|
|
Səhifələr : # « 11 12 13 14 15 16 17 18 19 » #
|
|
Allahşükür Paşazadə Misirdə keçiriləcək beynəlxalq konfransa dəvət alıb
|
|
Cari ilin 22-25 fevral tarixlərində Misir Ərəb Respublikasının paytaxtı Qahirə şəhərində bu ölkənin İslam İşləri üzrə Ali Şurası və Vəqflər Nazirliyi tərəfindən “İslam şəriətinin məqsədləri və müasir dövrün problemləri” mövzusunda beynəlxalq konfrans keçiriləcək. Konfransda iştirak etmək üçün Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadə və sədr müavini müfti Salman Musayev tədbirə dəvət alıblar. Bu barədə məlumatı KƏLAMİNFO-ya QMİ-nin Xarici əlaqələr şöbəsinin müdüri Müqəddəs Payızov verib.
M.Payızovun sözlərinə görə, “İslam şəriətinin məqdsədləri və müasir dövrün problemləri” mövzusunda beynəlxalq konfransda 7 mövzu üzrə mövcud olan problemlərin həlli məsələləri müzakirə oluncaq. O, konfransda əsasən İslamda nəfsin qorunması, dini ehkamlar, dini qaydalar, beynəlxalq hüquq və insan haqları ilə şəriət, insan orqanlarının köçürülməsi və şəriət, İslam aləminin ailə problemi və.s kimi məsələlərin müzakirə olunacağını bildirib. Konfransda bütün İslam ölkələrindən ali din xadimləri iştirak edəcəklər.
|
07.01.10 Məqaləni oxumaq
|
| |
|
|
|
Cənubi Qafqaz regionuna gözlənilməyən tərəflərin marağı yaranıb
|
|
Cənubi Qafqazda gedən siyasi proseslər son aylar xüsusilə mürəkkəbləşib. Regiona gözlənilməyən tərəflərin də marağı yaranıb. KƏLAMİNFO xəbər veir ki, bu sözləri politoloq Mübariz Əhmədoğlu bu gün keçirdiyi mətbuat konfransında söyləyib.
Onun sözlərinə görə, regiona müxtəlif maraqların cəlb olunmasında aparıcı rol əsasən Ermənistana məxsusdur. M.Əhmədoğlu bildirib ki, Ermənistan 2009-cu ildə Cənubi Qafqazda gedən prosesi özünə zidd hesab edir və buna görə də əlavə ölkələrdən regiona “maraq kokteyl”i yaradır.
|
|
06.01.10 Məqaləni oxumaq
|
| |
|
|
|
|
|
"Hücumçu diplomatiya siyasəti əlverişli nəticələr verməkdədir"
|
Ziyafət Əsgərov: "Azərbaycan iqtisadi sahədə əldə etdiyi uğurlarla Ermənistanı sülhə məcbur edir"
Artıq 2009-cu il arxada qaldı. İndi hamı köhnə ilə yekun vurub yeni illə bağlı gözləntilərini dilə gətirir. Milli Məclis sədrinin birinci müavini Ziyafət Əsgərov da geridə qalan 2009-cu ilin Azərbaycan üçün uğurlu keçdiyi qənaətindədir.
- Ziyafət müəllim, 2009-cu ildə baş vermiş mühüm hadisələr sırasından hansıları qeyd edərdiniz?
