|
|
Səhifələr : # 1 2 3 4 5 6 7 8 #
|
|
ASK ilə Azərbaycan Universiteti arasında əməkdaşlıq müqaviləsi imzalanacaq
|
|
Sabah Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK) ilə Azərbaycan Universiteti (AU) arasında əməkdaşlıq müqaviləsi imzalanacaq. Bu barədə məlumatı KƏLAMİNFO-ya ASK-dan veriblər.
Bu müqavilə Azərbaycanda bizneslə təhsilin maraqlarının uzlaşdırılması, rəqabət qabiliyyətli milli kadrların yetişdirilməsi naminə yeni tərəfdaşlıq mühitinin formalaşdırılmasına töhfələr verməsi, müasir elmi-texniki nailiyyətlərin sahibkarlığımızın inkişafına yönəldilməsi, sahibkarlıq subyektlərinin maarifləndirilməsi, təkmilləşdirilməsi və inkişafına kömək göstərilməsi məqsədi daşıyır.
Müqaviləni Sahibkarlar Təşkilatları Milli Konfederasiyası tərəfindən ASK-nın prezidenti Məmməd Musayev, Azərbaycan Universiteti tərəfindən isə universitetin rektoru Akif Musayev imzalayacaqlar.
|
27.01.10 Məqaləni oxumaq
|
| |
|
|
|
Naxçıvanda mətbuat daha sürətlə inkişaf edəcək
|
Həyata keçirilən tədbirlər də bu cür düşünməyə əsas verir
Naxçıvan MR Ali Məclisinin sədri Vasif Talıbovun “Mətbuatın dostu” adına layiq görülməsi xəbərini eşidəndə düzü sevindim, “bu onun halal haqqıdır”-dedim. Elə o an da muxtar respublikanın gündəlik ictimai-siyasi qəzeti olan “Şərq qapısı” qəzetində işlədiyim dövrü xatırlayası oldum. Çünki birgə fəaliyyətimiz dövründə onun nə dərəcədə mətbuat adamı olduğunu yaxından duymuşdum. Elə bu mənada ürəyimdən keçənləri qələmə almağa çalışdım. Baxmayaraq ki, ondan əvvəlki illərdə böyük mətbuatda-“Sovet kəndi”, “Həyat” və “Azərbaycan” qəzetlərində peşəkar qələm sahibləri ilə birgə çalışmışdım, onlardan xeyli təcrübə toplamışdım, amma bölgədə 7 illik baş redaktorluq dövrüm mənim üçün həqiqi mənada bir həyat məktəbi oldu. O vaxtadək iki ali məktəb (ixtisasca həm tarix müəllimi, həm də hüquqşüqnas idim) bitirsəm də, üstəlik də tarix elmləri namizədi alimlik dərəcəsi alsam da bu məktəbdən öyrəndiklərim, əxz etdiklərim daha çox oldu.
|
|
27.01.10 Məqaləni oxumaq
|
| |
|
|
|
"Bizdə insanların yaşamaq zövqü yoxdur"
|
İlqar Əliyev, memar: "Bütün tikintilərdə şəhərsalma mütəxəssislərinə müraciət olunsa, çox gözəl effekt verə bilər"
İlqar Əliyev Azərbaycanda yeganə memardır ki, 2007-ci ildə Amerikanın Tikinti Dizaynı İnstitutunun "Professional" kateqoriyası səviyyəsinə yüksəlib. Ə.Əzimzadə adına Rəssamlıq Məktəbini, daha sonra Azərbaycan İnşaat Mühəndisləri İnstitutunu bitirərək memarlıq ixtisasına yiyələnən İ.Əliyev Azərbaycan Memarlar İttifaqının və Amerikanın Tikinti Dizaynı İnstitutunun üzvüdür. Ayrı-ayrı vaxtlarda həmin institutun illik təşkil etdiyi müsabiqədə "Ən yaxşı layihə" nominasiyası üzrə 1-ci və 2-ci yerlərin qalibi olub. Hazırda Azərbaycan Memarlıq və İnşaat Universitetində memarlıq, layihələndirmə və şəhərsalma kafedrasında müəllim kimi çalışır. İ.Əliyev keçən il ABŞ Konqresi kitabxanasının "World Oren" proqramı ilə ABŞ-da şəhərsalma mövzusu ilə bağlı seminar və məşğələlərdə iştirak edib. Hazırda azmərtəbəli evlərin layihələrini hazırlayır.
