|
|
Səhifələr : # « 1 2 3 4 5 6 7 » #
|
|
Sergey Lavrov Hillari Klintonla Dağlıq Qarabağ münaqişəsini müzakirə edib
|
|
Bu gün Londonda baş tutacaq Əfqanıstan konfransı çərçivəsində ATƏT-in Minsk Qrupunun həmsədrləri olan Rusiya və ABŞ xarici işlər nazirlərinin görüşü keçirilib. KƏLAMİNFO xəbər verr ki, görüşdə Hillari Klinton və Sergey Lavrov Dağlıq Qarabağ münaqişəsinin həllini müzakirə ediblər.
Görüşdən sonra jurnalistlərə müsahibə verən S.Lavrov bildirib ki, o, amerikalı həmkarı ilə Dağlıq Qarabağ münaqişəsinin nizama salınması prosesi barədə danışıqlar aparıb.
Rusiyanın baş diplomatı Soçidə Rusiya, Ermənistan və Azərbaycan prezidentlərinin növbəti görüşü barədə də ətraflı məlumat verib.
|
28.01.10 Məqaləni oxumaq
|
| |
|
|
|
Konstitusiya Məhkəməsi Plenumunun növbəti iclası keçirilib
|
|
Konstitusiya Məhkəməsi Plenumunun növbəti iclası keçirilib. Konstitusiya Məhkəməsinin sədri Fərhad Abdullayevin sədrliyi ilə keçən iclasında vətəndaş Teryoxin Vladimir Qriqoryeviçin şikayəti üzrə Ali Məhkəmənin mülki işlər üzrə məhkəmə kollegiyasının 2009-cu il 2 iyun tarixli qərarının AR-nın Konstitusiyasına və qanunlarına uyğunluğunun yoxlanılmasına dair konstitusiya işinə baxılıb. Bu barədə məlumatı KƏLAMİNFO-ya Konstitusiya Məhkəməsindən veriblər.
Konstitusiya Məhkəməsinin Plenumu iş üzrə hakim F.Babayevin məruzəsini, ərizəçinin vəkili M.Mustafayevin, mütəxəssislərin çıxışlarını dinləyib, işin materiallarını araşdırıb müzakirə edərək qərar qəbul edib.
|
|
28.01.10 Məqaləni oxumaq
|
| |
|
|
|
"Bakı şəhərinin təhsil sistemində ciddi irəliləyiş mövcuddur"
|
Nailə Rzaquliyeva: "Ötən il məktəbəqədər təhsil müəssisələrinin maddi-texniki bazasının təkmilləşdirilməsi istiqamətində konkret addımlar atılıb"
Təhsil istənilən cəmiyyətin inkişafında aparıcı rol oynayır ki, bu da bizdən ona xüsusi diqqət ayırmağımızı tələb edir. Müstəqil Azərbaycan Respublikasının rəhbərliyi təhsil sferasına hər zaman diqqətlə yanaşıb. Məhz bu qayğının nəticəsində bir sıra mühüm strukturlar yaradılıb. Onlardan biri də paytaxtda təhsilin inkişafı və yaxşılaşdırılması üçün çalışan Bakı Şəhəri üzrə Təhsil İdarəsidir. Ötən 2009-cu il ərzində idarənin əldə etdiyi uğur və nailiyyətlər barədə əməkdaşlarımıza adıçəkilən strukturun müdiri Nailə Rzaquliyeva müsahibə verib.
- Rəhbərlik etdiyiniz Bakı Şəhəri üzrə Təhsil İdarəsinin 2009-cu ildə seçilən fəaliyyət istiqamətləri hansılar idi?
