|
|
Səhifələr : # « 1 2 3 4 5 6 7 8 » #
|
|
DYP əməkdaşları öz vəzifələrinin icrasına böyük məsuliyyətlə yanaşırlar
|
Bakı şəhəri Dövlət Yol Polisi İdarəsinin İctimaiyyətlə Əlaqələr Şöbəsinin rəisi Cəmşid Hənifəyev: В«Biz bütün valideynləri məktəbyaşlı uşaqların yol hərəkəti qaydaları sahəsində maarifləndirilməsi işində məsuliyyətli olmağa çağırırıqВ»
Azərbaycan Respublikası hökuməti dövlətimizin vətəndaşlarının təhlükəsizliyinə böyük diqqət ayırır ki, bu da müasir Azərbaycan cəmiyyətinin həyat fəaliyyətinin bütün sahələrinə qarşı göstərilən hərtərəfli qayğıda özünü büruzə verir. Göstərilən kontekstdə mühüm məsələlər sırasında yol hərəkətinin təhlükəsizliyi də durur. Həmçinin qeyd etmək lazımdır ki, yol hərəkəti təhlükəsizliyinin təmin edilməsi, ilk növbədə, Dövlət Yol Polisi əməkdaşlarından asılıdır. Əməkdaşlarımız BDYPİ-nin konkret fəaliyyətinə dair suallarla Bakı şəhəri Dövlət Yol Polisi İdarəsinin İctimaiyyətlə Əlaqələr Şöbəsinin rəisi Cəmşid Hənifəyevə müraciət ediblər.
-В Hazırkı gündə sürücülərin yol hərəkəti sahəsinə dair bilik səviyyəsi Sizi qane edirmi?
-В Bu gün sürücülərin yol hərəkəti qaydalarına dair bilik səviyyəsi olduqca aşağıdır və şübhəsiz ki, biz onlardan razı ola bilmərik. Xüsusilə, bir faktı qeyd etmək lazımdır ki, sürücülərin çox aşağı faizi yollarda sürücülük mədəniyyətinə malikdir. Misal üçün, elə sürücülər vardır ki, onlar məhz məlumatsızlıq səbəbindən yol hərəkəti qaydalarının pozulmasına yol verirlər.
|
26.11.10 Məqaləni oxumaq
|
| |
|
|
|
Əmək və Əhalinin Sosial Müdafiəsi Nazirliyinin nümayəndələri Polşada təlimdə iştirak ediblər
|
|
Əmək və Əhalinin Sosial Müdafiəsi Nazirliyi və Dünya Bankının “Sosial Müdafiənin İnkişafı Layihəsi: 2010-2012-ci illər üçün Modul Təlim Proqramları” layihəsində iştirak etmək üçün 8 nəfərlik nümayəndə heyəti Polşada təlim səfərində olub. Əmək və Əhalinin Sosial Müdafiəsi Nazirliyindən KƏLAMİNFO-ya verilən məlumata görə, Şərqi Avropada, xüsusən Polşada modul təlim proqramlarının hazırlanması və tətbiqi sahəsində qabaqcıl təcrübənin öyrənilməsi məqsədi ilə təşkil olunan səfər çərçivəsində Radom, Jeşuv və Varşavada görüşlər keçirilib, müzakirələr aparılıb.
|
|
26.11.10 Məqaləni oxumaq
|
| |
|
|
|
Bakıda “Bələdiyyələrin sosial sahədə və əhalinin ekoloji hüquqlarına dair imkanlarının artırılmasına dəstək” layihəsinin təqdimatı oldu
|
|
Bu gün “Ambassador” otelində Avropa İttifaqı (Aİ) tərəfindən maliyyələşdirilən və Azad İstehlakçılar Birliyi (AİB) tərəfindən həyata keçirilən “Bələdiyyələrin sosial sahədə və əhalinin ekoloji hüquqlarına dair imkanlarının artırılmasına dəstək” layihəsinin başa çatması münasibətilə milli konfrans keçirildi.
KƏLAMİNFO xəbər verir ki, konfransda çıxış edən AİB-in sədri Eyyub Hüseynov bildirdi ki, sözügedən layihə Hacıqabul, Saatlı, Sabirabad, Salyan, Neftçala rayonlarının 33 bələdiyyəsini və 50 kəndi əhatə edib. Həyata keçirilməsinə 33 400 avro məbləğində vəsait ayrılan layihə çərçivəsində həmin bələdiyyələrə 10 komputer, mebel dəstləri, bələdiyyə məlumat lövhələri verildiyini diqqətə çatdıran E.Hüseynov qeyd edib ki, bundan başqa, ərazidə çoxsaylı treninqlər keçirməklə, bələdiyyələr üçün məlumat bazası yaradılıb.
|
|
26.11.10 Məqaləni oxumaq
|
| |
|
|
|
Bu gün Ümumdünya İnformasiya Günüdür
|
|
Hər il noyabrın 26-ı dünyada Ümumdünya İnformasiya Günü qeyd edilir. AMEA-nın İnformasiya Texnologiyaları İnstitutundan KƏLAMİNFO-ya verilən məlumata görə, BMT-nin İqtisadi və Sosial Şurasında məşvərətçi statusa malik olan Beynəlxalq İnformasiyalaşdırma Akademiyası və Ümumdünya İnformasioloji Parlamentin təşəbbüsü ilə qeyd olunan bu gün İKT sahəsində çalışanların peşə bayramıdır.
