|
|
Səhifələr : # « 2 3 4 5 6 7 8 9 10 » #
|
|
Arif Vəliyev: “Azərbaycanın ali məktəblərində 42 xarici ölkədən 5285 nəfər təhsil alır”
|
|
Azərbaycanın ali məktəblərində 42 xarici ölkədən 5285 nəfər təhsil alır. KƏLAMİNFO xəbər verir ki, bu barədə açıqlamanı Dövlət Statistika Komitəsinin sədri Arif Vəliyev bu gün keçirdiyi mətbuat konfransında bildirib.
A.Vəliyevin sözlərinə görə, əcnəbi tələbələrin sırasında Türkiyə, İran, Rusiya, Çin Xalq Respublikası, Türkmənistan və İraq vətəndaşları üstünlük təşkil edir.
“Əvvəlki illə müqayisədə 2009/-2010-cu tədris ilinin əvvəlinə xarici ölkələrdə dövlət xətti ilə ali təhsil alan tələbələrin sayı 25 faiz artaraq 2081 nəfər təşkil edib. Xaricdə ali təhsil alan gənclərin 43%-i Azərbaycanın regionlarındandır. Tələbələrin əsas hissəsi Türkiyə və Rusiyada təhsil alırlar”,-deyə A.Vəliyev bildirib.
|
23.01.10 Məqaləni oxumaq
|
| |
|
|
|
Ramiz Mehdiyev “Rusiya mətbuatı Dağlıq Qarabağ münaqişəsindən yazarkən diqqətli olmalıdır”
|
|
Dağlıq Qarabağ münaqişəsinin həlli regionun inkişafı üçün çox vacibdir. KƏLAMİNFO xəbər verir ki, bu sözləri Bakıda keçirilən Humanitar Əməkdaşlıq üzrə I Azərbaycan-Rusiya Forumunda çıxışı zamanı Prezident Administrasiyasının (PA) rəhbəri Ramiz Mehdiyev bildirib.
Afinada ATƏT-ə üzv ölkələrin XİN başçılarının münaqişənin nizamlanması ilə bağlı bəyanat qəbul etdiklərini xatırladan R. Mehdiyev həmin sənəddə münaqişənin ərazi bütövlüyü prinsipinə əsaslanaraq həll olunmasının vacibliyinin qeyd olunduğunu, Ermənistanın ilk dəfə bunu etiraf edərək, həmin sənədə imza atdığını vurğulayıb.
R. Mehdiyev Rusiya mətbuatını Dağlıq Qarabağ münaqişəsindən yazarkən diqqətli olmağa da çağırıb. “Münaqişənin tarixindən yazanda rus mənbələrinə istinad edin. Rusiyalı diplomat Aleksandr Qriboyedovun XIX-cu əsrdə imperatora yazdığı məktubunu oxuyun. Diplomat İran və Türkiyədən Azərbaycana köçürülən ermənilərdən yazarkən qeyd edirdi ki, azərbaycanlılar ermənilərin yerləşdikləri torpaqlarda həmişəlik qalacaqlarından qorxurlar”,-deyə R.Mehdiyev əlavə edib.
|
|
23.01.10 Məqaləni oxumaq
|
| |
|
|
|
Bakıda “İstanbul Fashion Show” adlı moda sərgisi təşkil ediləcək
|
|
Meridyen Beynəlxalq Sərgi Şirkəti (MBSŞ) və OTİAD (Osmanbəy Türk İş Adamları Dərnəyi) birgə dünyanın 40-dan çox geyim şirkətləri ilə əməkdaşlıq çərçivəsində yanvarın 28-30-da Bakıda “İstanbul Fashion Shovv” adlı moda sərgisi təşkil edəcək. Bu məqsədlə bu gün təşkilatçılar Bakıda mətbuat konfransı keçiriliblər. KƏLAMİNFO xəbər verir ki, mətbuat konfransında çıxış edən MBSŞ-in baş direktoru Alper Çekic təmsil etdiyi şirkətin 1998-ci ildə İstanbulda təsis olunduğunu söyləyib.
