|
|
Səhifələr : # 4 5 6 7 8 9 10 11 12 #
|
|
Bu gün Milli Məclisin növbəti iclası keçirildi
|
|
Bu gün Milli Məclisin payız sessiyasının növbəti iclası keçirildi. KƏLAMİNFO xəbər verir ki, iclasda AR İnzibati Xətalar Məcəlləsinə əlavə edilməsi barədə qanun layihəsi müzakirə olundu. Sənəd barədə məlumat verən MM-in Hüquq Siyasəti və Dövlət Quruculuğu Komitəsinin sədri Əli Hüseynov bildirdi ki, təqdim olunan qanun layihəsinə bir sıra dəyişikliklər təklif olunub.
İclasda həmçinin “Normativ hüquqi aktlar haqqında” AR Konstitusiya Qanunu layihəsi, “İstehsalatda bədbəxt hadisələr və peşə xəstəlikləri nəticəsində əmək qabiliyyətinin itirilməsi hallarından icbari sığorta haqqında” qanun layihəsi və “Torpaqların dövlət ehtiyacları üçün alınması haqqında” qanun layihəsi (ikinci oxunuşda) müzakirə olundu.
Millət vəkilləri çıxış edərək iclasın gündəliyinə təqdim olunan qanun layihələri barədə öz fikir və təkliflərini səsləndirdilər.
|
16.12.09 Məqaləni oxumaq
|
| |
|
|
|
“Günəbaxan” verilişi insanların mənəviyyatına və heysiyyatına toxunur
|
|
Son günlər ölkənin efir məkanında yer almış bəzi telekanallarda şou verilişlərinin aparıcıları İslam dini barəsində özlərinin subyektiv fikirləri ilə çıxış edirlər. KƏLAMİNFO xəbər verir ki, bu barədə açıqlama ilə Qafqaz Müsəlmanları İdarəsinin Elm və təhsil şöbəsinin müdiri Qazi Hacı Mirəziz Seyidzadə çıxış edib.
M.Seyidzadə bildirib ki, ANS telekanalında yayımlanan “Günəbaxan” verilişinin aparıcısı Turan İbrahimov əcnəbi musiqi sədaları altında özünün qeyri-etik və mənəviyyata zidd hərəkətləri ilə İslam dini və onun Peyğəmbərindən (s) danışır. M.Seyidzadə bu kimi şou xarakterli verilişlərdə İslam şəriəti ilə bağlı təsadüfi insanların subyektiv fikirlər səsləndirmələrinin müqəddəs dinimiz haqqında yanlış informasiyaların formalaşmasına gətirib çıxardığını diqqətə çatdırıb. “Bu düzgün deyil və sözügedən veriliş tamaşaçıların heysiyyatına toxunur”,-deyə M.Seyidzadə əlavə edib.
|
|
15.12.09 Məqaləni oxumaq
|
| |
|
|
|
Parlamentdə iqtidar və müxalifət deputatları eyni mövqe nümayiş etdirib
|
|
Bu gün Milli Məclisin payız sessiyasının növbəti iclası keçirildi. KƏLAMİNFO xəbər verir ki, iclasın cari məsələlər müzakirə olunan hissəsində çıxış edən deputat Musa Quliyev ABŞ Konqresinin Nümayəndələr Palatasının qondarma Dağlıq Qarabağ Respublikasına 8 mln. dollar vəsait ayırması məsələsinin parlamentdə müzakirə olunmasını təklif etdi. Deputat bildirdi ki, ABŞ Minsk Qrupunun həmsədri kimi separatçı rejimə maliyyə vəsaiti ayırmaqla bitərəfliyini itirib. O, ABŞ-ın atdığı bu addımın başadüşülən olmadığını və Minsk Qrupunun həmsədri kimi onun nüfuzuna xələl gətirdiyini vurğuladı. M.Quliyev məsələnin Milli Məclisin gündəliyinə salınmasını və ABŞ prezidenti Barak Obamaya, Konqresə etiraz edilməsini təklif etdi. M.Quliyev qeyd etdi ki, sözdə Azərbaycanın ərazi bütövlüyünü dəstəkləyən Birləşmiş Ştatlar separatçı rejimə maliyyə vəsaiti ayırmaqla beynəlxalq hüququn normalarını pozur.
|
|
15.12.09 Məqaləni oxumaq
|
| |
|
|
|
Millət vəkili İqbal Ağazadə: "ATƏT-in Minsk Qrupunun həmsədrlərinin mövqeyi Azərbaycanın mövqeyi ilə uzlaşmır"
|
|
ABŞ birinci dəfə deyil separatçı rejimə maliyyə yardımı ayırır. ATƏT-in Minsk Qrupunun həmsədri olan Rusiya və Fransanın da mövqeyi Azərbaycanın mövqeyi ilə uzlaşmır. KƏLAMİNFO xəbər verir ki, bu barədə açıqlama ilə deputat İqbal Ağazadə çıxış edib.