- Məlum olduğu kimi, Bakı Şəhəri üzrə Təhsil İdarəsi prezident İlham Əliyevin 31 mart 2006-cı il tarixli sərəncamına müvafiq olaraq, Nazirlər Kabinetinin 28 iyul 2006-cı il tarixli 189 saylı qərarı əsasında yaradılıb. İdarəmiz fəaliyyətinin ilk dövründən paytaxtda təhsilin keyfiyyətinin yaxşılaşdırılması, eləcə də demokratik idarəetmənin təkmilləşdirilməsi istiqamətində konkret tədbirlər həyata keçirir. Məhz bunun nəticəsində həm dövlətin, həm də Azərbaycan cəmiyyətinin dəstəyini qazanıb. Təhsil sistemində şagirdlərin bilik səviyyələrinin qiymətləndirilməsində yeni mexanizmin tətbiqi, mərkəzləşdirilmiş buraxılış imtahanlarının keçirilməsi təhsilin ümumi keyfiyyətinə müsbət təsir göstərib və təhsil alanların bilik səviyyələrinin qiymətləndirilməsində subyektivliyin aradan qaldırılmasına səbəb olub.
Bununla yanaşı, ötən il Bakı şəhərinin təhsil müəssisələrində İKT-nin inkişafına xüsusi yer verilib. Məlum olduğu kimi, prezident İlham Əliyevin 10 iyun 2008-ci il tarixli sərəncamı ilə "2008-2012-ci illərdə Azərbaycan Respublikasının təhsil sisteminin informasiyalaşdırılması üzrə Dövlət Proqramı" qəbul edilib. Bu proqram çərçivəsində təhsil sistemində İKT-nin tətbiqi sahəsində müxtəlif layihələr həyata keçirilir.
|
|
28.01.10 Məqaləni oxumaq
|
| |
|
|
|
İşğal altındakı mədəniyyət abidələrilə əlaqədar Faktaraşdırıcı Missiyanın regiona səfər etməsi üçün danışıqlar gedir
|
|
YUNESKO və Avropa Şurasının Faktaraşdırıcı Missiyasının Azərbaycanın işğal altındakı mədəniyyət abidələrilə əlaqədar regiona səfər etməsi üçün danışıqlar gedir. KƏLAMİNFO xəbər verir ki, bu barədə mədəniyyət və turizm naziri Əbülfəs Qarayev jurnalistlərə açıqlamasında bildirib.
Onun sözlərinə görə, artıq bir neçə ildir nəzərdə tutulan bu səfərlərin gecikməsinə Ermənistan tərəfinin göstərdiyi əngəllər səbəb olur. Nazir danşıqların bu gün də davam etdiyini, lakin bu səfərin reallaşması üçün erməni tərəfinin də razılığının olmasını vurğulayıb. “Qarşı tərəfin müxtəlif bəhanələrlə əngəllərinə baxmayaraq, Azərbaycan bu səfərin tərəfdarıdır. Səfərin həyata keçirilməsi üçün bir sıra şərtlər var və biz bu şərtlərə daim riayət edirik”, - deyə Ə.Qarayev söyləyib.
|
|
28.01.10 Məqaləni oxumaq
|
| |
|
|
|
TQDK-da Ağstafada zona müşavirəsi keçirir
|
|
Bu gün Tələbə Qəbulu üzrə Dövlət Komissiyası (TQDK) Ağstafa şəhərində ali məktəblərə qəbul imtahanlarının elmi-statistik təhlilinə həsr olunmuş zona müşavirəsi keçirir. KƏLAMİNFO xəbər verir ki, tədbirdə TQDK sədri Məleykə Abbaszadə 2009/2010-cu tədris ili üçün keçirilmiş qəbul imtahanlarının elmi-statistik təhlilinə dair ətraflı məruzə ilə çıxış edib.
Zona müşavirəsində TQDK-nın əməkdaşları, ekspertləri, eləcə də Ağstafa, Gədəbəy, Qazax, Şəmkir və Tovuz rayonlarının Təhsil Şöbələrinin rəhbərləri, adı çəkilən rayonların qabaqcıl məktəblərinin direktorları və müəllimləri iştirak ediblər.
|
|
28.01.10 Məqaləni oxumaq
|
| |
|
|
|
Azərbaycanda qeydiyyatdan keçən ixtiralar, faydalı modellər, sənaye nümunələri bülleten şəklində çap olunub
|
|
Standartlaşdırma, Metrologiya və Patent üzrə Dövlət Komitəsinin rəsmi orqanı olan “İxtiralar. Faydalı modellər. Sənaye nümunələri” bülleteninin növbəti sayı çap olunub. Bu barədə məlumatı KƏLAMİNFO-ya Standartlaşdırma, Metrologiya və Patent üzrə Dövlət Komitəsindən veriblər.
