|
|
Səhifələr : # « 1 2 3 4 5 6 7 8 9 » #
|
|
İTV-də növbəti debat axşamı
|
|
Bu gün İctimai Tv-də 6 seçki dairəsini təmsil edən namizədləri iştirakı ilə növbəti debat təşkil olunacaq. MSK-dan KƏLAMİNFO-ya verilən məlumata görə, 23 saylı Nəsimi-Səbail, 38 saylı Nizami ikinci (Gəncə), 77 saylı Astara, 93 saylı Bərdə şəhər və 96 saylı Goranboy- Naftalan seçki dairələrinin namizədləri çıxış edəcək. Bu gecə diqqət mərkəzində olan seçki dairəsi 23 saylı Nəsimi-Səbail olacaq. Bu dairədə ALP sədri Əvəz Temirxan, parlamentin iqtisadi siyasət komitəsinin sədri Ziyad Səmədzadə və AXCP-nin xarici əlaqələr üzrə müavini Razi Nurullayev qarşılacaq. Bu gecəki namizədlər arasında həmçinin millət vəkili Zahd Orucun da adı var.
|
22.10.10 Məqaləni oxumaq
|
| |
|
|
|
Gəncədə “İKT-yə üzv ölkələrdə qeyri-maddi irsin qorunması və təbliği” mövzusunda konfrans keçirilir
|
|
Bu gün Gəncə şəhərində Mədəniyyət və Turizm Nazirliyi tərəfindən “İslam Konfransı Təşkilatına üzv ölkələrdə qeyri-maddi irsin qorunması və təbliği” mövzusunda Beynəlxalq elmi konfrans işə başlayır. KƏLAMİNFO xəbər verir ki, konfransda İKT üzv ölkələrində qeyri-maddi irsin qorunması və təbliğinə dair əsas fikirlər tədqiq və müzakirə ediləcək. Qeyd olunan konfransda Suriya, BƏƏ, Türkiyə, Misir, Bəhreyn, Malayziya, İordaniya, Banqladeş, Qazaxıstan, Özbəkistan və İSESCO-dan nümayəndələrin iştirakı nəzərdə tutulur. Azərbaycan tərəfindən isə tədbirdə Mədəniyyət və Turizm Nazirliyinin, Azərbaycan Turizm İnstitutunun, Lətif Kərimov adına Azərbaycan xalçası və xalq tətbiqi sənəti dövlət muzeyinin, İqbal” İctimai təşkilatının, “Millenium Turizm Congress” turizm şirkətinin nümayəndələri müvafiq mövzular üzrə təqdimatlar keçirəcəklər. Konfrans “Ramada Plaza Ganja’” mehmanxanasında keçirilir.
|
|
22.10.10 Məqaləni oxumaq
|
| |
|
|
|
Dmitri Medvedev Türkmənistana səfər edəcək
|
|
Bu gün Rusiya prezidenti Dmitri Medvedev Türkmənistana səfər edəcək. KƏLAMİNFO Rusiya mətbuatına istinadən xəbər verir ki, görüş zamanı ölkələrarası iqtisadi və ticarət əlaqələrinə önəm veriləcək.
Türkmənistan və Rusiya prezidentləri MDB daxilində də əlaqələri barədə danışacaqlar.Tərəflər həmçinin Əfqanıstan və Orta Asiyadakı vəziyyəti müzakirə edəcəklər.
Qeyd edək ki, 2009-cu ildə Rusiya və Türkmənistan arasında xarici ticarət əlaqələri 1 mlrd. dollar dəyərində olub. Rus şirkətlərinin dəstəyi ilə Türkmənistanda 124 ortaq layihə həyata keçirilib.
|
|
22.10.10 Məqaləni oxumaq
|
| |
|
|
|
ETSN-nin “Qaynar xətt” xidmətinə tullantıların qalaqlanması və yandırılması ilə bağlı 20 müraciət daxil olub
|
|
Ekologiya və Təbii Sərvətlər Nazirliyinin 24 saat fəaliyyət göstərən “Qaynar xətt”i (439-18-63, 438-13-35) vasitəsilə ölkə ərazisində ətraf mühitin mühafizəsi, ekoloji tarazlığın qorunması, ekoloji qanun pozuntuları barədə müraciətlər qəbul edilir. Cari iin III rübü ərzində “Qaynar xətt”ə tullantıların qalaqlanması və yandırılması ilə bağlı 20 sayda müraciət daxil olub və Nazirliyin müvafiq qurumlarının əməkdaşları tərəfindən yerində araşdırılaraq qanunamüvafiq tədbirlər görülüb. Bu barədə məlumatı KƏLAMİNFO-ya ETSN-dən veriblər. Binəqədi rayonu Biləcəri qəsəbəsi 5-ci Dağlı küçəsi 2 ünvanında yaşayan A.Eyvazlı, həmin rayonun 9-cu mikrorayon A.Məmmədov küçəsində yaşayan S.Hüseynov tərəfindən məişət tullantılarının qalaqlanması və yandırılması ilə əlaqədar daxil olmuş şikayətlər yerində araşdırılıb və qeyd olunan faktlar öz təsdiqini tapmayıb.