O, qeyd edib ki, indiyədək MBSŞ dünyanın bir çox ölkələrində uğurlu sərgilərə imza atıb. Azərbaycanda son bir il ərzində 32 mln ABŞ dolları həcmində türk geyimlərinin satıldığını diqqətə çatdıran A.Çekic Rusiya, Qazaxıstan və Özbəkistanda keçirdikləri sərgidən sonra ölkəmizdə də bu cür tədbir keçirmək istədiklərini vurğulayıb. A.Çekic sərginin keçirilməsində məqsədin həmin şirkətlərin keyfiyyətli brendlərinin ölkəmizdə dayanıqlı bazara sahib olmasını təmin etməkdən ibarətdir. Şirkət rəsmisi qeyd edib ki, növbəti illərdə də Azərbaycanda belə sərgilər davam etdiriləcək.
Qeyd edək ki, sərgi yanvarın 28-30-u tarixlərində Heydər Əliyev adına İdman Konsert Kompleksində keçiriləcək.
|
|
23.01.10 Məqaləni oxumaq
|
| |
|
|
|
ADU-nun beynəlxalq əlaqələrinə həsr olunan mətbuat konfransı keçiriləcək
|
|
Yanvarın 23-də Azərbaycan Dillər Universitetində (ADU) bu ali təhsil ocağının beynəlxalq əlaqələrinə həsr olunan mətbuat konfransı keçiriləcək. Bu barədə məlumatı KƏLAMİNFO-ya ADU-nun mətbuat xmidmətindən veriblər.
Konfransda universitetin nümayəndə heyətinin Türkiyənin paytaxtı Ankara şəhərinə səfəri, Hacəttəpə və Ankara universitetləri ilə imzalanan əməkdaşlıq müqaviləsi barədə ictimaiyyətə ətraflı məlumat veriləcək.
ADU-nun Beynəlxalq əlaqələr üzrə prorektoru, dosent Jalə Qəribova və Tərcümə fakültəsinin dekanı, professor Vilayət Hacıyevin iştirak edəcəyi tədbir İnformasiya Resurs Kompleksində təşkil olunacaq.
|
|
23.01.10 Məqaləni oxumaq
|
| |
|
|
|
“NATO-Azərbaycan əməkdaşlığı: vətəndaş cəmiyyətinin baxışları” mövzusunda seminar keçirilib
|
|
Rumıniyanın Azərbaycandakı səfirliyində “NATO-Azərbaycan əməkdaşlığı: vətəndaş cəmiyyətinin baxışları” mövzusunda seminar keçirilib. KƏLAMİNFO xəbər verir ki, seminar Azərbaycan NATO Əməkdaşlığı İnstitutu tərəfindən təşkil olunub.
Tədbirdə çıxış edən Rumıniyanın Azərbaycandakı səfiri Nikolae Ureki bildirib ki, Azərbaycan rəsmilərinin NATO ilə münasibətlərə dair mövqeyi bəllidir və seminarın məqsədi də vətəndaş cəmiyyətinin bu məsələyə mövqeyini aydınlaşdırmaqdır.
Azərbaycan NATO Əməkdaşlığı İnstitutunun prezidenti Fərrux Məmmədov əhalini, vətəndaş cəmiyyətini NATO-nun strukturu, mahiyyəti ilə maarifləndirməyin vacibliyini bildirib. Fərrux Məmmədov qeyd edib ki, institut ABŞ, Kanada, Polşa və Macarıstanın analoji institutları ilə sıx əməkdaşlıq edir.
|
|
23.01.10 Məqaləni oxumaq
|
| |
|
|
|
Piter Semnebi Ermənistanda səfərdədir
|
|
Avropa İttifaqının Cənubi Qafqaz üzrə xüsusi nümayəndəsi Piter Semnebi Ermənistanda səfərdədir. KƏLAMİNFO xəbər verir ki, P.Semnebi artıq Ermənistan müxalifətinin lideri Levon Ter-Petrosyanla görüşüb. Görüşdə Türkiyə-Ermənistan münasibətlərinin normallaşdırılması prosesi və Dağlıq Qarabağ münaqişəsi müzakirə edilib. Bundan başqa, görüşdə Ermənistanda demokratiya ilə bağlı problemlər ətafında fikir mübadiləsi aparılıb. Xüsusi diqqət siyasi məhbus probleminə yönəldilib.
