|
|
Səhifələr : # « 1 2 3 4 5 6 7 » #
|
|
Prezident İlham Əliyev Bakının Şağan qəsəbəsində Olimpiya-İdman Kompleksinin açılışında iştirak edib
|
|
Bu gün Bakının Şağan qəsəbəsində Olimpiya-İdman Kompleksinin açılışı olub. KƏLAMİNFO xəbər verir ki, prezident İlham Əliyev mərasimdə iştirak edib.
Dövlət başçısı rəmzi açılışı bildirən lenti kəsərək, ölkədə sayca 24-cü olan Olimpiya-İdman Kompleksi ilə tanış olub.
Açılış mərasimində gənclər və idman naziri Azad Rəhimov məlumat verib ki, kompleks “Bakı şəhərinin qəsəbələrinin sosial-iqtisadi inkişafının sürətləndirilməsinə dair Tədbirlər Proqramı”na əsasən inşa olunub.
Dövlət başçısı kompleksin universal idman zalı ilə tanış olub. İdmanın futbol, həndbol, voleybol, basketbol növləri ilə məşğul olmaq və yarışlar keçirmək üçün nəzərdə tutulan bu zaldakı tribunada 620 oturacaq quraşdırılıb.
İdmanın güləş, boks və digər döyüş növləri üçün nəzərdə tutulmuş zala baxan Prezidentə məlumat verilib ki, burada 615 tamaşaçı yeri quraşdırılıb. Dövlətimizin başçısı trenajor zalına da baş çəkib.
Sonra prezident İlham Əliyev qapalı üzgüçülük hovuzunun yerləşdiyi korpusa gəlib. Burada uzunluğu 25, eni isə 12,5 metr olan hovuzun ətrafında 135 oturacaq quraşdırılıb.
|
26.12.09 Məqaləni oxumaq
|
| |
|
|
|
Azərbaycanın cənub bölgəsindən sənəd verən abituriyentlərin 95%-ni oğlanlar təşkil edib
|
|
Azərbaycanın cənub bölgəsindən bu il sənəd verən abituriyentlərin 95%-ni oğlanlar təşkil edib. KƏLAMİNFO xəbər verir ki, bu barədə Tələbə Qəbulu üzrə Dövlət Komissiyasının (TQDK) sədri Məleykə Abbaszadə jurnalistlərə açıqlamasında bildirib.
M.Abbaszadə qeyd edib ki, ölkənin cənub bölgəsində, xüsusilə də Yardımlı və Masallıda bu il hər 400 abituriyentin cəmi 10%-ni qızlar təçkil edib.
Təbiətdə belə halın qeyri-mümkünlüyünü söyləyən TQDK sədri bunu həmin bölgədə qızların erkən yaşlarından təhsildən ayrı düşmələri ilə əlaqələndirib. M.Abbaszadə ölkənin qərb bölgəsində isə abituriyentlər arasında qızların oğlanlardan üstünlük təşkil etdiyini vurğulayıb. Onun sözlərinə görə, bu bölgədə də abituriyentlər arasında oğlanların azlığı erkən yaşlarından onların təhsili buraxıb digər ölkələrə iş dalınca getməsidir.
TQDK sədri ümumilikdə respublika üzrə abituriyentlər arasında oglan və qızların yarı-yarıya faizdə olduğunu bildirib.
|
|
26.12.09 Məqaləni oxumaq
|
| |
|
|
|
Bələdiyyə seçkiləri səsvermə gününün monitorinqi barədə konfrans keçirildi
|
|
Bu gün “Vətəndaş Cəmiyyəti Uğrunda” Müstəqil Məsləhət və Yardım Mərkəzinin təşəbbüsü ilə Azərbaycanda bələdiyyə seçkilərinin səsvermə gününün monitorinqi barədə mətbuat konfransı keçirildi. KƏLAMİNFO xəbər verir ki, təşkilatın direktoru Eldar İsmayılov Azərbaycanda keçirilən bələdiyyə seçkilərinin normal keçirildiyini bildirdi. O rəhbəri olduğu təşkilatın könüllü müşahidəçilərin gücü ilə ölkənin 30 Seçki Dairəsində bələdiyyə seçkilərinin müşahidəsini apardıqlarını qeyd etdi. E.İsmayılov bildirib ki, ümumilikdə bəzi hallar istisna olmaqla, seçicilər tərəfindən qutulara topa bulletenlərin atılması, bir seçicinin bir neçə məntəqədə səs verməsi halları, səsvermə prosesində icra hakimiyyəti və hüqüq-mühavizə orqanlarının kobud müdaxiləsi kimi mənfi hallar yox dərəcəsinə enib. Onun sözlərinə görə, səsvermə zamanı vətəndaşların bələdiyyə seçkilərinə marağı azalıb. E.İsmayılov bildirib ki, həm səsvermə, həm də bütün seçki prosesi göstərdi ki, son dövrdə yerli özünü idarəetmə sisteminin təkminləşdirilməsi yolunda atılan adımlar özünü doğruldur və bələdiyyələrin bizim cəmiyyətimizdə rolunun ciddi şəkildə artmasına səbəb olur.