İ.Ağazadə təklif edib ki, parlamentdə təkcə ABŞ-ın qondarma respublikaya yardım ayırması məsələsi deyil, ümumiyyətlə Dağlıq Qarabağla bağlı aparılan sülh danışıqları ilə bağlı hesabat dinlənilməlidir. “Təklif edirəm ki, Milli Məclisin Qarabağ problemi ilə bağlı xüsusi iclası keçirilsin. İclasa xarici işlər naziri də dəvət olunsun. Nazir millət vəkillərinə danışıqların gedişi ilə bağlı məlumat versin. Çünki bizdə olan məlumata görə, münaqişənin həlli ilə bağlı aparılan sülh danışıqlarında istifadə olunan “Madrid prinsipləri”nin bir sıra bəndləri Azərbaycan Konstitusiyasına ziddir”,-deyə deputat vurğuladı.
|
|
15.12.09 Məqaləni oxumaq
|
| |
|
|
|
QMİ-nin Qazilər Şurasının Fətvası: “Dekabrın 18-i Məhərrəm ayının 1-i, dekabrın 27-i isə Aşura günüdür”
|
|
Yeni 1431-ci ilin başlanğıcı – Məhərrəm ayının 1-i miladi təqvimilə 2009-cu ilin dekabrın 18-nə təsadüf edir. KƏLAMİNFO xəbər verir ki, bu barədə Qafqaz Müsəlmanları İdarəsinin Qazilər Şurasının bu gün keçirilən iclasında Fətva verilib.
Tədbirdə çıxış edən Qafqaz Müsəlmanları İdarəsinin sədri, Şeyxülislam Hacı Allahşükür Paşazadə bildirib ki, Məhərrəm ayı hicri-qəməri ilinin ayları arasında müqəddəs, möhtərəm aylardan biridir. Bu ay İslam tarixinə döyüşlərin qadağan edildiyi ay olmaqla yanaşı, həm də Aşura – Məhərrəm ayının 10-cu günü İmam Hüseynin (ə) və Əhli-Beyt tərəfdarlarının şəhadətə yetişdiyi ay kimi daxil olub. Şeyx qeyd edib ki, İmam Hüseynin (ə) dinin saflığı uğrunda mübarizəsinin hər il yad edilməsi bədbinlik əhval-ruhiyyəsinin təlqini deyil, torpağa bağlılığın, işğal olunmuş ərazilərin azad edilməsi uğrunda fədakarlıq və dəyanətə çağırışın təcəssümüdür.
|
|
15.12.09 Məqaləni oxumaq
|
| |
|
|
|
Azərbaycanda Küveyt Mədəniyyət Günləri öz işinə başlayıb
|
|
Bu gündən etibarən “Bakı İslam Mədəniyyəti Paytaxtı-2009” tədbirləri çərçivəsində Azərbaycanda Küveyt Mədəniyyət Günləri öz işinə başlayıb. Bu barədə məlumatı KƏLAMİNFO-ya Mədəniyyət və Turizm Nazirliynin mətbuat xidmətindən veriblər. Mədəniyyət Günləri ilə əlaqədar dekabrın 17-də saat 17:00-da Mədəniyyət və Turizm Nazirliyinin Bədii Sərgi Salonunda Küveyt sənət sərgisinin açılışı olacaq. Həmin gün saat 19.00-da isə Dövlət Filarmoniyasında Küveyt Mədəniyyət Günlərinin açılış mərasimi və konsert nümayiş etdiriləcək.
Mədəniyyət günlərində iştirak edən Küveyt Folklor Ansamblı dekabrın 18-də Heydər Əliyev Sarayında “Bakı-İslam Mədəniyyəti paytaxtı- 2009” ilinin bağlanış konsertində çıxış edəcək.
Qeyd edək ki, Küveyt incəsənət ustalarının dekabrın 16-da Xırdalan şəhərində, 19-da isə Suraxanı rayonunda çıxışları planlaşdırılır.
|
|
15.12.09 Məqaləni oxumaq
|
| |
|
|
|
Azərbaycan Uşaqlarının I Forumu keçiriləcək
|
|
Cari ilin 17-18 dekabr tarixlərində Heydər Əliyev Fondu, Ailə, Qadın və Uşaq Problemləri üzrə Dövlət Komitəsi (AQUPDK) və “NUR” Uşaq və Gənclərin İctimai Birliyi Bakı şəhərində 2009-cu il- “Uşaq İli” çərçivəsində Azərbaycan Uşaqlarının I Forumunu keçirəcək. Bu barədə məlumatı KƏLAMİNFO-ya AQUPDK-nin mətbuat xidmətindən veriblər.
