|
Səhifələr : # « 1 2 3 4 5 6 7 8 9 » #
Məşğulluq Xidmətləri tərəfindən 5687 nəfərə 4 mln. 50 min manat həcmində işsizlik müavinəti verilib
|
Ötən il ərzində Məşğulluq Xidmətləri tərəfindən 5086 nəfərə qanunamüvafiq qaydada işsiz statusu verilib. KƏLAMİNFO xəbər verir ki, bu barədə açıqlama ilə Əmək və Əhalinin Sosial Müdafiəsi Nazirliyinin Baş Məşğulluq İdarəsinin rəisi Anar Bədəlbəyli çıxış edib.
Onun sözlərinə görə, bu müddət ərzində 5687 nəfərə 4 mln. 50 min manat həcmində işsizlik müavinəti təyin edilib. O bildirib ki, 2009-cu ildə Bakı, Naxçıvan, Gəncə və Mingəçevir şəhərlərində fəaliyyət göstərən “Peşəyönümü metodiki kabinetləri” və Respublikanın rayon (şəhər) Məşğulluq Mərkəzləri vasitəsi ilə 20882 nəfər işaxtaran vətəndaşa, eləcə də orta ümumtəhsil məktəblərinin yuxarı sinif şagirdlərinə peşəyönümü məsləhətlər verilib. A.Bədəlbəyli ötən ilin oktyabr ayından başlayaraq bu tədbirlərin respublikanın bütün regionlarında təşkil edildiyini vurğulayıb.
|
26.01.10 Məqaləni oxumaq
|
|
|
Bakıda GİN ilə İranın Milli Gənclər Təşkilatı arasında Müştərək Komitənin iclası keçiriləcək
|
Sabah Bakıda Gənclər və İdman Nazirliyi və İran İslam Respublikasının Milli Gənclər Təşkilatı arasında Müştərək Komitənin iclası keçiriləcək. Bu barədə məlumatı KƏLAMİNFO-ya Gənclər və İdman Nazirliyinin mətbuat xidmətindən veriblər.
Nazirlikdə baş tutacaq iclasda icraiyyə planının imzalanması mərasiminin keçirilməsi də planlaşdırılır. İclasda ölkəmizdə səfərdə olan İran İslam Respublikasının Milli Gənclər Təşkilatının sədr müavini Mohammad Sadegh Akbari, İran Milli Gənclər Təşkilatının Ərdəbil vilayət şöbəsinin müdiri Faramaz K. Dezfoulie - Alireza Abdi, Elmi tədqiqat xidmətinin baş direktoru Seyyed Mahdi Faghihi iştirak edəcəklər.
|
26.01.10 Məqaləni oxumaq
|
|
|
Məşğulluq Mərkəzləri ötən il işsiz və işaxtaranların yalnız 1,3%-ni əhatə edə bilib
|
Məşğulluq Mərkəzləri ölkədə işsiz və işaxtaranların yalnız 1,3%-ni əhatə edə bilib. KƏLAMİNFO xəbər verir ki, bu barədə məlumatı Əmək və Əhalinin Sosial Müdafiəsi Nazirliyinin Baş Məşğulluq İdarəsinin rəisi Anar Bədəlbəyli verib.
A.Bədəlbəylinin sözlərinə görə, 2009-cu ildə ölkədə işsizliyin səviyyəsi 6,1%-dən 6%-ə enib. İdarə rəisi Məşğulluq Mərkəzləri tərəfindən işsizlərə verilən müavinətlərin məbləğinin də son illər ərzində 24 manatdan 55 manata qədər artırıldığını bildirib. A.Bədəlbəyli işsizlik müavinətinin bir dəfəlik verilməsi istiqamətində Beynəlxalq Əmək Təşkilatı ilə danışıqlar aparıldığını da qeyd edib. O, bildirib ki, altı ay ərzində 55 manatlıq müavinətlər toplanaraq bir dəfəlik müavinət şəklində işsiz vətandaşa veriləcək və onun fərdi məşğulluğuna yardım ediləcək. A.Bədəlbəyli bunun üçün işsiz vətəndaşın mütləq fərdi əmək ilə məşğul olması istiqamətində biznes-planın təqdim olunmasını vacib sayıb.
