|
Səhifələr : # « 10 11 12 13 14 15 16 17 18 » #
ATƏT-in Minsk Qrupu həmsədrlərinin də daxil olduğu qiymətləndirmə missiyası Xankəndinə gəlib
|
ATƏT-in Minsk Qrupu həmsədrlərinin də daxil olduğu qiymətləndirmə missiyası İrəvandan Xankəndinə gedib. KƏLAMİNFO erməni KİV-nə istinadən xəbər verir ki, missiya üzvləri Dağlıq Qarabağ separatçılarının başçısı Bako Saakyanla görüşəcək.
Qeyd edək ki, dünən İrəvanda olan ATƏT-in Minsk Qrupunun həmsədrləri İqor Popov (Rusiya), Bernar Fasie (Fransa), Robert Bradtke (ABŞ) və ATƏT-in fəaliyyətdə olan sədrinin şəxsi nümayəndəsi Anjey Kaspşik Ermənistan prezidenti Serj Sarqsyan və xarici işlər naziri Edvard Nalbandyanla danışıqlar aparıblar.
Xatırladaq ki, qiymətləndirmə missiyası bir həftə ərzində Dağlıq Qarabağ ətrafında Ermənistan Silahlı Qüvvələri tərəfindən işğal altında olan rayonlarda qeyri-qanuni məskunlaşma ilə bağlı araşdırma aparacaq.
|
07.10.10 Məqaləni oxumaq
|
|
|
TÜRKPA-nın müşahidəçilər missiyası Bişkekə yola düşüb
|
TÜRKPA Beynəlxalq müşahidəçilər missiyası Qırğızıstanda keçiriləcək Parlament seçkilərini müşahidə etmək məqsədilə Bişkekə yola düşüb. TÜRKPA-nın mətbuat katibliyindən KƏLAMİNFO-ya verilən məlumata görə, missiyanın tərkibinə Azərbaycan, Qazaxstan və Türkiyə Parlamentlərinin millət vəkilləri, həmçinin TÜRKPA Beynəlxalq katibliyinin əməkdaşları daxildir. Səfər çərçivəsində TÜRKPA Beynəlxalq müşahidəçilər missiyası Bişkek və ətraf rayonlarda seçki öncəsi təbliğat prosesini və seçkilər günü səsvermə prosesini müşahidə edəcək.
Seçkilərdən sonra TÜRKPA Beynəlxalq müşahidəçilər missiyası seçkilərin yekunlarına dair Bişkek şəhərində mətbuat konfransı keçirəçək.
|
07.10.10 Məqaləni oxumaq
|
|
|
Bakıda beynəlxalq təhsil və karyera sərgisi keçirilir
|
Bu gün Təhsil Nazirliyinin dəstəyi və İtesa Caspian MMC-nin təşkilatçılığı ilə Bakı Ekspo Sərgi və Təhsil Mərkəzində 4-cü Beynəlxalq təhsil və karyera sərgisi işə başlayıb. KƏLAMİNFO xəbər verir ki, sərgidə təhsil naziri Misir Mərdanov, bir sıra universitetlərin rektorları, professor-müəllim heyəti, müxtəlif təşkilatlar və ictimaiyyət numayəndələri iştirak edir.
Sərgidə Azərbaycan, Türkiyə, Koreya, Rusiya, Böyük Britaniya, ABŞ, Macarıstan, Almaniya, Yunanıstan, İspaniya, Kanada, İsveçrə, BƏƏ ölkələrinin müxtəlif universitetləri ödənişi və ödənişsiz fakültələr, kurslar təklif edir. Bundan əlavə, sərgidə bir sıra təşkilatlar da öz məhsullarını təklif edirlər. Üç gün davam edəcək sərgidə dünyanın 15 ölkəsindən 90-a yaxın ali təhsil ocağı və təşkilat işitirak edəcək. Sərgi oktyabrın 9-da başa çatacaq.
|
07.10.10 Məqaləni oxumaq
|
|
|
Misir Mərdanov Gürcüstandakı azərbaycanlı müəllimlərin ixtisarına münasibət bildirib
|
Gürcüstanın təhsil naziri Dmitri Şaşkinin Azərbaycana səfəri gözlənilir. KƏLAMİNFO xəbər verir ki, bu barədə məlumatı jurnalistlərə təhsil naziri Misir Mərdanov verib.
