|
|
Səhifələr : # « 10 11 12 13 14 15 16 17 18 » #
|
|
Dövlət İqtisad Universitetinin 80 illiyi qeyd olunacaq
|
|
Bu il Azərbaycan Dövlət İqtisad Universitetinin (ADİİU) 80 illiyi təntənəli şəkildə qeyd olunacaq. KƏLAMİNFO xəbər verir ki, bu barədə məlumatı universitetin rektoru, millət vəkili Şəmsəddin Hacıyev verib.
Ş.Hacıyev bildirib ki, universitetin çoxminli professor-müəllim və tələbə heyəti bu şanlı hadisəni yeni böyük uğurlarla qarşılamağa hazırlaşır. Onun sözlərinə görə, bu məqsədlə bir sıra tədbirlərin keçirilməsi nəzərdə tutulub.
|
08.01.10 Məqaləni oxumaq
|
| |
|
|
|
Sumqayıtda “20 Yanvar” faciəsinin 20-ci ildönümü ilə bağlı bir sıra tədbirlər keçiriləcək
|
|
Sumqayıt şəhərində “20 Yanvar” faciəsinin 20-ci ildönümü ilə bağlı bir sıra tədbirlər həyata keçiriləcək. Bu barədə məlumatı KƏLAMİNFO-ya Sumqayıt şəhər İcra Hakimiyyətindən veriblər.
Belə ki, 18-20 yanvar 2010-cu il tarixlərində şəhərin Tarix Muzeyində faciə ilə bağlı sərgi, şəhər kitabxanalarında Dəyirmi masalar, oxucu konfransları, tematik guşələr, şəhərin ümumtəhsil, orta ixtisas və ali təhsil ocaqlarında müvafiq tədbirlər təşkil ediləcək. Ümumilikdə isə 20 yanvar tarixində şəhər rəhbərliyi tərəfindən şəhərdə yerləşən “20 Yanvar” abidəsi və “Şəhidlər Xiyabanı”nı, daha sonra Ceyranbatan ərazisində, Bakı-Quba yolunda yerləşən faciədə şəhid olan Sumqayıt alimlərinin xatirə abidəsi ziyarət ediləcək.
|
|
08.01.10 Məqaləni oxumaq
|
| |
|
|
|
Bakının “20 Yanvar” meydanında inşa olunan memorial kompleksin açılış mərasimi keçiriləcək
|
|
Bakıda yanvar faciəsinin növbəti ildönümü ərəfəsində “20 Yanvar” meydanında faciə qurbanlarının xatirəsinə həsr olunmuş memorial kompleks açılacaq. KƏLAMİNFO xəbər verir ki, artıq kompleksdə son tamamlama işləri aparılır.
Kompleksdə faciəni əks etdirən abidə də ucaldılıb.
Qeyd edək ki, 1990-cı ilin yanvar ayının 19-dan 20-ə keçən gecə ən dəhşətli hadisələr məhz Bakının Yasamal rayonunda baş verib. Burada onlarla dinc əhali qətlə yetirilib.
Xatırladaq ki, 1990-cı ilin yanvar ayının 19-dan 20-ə keçən gecə Bakı şəhərində əhali nümayişinin qovulması məqsədilə sovet qoşunları daxil edilib və nəticədə 130-dan artıq dinc əhali vəhşicəsinə qətlə yetirilib.
|
|
08.01.10 Məqaləni oxumaq
|
| |
|
|
|
Naxçıvan MR-ın Bakı nümayəndəliyi Bənəniyar hadisələri ilə bağlı məlumat yayıb
|
|
Naxçıvan Muxtar Respublikasının (MR) Bakıdakı nümayəndəliyi Bənəniyar hadisələri ilə bağlı məlumat yayıb. Muxtar Respublikanın Bakı nümayəndəliyindən KƏLAMİNFO-ya verilən məlumata görə, ötən il dekabr ayının 28-də Culfa rayonunun Bənəniyar kəndində həyatına sui-qəsd etməyə cəhd göstərən şəxs Culfa rayonunun Bənəniyar kənd sakini, 1974-cü il təvəllüdlü Əliyev Yunis Kamal oğlu Naxçıvan MR-in Psixi Xəstəliklər Dispanserində qeydiyyatda olub və müalicə alıb. Bu ailənin digər üzvləri – anası Əliyeva Şərəbanı Qardaşxan qızı, dayıları Quliyev Vasif Qardaşxan oğlu və Quliyev Yusif Qardaşxan oğlu da həmin dispanserdə qeydiyyatda olub, müalicə alıb və həkim nəzarətində saxlanılıblar.
|
|
08.01.10 Məqaləni oxumaq
|
| |
|
|
|
Azərbaycan tamaşası "Fəcr" Beynəlxalq Festivalında nümayiş olunacaq
|
|
Azərbaycan Dövlət Musiqili Komediya Teatrı İranda keçirilən 27-ci "Fəcr" Beynəlxalq Festivalına dəvət olunub. Bu barədə məlumatı KƏLAMİNFO-ya teatrdan verilblər.