P.Semnebi Ermənistan parlamentinin spikeri Ovik Abramyanla da görüşüb. Görüşdə əsas müzakirə obyekti Türkiyə-Ermənistan məsələsi olub. Spiker bildirib ki, əgər Türkiyə münasibətlərin normallaşdırılması prosesini dayandırsa, Ermənistanda da adekvat addımlar atacaq.
|
|
23.01.10 Məqaləni oxumaq
|
| |
|
|
|
Əli Həsənov: “Azərbaycan, Rusiya və Ermənistan prezidentlərinin yanvarın 25-də Soçidə keçiriləcək görüşünə müəyyən ümidlər var”.
|
|
“Azərbaycan, Rusiya və Ermənistan prezidentlərinin yanvarın 25-də Soçidə keçiriləcək görüşünə müəyyən ümidlər var”. KƏLAMİNFO xəbər verir ki, bu fikirləri Prezident Administrasiyasının İctimai-siyasi şöbəsinin müdiri Əli Həsənov bildirib.
Ə. Həsənov qeyd edib ki, son iki ildə həm Rusiya, həm ABŞ, həm də Fransanın səyləri fəallaşıb. “Həmsədr ölkələrdə müəyyən səylər müşahidə olunur, amma hələlik Ermənistana ciddi təzyiq görünmür. Təzyiq olmadan da Ermənistanı və onun danışıqlarda iştirak edən rəhbərliyini göstərdiyi qeyri-konstruktiv mövqedən çəkindirmək çətindir”,-deyə Ə.Həsənov vurğulayıb.
|
|
22.01.10 Məqaləni oxumaq
|
| |
|
|
|
Novruz Məmmədov: “Ermənistan sağlam düşüncə ilə hərəkət etsə münaqişənin həlli üçün müəyyən zəmin yarana bilər”
|
|
“Ümid etmək lazımdır ki, prezidentlərin bu dəfəki görüşü müəyyən mənada irəli addım atmaq üçün bir zəmin yaradacaq” KƏLAMİNFO xəbər verir ki, bu fikirləri Prezident Administrasiyasının (PA) Beynəlxalq münasibətlər şöbəsinin müdiri Novruz Məmmədov bildirib.
N.Məmmədov qeyd edib ki, növbəti görüşdə Azərbaycan və Ermənistan prezidentləri ilə yanaşı Rusiya prezidenti də iştirak edəcək. “Rusiya prezidentinin görüşdə iştirak etməsini xüsusi qeyd etmək lazımdır. Çünki əvvəllər də Rusiya prezidentinin iştirakı ilə belə görüşlər keçirilib. Lakin Rusiya prezidenti nə qədər səy göstərsə də, konkret bir nəticə əldə etmək mümkün olmayıb. Düşünürəm ki, son proseslərin fövqündə Ermənistan rəhbərliyi ola bilsin ki, müəyyən mənada sağlam düşüncə ilə hərəkət edər və münaqişənin həlli üçün müəyyən addımlar atılmasına şərait yaradar”,-deyə N.Məmmədov prezidentlərin Soçidə keçiriləcək görü ilə bağlı mövqeyini açıqlayıb.
|
|
22.01.10 Məqaləni oxumaq
|
| |
|
|
|
"Azərbaycan xalqına qarşı ağır cinayətlər törədən şəxslər mütləq cəzalarını almalıdır"
|
Qüdrət Həsənquliyevin fikrincə, həmin şəxslərə qiyabi də olsa müvafiq hökmlər çıxarılmalıdır
Məlum olduğu kimi, bu ilin payızında Azərbaycanda növbəti parlament seçkiləri keçiriləcək. Artıq bir sıra siyasi qüvvələr və müstəqil namizədlər seçkilərdə iştirak edəcəklərini bəyan ediblər. Bununla yanaşı, bəzi şəxslər Milli Məclisdəki deputat yerlərinin artırılması təklifi ilə çıxış etməkdədirlər. Bütöv Azərbaycan Xalq Cəbhəsi Partiyasının sədri, millət vəkili Qüdrət Həsənquliyev də bu təklifi dəstəkləyir:
- Hesab edirəm ki, Milli Məclisdə deputat yerlərinin sayının artırılmasına ehtiyac var. Hələ bir müddət öncə bizim partiya Konstitusiyaya əlavələr və dəyişikliklərin edilməsi ilə bağlı təklif vermişdi. Orada da nəzərdə tuturduq ki, parlamentdə deputat yerlərinin sayı ən azı 150-yə çatdırılsın. Eyni zamanda, parlamentdə fraksiya yaratmaq üçün tələb olunan say 25-dən 10-a endirilsin və bu, birbaşa Konstitusiyada öz əksini tapsın. Xatırladım ki, qonşu Gürcüstanın Konstitusiyasında belə bir müddəa mövcuddur...