Bülletendə ötən il Azərbaycanda qeydiyyatdan keçən ixtiralar, faydalı modellər, sənaye nümunələri çap olunub. Bülletendə əsasən torpağın mineral azotla zənginəşdirilməsi üsulu, qan damarlarının funksional vəziyyətinin indikasiyası üsulu, naftalan neftindən naften yağının alınması üsulu, plastik sürtkünün alınması üsulu, neft kəmərinin çöküntülərdən təmizlənməsi üçün tərkib, mayelərdə səsin yayılma sürətinin ölçülməsi üçün qurğuların patent hüquqları öz əksini tapıb.
|
|
28.01.10 Məqaləni oxumaq
|
| |
|
|
|
Ermənistanın müdafiə naziri rüşvətdə ittiham olunub
|
|
Ermənistanın müdafiə naziri Seyran Ohanyan rüşvət almaqda ittiham olunub. KƏLAMİNFO Rusiya mətbuatına istinadən xəbər verir ki, “Aykakan jamanax” qəzeti Ohanyanın İrəvanın mərkəzində bütöv bir binanı satın alması, onun aylıq gəlirinin bir neçə milyon dolları aşmasına dair məlumat yayıb.
Bu gün Ermənistanın Müdafiə Nazirliyi məsələ ilə bağlı təkzib verib. Təkzibdə Müdafiə Nazirliyi bu xəbərin yalan olduğunu bəyan edib. “S.Ohanyanın fəaliyyəti həmişə şəffaf və cəmiyyət üçün açıq olub”, - deyə Müdafiə Nazirliyinin mətbuat xidmətinin bəyanatında bildirilib. Müdafiə Nazirliyi hesab edir ki, bu xəbərin müəllifləri müdafiə nazirinin şəxsən nəzarətə götürdüyü tender prosesində maraqları pozulmuş təşkilatlar və şəxslər arasındadır.
|
|
28.01.10 Məqaləni oxumaq
|
| |
|
|
|
Milli Məclis Aparatının şöbə müdiri Cenevrədə səfərdədir
|
|
Milli Məclis Aparatının Dövlət quruculuğu üzrə qanunvericilik şöbəsinin müdiri Lətif Hüseynov BMT-nin İnsan Hüquqları Şurasının Məsləhətçi Komitəsinin növbəti sessiyasında iştirak etmək üçün İsveçrənin Cenevrə şəhərində səfərdədir. KƏLAMİNFO xəbər verir ki, sessiyada L.Hüseynovun “İtkin düşmüş şəxslər” məsələsi üzrə hazırladığı ilkin məruzənin təqdimatı olub.
Məruzənin müzakirəsində dövlətlərin, beynəlxalq təşkilatların və qeyri-hökumət təşkilatlarının nümayəndələri iştirak ediblər. Məruzədə silahlı münaqişələr zamanı insanların itkin düşməsinin qarşısının alınması, itkin düşmüş şəxslərin və onların ailə üzvlərinin hüquqlarının qorunması, münaqişələr zamanı bir-birindən ayrı düşmüş ailə üzvləri arasında əlaqələrin bərpa edilməsi, itkin düşmüş şəxslərin taleyini müəyyənləşdirmək və digər məsələlər araşdırılıb.
Daha sonra məruzə BMT-nin İnsan Hüquqları Şurasına təqdim ediləcək.
Qeyd edək ki, L.Hüseynov BMT-nin İnsan Hüquqları Şurasının Məsləhətçi Komitəsinə 2008-ci ildə seçilib. O, komitənin 18 ekspertindən biridir.
|
|
28.01.10 Məqaləni oxumaq
|
| |
|
|
|
"Seçkilərə təkbaşına qatılacağıq"
|
Fazil Mustafa: "Bloklarda fəaliyyət göstərmək potensialımızı məhdudlaşdırır"
Məlum olduğu kimi, qarşıdan növbəti parlament seçkiləri gəlir. Bu baxımdan 2010-cu il ölkədə fəaliyyət göstərən siyasi partiyalar üçün mühüm illərdən biri hesab olunur. Artıq bir sıra siyasi partiyalar seçkilərdə hansı formada iştirak edəcəklərini dəqiqləşdirməyə başlayıblar. Böyük Quruluş Partiyasının (BQP) sədri, millət vəkili Fazil Mustafa isə hesab edir ki, seçkilərdə hansı formada iştirak əslində taktiki məsələdir.
