orqanlarının işində yol verilən hüquq pozuntuları və məhkəmə sistemindəki prosedur qaydaları ilə əlaqədardır. Hazırda Avropa Məhkəməsinin Böyük Palatasında Azərbaycanla bağlı 50-yə yaxın iş var”,-deyə X.Hacıyev qeyd edib.
|
|
12.11.10 Məqaləni oxumaq
|
| |
|
|
|
Bakıda “İnsan hüquqları və azadlıqlarının müdafiəsinin Konstitusiya mexanizmləri” adlı konfrans keçirilir
|
|
Bu gün Azərbaycan Respublikası Konstitusiyasının 15 illiyinə həsr olunmuş “İnsan hüquqları və azadlıqlarının müdafiəsinin Konstitusiya mexanizmləri” adlı konfrans keçirilir. KƏLAMİNFO xəbər verir ki, tədbirdə Türkiyə, Qazaxıstan, Ukrayna, Moldova, Rusiyanın Konstitusiya məhkəmələrinin nümayəndələri, Avropa Şurası Venesiya Komissiyası, ATƏT-in Bakı ofisi, Beynəlxalq Hüquqşünaslar İttifaqının nümayəndələri iştirak edirlər.
Tədbirdə çıxış edən Azərbaycan Konstitusiya Məhkəməsinin sədri Fərhad Abdullayev bildirib ki, ötən 15 il ölkənin yeni tarixində mühüm yer tutur, Konstitusiyada bir sıra dəyişikliklər baş verib. Onun sözlərinə görə, Konstitusiyanın ən böyük bölməsi insan hüquq və azadlıqlarına həsr olunub.
|
|
12.11.10 Məqaləni oxumaq
|
| |
|
|
|
Ziyafət Əsgərov: “Dağlıq Qarabağla bağlı qətnamə layihəsinin NATO PA-da müzakirəsi Azərbaycanın təklifi əsasında təxirə salınıb”
|
|
Dağlıq Qarabağla bağlı qətnamə layihəsinin NATO Parlament Assambleyasında müzakirəsinin təxirə salınması Azərbaycan nümayəndə heyətinin təklifi əsasında olub. KƏLAMİNFO xəbər verir ki, bu barədə jurnalistlərə Azərbaycanın NATO PA-dakı nümayəndə heyətinin rəhbəri, Milli Məclis sədrinin birinci müavini Ziyafət Əsgərov bildirib. Z. Əsgərov qeyd edib ki, Azərbaycan nümayəndə heyəti NATO PA-nın noyabrın 13-dən 16-dək Polşada keçiriləcək toplantısına qatılmayıb. Onun sözlərinə görə, buna səbəb Azərbaycanda keçirilən parlament seçkiləridir. Z. Əsgərov bildirib ki, bununla əlaqədar qətnamə layihəsinin müzakirəsinin növbəti sessiya qədər təxirə salınması ilə əlaqədar NATO PA-nın prezidentinə rəsmi müraciət olunub və bununla bağlı müsbət qərar verilib: “Ermənistan tərəfinin qətnamə layihəsinin təxirə salınmasını özlərinin ciddi səyi kimi qələmə vermələri yanlışdır. Biz bunun təxirə salınması üçün müraciət etmişik və təklif qəbul olunub”,-deyə Z.Əsgərov əlavə edib. O, qətnamə layihəsində Azərbaycan ərazilərinin Ermənistan tərəfindən işğalı faktı da əksini tapdığını vurğulayıb.