İ.Əliyevin Bakıda şəhərsalma ilə bağlı fikirləri oxucular üçün də maraq doğurar.
- Bu gün Bakıda şəhərsalma ilə bağlı ikili fikirlər var. Bəziləri deyir ki, qədim Bakının nə üzü, nə də izi qalıb, yəni şəhər simasını itirib. Bəziləri də deyir ki, Bakı durmadan inkişaf edir. Sizcə, bu fikirlərin hansı həqiqətə uyğundur?
- Hazırda ölkə rəhbərliyi Bakını gözəlləşdirməyə çalışır. Neftdən qazanılan pulları xərcləməklə şəhəri bəzəyirlər. Bu bilirsiniz nəyə oxşayır? İnsan var ki, əlinə bir qədər pul düşəndə özünə maşın, ev və s. alır, ailə də var ki, həmin pulu övladının gələcəyi üçün xərcləyir, onun yaxşı təhsil almasına çalışır. Bu gün şəhərin gözəlləşməsinə xərclənən pullar gələcək üçün bəlkə də strateyi məqsəddir. Bütün Qafqazda ən baxımlı, ən gözəl şəhəri burada yaratmaq istəyirlər. Körpülər, rayonlara gedən yollar, kommunikasiyalar, tikilən binalarla bu şəhərin fərqli olmasına çalışırlar. Bu, gələcək üçün gözəl plandır. Ancaq tarixə də toxunmaq olmaz.
|
|
27.01.10 Məqaləni oxumaq
|
| |
|
|
|
“Silahlı münaqişələr zamanı mədəni dəyərlərin qorunması” mövzusunda konfrans keçiriləcək
|
|
Sabah Mədəniyyət və Turizm Nazirliyi və Beynəlxalq Qırmızı Xaç Komitəsinin (BQXK) təşkilatçılığı ilə “Silahlı münaqişələr zamanı mədəni dəyərlərin qorunması” mövzusunda konfrans keçiriləcək. Bu barədə məlumatı KƏLAMİNFO-ya Mədəniyyət və Turizm Nazirliyindən veriblər.
Konfransı giriş sözü ilə mədəniyyət və turizm naziri Əbülfəs Qarayev açacaq.
BQXK-nin Bakı nümayəndəliyinin rəhbəri Antun Vandenhov Mədəni dəyərlərin qorunması üzrə beynəlxalq hüquqi çərçivə mövzusunda çıxış edəcək.
BQXK-nın Şərqi Avropa və Mərkəzi Asiya üzrə Əməliyyatlarının rəhbəri, xanım Pasqal Mej Vaqner rəqabətli prioritetlər: mədəni dəyərlərin qorunması məsələsinin humanitar hüququn gündəliyinə daxil edilməsi, BQXK-nın Regional nümayəndəliyinin üzvü xanım Anastasiya Kuşleyko silahlı münaqişə zamanı mədəni dəyərlərin mühafizəsinin məqsəd və prinsipləri: mədəni dəyərlərin mühafizəsinə dair 1954-cü il Haqa Konvensiyası və Konvensiyaya əlavə iki protokol mövzusunda çıxış edəcək.
|
|
27.01.10 Məqaləni oxumaq
|
| |
|
|
|
TQDK Ağstafada elmi-metodiki seminarlar keçirir
|
|
Bu gün Tələbə Qəbulu üzrə Dövlət Komissiyası (TQDK) Ağstafa şəhərində yerləşən Heydər Əliyev Mərkəzində Azərbaycan dili və ədəbiyyat, tarix fənləri üzrə elmi-metodiki seminarlar keçirir. TQDK-dan KƏLAMİNFO-ya verilən məlumata görə, xüsusi internet proqramlarının tətbiqi sayəsində iclas salonundan TQDK-nın inzibati binası ilə canlı videobağlantı qurulacaq və müzakirələrə komissiyanın rəhbərliyi də qoşulacaq. Tədbir iştirakçıları TQDK rəhbərliyinə qəbul imtahanlarının təşkili, imtahanda istifadə edilmiş test tapşırıqları, qəbul proqramları barədə fikirləri, rəy və təkliflərini bildirəcək, onlar üçün maraq doğuran məsələlərə dair suallar ünvanlayacaqlar.