Yanvarın 22-23-də teatrın kollektivi Tehranın böyük teatrlarından biri olan "Talari Vəhdəd" səhnəsində "Məşədi İbad" tamaşası ilə çıxış edəcək. Teatr öncədən bu tamaşa ilə bağlı olan video və foto materialları festivala təqdim edib.
Tamaşada baş rolları xalq artisti Afaq Bəşirqızı, əməkdar artist Ramiz Məmmədov, Ramil Qasımov, Nadir Xasıyev, Nərgiz Kərimova və başqaları ifa edirlər.
|
|
08.01.10 Məqaləni oxumaq
|
| |
|
|
|
ANAMA dekabr ayında 3,582,751 kv/m ərazini mina və PHS-dən təmizləyib
|
|
Azərbaycan Ərazilərinin Minalardan Təmizlənməsi üzrə Milli Agentlik (ANAMA) tərəfindən 2009-cu ilin dekabr ayı ərzində 3,582,751 kv/m ərazi yoxlanılaraq mina və partlamamış hərbi sursatdan (PHS) təmizlənib. Ümumilikdə ay ərzində 45,524 PHS və mina aşkar edilərək zərərsizləşdirilib. Bu barədə məlumatı KƏLAMİNFO-ya ANAMA-nın mətbuat xidmətindən veriblər.
Əməliyyatlarda 425 nəfər mütəxəssis və 115 nəfər yardımçı heyət iştirak edib. Həmçinin əməliyyatlarda 6 mexaniki minatəmizləmə maşını və 30 minaaxtaran it iştirak edib. İndiyədək cəmi 121,903,509 kv/m ərazi təmizlənib. Tapılıb zərərsizləşdirilmiş mina və PHS-lərin sayı isə 576,311-dir. Agentlik tərəfindən təmizləmə əməliyyatları Tərtər, Ağdam, Füzuli, Tovuz, Ağstafa, Göygöl rayonlarında və Bakı şəhəri, Qaradağ rayonu ərazisində aparılır.
|
|
08.01.10 Məqaləni oxumaq
|
| |
|
|
|
Akademik Ramiz Mehdiyevin məqaləsi ilə bağlı vəzifələr və poroblemlərə həsr olunan tədbir keçirildi
|
|
Bu gün Azərbayacan Milli Elmlər Akademiyası (AMEA) Fəlsəfə, Sosiologiya və Hüquq İnstitunda tədbir keçirilib. KƏLAMİNFO xəbər verir ki, institunun direktoru, professor İlham Məmədzadə bildirib ki, tədbir Prezident Administrasiyasının rəhbəri, akademik Ramiz Mehdiyevin “İctimai və humanitar elmlər: zaman kontekstində baxışвЂќ məqaləsi ilə bağlı vəzifələr və poroblemlərə həsr olunub.
Azərbaycançılıq idelogiyasının inkişaf etdirilməsi və bu istiqamətdəki problemlərdən bəhs edən İ.Məmmədzadə qeyd edib ki, bununla bağlı çoxsaylı yazılar olmasına baxmayaraq, hələlik milli ideologiyada modernləşmə həddi bir qədər ləng gedir. İdeologiyanın fəlsəfi tərəfində əsasən ümumiliyin üstünlük təşkil etdiyini vurğulayan İ.Məmmədzadə ümilikdən konkretlik və reallığa doğru addımlamağın zəruri olduğunu söyləyib. O, bu işlərdə institutun şöbə müdirlərinin də üzərinə böyük məsuliyyət düşdüyünü diqqətə çatdırıb.
