|
|
Səhifələr : # « 6 7 8 9 10 11 12 13 14 » #
|
|
NATO nazirləri Belçikaya toplaşır
|
|
Bu gün Belçikanın paytaxtı Brüsseldə NATO müdafiə və xarici işlər nazirlərinin görüşü keçiriləcək. KƏLAMİNFO xəbər verir ki, tərəflər təşkilatın yeni strateji konsepsiya layihəsini müzakirə edəcəklər.
Sənəd NATO-nun yaxın 10 ildə inkişaf prinsiplərini müəyyənləşdirməli və qurum ölkələrinə qarşı əsas təhlükələri qeyd etməlidir.
Gündəlikdə dayanan məsələlərdən biri də Şimali Atlantika Müqaviləsi Təşkilatının tərkibində qurumun daha səmərəli fəaliyyəti məqsədilə islahatlar aparılmasıdır. Bu ideyanın tərəfdarı olan NATO Baş katibi Anders Foq Rasmussen və Amerika rəsmiləri təşkilatın 28 üzvünü qlobal maliyyə böhranın nəticəsi olaraq müdafiə xərclərini azaltmamağa çağırıblar.
|
15.10.10 Məqaləni oxumaq
|
| |
|
|
|
BDU-nun alimləri Moskvada keçirilən V Elm Festivalında iştirak edib
|
|
M.V. Lomonosov adına Moskva Dövlət Universitetinin Fundamental kitabxanası nəzdindəki İntellektual Mərkəzdə MDB ölkələrinin iştirakı ilə V Elm Festivalı keçirilib. Festivalda Rusiya, Ukrayna, Belarus, Azərbaycan və digər ölkələrdən olan nümayəndələr iştirak ediblər. Tədbirdə Bakı Dövlət Universitetini (BDU) elmi-tədqiqat hissəsinin rəisi İradə Əliyeva, kimya fakültəsinin dekan müavini dos. Namiq Şıxəliyev və Fizika problemləri İnstitutunun aparıcı elmi işçisi Qəzənfər Bayramov təmsil ediblər. Universitetdən KƏLAMİNFO-ya verilən məlumata görə, fundamental kitabxananın sərgi salonunda BDU alimlərinin nanotexnologiyalar, nəzəri fizika, maye kristalların fiziki kimaysı, geologiya, coğrafiya sahəsində ən mühüm nailiyyətləri nümayiş etdirilib. Bundan əlavə, stendlərdə BDU haqqında informasiya da verilib.
|
|
15.10.10 Məqaləni oxumaq
|
| |
|
|
|
Avropa Parlamentinin deputatı: “Aİ DQ probleminin hərbi yolla həllinə imkan verməyəcək”
|
|
Avropa Birliyi (Aİ) Dağlıq Qarabağ (DQ) probleminin hərbi yolla həll olunmasına heç vaxt imkan verməyəcək. KƏLAMİNFO erməni mətbuatına istinadən xəbər verir ki, bunları Avropa Parlamentinin deputatı İoannis Kasulides bəyan edib.
O, qeyd edib ki, Aİ hər zaman bu problemin Azərbaycan və Ermənistan arasında qarşılıqlı razılaşma ilə həll olunmasının tərəfdarıdır. “Hesab edirəm bu ölkələr kənardan təzyiq altında yox, öz iradələri altında məsələni həll etməlidirlər. Aİ də daim bu ölkələrin əldə edəcəyi razılığı dəstəkləməyə hazırdır. Regionda iki ölkə arasında problem var - Azərbaycan və Ermənistan. Üçüncü dövlətin məsələyə heç bir aidiyyatı yoxdur”,-deyə avropalı diplomat vurğulayıb.
Qeyd edək ki, İ.Kasulides regionda məsələ ilə bağlı Azərbaycan və Ermənistanı aidiyyatı tərəf kimi göstərməklə ermənilər tərəfindən qondarılımış “Dağlıq Qarabağ Respublikası”nın da qondarma olduğunu etiraf edib.
|
|
14.10.10 Məqaləni oxumaq
|
| |
|
|
|
Bakıda Beynəlxalq Hərbi İdman Şurasının Avropa ölkələrindən olan üzvlərinin iştirakı ilə konfrans keçiriləcək
|
|
Oktyabrın 24-dən 28-dək Bakıda Beynəlxalq Hərbi İdman Şurasının (CİSM) Avropa ölkələrindən olan üzvlərinin iştirakı ilə konfrans keçiriləcək. Bu barədə məlumatı KƏLAMİNFO-ya Müdafiə Nazirliyinin mətbuat xidmətindən veriblər.