Seminarlarda komissiyanın məsul əməkdaşları, mütəxəssisləri, ekspertləri, həmçinin Ağstafa, Gədəbəy, Qazax, Şəmkir, Tovuz və digər yaxın rayonların müəllimləri, təhsil ictimaiyyətinin nümayəndələri iştirak edirlər.
Seminarlarda müəllimlərə qəbul proqramlarındakı, dərsliklərdəki dəyişikliklər və əlavələr barədə məlumat veriləcək. 2009-cu ildə qəbul imtahanlarında istifadə edilmiş test tapşırıqları elmi-metodiki cəhətdən təhlil olunacaq.
|
|
27.01.10 Məqaləni oxumaq
|
| |
|
|
|
“Əmək Birjaları” tərəfindən 3938 nəfər işsiz vətəndaş müvəqqəti xarakterli işlərlə təmin olunub
|
|
Ötən il Bakı, Sumqayıt, Naxçıvan, Gəncə və Mingəçevir şəhərlərində fəaliyyət göstərən “Əmək Birjaları” tərəfindən 3938 nəfər işsiz vətəndaş müvəqqəti xarakterli işlərlə təmin olunub. KƏLAMİNFO xəbər verir ki, bu barədə məlumatı Əmək və Əhalinin Sosial Müdafiəsi Nazirliyinin Baş Məşğulluq İdarəsinin rəisi Anar Bədəlbəyli verib.
A.Bədəlbəylinin sözlərinə görə, bunların 2182 nəfəri qadın, 1875 nəfəri gənc, 186 nəfəri qaçqın və məcburi köçkün, 32 nəfəri isə əlil vətəndaşlardır.
O, həmçinin məzunların və tələbələrin əmək bazarına inteqrasiyası məqsədi ilə “Karyerada ilk addım” devizi altında tədbirlərin də keçirildiyini qeyd edib. Bu tədbirlərə 470 müəssisə tərəfindən 2351 boş (vakant) iş yerlərinin təqdim edildiyini diqqətə çatdıran idarə rəisi tədbirlər nəticəsində 431 nəfərin münasib işlərlə təmin olunduğunu vurğulayıb. A.Bədəlbəyli hesabat dövründə Bakı, Naxçıvan, Gəncə və Mingəçevir şəhərlərində fəaliyyət göstərən “Peşəyönümü metodiki kabinetləri” və Respublikanın rayon (şəhər) Məşğulluq Mərkəzləri vasitəsi ilə 20882 nəfər işaxtaran vətəndaşa, eləcə də orta ümumtəhsil məktəblərinin yuxarı sinif şagirdlərinə peşəyönümü məsləhətlərin verildiyini qeyd edib.
|
|
27.01.10 Məqaləni oxumaq
|
| |
|
|
|
Prezident İlham Əliyev Livan və Efiopiya prezidentlərinə başsağlığı verib
|
|
Prezident İlham Əliyev Livan Respublikasının prezidenti Mişel Süleymana başsağlığı göndərib. KƏLAMİNFO xəbər verir ki, başsağlığında deyilir: “Hörmətli cənab Prezident, Beyrut şəhəri yaxınlığında sərnişin təyyarəsinin qəzaya uğraması və çoxlu sayda həmvətəninizin həlak olması xəbəri məni son dərəcə kədərləndirdi. Baş vermiş faciə ilə əlaqədar Sizə, həlak olanların ailələrinə, bütün Livan xalqına şəxsən öz adımdan və Azərbaycan xalqı adından dərin hüznlə başsağlığı verirəm”.