- Əlbəttə, ötən il prezident İlham Əliyevin rəhbərliyi ilə siyasi və iqtisadi sahədə mühüm nailiyyətlərin əldə olunması ilə yadda qalıb. Azərbaycan ümummilli liderimiz Heydər Əliyevin müəyyənləşdirdiyi yolla inkişaf edir. Hər bir xalqın inkişafının əsas şərtlərindən biri strateyi yolun dəqiq müəyyən edilməsidir. Azərbaycanın inkişaf strategiyası ümummilli liderimiz tərəfindən çox dəqiq müəyyən edilib və bu gün möhtərəm prezident İlham Əliyevin rəhbərliyi ilə ölkəmizdə quruculuq işləri həyata keçirilməkdədir. Yalnız 2009-cu ilin hadisələrinə nəzər salsaq, əldə olunmuş uğurların miqyasını aydın şəkildə görə bilərik. Bəli, bu uğurlar əvvəlki illərdə əsası qoyulmuş siyasi-iqtisadi islahatların məntiqi nəticəsidir. Heç də təsadüfi deyil ki, Azərbaycan islahatlar aparılması baxımından dünyada ən öncül yerlərdən birini tutur və beynəlxalq təşkilatlar Azərbaycanı ən islahatçı ölkə hesab edirlər. 2009-cu ilin mühüm nailiyyətlərindən danışmazdan öncə biz 2008-ci ilin yekunlarına diqqət yetirək. 2008-ci ildə prezident İlham Əliyev xalqımızın böyük dəstəyi ilə yenidən prezident seçildi. Cənab prezident növbəti illərdə görəcəyi işlər haqqında hələ seçki kampaniyası çərçivəsində bəyan etmişdi. 2009-cu ildə də bu işlərin bir qismi artıq tamamlandı.
|
|
06.01.10 Məqaləni oxumaq
|
| |
|
|
|
Azərbaycana "A H1N1" virusuna qarşı vaksinlər yanvarın 7-də gətiriləcək
|
|
Azərbaycana "A H1N1" virusuna qarşı vaksinlər yanvarın 7-da gətiriləcək. KƏLAMİNFO xəbər verir ki, bu barədə məlumatı Respublika Taun Əleyhinə Stansiyanın direktor müavini Şair Qurbanov verib. Ş.Qurbanov bildirib ki, vaksinlər ölkəyə əvvəlcədən müəyyən olunmuş miqdarda, yəni 170 min doza həcmində gətiriləcək. “Bu da əhalinin təqribən 2 faizi üçün nəzərdə tutulub. Peyvəndlərin ilk partiyası əhalinin risk qrupuna aid olan təbəqəsinə, əsasən tibb işçilərinə, gömrük-sərhəd xidmətinin əməkdaşlarına, bronxial xəstələrə və hamilə qadınlara vurulacaq”, - deyən Ş.Qurbanov qeyd edib ki, Azərbaycanda xəstəliklə bağlı vəziyyət hələlik stabil olduğu üçün vaksinlərin göndərilməsində bir az ləngimələr yaranıb.
|
|
06.01.10 Məqaləni oxumaq
|
| |
|
|
|
Türkiyə perspektivdəki siyasətində diplomatik gücdən istifadə edəcək
|
|
Türkiyənin xarici işlər naziri Əhməd Davudoğlu xaricdə və ölkədəki 200-dən artıq diplomatı bir araya toplayıb. KƏLAMİNFO xəbər verir ki, beş günlük toplantıda Türkiyə hökumətinin xarici siyasəti müəyyənləşdiriləcək.
Konfransda çıxış edən Ə.Davudoğlu Türkiyənin hərbi deyil, diplomatik gücdən istifadə etməsinin zəruri olduğunu diqqətə çatdırıb. “Ətrafımızdakı hər təhlükəsizlik riskini yalnız güclü ordumuzla deyil, diplomatik qabiliyyətimiz, yumşaq və sərt gücümüzlə istifadə etməliyik”, - deyən Ə.Davudoğlu perspektivdəki xarici siyasətlərini açıqlayıb.
Qeyd edək ki, beş gün davam edəcək konfransın ardından Ə.Davutoğlu səfirlərlə birlikdə Mardin, Rizə, Muğla və Ədirnə şəhərlərinə gedəcək.
|
|
06.01.10 Məqaləni oxumaq
|
| |
|
|
|
"Kitabi Dədə Qorqud" eposu macar dilinə tərcümə olunub
|
|
"Kitabi Dədə Qorqud" xalq eposu və "Koroğlu" dastanı macar dilinə tərcümə olunub. Bu barədə məlumat KƏLAMİNFO-ya Bakı şəhər Mədəniyyət və Turizm İdarəsinin mətbuat xidmətindən veriblər.