Konfransda hansı ölkələrdən nümayəndələrin iştirak edəcəyi barədə məlumat verilməyib.
Nazirlikdən həmçinin bildirilib ki, Azərbaycan hərbçiləri oktyabrın 17-dən 24-dək Türkiyənin Ankara şəhərində CİSM kursantları arasında keçirilən birinci Dünya Oyunlarına qatılacaqlar.
|
|
14.10.10 Məqaləni oxumaq
|
| |
|
|
|
Məşhur Yaponiya müğənnisi Kieko Komanın Bakıda xeyriyyə konserti olacaq
|
|
Mədəniyyət və Turizm Nazirliyinin dəstəyi ilə oktyabrın 16-da Bakıda, “Yaşıl Teatr” Konsert Kompleksində məşhur Yaponiya müğənnisi Kieko Koma və onun başçılıq etdiyi ansamblın iştirakı ilə xeyriyyə konserti olacaq. Tədbirlə əlaqədar oktyabrın 14-də “Park İNN” otelinin “Natəvan” zalında mətbuat konfransı keçiriləcək. Bu barədə məlumatı Mədəniyyət və Turizm Nazirliyindən veriblər. Müğənni Kieko Komanın təmsil olunduğu “NPO KOMA” şirkəti müxtəlif ölkələrdə bu cür tədbirlər keçirir. Keçirilən konsertlər barədə həmin şirkət tərəfindən Yaponiya ictimaiyyəti arasında təbliğat işi aparılır, müxtəlif çap materialları, CD-lər hazırlanır, internet vasitəsilə yayımlanır. Sözügedən müğənni Kieko Koma həmçinin Koguryo Sülaləsinin Şahzadəsidir. Konsertdə onu məşhur Yaponiya pianoçusu İdaki Shin müşayiət edəcək.
|
|
14.10.10 Məqaləni oxumaq
|
| |
|
|
|
ADU-nun professoru ABŞ-da beynəlxalq konfransda iştirak edəcək
|
|
Azərbaycan Dillər Universitetinin (ADU) 1 saylı İngilis dili fakültəsinin dekanı, professor Əfqan Abdullayev Amerika Birləşmiş Ştatlarının nüfuzlu AACE – Təhsildə Kompüterin Tətbiqinin İnkişaf Etdirilməsi Assosasiyasının idarə heyətinin üzvü seçilib. Bu barədə məlumatı ADU-dan veriblər. Bu münasibətlə professor Ə. Abdullayev təşkilatın 18-22 oktyabr tarixlərində ABŞ-ın Florida Ştatının Orlando şəhərində keçiriləcək illik beynəlxalq konfransına dəvət alıb. Konfrans iştirakçıları “Ali təhsil sahəsində tədrisdə və idarəetmədə elektron vasitələrdən istifadə” mövzusunda müzakirələr aparacaq. Professor Ə. Abdullayev konfransda məruzə ilə çıxış edəcək. Qeyd edək ki, ADU-nun professoru keçmiş SSRİ ölkələrindən qurumun idarə heyətinə seçilən yeganə şəxsdir.
|
|
14.10.10 Məqaləni oxumaq
|
| |
|
|
|
Erməni sosioloq: “Qarabağ probleminin həlli kənar qüvvələrin diktəsi ilə alınmayacaq”
|
|
Qarabağ probleminin müzakirələrlə həlli Ermənistan və Azərbaycanın günahı ucbatından çıxılmaz vəziyyət halına gəlib. Məhz bu səhflər ucbatından “kələfin ucu” digər dövlətlərin əlinə keçib. KƏLAMİNFO erməni mətbuatına istinadən xəbər verir ki, bunları Ermənistanın Sosioloji Araşdırma Mərkəzinin sədri Aharon Adibeqyan söyləyib.
