Kelam Jurnalı - Məqələlər

Tələbə Qəbulu üzrə Dövlət Komissiyası (TQDK) Ağstafa şəhərində fənlər üzrə elmi-metodiki seminarlara start verir. Bu barədə məlumatı KƏLAMİNFO-ya TQDK-nın mətbuat xidmətindən veriblər. Plan üzrə seminarlar Riyaziyyat və Tarix fənnləri üzrə keçiriləcək. Hər iki seminar yanvarın 26-da saat 11:00-da Ağstafa şəhərindəki Heydər Əliyev Mərkəzində keçiriləcək. TQDK-nın sektor müdüri Afiqə Batıyevanın rəhbərlik etdiyi elmi-metodiki seminarlara Ağstafa ilə birlikdə Qazax və Tovuz rayonunun müəllim və mütəxəssisləri də cəlb olunacaq. İclaslarda hər iki fənn üzrə ayrı-ayrı ixtisas qruplarında istifadə edilmiş test tapşırıqlarının elmi-metodiki baxımdan təhlili haqqında müzakirələr aparılacaq.

22.01.10

Məqaləni oxumaq

İndiyədək ölkədə A(H1N1) virusuna qarşı 4142 nəfər peyvənd olunub

Cari ilin 20 yanvar tarixinə qədər ölkə ərazisində yeni gətirilmiş vaksinlərlə A(H1N1) virusuna qarşı 4142 nəfər peyvənd olunub. Bu barədə məlumatı KƏLAMİNFO-ya Respublika Gigiyena və Epidemologiya Mərkəzinin direktoru Emin Babayev verib. O, qeyd edib ki, vaksinlər ölkəyə gətirildiyi zamandan peyvəndləmə Bakıda, Sumqayıtda və Abşeronda həkimlər, hamilə qadınlar və ağciyərin xroniki xəstəlikləri olan insanlar arasında aparılıb. Yalnız dünən Milli Matəm günü ilə əlaqədar peyvəndləmə aparılmadığını deyən E.Babayev bu gundən prosesin davam etdiriləcəyini və gələn həftədən respublikanın bölgələrində də peyvəndləmənin başlanacağını bildirib. вЂњGətirilən vaksinlərin miqdarına görə növbəti 3 həftədə ölkədə virus əlehinə peyvənd aparılacaq və davam etdirilməsi üçün də əlavə vaksinlərin gətirilməsini gözləyirikвЂќ,-deyə, Mərkəz direktoru vurğulayıb.

22.01.10

Məqaləni oxumaq

Bakıda rəssamlar üçün müsabiqə elan olunub

Bakıda rəssamlar üçün вЂњ20 YanvarвЂќ faciəsinə həsr edilmiş müsabiqə elan olunub. Müsabiqə Mədəniyyət və Turizm Nazirliyi və Rəssamlar İttifaqı tərəfindən keçiriləcək. Bu barədə məlumatı KƏLAMİNFO-ya Rəssamlar İttifaqından veriblər. Müsabiqənin şərtləri yaxın vaxtlarda İttifaq tərəfindən elan ediləcək, nəticələri isə 2011-ci ilin 20 yanvarında məlum olacaq.

22.01.10

Məqaləni oxumaq

Prezident İlham Əliyev Respublika Klinik Uroloji xəstəxananın əsaslı təmirdən sonra açılışında iştirak edib

Bu gün Bakıda Respublika Klinik Uroloji xəstəxanasının əsaslı təmirdən sonra açılışı olub. KƏLAMİNFO xəbər verir ki, prezident İlham Əliyev və xanımı Mehriban Əliyeva mərasimdə iştirak ediblər. Prezident İlham Əliyev və xanımı səhiyyə müəssisəsində yaradılan şəraitlə tanış olublar. Tədbirdə bildirilib ki, ümumi sahəsi 7,6 min kvm olan xəstəxanada 167 otaq, o cümlədən 47 palata, 7 əməliyyat otağından ibarət iki əməliyyat bloku, mətbəx əsaslı təmir edilib. Açılışda həmçinin qeyd edilib ki, 120 çarpayılıq klinikada uroloji və nefroloji xəstələrə yüksək səviyyədə tibbi yardım göstərmək imkanı olan uroloji, hemodializ, böyrəkköçürmə, reanimasiya və anesteziologiya, şüa diaqnostikası, immunoloji laboratoriya və digər şöbələr var. Dövlət başçısı xəstəxananın əsaslı təmirdən sonra istifadəyə verilməsi münasibətilə kollektivi təbrik edərək, tövsiyə və tapşırıqlarını verib. Qeyd edək ki, Respublika Klinik Uroloji xəstəxanası keçmiş Sovet İttifaqında ilk ixtisaslaşmış uroloji klinikalardan biri olmaqla, 1966-cı ildə akademik Mirməmməd Cavadzadənin rəhbərliyi ilə yaradılıb. Xəstəxanada 1969-cu ildə hemodializ və süni böyrək laboratoriyası açılıb, 1971-ci ildə Cənubi Qafqazda və Yaxın Şərqdə ilk dəfə uğurlu böyrəkköçürmə əməliyyatı həyata keçirilib.

