|
|
Səhifələr : # 1 2 3 4 5 6 #
|
|
Mədəniyyət və turizm naziri Əbülfəs Qarayev gələn ay Türkiyəyə səfər edəcək
|
|
Gələn ilin yanvarın 16-da mədəniyyət və turizm naziri Əbülfəs Qarayev Türkiyənin İstanbul şəhərinin 2010-cu ildə “Avropa mədəniyyətinin paytaxtı” elan olunması münasibətilə keçiriləcək açılış mərasimində iştirak edəcək. KƏLAMİNFO xəbər verir ki, bu barədə nazir Ə.Qarayev jurnalistlərə açıqlamasında məlumat verib.
O, qeyd edib ki, Bakının da Avropa mədəniyyətinin paytaxtı elan olunması üçün ən azı 4-5 il vaxt tələb olunur. Onun sözlərinə görə, Bakının “İslam mədəniyyətinin paytaxtı” elan olunması çərçivəsində keçirilən tədbirlər sübut etdi ki, Azərbaycan bu cür beynəlxalq tədbirlərin keçirilməsinə hazırdır. Ə.Qarayev Bakı şəhərinin “Mədəniyyətlərarası dialoq paytaxtı” elan olunması üçün hazırlıq işləri görüldüyünü söyləyib. Nazir artıq Avropa Şurası, İSESKO və YUNESKO ilə fikir mübadiləsi aparıldığını da bildirib. “Düşünürük ki, gələcək illərdə Azərbaycan hökuməti Bakının “Avropa mədəniyyətinin paytaxtı” elan olunması ilə bağlı mütləq müraciət edəcək”,-deyə, Ə.Qarayev vurğulayıb.
|
30.12.09 Məqaləni oxumaq
|
| |
|
|
|
DQİDK sədrinin yanında Məşvərət Şurasının növbəti iclası keçirilib
|
|
Bu gün Dini Qurumlarla İş üzrə Dövlət Komitəsi (DQİDK) sədrinin yanında Məşvərət Şurasının növbəti iclası keçirilib. Bu barədə məlumatı KƏLAMİNFO-ya DQİDK-dən veriblər.
Məşvərət Şurasının sədri Hidayət Orucov bildirib ki, Azərbaycan dünyəvi dövlətdir və müxtəlif din mənsubu olan vətəndaşlarının öz dini etiqadlarının sərbəst icra etməsi üçün hər cür şərait yaradan, onları qoruyan dövlətdir.
Bakıda “Dinlərarası dialoq: qarşılıqlı anlaşmadan birgə əməkdaşlığa doğru” mövzusunda keçirilən Beynəlxalq konfransı xatırladan H.Orucov qeyd edib ki, Azərbaycan hökumətinin din siyasəti müsbət nəticələr verir.
|
|
30.12.09 Məqaləni oxumaq
|
| |
|
|
|
MM “Bələdiyyələrin dövlət reyestrinin aparılması və onlara şəhadətnamənin verilməsi haqqında” Əsasnaməni qəbul etdi
|
|
Bu gün Milli Məclisin payız sessiyasının sonuncu plenar iclası keçirildi. KƏLAMİNFO xəbər verir ki, iclasda “Bələdiyyələrin dövlət reyestrinin aparılması və onlara şəhadətnamənin verilməsi haqqında” Əsasnamənin təsdiq edilməsi barədə Qanun layihəsi müzakirəyə çıxarıldı. Milli Məclisin Regionla məsələlər komitəsinin sədri Arif Rəhimzadə sənəd barədə məlumat verərək bildirdi ki, Əsasnamə “Bələdiyyələrin statusu haqqında” Qanuna uyğun olaraq ölkəmizdə bələdiyyələrin dövlət reyestrinin aparılması və onlara şəhadətnamənin verilməsi qaydasını müəyyən edəcək. Bu günə kimi Azərbaycanda bələdiyyələrin dövlət reyestrinin aparılmadığını diqqətə çatdıran A.Rəhimzadə sözügedən Əsasnamənin qəbulundan sonra ölkəmizdə mövcud olan, habelə qanunla müəyyən edilmiş qaydada yeni yaradılan, birləşmiş, yaxud ayrılmış bələdiyyələrin dövlət reyestrinə daxil ediləcəyini, onlara şəhadətnamə veriləcəyini söylədi.
