|
|
Səhifələr : # « 2 3 4 5 6 7 8 9 10 » #
|
|
Hazırda 90 dini icma dövlət qeydiyyatına alınıb
|
|
Bu günə qədər 90 dini icma dövlət qeydiyyatına alınıb. KƏLAMİNFO xəbər verir ki, bu barədə açıqlamanı Dini Qurumlarla İş üzrə Dövlət Komitəsinin (DQİDK) sədri Hidayət Orucov verib.
Ümumilikdə rəhbərlik etdiyi quruma 400-ə yaxın dini icma tərəfindən müraciətin daxil olduğunu vurğulayan H.Orucov bildirib ki, hazırda quruma müracət edənlərin sənədləri öyrənilir və təkmilləşdirilir. Onun sözlərinə görə, 15 dini icmanın sənədləri hazırdır və sənədlər imzalanmaq üçün gün ərzində ona təqdim olunacaq. O əlavə edib ki, hər gün ən azı 5-7 dini icma qeydiyyata alınma ilə bağlı müraciət edir. H.Orucov qeydiyyata alınan dini icmaların 7-8-nin qeyri-islam, qalanları isə islam təmayüllü olduğunu söyləyib.
|
18.12.09 Məqaləni oxumaq
|
| |
|
|
|
AMEA-nın Neft-Kimya Prosesləri İnstitutu beynəlxalq mükafata layiq görülüb
|
|
Azərbaycan Milli Elmlər Akademiyası (AMEA) Neft-Kimya Prosesləri İnstitutu “European Quality” (Avropa keyfiyyəti) Beynəlxal mükafata layiq görülüb. Bu barədə məlumatı KƏLAMİNFO-ya AMEA-dan veriblər.
İnstitut mükafata Avropa standartlarına uyğun yüksək keyfiyyətli təhsil xidmətlərinin əldə olunması üçün təşəbbüs göstərdiklərinə görə layiq görülüb.
|
|
18.12.09 Məqaləni oxumaq
|
| |
|
|
|
I Uşaq Forumu öz işinə başlayıb
|
|
Bu gün Bakıda Azərbaycanda ilk dəfə olaraq 2009- Uşaq İli çərçivəsində I Uşaq Forumu öz işinə başlayıb. Azərbaycan Hökuməti, Heydər Əliyev Fondu, Ailə, Qadın və Uşaq Problemləri üzrə Dövlət Komitəsi (AQUPDK) və “NUR” Uşaq və Gənclər İctimai Birliyinin təşkilatçılığı ilə təşkil olunan Forumda millət vəkili Mehriban Əliyevanın təbrik məktubu oxunub. Məktubda Forum iştirakçılarını ürəkdən salamlayan M.Əliyeva bu gün ölkəmizdə uşaqların parlaq böyüməsini və dövlət tərəfindən onlara yaradılan yüksək şəraiti diqqətə çatdırıb. M.Əliyeva Heydər Əliyev Fondunun yarandığı gündən uşaqların təhsil, səhiyyə və s. problemləri ilə yaxından maraqlandığını və bu sahədə iri layihələr həyata keçirdiyini bildirib.
|
|
17.12.09 Məqaləni oxumaq
|
| |
|
|
|
Dövlət qeydiyyatına alınan dini icmalara şəhadətnamələr verildi
|
|
Bu gün Dini Qurumlarla İş üzrə Dövlət Komitəsində (DQİDK) dövlət qeydiyyatına alınan dini icmalara şəhadətnamələrin təqdim edilməsi mərasimi keçirildi. KƏLAMİNFO xəbər verir ki, tədbirdə çıxış edən DQİDK-nin sədri Hidayət Orucov il ərzində bundan əvvəl də bir sıra dini icmalara yeni şəhadətnamələrin verildiyini söylədi.
Ölkədə “Dini etiqad azadlığı haqqında” Qanuna əlavə və dəyişiklərin edildiyini xatırladan H.Orucov bildirdi ki, sənədin müvafiq bəndinə əsasən ölkədə fəaliyyət göstərən bütün dini icmalar yenidən dövlət qeydiyyatından keçməlidirlər. Azərbaycanda mövcud dini durumdan bəhs edən H.Orucov sözügedən qanunun da ölkədə məhz dini tolerantlığın təmin edilməsinə xidmət etdiyini söylədi. Ölkədə bəzi qrupların bu sahədəki mövcud stabil duruma mənfi təsir göstərməyə cəhd etdiklərini qeyd edən H.Orucov bu istiqamətdəki mübarizə tədbirlərinə ölkədəki dini icmaların da qoşulmalı olduğunu bildirdi.