22.01.10

Məqaləni oxumaq

Təhsil Nazirliyinə məxsus uşaq bağçası yanıb

Quba rayonu, Qonaqkənd kəndində Təhsil Nazirliyinə məxsus uşaq bağçasının yerləşdiyi ümumi sahəsi 240 kv.m. olan ikimərtəbəli binanın yanar konstruksiyaları yanıb. Bu barədə məlumatı KƏLAMİNFO-ya Fövqəladə Hallar Nazirliyindən (FHN) veriblər. Binanın içərisindəki əşyalar isə ümumilikdə 120 kv.m.sahədə yanıb. Yanğın FHN əməkdaşları tərəfindən söndürülüb.

21.01.10

Məqaləni oxumaq

Təhsil Nazirliyində Türkiyənin mili təhsil naziri ilə görüş keçirildi

Bu gün Təhsil Nazirliyində Türkiyənin mili təhsil naziri Nimət Çubukçu ilə görüş keçirildi. KƏLAMİNFO xəbər verir ki, görüşdə çıxış edən təhsil naziri Misir Mərdanov bildirdi ki, bu həmkarının Azərbaycana ilk səfəridir. İki ölkə arasında təhsil sahəsindəki əlaqələri daha da genişləndirmək arzusunda olduğunu söyləyən M. Mərdanov əlavə etdi ki, N.Çubukçu bu gün bir sıra təhsil ocaqlarında olacaq. O, görüşdə mövcud protokolların genişləndirilməsi, Türkiyədə ölkəmizin tələblərinə uyğun ixtisaslar, xüsusilə tibb sahəsi üzrə kadr hazırlığının genişləndirilməsi, Azərbaycanda təhsil alan türkiyəli tələbələr, eləcə də Türkiyə universitetlərində təhsil alan azərbaycanlı tələbələrin təhsili ilə bağlı məsələlərin müzakirə olunacağını da söylədi.

21.01.10

Məqaləni oxumaq

Azərbaycanda xərçəng xəstəliyinə düçar olanların sayı artır

Proqnozlara görə 2050-ci ildə dünya üzrə xərçənglə ilk dəfə xəstələnənlərin ümumi sayı 24 milyona, bu xəstəlikdən ölənlərin sayı isə 16 milyona çatacaq. Azərbaycanda da xərçəng xəstəliyinə düçar olanların sayı artıb. Bu barədə məlumatı KƏLAMİNFO-ya Səhiyyə Nazirliyindən veriblər. Məlumata görə, son 5 il ərzində bu xəstəlikdən ölüm göstəricisi də artmaqdadır. Bunun əsas səbəblərindən biri şiş əleyhinə preparatların olmaması və çatışmazlığı, eləcə də bu preparatların çox baha olmasıdır. Rəsmi məlumatlara görə, ölkəmizdə 8 minə yaxın bədxassəli şiş xəstəsi var. Bundan 4 mindən çoxu qadın, 3500-dən çoxu kişidir. Qadınlarda xərçəng ən çox süd vəzi və uşaqlıq boyununda, kişilərdə isə mədə və ağciyərdə rast gəlinir. Azərbaycanda bu xəstəliyin ən yayılmış forması süd vəzisi və prostat xərçəngidir.