Bəşər tarixində informasiya həmişə mühüm əhəmiyyət kəsb edib. XX əsrin ortalarından başlayaraq sosial tərəqqi, elm və texnikanın sürətli inkişafı nəticəsində informasiyanın rolu daha da artıb.
|
|
26.11.10 Məqaləni oxumaq
|
| |
|
|
|
Şeyxülislam Allahşükür Paşazadə yenidən Almaniyaya gedəcək
|
|
Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadə Türkiyədən Almaniyaya gedəcək. Bu barədə KƏLAMİNFO-ya müsahibəsində QMİ-nin Xarici Əlaqələr Şöbəsinin müdiri Müqəddəs Payızov bildirib.
“Bir neçə gün əvvəl A.Paşazadə müayinə məqsədilə Almaniyaya gedmişdi. Ancaq azərbaycanlı zəvvarları daşıyan avtobusun Türkiyənin Sivas bölgəsində qəzaya uğraması ilə əlaqədar Bütün Qafqazın Şeyxi təcili olaraq Almaniyadan Türkiyəyə gəldi. Çox güman ki, Türkiyədə işlər qaydasına düşdükdən sonra müayinə və müalicə olunmaq üçün A.Paşazadə yenidən Almaniyaya gedəcək”,-deyə M.Payızov vurğulayıb.
|
|
26.11.10 Məqaləni oxumaq
|
| |
|
|
|
Səfir Mahir Əliyev Dəməşq Universitetinin professoru Süleyman Zeydiyyə ilə görüşüb
|
|
Azərbaycanın Suriyadakı səfiri Mahir Əliyev Dəməşq Universitetinin rus dili və ədəbiyyatı kafedrasının professoru Süleyman Zeydiyyə ilə görüşüb. Bu barədə məlumatı KƏLAMİNFO-ya Xarici İşlər Nazirliyindən veriblər.
Görüş zamanı Sovet İttifaqında təhsil almış S.Zeydiyyə sovetlər dövründə bir neçə dəfə ölkəmizdə olduğunu söyləyərək Azərbaycanın ədəbi mühiti ilə yaxından tanış olduğunu qeyd edib. Bundan başqa professor Azərbaycanın Suriyada öz səfirliyini açmasını iki ölkənin tarixində mühüm hadisə hesab etdiyini bildirib. O, səfirliyimizin kitabxanasına L.S. Bretanskiy, B.V.Veymarn - Azərbaycan İncəsənəti IV- XVIII əsrlər, Məmməd Arif Dadaşzadə - Azərbaycan Ədəbiyyatı (müəllifin şəxsi aftoqrafı ilə), Nurəddin Seyidov - Azərbaycan nağılları, Mirzə Şəfi Vazehin seçilmiş əsərləri, İmadəddin Nəsiminin seçilmiş əsərləri, Firdovsinin Şahnamə əsəri, Mirzə İbrahimovun “Pərvanə” romanı (müəllifin şəxsi aftoqrafı ilə) və Nəbi Xəzrinin şer və poemaları; iki cilddə (müəllifin şəxsi aftoqrafı ilə) hədiyyə olaraq təqdim edib.
|
|
26.11.10 Məqaləni oxumaq
|
| |
|
|
|
Oqtay Şirəliyev Polşanin səhiyyə nazirinin müavininin başçılıq etdiyi nümayəndə heyətini qəbul edib
|
|
Səhiyyə naziri Oqtay Şirəliyev ölkəmizdə səfərdə olan Polşa səhiyyə nazirinin müavini A.Froncakın başcılıq etdiyi nümayəndə heyətini qəbul edib. Bu barədə məlumatı KƏLAMİNFO-ya Səhiyyə Nazirliyinin mətbuat xidmətindən veriblər.
Görüşdə O.Şirəliyev qonaqlara ölkələrimiz arasında bir çox sahələrdə olduğu kimi səhiyyə sahəsində də sıx əməkdaşlığın mövcudluğundan, bu günə kimi birgə həyata keçirilmiş ikitərəfli layihələrin müvəffəqiyyətindən danışıb. Nazir ölkə başçısının səhiyyə sektoruna olan diqqət və qayğısı nəticəsində son illər səhiyyədə görülən işlər, aparılan islahatlar və əldə olunan nailiyyətlər, qoyulan investisiyaların artması sayəsində yeni açılıb istifadəyə verilən tibb müəssisələri haqqında qısaca məlumat verib.