|
|
26.12.09 Məqaləni oxumaq
|
| |
|
|
|
Ali məktəblərin MBA və TEMPUS proqramları üzrə magistraturasına qəbul imtahanının ikinci mərhələsi keçirilir
|
|
Bu gün Bakıda, Azərbaycan Beynəlxalq Universitetinin binasında ali məktəblərin MBA və TEMPUS beynəlxalq proqramları üzrə magistraturasına qəbul imtahanının ikinci mərhələsi keçirilir. KƏLAMİNFO xəbər verir ki, saat 14:00-da başlanan imtahan 30 dəqiqə davam edəcək.
Dekabrın 19-da birinci mərhələ üzrə keçirilən imtahanda iştirak etmiş 479 bakalavrın 190 nəfəri qəbul imtahanının ikinci mərhələdə iştirak hüququ qazanıb. Bu mərhələdə isə bakalavrların ixtisas üzrə bilikləri test üsulu ilə onlara 50 test tapşırığı təqdim olunmaqla yoxlanılır. İmtahanın nəticələri Tələbə Qəbulu üzrə Dövlət Komissiyasının www.tqdk.gov.az internet səhifəsində yerləşdiriləcək. Qaydalara əsasən, seçdiyi ixtisasların hər hansı biri üzrə müsabiqədə iştirak etmək üçün bakalavrın iki mərhələ üzrə imtahanlardan topladığı ümumi bal (ballarının cəmi) 75-dən, o cümlədən ixtisas üzrə testdən topladığı bal 20-dən az olmamalıdır.
Tədrisi ingilis dilində olan ixtisaslar üzrə müsabiqədə iştirak etmək üçün bakalavrın İngilis dilindən topladığı bal 15-dən az olmamalıdır.
|
|
26.12.09 Məqaləni oxumaq
|
| |
|
|
|
PA rəsmisi Əli Həsənov: “Azərbaycanın sürətli və hərtərəfli inkişafı təmin edilib”
|
Azərbaycan Respublikası Prezidenti Administrasiyasının ictimai-siyasi məsələlər şöbəsinin müdiri Əli Həsənovun 2009-cu ilin yekunları ilə bağlı müsahibəsini təqdim edirik.
Başa çatmaqda olan 2009-cu ili Azərbaycan üçün əlamətdar il hesab etmək olarmı?
- 2009-cu il Azərbaycan üçün mühüm hadisələrlə zəngin oldu, daxili və xarici siyasət prioritetlərimiz uğurla həyata keçirildi. Dövlətçiliyimizin möhkəmləndirilməsi, siyasi, iqtisadi, hüquqi islahatların davam etdirilməsi, sürətli sosial-iqtisadi inkişaf, əhalinin rifahının yüksəldilməsi, demokratikləşmə prosesinin dərinləşdirilməsi, Azərbaycanın beynəlxalq nüfuzunun yüksəldilməsi, Ermənistan-Azərbaycan Dağlıq Qarabağ münaqişəsinin həlli istiqamətində səylərin gücləndirilməsi, ordu quruculuğu, habelə mədəni irsimizin, milli-mənəvi dəyərlərimizin qorunub saxlanması və digər mühüm məsələlər Azərbaycan prezidenti cənab İlham Əliyevin siyasi kursunun əsas istiqamətlərini təşkil etdi. Əmiliklə demək olar ki, hər bir istiqamət üzrə əvvəlki illərdə əldə olunmuş nailiyyətlər daha da möhkəmlənmiş, dövlət başçısının düşünülmüş, praqmatik siyasi kursu nəticəsində Azərbaycanın sürətli və hərtərəfli inkişafı təmin edilib.
Artıq bir neçə ildir ki, Azərbaycan iqtisadi inkişaf göstəricilərinə görə yüksək nəticələr nümayiş etdirir. 2009-cu ildə başlanan ümumdünya iqtisadi böhranın fəsadları Azərbaycanda müşahidə olundumu? Çünki hələ böhranın ilk günlərində bəzi ekspertlər pessimist proqnozlar verir, ölkədə ciddi problemlərin yaranacağını iddia edirdilər.
|
|
26.12.09 Məqaləni oxumaq
|
| |
|
|
|
ADU-nun iki tələbəsi Avstriyada təhsil almağa göndəriləcək
|
|
Dekabrın 28-də Azərbaycan Dillər Universitetində (ADU) ali təhsil ocağının rektoru, professor Səməd Seyidov, Avstriyanın Qrats Universitetində bir illik təhsil almağa gedəcək Alman dili fakültəsinin III kurs tələbələri Əli Daşdəmirov və Günay Abidova ilə görüş keçiriləcək. Bu barədə məlumatı KƏLAMİNFO-ya ADU-nun mətbuat xidmətindən veriblər.