|
|
17.12.09 Məqaləni oxumaq
|
| |
|
|
|
Gürcüstanın Azərbaycan dilli məktəbləri arasında 4-cü uşaq rəsm əsərlərinin müsabiqəsi keçirilib
|
|
Bu gün Tiflisdə Vernisaj Sərgi Salonunda Azərbaycanın Gürcüstandakı səfirliyinin təşəbbüsü və Heydər Əliyev Fondunun dəstəyi ilə 31 dekabr Dünya Azərbaycanlılarının Həmrəylik Gününə həsr olunmuş Gürcüstanın Azərbaycan dilli məktəbləri arasında 4-cü uşaq rəsm əsərləri müsabiqəsi qaliblərinin mükafatlandırma mərasimi təşkil olunub. Mərasimdə Heydər Əliyev Fondunun nümayəndəsi də iştirak edib. Bu barədə məlumatı KƏLAMİNFO-ya Gürcüstandakı səfirliyimizdən veriblər.
Müsabiqədə Gürcüstanda fəaliyət göstərən 24 azərbaycan dilli məktəb iştirak edərək 368 uşaq rəsmlərini təqdim edib. Mükafatlar 16 şagirdə və 5 məktəbə təqdim olunub.
|
|
17.12.09 Məqaləni oxumaq
|
| |
|
|
|
Qeydiyyatdan keçməyən dini icmaların fəaliyyəti dayandırıla bilər
|
|
Cari ilin sonuna qədər Dini Qurumlarla İş üzrə Dövlət Komitəsinə müraciət (DQİDK) etməyən dini icmalarla bağlı müvafiq tədbirlər görülücək. KƏLAMİNFO xəbər verir ki, bu fikirləri Dini Qurumlarla İş üzrə Dövlət Komitəsinin (DQİDK) sədri Hidayət Orucov söyləyib.
“Dini etiqad azadlığı haqqında” AR Qanununu xatırladan H.Orucov əlavə edib ki, qeydiyyatdan keçməyən icmalar üçün qanunda nəzərdə tutulan müvafiq maddə tətbiq ediləcək. Onun sözlərinə görə, növbəti ilin yanvarın 1-dən etibarən onların fəaliyyətinin dayandırılmasına baxılacaq.
|
|
17.12.09 Məqaləni oxumaq
|
| |
|
|
|
Sumqayıtda müəllimlər üçün insan hüquqlarının tədrisi mövzusunda təlim təşkil edilib
|
|
Sumqayıtda orta ümumtəhsil məktəblərində çalışan gənc müəllimlər üçün insan hüquqlarının tədrisi mövzusunda təlim təşkil edilib. Bu barədə məlumatı KƏLAMİNFO-ya Sumqayıt İcra Aparatından verilib.
Təlim Avropa Gənclər Fondunun maliyyə dəstəyi ilə şəhər Gənc Müəllimlər Şurası, Gənclər və İdman Baş İdarəsi və Təhsil Şöbəsinin birgə təşəbbüsü ilə həyata keçirilib. Sumqayıtda 5 gün davam edən bu təlimdə əsasən orta məktəblərdə şagirdlərlə sosial sahədə işləyən şəxslər - psixoloqlar, uşaq birliyi təşkilatlarının rəhbərləri, konstitusiya hüququ, insan və cəmiyyət dərslərini tədris edən müəllimlərdən ibarət 25 nəfər iştirak edib.
|
|
17.12.09 Məqaləni oxumaq
|
| |
|
|
|
Pan Ki Mun Beynəlxalq Miqrantlar Günü münasibətilə müraciət ünvanlayıb
|
|
BMT-nin Baş katibi Pan Ki Munun Beynəlxalq Miqrantlar Günü münasibəti ilə dünya əhalisinə müraciəti olub. Müraciət Beynəlxalq Miqrantlar Gününün onuncu ildönümü ilə əlaqədar ünvanlanıb. Baş katib müraciətində cari ilin qiymətləndirilməsinə görə təxminən 200 milyon insan və yaxud dünya əhalisinin 3 faizinin anadan olduğu ölkənin hüdudlarından kənarda yaşadığını vurğulayıb. “Miqrasiya – miqrantların özləri, eləcə də mənşə və qəbul edən ölkələrin cəmiyyətləri üçün müsbət və imkanlar yaradan təcrübə ola bilər. Amma bir çox miqrantlar üçün reallıq ayrı-seçkilik, istismar və təhqirdir. Onlar tez-tez nifrət dolu nitqin, təcavüzün və zorakılığın hədəfi olurlar. Miqrantlar haqsız olaraq cinayət və iqtisadi çətinliklərin səbəbi kimi günahlandırlır və geniş yayılmış ayrı-seçkiliyə məruz qalırlar”. Qlobal iqtisadi və maliyyə böhranının miqrantları daha da zəiflətdiyini söyləyən Pan Ki Mun bir çox ölkələrin miqrasiyaya dair məhdudiyyətləri gücləndirdiyini və tənzimlənməyən miqrasiya ilə mübarizə aparmaq üçün daha möhkəm tədbirlər qəbul etdiyini qeyd edib. O, belə tədbirlərin istismar və təhqir riskini qaldıra biləcəyini, həmçinin anti-immiqrant və ksenofobiya xarakterli fikirlərin yaranmasında qismən miqrantların günahı olması təəsüratını da gücləndirə bildiyini söyləyib.