O, qeyd edib ki, münaqişənin həllində Azərbaycan və Ermənistan qarşılıqlı kompromislərdə olmalı idilər. “Təəssüf ki, tərəflər doğru zamanda bunu bacarmadılar və regionda marağı olan qonşular da bundan istifadə edə bildirlər. Problemin həlli üçün Ermənistan öz kompromis yolunu, Azərbaycan da öz kompromis yolunu təyin etməlidir. Çünki, problem ətrafında regionda sakin olan və gələcəyə doğru inkişaf etmək istəyən bu iki dövlətdir. Əks halda kənar qüvvələrin diktəsi ilə bu ya alınmayacaq, alınsa da ömrü qısa olacaq”,-deyə erməni ekspert bəyan edib.
|
|
14.10.10 Məqaləni oxumaq
|
| |
|
|
|
Ermənistan transsərhəd çaylarda çirklənməni davam etdirir
|
|
Ekologiya və Təbii Sərvətlər Nazirliyinin (ETSN) Ətraf Mühit üzrə Milli Monitorinq Departamenti Kür və Araz transsərhəd çaylarının çirklənmə səviyyəsini öyrənmək məqsədilə oktyabrın I ongünlüyü üçün növbəti monitorinq həyata keçirib. Bu barədə məlumatı KƏLAMİNFO-ya ETSN-nin mətbuat xidmətindən veriblər.
Oktyabr ayının I ongünlüyündə Kür çayında suyun sərfi sentyabrın III ongünlüyünə nisbətən 63 m3/san artaraq 180 m3/san təşkil edib. Monitorinqin nəticələrinə əsasən, Kür çayında Gürcüstan və Ermənistan ərazilərindən təmizlənmədən birbaşa su obyektlərinə axıdılan məişət tullantıları və sənaye müəssisələrinin çirkab sularının təsiri nəticəsində biogen maddələrin miqdarı normadan dəfələrlə artıq olub. Suyun tərkibindəki spesifik çirkləndiricilərdən fenol və mis birləşmələri yol verilən qatılıq həddini (YVQH) keçib.
|
|
14.10.10 Məqaləni oxumaq
|
| |
|
|
|
TBMM PKK-ya qarşı əməliyyatların mandatını uzadıb
|
|
Türkiyə Böyük Millət Məclisi (TBMM) ordunun İraqda PKK-yla vuruşmaq mandatının vaxtını uzadıb. KƏLAMİNFO türk mətbuatına istinadən xəbər verir ki, Türkiyə parlamentində aparılan müzkirələr nəticəsində bununla bağlı qərar qəbul olunub.
TBMM orduya PKK-ya qarşı İraqda mübarizə apara bilmək üçün verdiyi icazəni əlavə olaraq 1 il də uzadıb. Parlamentarlar 428 lehinə, 18 əleyhinə səs verməklə qanunu qəbul ediblər.
Qeyd edək ki, axrıncı dəfə Türkiyə ordusu 2008-ci ilin fevralında İraqın şimalında geniş əməliyyatlar keçirib.
|
|
14.10.10 Məqaləni oxumaq
|
| |
|
|
|
Mübariz Qurbanlı: “Ermənistanın işğal olunmuş ərazilərdə yaşayış məskənləri salması beynəlxalq hüquqa ziddir”
|
|
“Azərbaycanın işğal olunmuş ərazilərində Ermənistan müxtəlif qanunsuz hərəkətlərə yol verir. Ermənilər tarixi abidələri dağıdır, ətraf mühiti çirkləndirir, ekoloji sistemi pozur və qanunsuz məskunlaşma yaratmağa cəhd göstərirlər. Bütün bunlar beynəlxalq huquq və prinsiplərə ziddir”. Bu fikirləri yap.org.az saytına açıqlamasında Yeni Azərbaycan Partiyası İcra katibinin müavini, deputat Mübariz Qurbanlı söyləyib. M.Qurbanlı bildirib ki, Ermənistan tərəfindən işğal olunmuş ərazilərdə bu və digər infrastrukturun yaradılması, xüsusilə yaşayış məskənlərinin salınmasına cəhd göstərilməsi bütövlükdə beynəlxalq hüquqa ziddir. “Çünki bu ərazilərlə əlaqədar danışıqlar prosesi gedir. Eyni zamanda, Azərbaycanın işğal olunmuş ərazilərinin qaytarılması ilə bağlı BMT, ATƏT səviyyəsində sənədlər qəbul edilib”,-deyən M.Qurbanlının fikrincə, belə bir şəraitdə Ermənistan hansısa məskən salırsa, bu, bütün hallarda danışıqlar prosesinin əleyhinə yönələn hərəkətdir. Azərbaycan tərəfi bunu qətiyyətlə pisləyir. M.Qurbanlının sözlərinə görə, qiymətləndirmə missiyasının deyəcəyi faktlar ATƏT çərçivəsində müzakirəyə çıxarıldıqda Azərbaycan tərəfinin deməyə kifayət qədər sözü olacaq.
|
|
13.10.10 Məqaləni oxumaq
|
| |
|
|
|
Səhifələr : # « 6 7 8 9 10 11 12 13 14 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