|
|
12.11.10 Məqaləni oxumaq
|
| |
|
|
|
Bu gün Azərbaycanda Konstitusiya Günü qeyd olunur
|
|
Bu gün Azərbaycanda Konstitusiya Günü qeyd olunur. KƏLAMİNFO xəbər verir ki, müstəqil Azərbaycanın Konstitusiyası 1995-ci il noyabrın 12-də keçirilmiş referendumda qəbul edilib. Elə həmin ilin noyabr ayının 27-də qüvvəyə minib Azərbaycan Respublikasının 1995-ci ildə qəbul olunmuş Konstitusiyası müstəqil Azərbaycanın ilk Konstitusiyası olub. Məlum olduğu kimi, 1918-1920-ci illərdə 23 ay mövcud olmuş Azərbaycan Xalq Cümhuriyyəti dövlətin əsas Qanununu qəbul edə bilməmişdi. Beləliklə, Azərbaycan Respublikasının Konstitusiya quruluşunun tarixi əsasən SSRİ-nin tərkibində olduğu dövrə düşür. Azərbaycanın birinci Konstitusiyası 1921-ci il mayın 19-da I Ümumazərbaycan Sovetlər Qurultayında qəbul edilib.
|
|
12.11.10 Məqaləni oxumaq
|
| |
|
|
|
ABŞ-da fəaliyyət göstərən Qarabağ Fondu yeni layihəyə start verib
|
|
ABŞ-da fəaliyyət göstərən Qarabağ Fondu yeni layihəyə start verib. Qarabağ Fondu Vaşinqtonun tanınmış New World Radiosu (www.wust1120.com) ilə muqavilə imzalayaraq ABŞ tarixində ilk dəfə olaraq Azərbaycanın mədəniyyəti, incəsənəti və musiqisinə həsr olunmuş “Qarabağın səsi” adlı həftəlik proqramın yayımlanmasına başlayıb. Bu barədə məlumatı KƏLAMİNFO-ya Qarabağ Fondundan veriblər.
Bu proqram vasitəsi ilə Qarabağ Fondu Fredericksburg, Virginia, Baltimore və Maryland əyalətlərini əhatə edərək ümumilikdə 5 milyonluq auditoriyaya Azərbaycan mədəniyyətini tanıdacaq. Bu radio proqramda tanınmış ekspertlər, mədəniyyətşünaslar və ictmai xadimlər Azərbaycan mədəniyyəti, musiqisi, mətbəxi və muğamı haqqında ətraflı məlumat verəcək və müzakirələr aparacaqlar. Proqramda həmçinin Azərbaycan xalq mahnıları, muğam və klassik musiqilər səsləndiriləcək. “Qarabağın Səsi” radio proqramı iki hissədən ibarət olacaq, proqramın birinci hissəsi İngilis, ikinci hissə isə Azərbaycan dilində yayımlanacaq.
ABŞ-da yaşayan hər kəs proqrama canlı yayımla aşağıdakı telefon nömrəsi ilə qatıla bilər : 712-432-6620. “Qarabağın Səsi” radio proqramını həmçinin Qarabağ Fondunun veb saytına daxil olaraq dinləmək olar (www.karabakhfoundation.org).
|
|
12.11.10 Məqaləni oxumaq
|
| |
|
|
|
Qazılar Şurası Qurban bayramı münasibətilə fətva verdi
|
|
Qafqaz Müsəlmanları İdarəsinin Qazılar Şurası Qurban bayramı münasibətilə fətva verib. Bu barədə məlumatı KƏLAMİNFO-ya QMİ-dən veriblər. Fətvada deyilir: Allah-Təalanın müsəlmanlara bəxş etdiyi müqəddəs Qurban Bayramı münasibətilə Qafqaz Müsəlmanları İdarəsi və onun rəhbərliyi Azərbaycan xalqını və bütün müsəlmanları təbrik edir, bu əziz gündə Uca Yaradandan hamıya mərhəmət və məğfirət diləyir.
Bu müqəddəs günlərdə Vətənimizin xoşbəxt gələcəyi, xalqımızın rifah və səadəti, işğal altında olan torpaqlarımızın azad olunması üçün dualar edir, xüsüsilə Qurban bayramının layiqli şəkildə keçirilməsinə imkan və şərait yaradan dövlətimizə dərin minnətdarlığımızı və xeyir-dualarımızı çatdırırıq.
|
|
12.11.10 Məqaləni oxumaq
|
| |
|
|
|
Səhifələr : # 5 6 7 8 9 10 11 12 13 # |
|
Torpaqlarımızı qaytaraq..
|
| |
|
|
|
Açılış Səhifəsi et 