|
|
30.12.09 Məqaləni oxumaq
|
| |
|
|
|
“Aşura günü” ilə əlaqədar keçirilən qanvermə aksiyalarında 1200 litr qan tədarük olunub
|
|
Səhiyyə Nazirliyi və Qafqaz Müsəlmanları İdarəsinin təşkilatçılığı ilə “Aşura günü” qana ehtiyacı olan xəstələrə yardım məqsədilə könüllü qanvermə aksiyaları keçirilib. Bu barədə məlumatı KƏLAMİNFO-ya Səhiyyə Nazirliyinin mətbuat xidmətindən veriblər.
Qanvermə aksiyalarında 2773 nəfər könüllü olaraq qan verib, nəticədə 1200 litr (1,2 t) qan tədarük olunub. Tədarük olunan qan və qandan hazırlanan preparatlardan hemofiliyalı və talassemiyalı, həmçinin qana ehtiyacı olan bütün xəstələrin müalicəsində istifadə olunacaq.
Qeyd edək ki, aksiyalar Bakı şəhərində yerləşən “Təzə pir”, “Şah Abbas”, “Cümə”, “Mirmövsüm Ağa”, “Qaraçuxur”, “Göy məscid” (Əjdər bəy), “Bibiheybət” məscidlərində, həmçinin Sumqayıt, Gəncə, Masallı, Lənkəran, Cəlilabad şəhərlərindəki məscidlərdə və ET Hematologiya və Transfuziologiya İnstitutunun nəzdindəki Mərkəzi Qan Bankında keçirilib.
Xatırladaq ki, keçən il “Aşura günündə” isə 2137 nəfər könüllü olaraq qan verib, 1110 litr (1,1 t) qan tədarük olunub.
|
|
29.12.09 Məqaləni oxumaq
|
| |
|
|
|
TQDK-da növbəti elmi-metodiki seminar keçirilib
|
|
Bu gün Tələbə Qəbulu üzrə Dövlət Komissiyasında (TQDK) Azərbaycan dili və ədəbiyyat fənni üzrə növbəti elmi-metodiki seminar keçirilib. Bu barədə məlumat KƏLAMİNFO-ya TQDK-nın mətbuat xidmətindən verilib.
İclasda yeni tipli test tapşırıqlarının tərtibi metodikası ilə bağlı müzakirələr və bir neçə formada hazırlanmış test tapşırıqları nümunələrinin təqdimatı olub. Təhlil olunan test tapşırıqları aid olduğu mövzular üzrə abituriyentlərin bilik və bacarıqlarını tətbiqetmə yönümlü olub. Test tapşırıqlarının mürəkkəblik dərəcəsinə və qabiliyyət göstəricilərinə görə hazırlanmasına qoyulan tələblərdən bəhs edilib. Növbəti seminar iclasında müzakirə davam etdiriləcək.
|
|
29.12.09 Məqaləni oxumaq
|
| |
|
|
|
Vitse-spiker Bahar Muradova Füzuli rayonunda səfərdə olub
|
|
Milli Məclis sədrinin müavini Bahar Muradova Füzuli rayonunda səfərdə olub. Parlamentdən KƏLAMİNFO-ya verilən məlumata görə, səfər çərçivəsində 31 dekabr - Dünya Azərbaycanlılarının Həmrəyliyi Günü və qarşıdan gələn yeni təqvim ili münasibətilə bir sıra görüşlər keçirilib.