Forum iştirakçıları bu məqsədlə sabah ümummilli lider Heydər Əliyevin məzarını və Şəhidlər Xiyabanını ziyarət edəcəklər. Forumun açılış mərasimi dekabrın 17-i Bakıda “Landmark” otelində olacaq. Bağlanş mərasimi isə 18 dekabrda Dövlət Gənc Tamaşaçılar Teatrında qeyd olunacaq.
|
|
15.12.09 Məqaləni oxumaq
|
| |
|
|
|
MSK-da müşahidəçilərin qeydiyyatı başa çatıb
|
|
Dekabrın 23-də keçiriləcək bələdiyyə seçkiləri ilə əlaqədar müşahidə aparmaq üçün Mərkəzi Seçki Komissiyasına (MSK) müraciət edənlərin qeydiyyat müddəti başa çatıb. Bu barədə məlumatı KƏLAMİNFO-ya MSK-nın mətbuat katibi Azər Sarıyev verib.
A.Sarıyev bildirib ki, ümumilikdə yerli özünüidarəetmə orqanlarına keçirilən seçkiləri müşahidə etmək üçün MSK-da qeydiyyatdan keçənlərin sayı 1138-dir. “Bunlardan 802-i öz təşəbbüsü ilə qeydə alınanlardır. 176 nəfər QHT-lər tərəfindən, yerdə qalanlar isə siyasi partiyalar tərəfindən irəli sürilən müşahidəçilərdir”,-deyə A.Sarıyev vurğulayıb.
A.Sarıyev Dairə Seçki Komissiyaları çərçivəsində müşahidə aparmaq istəyənlərin isə qeydiyyatının davam etdiyini, bu prosesin seçkilərə 5 gün qalana kimi davam edəcəyini söyləyib.
|
|
15.12.09 Məqaləni oxumaq
|
| |
|
|
|
ADA-nın magistraturasına sənəd vermiş bakalavrlar imtahanın ilk mərhələsini dekabrın 19-da verəcəklər
|
|
Tələbə Qəbulu üzrə Dövlət Komissiyası (TQDK) Respublika ali məktəblərinin MBA və TEMPUS beynəlxalq proqramları üzrə magistraturasına və Azərbaycan Diplomatik Akademiyasının magistraturasına sənəd vermiş bakalavrlar üçün imtahanın ilk mərhələsi barədə məlumat yayıb. Bu barədə məlumatı KƏLAMİNFO-ya TQDK-nın mətbuat xidmətindən veriblər.
Məlumatda bildirilir ki, imtahanın birinci mərhələsinin dekabrın 19-da keçiriləcək. İmtahanda iştirak etmək üçün bakalavrlar sabahdan etibarən öz elektron ərizələrinə daxil olaraq birinci mərhələ üçün "İmtahana buraxılış vərəqəsi"ni çap edib götürməlidirlər.
Bakalavrlar “İmtahana buraxılış vərəqəsi"ni və şəxsiyyəti təsdiq edən sənədi imtahana mütləq gətirməlidirlər.
|
|
15.12.09 Məqaləni oxumaq
|
| |
|
|
|
“Bakı İslam Mədəniyyətinin Paytaxtı–2009” ili çərçivəsində II Beynəlxalq Nəsimi Elmi Konfransı öz işinə başlayıb
|
|
Bu gün AMEA-nın Rəyasət Heyətinin böyük akt zalında “Bakı İslam Mədəniyyətinin Paytaxtı – 2009” ili çərçivəsində Azərbaycanın görkəmli şairi və mütəfəkkiri İmadəddin Nəsiminin yaradıcılığına həsr olunmuş II Beynəlxalq Nəsimi Elmi Konfransı öz işinə başlayıb. KƏLAMİNFO xəbər verir ki, konfrans AMEA, Mədəniyyət və Turizm Nazirliyi tərəfindən birgə təşkil olunub.
Konfransda Hələb vilayəti qubernatorunun mədəniyyət məsələləri üzrə müavini Məhəmməd Qacca, Hələb vilayətinin müftisi, doktor Mahmud Ökkəm, Nəsiminin yaradıcılığı ilə məşğul olan alimlər İsam Qəsəbçi və Məhəmməd Kamal, habelə İran İslam Respublikasından professor Cavad Heyət iştirak edirlər.
Konfrans çərçivəsində Hələb şəhərində yerləşən İmadəddin Nəsiminin türbəsində yenidənqurma və genişləndirmə işlərinin aparılması istiqamətində əməkdaşlıq məsələlərinin müzakirə edilməsi planlaşdırılır.
|
|
15.12.09 Məqaləni oxumaq
|
| |
|
|
|
Səhifələr : # 4 5 6 7 8 9 10 11 12 # |
|
Torpaqlarımızı qaytaraq..
|
| |
|
|
|
Açılış Səhifəsi et 