Görüşdə ölkələrimiz arasında Səhiyyə və Tibb elmi sahəsində əməkdaşlığa dair müzakirələr, tərəflər arasında kadr hazırlığına dair məsələlərə də toxunulub. Səmimi qarşılanmaya görə minnətdarlığını bildirən qonaq səhiyyənin bütün sahələrində əməkdaşlığa hazır olduqlarını nəzərə çatdırıb.
|
|
26.11.10 Məqaləni oxumaq
|
| |
|
|
|
Bakıda Beynləxalq konfrans keçiriləcək
|
|
Dekabrın 2-3-ü tarixlərində Bakıda “ECA 2010 – Yüksək İnnovasiya: Gənc sahibkarlar və yeni biznesin təşkili üçün investisiya hazırlığı və biznes inkubasiya infrastrukturunun möhkəmləndirilməsi” mövzusuna həsr olunmuş Şərqi Avropa və Mərkəzi Asiya Biznes İnkubatorları və Texnologiya Parkları Şəbəkəsinin (ECAbit) V beynəlxalq konfransı keçiriləcək. Bu barədə məlumatı KƏLAMİNFO-ya Gənclər və İdman Nazirliyinin (GİN) mətbuat xidmətindən veriblər.
Konfrans GİN, Xəzər İnvestisiya Mərkəzi və ECAbit şəbəkəsinin təşkilatçılığı ilə və Dünya Bankının İnfoDev proqramının dəstəyi ilə keçirilir. Tədbirin keçirilməsində məqsəd innovasiya vasitəsilə iqtisadi və sosial inkişafa nail olmuş təcrübəni öyrənmək, biznes inkubatorlarının fəaliyyətlərinə dair beynəlxalq təcrübə ilə bölüşmək və bu prosesə gənc sahibkarları cəlb etməkdən ibarətdir. Konfransda innovasiya və biznes inkubasiya sahəsində çalışan 80 nəfərdən çox yerli və beynəlxalq ekspertlər iştirak edəcəklər. Konfrans çərçivəsində Dünya Bankının İnfoDev proqramı, Finlandiya Hökuməti və “Nokia” şirkəti arasında həyata keçirilən “İnformasiya iqtisadiyyatında davamlı biznesin qurulması” proqramı müzakirə ediləcək və növbəti illərə dair fəaliyyət strategiyası hazırlanacaq.
|
|
26.11.10 Məqaləni oxumaq
|
| |
|
|
|
“EcoVision” jurnalının növbəti sayı işıq üzü görüb
|
|
Azərbaycan Türkiyə İş Adamları Birliyi (ATİB) milli biznesin inkişafına dəstək vermək, iş adamlarını ən zəruri informasiya ilə təmin etmək məqsədilə təsis etdiyi “EcoVision” jurnalının növbəti sayı işıq üzü görüb. ATİB-in mətbuat xidmətindən KƏLAMİNFO-ya verilən məlumata görə, son dövrlər Azərbaycan və Türkiyə əlaqələrinin inkişafı baxımından bir sıra əlamətdar hadisələrlə yadda qalıb.
Bununla yanaşı, türkdilli ölkələr arasında da əlaqələrin gücləndirilməsi baxımından bir sıra ciddi addımlar atılıb. Bu və digər məsələlərə jurnalın bu sayında Azərbaycan Prezidenti Administrasiyasının Xarici əlaqələr şöbəsinin müdiri Novruz Məmmədov və Türkdilli Ölkələrin Əməkdaşlıq Şurasının baş katibi Halil Akıncının müsahibələrində aydınlıq gətirilir. Jurnalın bu sayının əsas mövzusu Azərbaycan iqtisadiyyatı üçün prioritet istiqamət olan turizm sektoru ilə bağlıdır. Həmçinin jurnalın bu sayından etibarən ortaq tariximizlə bağlı məqalələr də oxucuların diqqətinə çatdırılır.
|
|
26.11.10 Məqaləni oxumaq
|
| |
|
|
|
Serj Sərksyan Türkmənistan prezidenti ilə görüşüb
|
|
Dünən Ermənistan prezidenti Serj Sərksyan Aşqabadda Türkmənistanlı həmkarı Qurbanqulu Berdiməhəmmədovla görüşüb. KƏLAMİNFO erməni mətbuatına istinadən xəbər verir ki, görüş türkmən-erməni qarşılıqlı əlaqələrini dərinləşdirmək və ticarət-iqtisadi sferada əməkdaşlığın genişlənməsi üçün geniş imkanlar yaradıb.
|
|
26.11.10 Məqaləni oxumaq
|
| |
|
|
|
Səhifələr : # « 1 2 3 4 5 6 7 8 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