- Fazil müəllim, bilmək istərdik ki, partiyanız seçkilərə hazırlığa qeyri-rəsmi olsa da, start veribmi? Eyni zamanda, BQP bu seçkilərə təkbaşına, yoxsa blok şəklində gedəcək?
- Əvvəla, seçkilərə hansı formada qatılmaq sırf taktiki məsələdir. İndidən seçkilərə bloklarla qatılmaq və yaxud ayrı formada iştirak məsələsi gündəmimizdə durmur. Bu, sadəcə, proseslərin gedişatında bəlli olacaq ki, partiyanın namizədlər potensialı, arsenalı nədən ibarətdir. Biz hər halda seçkilərdə təkbaşına iştirak etməyə daha çox meyilliyik və buna hazırlaşırıq...
- Seçkilərə təkbaşına getməyə bəs nə üçün bu qədər meyillisiniz?
- Seçkilərə təkbaşına qatılmağın üstünlüyü odur ki, biri var bloku tanıdasan, bir də var öz partiyanı tanıdasan. Ona görə partiyanın tanıtımı baxımından seçki prosesinə təkbaşına qatılmasını vacib sayırıq. Qeyd edim ki, istər sonuncu prezident seçkiləri, istərsə də bələdiyyə seçkiləri olsun, biz hər ikisinə təkbaşına qatıldıq və bu seçkilərdə partiyamızın təbliğatını xeyli qura bildik, bunun nəticəsində səs potensialımızı artırmağa nail olduq. İndi növbəti parlament seçkilərində də bu məqsədə nail olmağı əsas götürürük. Bu baxımdan çox güman ki, seçkilərə təkbaşına qatılacağıq.
|
|
28.01.10 Məqaləni oxumaq
|
| |
|
|
|
Los-Ancelesin Kaliforniya Universitetində “Azadlığa aparan yol və Qanlı Yanvar” mövzusunda seminar təşkil edilib
|
|
Los-Ancelesin Kaliforniya Universitetində (UCLA) Yaxın Şərq Araşdırmaları Mərkəzinin dəstəyi ilə 1990-cı ilin yanvar faciəsinə həsr olunmuş “Azadlığa aparan yol və Qanlı Yanvar” mövzusunda seminar təşkil edilib. Azərbaycanın ABŞ-ın Los-Ancelesdəki Baş konsulluğundan KƏLAMİNFO-ya verilən məlumata görə, seminarda Azərbaycanın Los-Ancelesdəki baş konsulu Elin Süleymanov məruzə ilə çıxış edib. Diplomat faciə ilə nəticələnən qanlı Yanvar hadisələrinin tarixinə toxunub, o vaxtkı Kreml rəhbərliyinin Azərbaycana qarşı sərt mövqeyi barədə məlumat verib. 20 Yanvar hadisələrinin ölkəmizin müstəqilliyinin təməlinin qoyulmasında mühüm rol oynadığını bildirən baş konsul, keçmiş SSRİ rəhbərliyinin Azərbaycana və digər respublikalara qarşı tətbiq etdiyi zorakılıq siyasətinin sonda Moskvaya qarşı çevrildiyini və imperiyanın süqutuna səbəb olduğunu vurğulayıb.
Diplomat 20 yanvar hadisələrindən sonra ağır məqamda Azərbaycana xalqımızın ümummilli lideri Heydər Əliyevin dəstəyinin böyük rol oynadığını xüsusi qeyd edib.
|
|
27.01.10 Məqaləni oxumaq
|
| |
|
|
|
Səhifələr : # « 1 2 3 4 5 6 7 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