M.Mərdanov qeyd edib ki, səfər zamanı iki ölkə arasında təhsil sahəsindəki bütün problemlər müzakirə ediləcək. M.Mərdanov Gürcüstandakı orta məktəblərdə azərbaycanlı müəllimlərin ixtisar edilməsi məsələsinə də münasibət bildirib. “Bu yaxınlarda Gürcüstanda səfərdə idim. Səfər zamanı Tbilisidə tədrisin Azərbaycan dilində aparıldığı məktəbdə oldum. Dmanisi, Marneuli rayonlarındakı məktəblərlə də tanış olmuşam. Gürcüstanın təhsil naziri mənə məlumat verdi ki, onlar 1 il ərzində 14 min orta məktəb müəllimini ixtisar ediblər. Şübhəsiz, onların arasında azərbaycanlı müəllimlər də var. Amma bu gün Gürcüstan müstəqil dövlətdir, biz onların daxili işlərinə qarışa bilmərik”,-deyə M.Mərdanov məsələyə aydınlıq gətirib.
|
07.10.10 Məqaləni oxumaq
|
|
|
Teatrlarda kard dəyişikliyi aparılıb
|
Mədəniyyət və Turizm Nazirliyi “Azərbaycan teatrı 2009-2019-cu illərdə” Dövlət Proqramının icrasını təmin etmək məqsədilə teatr islahatlarının növbəti mərhələsinə başlayıb. Bölgə teatrlarının fəaliyyətini yaxşılaşdırmaq üçün yeni kadr təyinatı aparılıb. Mədəniyyət və Turizm Nazirliyinin mətbuat xidmətindən KƏLAMİNFO-ya verilən məlumata görə, Gümrah Ömərov Gəncə Dövlət Dram Teatrının baş rejissoru, Oruc Qurbanov İrəvan Dövlət Azərbaycan Dram Teatrının baş rejissoru, Həsən Həsənov Mingəçevir Dövlət Dram Teatrının direktoru, Günay Səttarova Mingəçevir Dövlət Dram Teatrının baş rejissoru təyin edilib.
|
07.10.10 Məqaləni oxumaq
|
|
|
Polşadan olan Voysex Savitski AŞ PA-a yeni Baş katib seçilib
|
Payız sessiyasının ikinci iş günündə Avropa Şurası Parlament Assambleyası (AŞ PA) qurumun Baş katibi postuna seçkilər keçirib. KƏLAMİNFO xəbər verir ki, səsvermədə 246 deputat iştirak edib.
Polşadan olan Voysex Savitski lehinə verilən 151 səslə AŞ PA-nın yeni Baş kaibi seçilib. Bu posta seçilmək üçün 122 əksər səsçoxluğu tələb olunurdu. Səsvermənin nəticələrini AŞ PA sədri Mövlud Çavuşoğlu elan edib.
V.Savitski 2006-cı ilin may ayından AŞ PA Baş katibinin müavini vəzifəsini icra edir. Yeni Baş katib beş il müddətinə seçilib və səlahiyyətlərinin icrasına gələn il fevralın 1-dən başlayacaq.
AŞ PA Baş katibi postuna təyinata dair prosedur qaydalarına uyğun olaraq, 12 iyul 2010-cu il tarixində AŞ Nazirlər Komitəsi tərəfindən AŞ PA-ya iki namizədin adları olan siyahı təqdim edilib. Siyahıda olan digər namizəd niderlandlı Jan Kleijssen idi. O, 2007-ci ilin may ayından AŞ İnsan hüquqları və Hüquqi məsələlər Baş Direktorluğunda fəlaiyyət göstərir.
|
07.10.10 Məqaləni oxumaq
|
|
|
Müstəqil jurnalist Azər Həsrətin namizədliyi qeydə alındı
|
34 saylı Xətai II seçki dairəsindən deputatlığa iddia edən müstəqil jurnalist, Yeddi Dövlət – Bir Millət Konseyinin başqanı Azər Həsrətin namizədliyi qeydə alınıb. Bu barədə məlumatı KƏLAMİNFO-ya Azər Həsrətin Seçki Qərargahından veriblər.
Namizədin müdafiəsi üçün toplanan imza vərəqələrini oktyabrın 1-də dairə seçki komissiyasına təqdim edən iddiaçının məsələsinə dünən baxılıb və onun təqdim etdiyi imzalar etibarlı hesab edilərək namizədliyi qeydə alınıb. Bununla da Azər Həsrətin builki parlament seçkilərində iştirakına rəsmən şərait yaranıb.