Prezident İlham Əliyev həmçinin Efiopiya Federativ Demokratik Respublikasinin prezidenti Girma Volde-Giorgisə də başsağlığı məktubu göndərib.
|
|
27.01.10 Məqaləni oxumaq
|
| |
|
|
|
ABŞ-da Türkiyə torpaqlarının bir qismi “tarixi Ermənistan” adı altında göstərilib
|
|
ABŞ Univerisitetlərinin birində keçirilən konfransda Türkiyə torpaqlarının bir qismi “tarixi Ermənistan” başlığı ilə xəritədə göstərilib. KƏLAMİNFO Türkiyə mətbuatına istinadən xəbər verir ki, konfrans Türkiyə ilə Ermənistan arasında imzalanan protokolların univerisitetin hüquq fakultəsinin tələbələri ilə müzakirə etmək üçün təşkil edilib. Konfransda univeristetdə təhsil alan türk, erməni və digər ölkənin tələbə və müəllim heyyəti iştirak edib.
Konfransda təqdim olunan xəritədə Türkiyə ərazisinin bir qisminin “tarixi ermənistan” adı altında təqdim olunması türkiyəli tələbələrin qəzəbinə səbəb olub. Univerisitetin hüquq fakultəsinin müəllimi Sean Murphy xəritənin Google-dan götürüldüyünü bildirib. Müəllimin sözlərinə görə, xəritəni konfransa gətirməyimizin məqsədi tədbirdə iştirak edən digər tələbələrin Türkiyə və Ermənistan dövlətlərinin ərazilərini və onların qonşu dövlət olmasını xəritədə daha aydın göstərmək olub.
Qeyd edək ki, xəritədə Gürcüstan, Azərbaycan, İran və İraqın bəzi hissələri də xəritədə Ermənistan adı altında göstərilib.
|
|
27.01.10 Məqaləni oxumaq
|
| |
|
|
|
Ayılmaq vaxtı çatıb
|
Düzdür, tarixdə gor qonşularımız olan və dünyanın mənfur milləti hesab edilən ermənilərin türklər tərəfindən “soyqırıma” məruz qalması faktı gerçəkliklər və həqiqətlər müstəvisində həllini tapmayıb. Heç tapmayacaq da. Çünki olmayan bir şeyi, hadisəni necə doğru və düzgün kimi qəbul etmək olar. Amma bədxah və yaramaz qonşularımızın saxta “soyqırımı” siyasətinə məruz qalmalarını az qala dünyanın o biri başına çatdıra bilmələrini eşidəndə düzü ayaqlarım da yerində quruyur. Elə o an da nədənsə böyük türk sərkərdəsi Əmir Teymurun bu sözlərini xatırlayırsan: “Erməniləri bir millət kimi yer üzündən silmədiyim üçün gələcək xalqlar ya məni alqışlayacaq, ya da ki, lənətləyəcəklər”.
Hər dəfə erməni vəhşiliklərindən, onların insanlığa sığmayan hərəkətlərindən söz düşəndə doğma yurdum olan Şərur torpağında baş verən hadisələri xatırlayıram.
|
|
26.01.10 Məqaləni oxumaq
|
| |
|
|
|
Ötən il Məşğulluq Xidməti orqanlarına müraciət edənlərin 61%-i münasib işlə təmin edilib
|
|
Ötən il Məşğulluq Xidməti orqanlarına 46467 nəfər işaxtaran vətəndaş müraciət edib ki, onlardan da 28382 nəfər münasib işlə təmin edilib. KƏLAMİNFO xəbər verir ki, bu barədə məlumatı Əmək və Əhalinin Sosial Müdafiəsi Nazirliyinin Baş Məşğulluq İdarəsinin rəisi Anar Bədəlbəyli verib.
A.Bədəlbəylinin sözlərinə görə, bu dövr ərzində 1508 nəfər işhaqqı ödənilən ictimai işlərə cəlb olunub. İdarə rəisi bildirib ki, hesabat dövründə Məşğulluq Xidməti orqanları tərəfindən 4827 nəfər peşə hazırlığına kurslarına cəlb edilib ki, bu da ötən ilin müvafiq dövrünə nisbətən 42,3% çoxdur.
|
|
26.01.10 Məqaləni oxumaq
|
| |
|
|
|
Səhifələr : # 1 2 3 4 5 6 7 8 # |
|
Torpaqlarımızı qaytaraq..
|
| |
|
|
|
Açılış Səhifəsi et 