|
|
08.01.10 Məqaləni oxumaq
|
| |
|
|
|
İslam avtomobili yaradılacaq
|
|
Türkiyə və İran birgə İslam avtomobili yaradacaqlar. KƏLAMİNFO-nun “Sabah” qəzetinə istinadən verdiyi məlumata görə, avtomobilin hazırlanmasına görə İran və Türkiyə nazirləri görüşəcəklər. İranın sənaye və mədən naziri Əli Əkbər Mehrabian və Türkiyənin sənaye və ticarət naziri Nihat Ergünün bu gün masaya oturaraq işi son mərhələyə gətirmələri gözlənilir. Qəzetin məlumatına görə, razılaşmaya əsasən istehsal Türkiyədə həyata keçiriləcək. İllərdir gündəmdə olan və bir çox İslam ölkəsinin daxil olacağı ifadə edilən ortaq avtomobil layihəsinin baş tutması üçün bütün tədbirlər görülür. "Güclərimizi birləşdirsək, dünyanın ən yaxşı nəqliyyat vasitəsini yarada bilərik. Məqsədimiz, insanların İslami qürurlarını qabartmaqdır", - deyə İranlı nazir vurğulayıb. Onun sözlərinə görə, avtomobilin hazırlanması layihəsi gələn ilə qədər tamamlanacaq.
Qeyd edək ki, hazırda Samand markası ilə istehsal edilən avtomobillər Türkiyədə də satılır. Samandın Türkiyə distributoru olan MYS Otomotivin baş direktoru Yiğit Seskır uzun müddətdir belə layihə üzərində çalışdıqlarını və avtomobili Türkiyədə istehsal edəcəklərini söyləyib.
|
|
07.01.10 Məqaləni oxumaq
|
| |
|
|
|
Respondentlərin yalnız 35% pensiyaların məcburi dövlət sosial sığorta haqlarının miqdarından asılı olduğunu deyib
|
|
Dövlət Sosial Müdafiə Fondunun (DSMF) internet saytında əhalinin sığorta-pensiya islahatları barədə nə dərəcədə məlumatlı olmasını öyrənmək və vətəndaşların daha az informasiyaya malik olduğu sahələr istiqamətində təbliğat işlərini gücləndirmək məqsədi ilə keçirilən növbəti interaktiv sorğu yekunlaşıb. Bu barədə məlumatı KƏLAMİNFO-ya DSMF-nin İctimaiyyətlə əlaqələr sektorundan veriblər.
Sorğu zamanı respondentlərə “Fərdi uçot sisteminin tətbiqindən sonra pensiyanızın miqdarının ödənilmiş məcburi dövlət sosial sığorta haqlarının miqdarından asılı olduğunu bilirsinizmi” sualı ünvanlanıb. Sorğunun nəticələrinə əsasən, respondentlərin 33,6%-i bu suala “xeyr”, 31,5%-i isə “bu barədə məlumatım yoxdur” cavabını veriblər. Sorğuya qatılanların 34,9% isə fərdi uçot sisteminin tətbiqindən sonra pensiyanın miqdarının ödənilmiş məcburi dövlət sosial sığorta haqlarının miqdarından asılı olduğunu bildiyini vurğulayıb.
Sorğunun nəticələri göstərir ki, respondentlərin ümumilikdə 65,1% pensiyanın miqdarının ödənilmiş məcburi dövlət sosial sığorta haqlarının miqdarından asılı olduğundan məlumatsızdır.
|
|
07.01.10 Məqaləni oxumaq
|
| |
|
|
|
TQDK-nın Şəki Regional Bölməsində elmi-metodiki seminarlar keçiriləcək
|
|
Yanvarın 9-10-da Tələbə Qəbulu üzrə Dövlət Komissiyasının (TQDK) Şəki Regional Bölməsində Azərbaycan dili, ədəbiyyat, riyaziyyat, tarix və fizika fənləri üzrə elmi-metodiki seminarlar keçiriləcək. Bu barədə məlumatı KƏLAMİNFO-ya TQDK-nın mətbuat xidmətindən veriblər.
Seminarlarda xüsusi internet proqramlarının təbiqi ilə iclas salonundan TQDK-nın inzibati binası ilə canlı videobağlantı qurulacaq və müzakirələrə Komissiyanın rəhbərliyi də qoşulacaq.
Tədbir iştirakçıları TQDK rəhbərliyinə qəbul imtahanlarının təşkili, imtahanda istifadə edilən test tapşırıqları, qəbul proqramları barədə fikirlərini, rəy və təkliflərini bildirəcək, onlar üçün maraq doğuran məsələlərə dair suallar ünvanlayacaqlar.
Qeyd edək ki, TQDK-nın Şəki Regional Bölməsində keçiriləcək seminarların qrafiki, gündəliyi komissiyanın rəsmi internet saytında yerləşdirilib.
|
|
07.01.10 Məqaləni oxumaq
|
| |
|
|
|
Səhifələr : # « 10 11 12 13 14 15 16 17 18 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