B.Muradova rayonun inzibati mərkəzi kimi fəaliyyət göstərən Horadiz şəhərindəki Mərkəzi Mədəniyyət Sarayında rayon rəhbərliyi, ictimaiyyətin nümayəndələri və YAP-ın fəalları ilə görüşüb. Görüş zamanı Milli Məclis sədrinin müavini 2009-cu ilin yekunları, o cümlədən Azərbaycan parlamentinin cari ildəki fəaliyyəti barədə ətraflı söhbət açıb, deputat seçildiyi 84 saylı Seçki Dairəsinin əhatə etdiyi ərazidə bu il ərzində görülmüş işlərlə əlaqədar hesabat xarakterli çıxış edib. Sonra vitse-spiker bu günlərdə keçirilmiş bələdiyyə seçkiləri barədə məlumat verib.
Daha sonra 2100-dən artıq məcburi köçkün ailəsinin yerləşdirildiyi və ayrı-ayrı 5 yaşayış məntəqəsindən ibarət Zobucuq qəsəbəsində seçicilərlə görüş olub. Çoxsaylı seçicinin iştirak etdiyi bu tədbirdə qəsəbə sakinlərinin problemləri barədə ətraflı söhbət aparılıb və Füzuli rayon İcra Hakimiyyəti ilə birlikdə məsələlərin həlli istiqamətində tədbirlər müəyyənləşdirilib.
Tədbirdə 100-dək şəhid ailəsinə və imkansızlara bayram sovqatı hədiyyə edilib.
Görüşlərdə iştirak edən rayon sakinləri ölkə rəhbərliyinin bölgəyə, məcburi köçkünlərə göstərdiyi diqqət və qayğını yüksək qiymətləndirdiklərini bildiriblər.
|
|
29.12.09 Məqaləni oxumaq
|
| |
|
|
|
ADU-nun rektor Səməd Seyidov Avstriyanın Qrats Universitetində birillik təhsil almağa göndərilən tələbələrlə görüşüb
|
|
Bu gün Azərbaycan Dillər Universitetində (ADU) rektor, Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidovun Avstriyanın Qrats Universitetində birillik təhsil almağa gedəcək alman dili fakültəsinin III kurs tələbələri Əli Daşdəmirov və Günay Abidova ilə görüşü keçirilib. Bu barədə məlumatı ADU-dan veriblər.
Görüşdə təhsil nazirinin müavini Elmar Qasımov, Avstriyanın Azərbaycandakı müvəqqəti işlər vəkili Ziqlinde Şpanland, tələbələrin valideynləri və ADU-nun professor-müəllim heyəti iştirak ediblər.
Qeyd edək ki, tələbələr iki mərhələdə keçirilmiş imtahan (yazılı və şifahi) vasitəsilə seçiliblər.
|
|
28.12.09 Məqaləni oxumaq
|
| |
|
|
|
Bu gün Azərbaycan Həmkarlar İttifaqları Konfederasiyasının II Məclisinin iclası olub
|
|
Bu gün Azərbaycan Həmkarlar İttifaqları Konfederasiyasının (AHİK) II Məclisinin iclası olub. KƏLAMİNFO xəbər verir ki, məclis üzvləri, respublikanın şəhər və rayonlarından həmkarlar ittifaqları təşkilatlarının nümayəndələrinin iştirak etdiyi iclasda çıxış edən AHİK sədri Səttar Mehbalıyev “Respublikada həmkarlar ittifaqı hərəkatının inkişaf meylləri, problemlər və vəzifələr” mövzusunda məruzə ilə çıxış edib.
Sədr son illərdə ölkə başçısının diqqət və qayğısı sayəsində “Həmkarlar ittifaqları haqqında” Qanuna, “Əmək Məcəlləsi”, “İnzibati Xətalar Məcəlləsinə” edilən dəyişikliklərin həmkarlar ittifaqının nüfuz və səlahiyyətlərinin artmasına xidmət etdiyini bildirib. “Bu gün Azərbaycanda həmkarlar hərəkatı inkişafdadır, vətəndaş cəmiyyətinin tərkib hissəsi kimi üzərinə düşən vəzifələri yerinə yetirməyə səy göstərir, sosial əməkdaşlıq prinsiplərinə əsaslanaraq əməkçilərin hüquqları və mənafelərinin müdafiəsində real işlər görür”,- deyə S.Mehbalıyev bildirib.