Namizədliyinin qeydə alınmasına münasibət bildirən Azər Həsrət isə deyib ki, hazırkı ana qədər seçkilərlə bağlı proseslərdən çox razıdır: “İstər namizədliyimin irəli sürülməsində, istər imza toplanmasında, istər toplanan imzaların dairə seçki komissiyasına təqdim edilməsində, istərsə də namizədliyimin qeydə alınmasında hər hansı inzibati və ya süni əngəllə qarşılaşmadım. Ümumiyyətlə isə, bizim seçki dairəmizdə proseslər sakit axarda və qanunlar çərçivəsində gedir.
|
07.10.10 Məqaləni oxumaq
|
|
|
A.İmanquliyevanın 71 illik yubileyinə həsr olunan sərgi təşkil edilib
|
Bu gün AMEA Mərkəzi Elmi Kitabxanasında (MEK) görkəmli şərqşünas alim, filologiya elmləri doktoru, professor Aida İmanquliyevanın 71 illik yubileyinə həsr olunan sərgi təşkil edilib. KƏLAMİNFO xəbər verir ki, sərgidə alimin müxtəlif dillərdə nəşr olunan 30-a yaxın kitabı, 40-dan çox məqaləsi, o cümlədən “Yeni ərəb ədəbiyyatı korifeyləri”, “Qələmlər birliyi” və Mixail Nuaymə, “Cübran Xəlil Cübran”, “Şərq və Qərb: ortaq mənəvi dəyərləri” əsərləri nümayiş etdirilib.
Nümayiş etdirilən nəşrlər arasında alimin “Assoüiaüiə pera i Mixail Nuayme”, “Modern arap edebiyyatının usta kalemleri” kimi müxtəlif dillərdə nəşr olunmuş ədəbiyyatı ayrıca yer tutub.
Sərgidə görkəmli şərqşünasın həyat və yaradıcılığına həsr olunan 70-ə yaxın əsər və fotomateriallar nümayiş olunub.
Qeyd edək ki, ənənəvi sərgi ilə bərabər MEK-in zalında virtual sərgi də hazırlanıb.
|
07.10.10 Məqaləni oxumaq
|
|
|
BDU-nun professoru Ukraynada olub
|
Bu günlərdə Ukraynanın Odessa şəhərində astronomiya üzrə dəyişən ulduzlar sahəsində növbəti beynəlxalq elmi konfrans keçirilib. Bakı Dövlət Universitetinin (BDU) mətbuat və informasiya şöbəsinin rəhbəri Pərvanə İbrahimovanın KƏLAMİNFO-ya verdiyi məlumata görə, dörd ildən bir keçirilən konfransda keçmiş SSRİ ərazisində olan ölkələrin alimləri ilə yanaşı, Şərqi və Qərbi Avropa, Amerika və Afrika astronomları da iştirak ediblər. Təşkilat komitəsinin hazırladığı proqrama əsasən, konfrans iclaslarının birini BDU-nun astofizika kafedrasının professoru, AMEA ŞAR-ın baş elmi işçisi Nəriman İsmayılov idarə edib. Konfransda həmçinin ölkəmizi iki gənc aspirant – Həmayil Adıgözəlzadə və Orxan Xəlilov da təmsil edib. toplantıda azərbaycanlı alimlərin son 10 ildə xaricdə çap olunan elmi məqalələrinin əksəriyyətində alınan mühüm nəticələr xüsusilə qeyd edilib. Onların spektral və fotometrik tədqiqatları göstərib ki, bu ulduzların ulduzətrafı disklərində yenicə formalaşmaqda olan cisimlər - protoulduzlar və ya protoplanetlər mövcuddur. Alimlərimiz ilk dəfə göstərib ki, belə cisimlərin cavan ulduz disklərində mövcud olması onlarda müşahidə olunan parlaqlığın və spektral parametrlərin periodik olaraq dəyişməsinə gətirib çıxarır.
Polyak və macar astronomları gələcək konfransların Azərbaycanda keçirilməsinə maraqlı olduqlarını bildiriblər.
|
07.10.10 Məqaləni oxumaq
|
|
|
“Demokratiya” Seçki Blokundan daha bir namizəd qeydə alınıb
|
Vətəndaş Həmrəyliyi Partiyasının (VHP) təşkilat şöbəsinin müdiri Samir Əsədlinin namizədliyi qeydə alınıb. Bu barədə məlumatı KƏLAMİNFO-ya VHP-dən veriblər.
64 saylı Sabirabad ikinci seçki dairəsindən namizədliyini irəli sürən “Demokratiya” Seçki Blokunun nümayəndəsi S.Əsədli dairəyə 500 imza təqdim edib və DSK bütün imzaların həqiqiliyini təsdiqləyib.
Xatırladaq ki, hazırda “Demokratiya” Seçki Blokunun 7 namizədi qeydə alınıb.
|
06.10.10 Məqaləni oxumaq
|
|
|
|
Səhifələr : # « 10 11 12 13 14 15 16 17 18 » #
|
Torpaqlarımızı qaytaraq..
|
|
|
|