21.01.10

Məqaləni oxumaq

Türkiyə ali məktəblərində 517 azərbaycanlı dövlət xətti ilə təhsil alır

Hazırda Türkiyə ali məktəblərinin müxtəlif pillələrində 517 nəfər gənc azərbaycanlı dövlət xətti ilə təhsil alır. Onlardan 209-u bakalavr, 96-ı magistr, 117-i doktorantura, 95-i isə tibbdə uzmanlıq dərəcəsi üzrə təhsillərini davam etdirirlər. KƏLAMİNFO xəbər verir ki, bu barədə məlumatı təhsil naziri Misir Mərdanov verib. M.Mərdanov bildirib ki, bu ölkədə öz hesabına təhsi alan azərbaycanlı tələbələrin sayı isə bundan bir neçə dəfə çoxdur. вЂњÜmumiyyətlə 2007-ci ildən başlayaraq bir qrup azərbaycanlı tələbənin adı вЂњ2007-2015-ci illərdə Azərbaycan Gənclərinin xaric ölkələrdə təhsili üzrə Dövlət ProqramıвЂќna daxil edilib. 2009-2010-cu tədris ilində isə sözügedən proqram çərçivəsində 75 nəfər xarici ölkələrə göndərilib. Onlardan 55 nəfəri tibbdə uzmanlıq dərəcəsi üzrə təhsil alırвЂќ,-deyə nazir vurğulayıb. Azərbaycanın 21 ali təhsil ocağında isə 4073 nəfər Türkiyə vətəndaşının təhsil aldığını xatırladan M.Mərdanov onlardan 139 nəfərinin dövlət xətti ilə təhsillərini Azərbaycanda davam etdirdiklərini söyləyib.

21.01.10

Məqaləni oxumaq

TQDK-da növbəti elmi-metodiki seminar keçirilib

Bu gün Tələbə Qəbulu üzrə Dövlət Komissiyasında (TQDK) Kimya fənni üzrə növbəti elmi-metodiki seminar keçirilib. Bu barədə məlumatı KƏLAMİNFO-ya TQDK-nın mətbuat xidmətindən veriblər. Seminarda yeni tipli test tapşırıqlarının müzakirəsi aparılıb. Seminar iclasında BDU-nun əməkdaşları, dosent Rakif Qasımov və Xamməd Əsədov hazırladıqları test tapşırıqlarını müzakirəyə təqdim ediblər. Hər bir tapşırıq məzmun, mürəkkəblik dərəcəsi və nominasiya baxımından təhlil edilib. Müzakirələr nəticəsində daha çox məntiqi təfəkkürə əsaslanan, kimyəvi hadisə və proseslərin mahiyyətinin açılmasına yönəlmiş, ümumiləşmə və izahat tipli tapşırıqların analoqlarının hazırlanıb test bankına verilməsi qərara alınıb. Növbəti seminar iclasında müzakirə davam etdiriləcək.

20.01.10

Məqaləni oxumaq

Azərbaycan həm qanlı, həm də şanlı tarixini yad edir

Bu gün M.F.Axundov adına Milli Kitabxanada 20 Yanvar faciəsinin 20-ci ildönümünə həsr olunan tədbir keçirildi. KƏLAMİNFO xəbər verir ki, tədbirdə çıxış edən Milli Kitabxananın direktoru Kərim Tahirov bildirdi ki, 20 Yanvar xalqımızın yaddaşına həm qanlı, həm də şanlı səhifə kimi daxil olub. O qeyd etdi ki, 20 Yanvar faciəsində həlak olanlar azadlıq və müstəqilliyimiz uğurunda şəhid olublar. Mədəniyyət və Turizm Nazirliyinin Aparat rəhbəri Firudin Qurbanov isə bildirdi ki, bu faciədən nəticə çıxarılmalı və belə qanlı hadisələrin təkrarlanmasına yol verilməməlidir. Ombudsman Elmira Süleymanova tarixdə buna oxşar faciənin olmadığını söylədi. O, dövlətin öz vətəndaşını xüsusi qəddarlıqla qətlə yetirməsinin tarixdə görünməmiş hadisə adlandırdı. Tədbirdə iştirak edən millət vəkilləri Aqil Abbas, Həvva Məmmədova, Tahir Rzayev faciə ilə bağlı fikirlərini bildirdilər. Qeyd etdilər ki, 20 Yanvarda şəhid olanların sayı hələ də dəqiqləşdirilməyib. Onlar təklif etdilər ki, hansısa dövlət qurumu bütün şəhidlərimizin adlarını dəqiqləşdirməli və onu toplu halda çap etdirərək vətəndaşlarımız, eləcə də dünya ictimaiyyətinə çatdırılmalıdır. Qeyd edək ki, tədbirdə 20 Yanvar, Qarabağ və Xocalı ilə bağlı məlumatları özündə əks etdirən вЂњŞəhidlərвЂќ adlı biblioqrafiyanın təqdimatı da oldu. Xatırladaq ki, biblioqrafiya 200 nüsxə ilə çap edilib.