|
|
22.10.10 Məqaləni oxumaq
|
| |
|
|
|
Ermənilər atəşkəsi pozmaqda davam edir
|
|
Ermənilər dünən saat 11.00-dan 11.30-dək və 16.20-dən 16.25-dək Xocavənd rayonu ərazisindəki adsız yüksəkliklərdə yerləşən mövqelərdən, saat 15.50-dən 16.10-dək, 16.20-dən 16.30-dək və 21.15-dən 21.20-dək Füzuli rayonu Aşağı Əbdürrəhmanlı, Qaraxanbəyli və Horadiz kəndləri yaxınlığında yerləşən mövqelərdən, saat 16.50-dən 17.30-dək Goranboy rayonu Tapqaraqoyunlu kəndi yaxınlığında və adsız yüksəkliklərdə yerləşən mövqelərdən, saat 23.15-dən 23.40-dək və oktyabrın 21-də saat 00.30-dan 01.10-dək, 05.05-dən 05.15-dək Tərtər rayonu Çaylı və Qızıl Oba, saat 00.55-dən 02.10-dək isə fasilələrlə Ağdam rayonu Cəvahirli kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutub. Bu barədə məlumatı KƏLAMİNFO-ya Müdafiə Nazirliyi mətbuat xidmətindən veriblər. Düşmən cavab atəşi ilə susdurulub, itki yoxdur.
|
|
21.10.10 Məqaləni oxumaq
|
| |
|
|
|
Muzey Mərkəzində “7-ci mərtəbə” adlı sərgi keçiriləcək
|
|
Oktyabrın 22-də Muzey Mərkəzində “7-ci mərtəbə” adlı sərgi və eyni adlı kataloqun təqdimat mərasimi keçiriləcək. Mədəniyyət və Turizm Nazirliyinin mətbuat xidmətindən KƏLAMİNFO-ya verilən məlumata görə, bu sərginin və kataloqun çap edilməsi ideyası mədəniyyət və turizm naziri Əbülfəs Qarayevin tapşırığına əsasən yaranıb.
Sərginin adı şərti olaraq, rəssamların emalatxanalarının yerləşdiyi 7-ci mərtəbədən götürülüb.
Sərgidə N.Məmmədov, T.Qəzənfərov, Y.Sultanov, R.Salamov, M.Mustafayev, H.Haqverdiyev, A.Hüseynzadə, E.Əsgərov, Na.Bayrışov, F.İbrahimli, E.Muradzadə, A.Tağıyev, T.Quliyev, N.Səfərov, B.Xəlilovun əsərləri nümayiş etdiriləcək.
Hər bir rəssamın əsərlərindəki fərqli rənglər, obrazlar, hiss və duyğular Azərbaycan incəsənətinin ənənələrinin zənginliyindən, müasir rəssamlarımızın geniş dünyagörüşü, incə zövqü və məharətindən xəbər verir.
Sərgi oktyabrın 28-dək davam edəcək.
|
|
21.10.10 Məqaləni oxumaq
|
| |
|
|
|
TQDK Bakı, Gəncə və Naxçıvanda elmi-metodiki seminar təşkil edəcək
|
|
Tələbə Qəbulu üzrə Dövlət Komissiyası (TQDK) 2011/2012-ci tədris ili üçün ali təhsil müəssisələrinə qəbul imtahanlarına hazırlıq işləri çərçivəsində xüsusi qabiliyyət tələb edən ixtisaslar üzrə qabiliyyət imtahanlarının təşkili və keçirilməsi metodikasını təkmilləşdirmək məqsədi ilə elmi-metodiki seminarlar təşkil edir. Bu barədə məlumatı KƏLAMİNFO-ya TQDK-dan veriblər. Seminarların ilk təşkilati iclası TQDK-nın regional bölmələri ilə birlikdə 26 oktyabr tarixində internet vasitəsi ilə keçiriləcək. Seminar iclasa xüsusi qabiliyyət tələb edən ixtisaslar üzrə qəbul aparılan ali təhsil müəssisələrinin nümayəndələri dəvət edilir. İnternet bağlantısı istifadə olunmaqla iclas Bakıda, TQDK-nın akt zalında, Gəncə şəhərində TQDK-nın regional bölməsində və Naxçıan şəhərində TQDK-nın regional bölməsində təşkil olunacaq.