|
|
28.12.09 Məqaləni oxumaq
|
| |
|
|
|
Milli Məclisin İqtisadi siyasət və Sosial siyasət komitələrinin birgə iclası keçirilib
|
|
Bu gün Milli Məclisin İqtisadi siyasət və Sosial siyasət komitələrinin birgə iclası keçirilib. KƏLAMİNFO xəbər verir ki, iclası İqtisadi siyasət komitəsinin sədri Ziyad Səmədzadə açaraq bildirib ki, gündəliyə daxil edilən əsas məsələ “Fiziki şəxslərin iş yerində bədbəxt hadisələr və peşə xəstəlikləri nəticəsində peşə əmək qabiliyyətini itirməsindən icbari sığorta haqqında” qanun layihəsidir.
Parlament Aparatının İqtisadi qanunvericilik şöbəsinin müdiri Rauf Hacıyev qanun layihəsi barədə ətraflı məlumat verib. Bildirib ki, sənəd iş yerlərində bədbəxt hadisələr nəticəsində vətəndaşların sağlamlığını və həyatını təhlükə altında qoyan xəstəliklərlə əlaqədar əmək qabiliyyətinin itirilməsi zamanı icbari sığorta olunma sahəsindəki münasibətləri tənzimləyəcək, onların hüquqi, iqtisadi və təşkilatı əsaslarını müəyyən edəcək. Qeyd olunub ki, qanun layihəsi Milli Məclisdə ilk oxunuşda müzakirə edildikdən sonra, işçi qrupu yenidən sənəd üzərində gərgin iş aparıb, millət vəkillərinin və mütəxəssislərin səsləndirdiyi əksər təkliflər qanun layihəsində öz əksini tapıb.
|
|
28.12.09 Məqaləni oxumaq
|
| |
|
|
|
TQDK-da 2009/2010-cu tədris ili üçün tələbə qəbulunun nəticələrinin elmi-statistik təhlilinə həsr olunmuş mətbuat konfransı keçirilib
|
|
Bu gün Tələbə Qəbulu üzrə Dövlət Komissiyasında (TQDK) 2009/2010-cu tədris ili üçün tələbə qəbulunun nəticələrinin elmi-statistik təhlilinə həsr olunmuş mətbuat konfransı keçirilib. KƏLAMİNFO xəər verir ki, konfransda TQDK sədri Məleykə Abbaszadə 2009-2010-cu il ali məktəblərə qəbul imtahanlarında iştirak etmək üçün 112875 abituriyentin sənəd verdiyini bildirib.
Onun sözlərinə görə, əvvəlki illə müqayisədə sənəd verənlərin sayı 3645 nəfər azalıb. Abituriyentlərin 48,80%-i oğlanlar, 51,20%-i isə qızların təşkil etdiyini nəzərə çatdıran M.Abbaszadə 2009-cu ildə orta ümumtəhsil məktəblərinin 108271 məzunu olduğunu və onların 66619 nəfərinin ali məktəblərə sənəd verdiyni vurğulayıb. M.Abbaszadə qeyd edib ki, ali məktəblərə qəbul imtahanlarında 107347 nəfər, magistraturaya 14711 nəfər (I tur imtahanında) və 6294 nəfər (II tur imtahanında), əsas təhsil bazasında texnikumlara qəbul imtahanlarında isə 26062 nəfər iştirak edib. TQDK sədri cari il ali məktəblərə 29030 plan yeri ayrıldığını, onlardan 19725 yer Azərbaycan bölməsi, 3042 yer rus bölməsi, qalan 6263 yer isə hər iki bölmənin birgə müsabiqəsi üçün nəzərdə tutulduğunu söyləyib.
|
|
26.12.09 Məqaləni oxumaq
|
| |
|
|
|
Səhifələr : # 1 2 3 4 5 6 # |
|
Torpaqlarımızı qaytaraq..
|
| |
|
|
|
Açılış Səhifəsi et 