Baş Məşğulluq İdarəsinin rəisi həmçinin cari ilin fevral-mart aylarında İsmayıllı rayonunda məşğulluq məsələlərinə dair müvafiq tədbirin keçiriləcəyini də vurğulayıb.
|
26.01.10 Məqaləni oxumaq
|
|
|
Azərbaycan Tələbələr Birliyi BMT-nin tanıdığı təşkilatla əməkdaşlıq edir
|
Bu gündən etibarən Azərbaycan Tələbələr Birliyi (ATB) The International Association for the Ex of Students for Technical Experience-Tələbələrin Texniki Təcrübəsinin Mübadiləsi Beynəlxalq Assosasiyasında (İAESTE) tam hüquqlu üzvu olaraq ölkəmizi təmsil edir. Bu barədə məlumatı KƏLAMİNFO-ya Birliyin mətbuat xidmətindən veriblər.
Azərbaycan İAESTE-yə üzv olan 85-ci ölkə kimi qeydiyyata alınıb. İAESTE bütün dünyada tələbə mübadiləsini həyata keçirən beynəlxalq təşkilatdır. Bu ildən etibarən azərbaycanlı tələbələr xarici ölkələrin müxtəlif universitetlərində və ya biznes qurumlarında təcrübə keçmək imkanı əldə edəcəklər. Həmçinin, xarici tələbələr də Azərbaycanda belə bir fəaliyyəti həyata keçirə biləcəklər.
|
26.01.10 Məqaləni oxumaq
|
|
|
D.Medvedyev Qafqazda ictimai və iqtisadi göstəricilərin Rusiyanın orta rəqəmlərinə çatmasını zəruri sayır
|
Rusiya Federasiyasının prezidenti Dmitri Medvedyev Soçidə jurnalistlərin suallarını cavablandırıb. KƏLAMİNFO xəbər verir ki, ABŞ-Rusiya münasibətləri və iki ölkə arasında aparılan danışıqları xatırladan D.Medvedyev son zamanlar Cənubi Qafqazda vəziyyətin normallaşması ilə bağlı görüşlər və tənzimləmələr məsələsinə toxunub.
Qafqazda ictimai və iqtisadi göstəricilərin heç olmasa Rusiyanın orta rəqəmlərinə çatmasının zəruri olduğunu söyləyən D.Medvedyev bildirib ki, ilk nəticələr bu il özünü biruzə verəcək və bunu ictimaiyyət də görəcək.
|
26.01.10 Məqaləni oxumaq
|
|
|
|
Bakıda Mixail Qusmanın “Formula vlasti” adlı iki cildlik nəşrinin təqdimatı keçirldi
|
Bu gün Bakı şəhərində, M.F.Axundov adına Milli Kitabxanada Mədəniyyət və Turizm Nazirliyi ilə birgə İTAR-TASS İnformasiya Agentliyinin Baş direktorunun birinci müavini, görkəmli jurnalist Mixail Qusmanın “Formula vlasti” adlı iki cildlik nəşrinin təqdimatı keçirldi. KƏLAMİNFO xəbər verir ki, təqdimatda çıxış edən Milli Kitabxananın Məsləhət Şurasının sədri, xalq yazıçısı Çingiz Abdullayev əslən azərbaycanlı olan müəllifin nəşrlərinin təqdimatını Bakıda keçirməsini heç də təsadüfi saymayıb.
Ç.Abdullayev qeyd edib ki, hər iki cild dünyanın 55 ölkəsinin liderləri ilə müsahibə və müsahibələrə verilən şərhlərdən ibarətdir. Müəllifin kitabın qəhramanları ilə sərbəst söhbətlərində tək onların hakimiyyətə gəlişi deyil, həmçinin onların şəxsi həyatından və yüksək siyasətdən uzaq olan mövzulardan da bəhs edilib.
Təqdimatda müəllif M.Qusman isə nəşrlərinin təqdimatının Humanitar Əməkdaşlıq üzrə I Azərbaycan-Rusiya Forumu ərəfəsində baş tutmasını böyük fəxr hissi kimi xarakterizə edib. O, kitablarının Azərbaycan oxucuları arasında geniş maraq dairəsinə səbəb olacağına əminliyini bildirib.