- Siz necə hesab edirsiniz, ümumiyyətlə, Azərbaycanda yenidən Konstitusiya islahatlarına - özü də yaxın zamanlarda - ehtiyac varmı?
- Bəli, mən bu gün də o fikrimdə qalıram ki, Azərbaycanda növbəti Konstitusiya islahatları həyata keçirilməlidir. Hətta Konstitusiyaya dəyişikliklərlə bağlı referendum keçirilməsə belə, bunu əlavələr yoluyla həyata keçirmək mümkündür. Bu islahatlar da nədən ibarət ola bilər? Məsələn, Azərbaycanda baş nazirin səlahiyyətinin və statusunun müəyyənləşdirilməsi məsələsini həll etmək olar. Bu gün Azərbaycanda faktiki surətdə baş nazirin səlahiyyətlərini müəyyənləşdirən konstitusion norma yoxdur. Onun təyinatı ilə bağlı prosedur qaydalar var, amma baş nazir hansı məsələləri həll edir, bu, dəqiqləşdirilməyib. Hesab edirəm ki, baş nazir hökumətin formalaşdırılmasında yaxından iştirak etməlidir. Bundan başqa, Konstitusiya qanunu yoluyla məhkəmə islahatları da həyata keçirmək mümkündür. Bunun üçün də biz təklif etmişik ki, Məhkəmə-Hüquq Şurasının statusu Konstitusiya yoluyla müəyyən olunsun. Əgər bu şura hakimlərin özünüidarə orqanıdırsa, hakimləri seçib yerləşdirirsə, müstəqil olmalıdır. Bu qurumun üzvlərinin ən azı 2/3-si hakimlərdən ibarət olmalıdır. Digər bir hissəsi - ən azı 50 faizi fəaliyyətdə olan hakimlərdən təşkil edilməlidir.
|
|
22.01.10 Məqaləni oxumaq
|
| |
|
|
|
Sovet lideri Lenin hələ “yaşayacaq”
|
|
Rusiya Prezident Administrasiyasının başçısı Vladimir Kojin bolşevik inqilabının lideri, sovet quruluşunun banisi Vladimir Leninin torpağa tapşırlıması il bağlı planlarının olmadığını açıqlayıb. KƏLAMİNFO Rusiya mətbuatına istinadən xəbər verir ki, V.Kojin Leninin torpağa verilməsi ilə bağlı siyasi rəhbərliyin hər hansı rəsmi planı və niyyətinin olmadığını bildirib. O, yaxın zamanda belə bir planın gündəmdə olmayacağını söyləyib. Leninin mavzoleyinin bağlanması məsləsinə gəlincə, Kojin qeyd edib ki, mavzoleyin bağlanması məsələsi də gündəmdə yoxdur. O, bu məsələinin mətbuatda sürəkli müzakirə mövzusu olduğunu deyib. “Bizim bu məsələyə yanaşmamız çox sadədir: kimsə bu gün Leninin mavzoleyini bağlamaq və Leninin Kremlin önündə basdırılmasını planlaşdırmır”,-deyə Kojin bildirib. O, əlavə edib ki, bu məsələ əxlaqi və siyasi baxımdan günümüzün müzakirə mövzusu deyil.
|
|
22.01.10 Məqaləni oxumaq
|
| |
|
|
|
Səhifələr : # « 2 3 4 5 6 7 8 9 10 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