|
|
21.10.10 Məqaləni oxumaq
|
| |
|
|
|
Bu axşam İTV-də bölgələrin təmsilçiləri çıxış edəcək
|
|
Bu gün İctimai TV-də saat 21-00-dan başlayan namizədlərin təşviqat kampaniyasında növbəti debat təşkil olunacaq. İTV-dən KƏLAMİNFO-ya verilən məlumata görə, bugünki canlı efirdə bölgələrdəki dairələrin namizədləri çıxış edəcək.
48 saylı Yevlax, 55 saylı Xaçmaz şəhər, 61 saylı Neftçala, 81 saylı Beyləqan, 88 saylı Göyçay, 115 saylı Şəki kənd ikinci seçki dairələri üzrə deputatlığa namizədlər iştirak edəcək. Həmin namizədlər arasında üç jurnalist “Kür” qəzetinin müxbiri Xanım Nəsibova, “Paralel” qəzetinin baş redaktoru Abbas Tapdıq və “Azad yeni fikir” qəzetinin baş redaktoru Aqil Mahmudov, üç deputat Sabir Hacıyev, İlham Məmmədov və Lalə Abbasovanın adına da rast gəlmək olar.
|
|
21.10.10 Məqaləni oxumaq
|
| |
|
|
|
M.Əhmədoğlu: “Almaniya Ermənistanla Azərbaycan arasında konfliktogenliyi mümkün qədər azaltmağa çalışır”
|
|
Bu gün Siyasi İnnovasiya və Texnologiya Mərkəzinin sədri, politoloq Mübariz Əhmədoğlu “Qarabağ saatı” adlı növbəti Dəyirmi masa keçirib. KƏLAMİNFO xəbər verir ki, tədbirdə M.Əhəmədoğlu ilk növbədə Qarabağ problemi ilə bağlı Qərbin münasibətini şərh edib.
Onun sözlərinə görə, hazırkı məqamda Avropa Birliyinə (Aİ) həmsdər keçən Almaniyanın Cənubi Qafqaz regionunda baxışları digər qərb ölkələrindən fərqlənir. Almanlar Dağlıq Qarabağla bağlı çalışırlar ki, Ermənistanla Azərbaycan arasında konfliktogenliyi mümkün qədər azaltsınlar. “Bu konfliktogenliyi azaltmaq üçün Almaniya Ermənistanla müəyyən işlər aparır. Məhz bu məqamdan irəli gələrək Ermənistanda müəyyən mətbuat orqanları yaranır ki, onlar Azərbaycanda yumşaq danışan şəxslərlə təmasa keçirlər. Elə bunun davamı olaraq Almaniyanın Potsdam şəhərində Azərbaycan və Ermənistan da daxil olmaqla liberal partiyaların sənədi imzalandı. Bu da o deməkdir ki, Aİ Almaniyanı həmsədrliyə gətirməklə Ermənistanda və Azərbaycanda rəsmi mövqeyə nativ nisbətən yumşaq bir mövqelər də ortaya gətirmiş oldu”,-deyə politoloq açıqlayıb.
|
|
21.10.10 Məqaləni oxumaq
|
| |
|
|
|
ABŞ Rusiyanın ÜTT-yə üzv olacağı barədə proqnoz verdi
|
|
Rusiya Ümumdünya Ticarət Təşkilatına 12 aydan gec olmayaraq üzv olacaq. KƏLAMİNFO Rusiya mətbuatına istinadən xəbər verir ki, bu sözləri ABŞ Milli İqtisadi Şuranın rəhbəri Lourens Sammers bildirib.
L.Sammersə görə, Ümumdünya Ticarət Təşkilatına üzv olma ilə bağlı Rusiya və ABŞ arasında heç bir mübahisəli məsələlər qalmayıb.
Xatırladaq ki, Rusiyanın baş naziri Vladimir Putin ölkəsinin 2011-ci ilə qədər Ümumdünya Ticarət Təşkilatına üzv olacağına şübhə etdiyini bildirib.
|
|
21.10.10 Məqaləni oxumaq
|
| |
|
|
|
Səhifələr : # « 1 2 3 4 5 6 7 8 9 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