|
|
17.12.09 Məqaləni oxumaq
|
| |
|
|
|
"Bizi kimin həmməruzəçi olması bir o qədər də maraqlandırmır"
|
Gültəkin Hacıbəyli: "Ən önəmlisi AŞ ilə münasibətlərin dərinləşməsidir"
İsveçrədə yeni minarələrin ucaldılmasına qadağa qoyulması ilə bağlı reallaşdırılan referendumun nəticələri hələ də müzakirə edilməkdədir. Qəbul edilmiş qərar yalnız müsəlman dünyasında deyil, Avropanın özündə də etirazla qarşılanıb. Azərbaycanda da İsveçrənin minarə qadağası geniş müzakirə edilməkdədir. Azərbaycanın Avropa Şurası Parlament Assambleyasındakı (AŞ PA) nümayəndə heyətinin sədr müavini, millət vəkili Gültəkin Hacıbəyli də qəbul edilən qərarı insan haqlarının pozulması kimi dəyərləndirir:
- Böyük mütəfəkkir və filosof Samuel Hantikton "Sivilizasiyaların toqquşması" adlı əsərini dünyaya təqdim edəndə bəziləri burada qoyulan fikirləri bölüşmür və bildirirdilər ki, müasir dünya, insan haqları, demokratiya sahəsində ali standartlara can atan, onu bərqərar etməyə çalışan dünya sivilizasiyaların toqquşmasının qarşısını almaq gücündədir. Bunun üçün ən azı Avropanın və ABŞ-ın, o cümlədən digər inkişaf etmiş ölkələrin siyasi iradəsi yetərlidir. Ancaq İsveçrədə baş verən son olay Hantikton nəzəriyyəsinə, sivilizasiyaların qarşıdurması ilə bağlı fikirlərə tamamilə yeni bir baxış sərgiləmək üçün əsas verir. Bu gün Avropanın mərkəzində baş verən bu hadisə əslində çox ciddi kökü olan və bundan da daha ciddi fəsadlar törədə biləcək hadisədir. Heç də təsadüfi deyil ki, bir çoxları bu hadisəni yeni və mədəni "səlib yürüşü" adlandırırlar...
- Məsələ növbəti "səlib yürüşü"nə qədər gedib çıxa bilərmi?
- Hər halda bəziləri indi baş verənləri ən azı "səlib yürüşü"nün başlanğıcı kimi qiymətləndirirlər. Avropanın ürəyində yerləşən, insan haqlarının, azadlıqlarının, liberal dəyərlərin ən yüksək səviyyədə bərqərar olduğu bir dövlətdə - İsveçrədə vicdan azadlığına qoyulan bu qadağa çox ciddi nəticələr verə bilər.
|
|
17.12.09 Məqaləni oxumaq
|
| |
|
|
|
Elmar Məmmədyarov Türkiyəyə dekabrın 24-də gedəcək
|
|
Azərbaycanın xarici işlər naziri Elmar Məmmədyarovun Türkiyəyə rəsmi səfərinin vaxtı açıqlanıb. Xarici İşlər Nazirliyinin (XİN) mətbuat xidmətindən KƏLAMİNFO-ya verilən məlumata görə, səfər dekabrın 24-25-də baş tutacaq.
Səfər çərçivəsində E.Məmmədyarov türkiyəli həmkarı Əhməd Davutoğlu və digər rəsmi şəxslərlə görüşlər keçiricək. Danışıqlarda iki qardaş ölkə arasında ikitərəfli əməkdaşlığın müxtəlif aspektləri, Dağlıq Qarabağ münaqişəsinin nizamlanma prosesi, beynəlxalq təşkilatlar çərçivəsində əməkdaşlıq və vətəndaşları üçün viza rejiminin aradan qaldırılması məsələləri müzakirə olunacaq.
|
|
17.12.09 Məqaləni oxumaq
|
| |
|
|
|
Səhifələr : # « 2 3 4 5 6 7 8 9 10 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