Tədbir millət vəkili Elmira Axundova, Rusiyanın ölkəmizdəki səfiri Vladimir Doroxin və digər qonaqların iştirakı ilə davam edib.
|
26.01.10 Məqaləni oxumaq
|
|
|
|
Azərbaycanın Avropa Şurasına tamhüquqlu üzv qəbul olunmasından 9 il ötür
|
Azərbaycanın Avropa Şurasına tamhüquqlu üzv qəbul olunmasından 9 il ötür. KƏLAMİNFO xəbər verir ki, 2001-ci il yanvarın 17-də Avropa Şurası Nazirlər Komitəsinin nümayəndələri səviyyəsində keçirilmiş iclasda Azərbaycanın bu təşkilata üzv qəbul olunması qərara alınıb. Yanvarın 25-də isə Strasburqda Azərbaycanın Avropa Şurasına üzv qəbul olunmasına həsr edilmiş rəsmi mərasim keçirilib və üçrəngli bayrağımız həmin vaxtdan etibarən qurumun binası önündə dalğalanır. Azərbaycan nümayəndə heyətinin Avropa Şurası Parlament Assambleyasındakı 9 illik fəaliyyəti ölkəmizin beynəlxalq imicini möhkəmləndirməklə bərabər, həm də Ermənistanın təcavüzkar siyasətini ifşa etməyə, saxta erməni təbliğatının qarşısını almağa imkan yaradıb.
|
25.01.10 Məqaləni oxumaq
|
|
|
"Təzyiq olmadan Ermənistanı mövqeyindən çəkindirmək bir qədər çətindir"
|
Əli Həsənov: "Vasitəçilik edən dövlətlər münaqişə tərəflərini incik salmamağa çalışırlar"
Məlum olduğu kimi, dünən Bakıda Humanitar əməkdaşlıq üzrə birinci Azərbaycan-Rusiya Forumu işə başlayıb. Forumun işində iştirak edən Prezident Administrasiyasının ictimai- siyasi şöbəsinin müdiri Əli Həsənov jurnalistlərin müxtəlif mövzuları əhatə edən suallarını cavablandırıb:
- Humanitar əməkdaşlıq üzrə birinci Azərbaycan-Rusiya forumu çox müvəffəqiyyətlə keçir. Tədbirə Rusiyanın ictimai-siyasi dairələrinin nümayəndələri, mədəniyyət, incəsənət xadimləri, yazıçılar, elm-təhsil sektorunu təmsil edənlər qatılıblar. Azərbaycan tərəfindən də ölkənin tanınmış ictimai-siyasi xadimləri, elm, mədəniyyət, incəsənət xadimləri forumun işində iştirak edirlər. Forumda Rusiya-Azərbaycan əlaqələrinin elm, mədəniyyət, kütləvi informasiya vasitələri üzrə inkişafı məsələləri müzakirə olunur. Nəzərə alsaq ki, forumun işində Azərbaycanın və Rusiyanın bütün aparıcı KİV-lərinin rəhbərləri və ya onların nümayəndələri iştirak edir, deməli, biz qarşımıza qoyduğumuz məqsədlərə nail olacağıq. Hər iki ölkənin ictimaiyyətini əlaqələrin mövcud durumu və gələcəyi ilə bağlı vəziyyətlə tanış edə biləcəyik. Fikrimcə, bu forum çox əhəmiyyətlidir. Azərbaycanda ilin əvvəlində belə bir ciddi forumun keçirilməsi həm bizim üçün, həm də Rusiya üçün çox böyük əhəmiyyət kəsb edir.
- Gələcəkdə növbəti forumun keçirilməsi nəzərdə tutulurmu?
- Bildiyiniz kimi, biz bu tədbiri birinci forum adlandırmışıq. Düşünürük ki, yekundan asılı olaraq gələcəkdə belə forumlar həm Azərbaycanda, həm də Rusiyada davam etdirilsin.
- Belə forumlar digər ölkələrlə də keçirilə bilərmi?
|
23.01.10 Məqaləni oxumaq
|
|
|
|
Səhifələr : # « 1 2 3 4 5 6 7 8 9 » #
|
Torpaqlarımızı qaytaraq..
|
|
|
|