Bu kitablar Azərbaycan Milli Elmlər Akademiyasının Folklor İnstitutu ilə Budapeştdə yerləşən Avropa Folklor İnstitutunun elmi əməkdaşlığı nəticəsində və Azərbaycanın Macarıstandakı səfirliyinin dəstəyi ilə nəşr olunub. Qeydlərin, şərhlər və izahların daxil edildiyi kitabda həmçinin qədim Azərbaycan-türk sözlərinin mənaları da yer alıb. Böyük tirajla buraxılan hər iki kitabın gələcəkdə başqa Avropa dillərinə tərcümə edilməsi də nəzərdə tutulub.
|
|
06.01.10 Məqaləni oxumaq
|
| |
|
|
|
Azərbaycan Türkiyənin əsas müttəfiqidir
|
|
Ankarada yerləşən Beynəlxalq Strateji Araşdırmalar Təşkilatı (USAK) əhali arasında “Türkiyənin xarici siyasətində istiqamət dəyişikliyi və qonşularla əlaqələr anlayışı” adlı sorğu keçirib. Sorğu Ankara, İstanbul, Adana və Trabzon şəhərlərində 2000 nəfər arasında aparılıb. KƏLAMİNFO “Todayszaman” internet səhifəsinə istinadən xəbər verir ki, sorğuda iştirak edənlərin 19,5 faizinin fikrincə, Azərbaycan Türkiyənin əsas müttəfiqidir.
Digər yerləri isə 13 faizlə Bosniya və Hersoqovina və 12,5 faiz səslə ABŞ tutur.
|
|
06.01.10 Məqaləni oxumaq
|
| |
|
|
|
TQDK-da növbəti elmi-metodiki seminar keçirilib
|
|
Bu gün Tələbə Qəbulu üzrə Dövlət Komissiyasında (TQDK) kimya fənni üzrə növbəti elmi-metodiki seminar keçirilib. Bu barədə məlumatı KƏLAMİNFO-ya TQDK-nın mərbuat xidmətindən veriblər.
Seminarda yeni tipli test tapşırıqlarının müzakirəsi aparılıb. Təqdim olunmuş test tapşırıqlarının hər biri qəbul proqramına və orta məktəb dərsliklərinə uyğunluq baxımından məzmuna, mürəkkəblik dərəcələri və qabiliyyət göstəricilərinə görə; məntiqi düşüncəyə, nəzəri biliklərin tətbiqinə əsaslanan, kimyəvi proses və hadisələrin mahiyyətinin açılmasına yönəlmiş olması baxımından təhlil edilib. Müzakirələr nəticəsində qəbul olunmuş test tapşırıqlarının analoqlarının hazırlanıb test bankına verilməsi qərara alınıb. Növbəti seminar iclasında test tərtibi metodikası ilə bağlı müzakirələr aparılacaq.
|
|
06.01.10 Məqaləni oxumaq
|
| |
|
|
|
Azərbaycanın uşaq və gənclərin sülh şəbəkəsinin üzvləri Heydər Əliyev Fondunda olublar
|
|
Bu gün Azərbaycanın uşaq və gənclərin sülh şəbəkəsinin üzvləri Heydər Əliyev Fondunda olublar. KƏLAMİNFO xəbər verir ki, qonaqlara Fondun tarixi və fəaliyyəti barədə məlumat verilib.
Bildirilib ki, əsas məqsədi ulu öndərin zəngin irsinin öyrənilməsi və təbliği olan Fond yarandığı gündən səhiyyə, təhsil, mədəniyyət və digər sahələrdə bir sıra layihələr həyata keçirib. Fond, həmçinin uşaq və gənclərin sağlam, milli mənəvi dəyərlərə sadiq, hərtərəfli biliklərə malik vətəndaş kimi yetişdirilməsi işinə xidmət edir. Qonaqlar ümummilli liderin şəxsi arxivindən götürülmüş eksponatlara, təhsil ocaqlarında fərqləndiyini əks etdirən diplomlara, təltif olunduğu müxtəlif orden və medallara baxıblar.
|
|
05.01.10 Məqaləni oxumaq
|
| |
|
|
|
Səhifələr : # « 11 12 13 14 15 16 17 18 19 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