Görüşdə təhsil nazirinin müavini Elmar Qasımov, Avstriyanın Azərbaycandakı müvəqqəti işlər vəkili Ziqlinde Şpanland, tələbələrin valideynləri və ADU-nun professor-müəllim heyəti iştirak edəcək.
Qeyd edək ki, tələbələr iki etapda (yazılı və şifahi) imtahan vasitəsilə seçilib.
|
|
25.12.09 Məqaləni oxumaq
|
| |
|
|
|
MSK bələdiyyə seçkilərinin ilkin nəticələrini açıqlayıb
|
|
Mərkəzi Seçki Komissiyası (MSK) ölkə keçirilən bələdiyyə seçkilərinin ilkin nəticələrini açıqlayıb. MSK-nın mətbuat xidmətindən KƏLAMİNFO-ya verilən məlumata görə, seçici siyahılarına daxil edilmiş seçicilərin sayı 4 588 728 nəfər olub. Onlardan1 462 074 nəfəri səsvermədə iştirak edib. Səsvermədə seçicilərin fəallığı 31.86% olub.
Məlumatda həmçinin bildirilir ki, respublika üzrə bələdiyyələrin ümumi sayı 1718-dir. Seçilməli olan ümumi bələdiyyə üzvlərinin sayı isə 15 682 nəfərdir. Respublika üzrə məntəqələrin ümumi sayı 4813, hesabat vermiş məntəqələrin sayı 4668 (97%), məlumatları verilmiş bələdiyyələrin sayı 1673, protokolları tam daxil olmuş bələdiyyələrin sayı 1651, protokolları tam daxil olmuş bələdiyyələr üzrə liderlik edən namizədlərin sayı isə 15 033-dür.
|
|
25.12.09 Məqaləni oxumaq
|
| |
|
|
|
Bu gün prezidenti İlham Əliyevin 48 yaşı tamam olur
|
|
Bu gün Azərbaycan prezidenti İlham Əliyevin doğum günüdür. KƏLAMİNFO xəbər verir ki, İlham Heydər oğlu Əliyev 1961-ci il dekabrın 24-də Bakı şəhərində anadan olub. Orta təhsilini 1967-1977-ci illərdə Bakı şəhərində alan İlham Əliyev 1977-ci ildə Moskva Dövlət Beynəlxalq Əlaqələr İnstitutuna daxil olub. Ali təhsilini müvəffəqiyyətlə başa vuraraq elmi fəaliyyətini institutun aspiranturasında davam etdirib. 1985-ci ildə dissertasiya müdafiə edən İlham Əliyev tarix elmləri namizədi alimlik dərəcəsi alıb və 1990-cı ilədək Moskva Dövlət Beynəlxalq Əlaqələr İnstitutunda müəllim işləyib. O, 1994-2003-cü illərdə Azərbaycan Respublikası Dövlət Neft Şirkətinin vitse-prezidenti, sonra isə birinci vitse-prezidenti vəzifəsində çalışıb, “Heydər Əliyevin neft strategiyası”nın həyata keçirilməsində fəal iştirak edib.
1995-ci və 2000-ci illərdə Milli Məclisə üzv seçilən İlham Əliyev 2001-2003-cü illərdə Avropa Şurası Parlament Assambleyasında (AŞ PA) Azərbaycan nümayəndə heyətinin rəhbəri olub. AŞ PA çərçivəsində siyasi fəaliyyəti çərçivəsində 2003-cü ilin yanvar ayında qurumun sədr müavini və Büro üzvü seçilib. 2003-cü ildə baş nazir vəzifəsinə təyin edilməsi ilə əlaqədar İlham Əliyevin deputat səlahiyyətlərinə xitam verilib. 2003-cü il oktyabrın 15-də Azərbaycan Respublikasının Prezidenti seçilib və oktyabrın 31-də vəzifəsinin icrasına başlayıb. 2008-ci il oktyabrın 15-də keçirilən seçkilərdə seçicilərin 88 faizindən çoxunun səsini qazanan İlham Əliyev ikinci dəfə Azərbaycan Respublikasının Prezidenti seçilib.
|
|
25.12.09 Məqaləni oxumaq
|
| |
|
|
|
Muzey Mərkəzində I Ümumrespublika Dekorativ-tətbiqi Sənət Festivalının rəsmi açılış mərasimi keçirilib
|
|
Bu gün Muzey Mərkəzində I Ümumrespublika Dekorativ-tətbiqi Sənət Festivalınınrəsmi açılış mərasimi keçirilib. Bu barədə məlumatı Mədəniyyət və Turizm Nazirliyinin mətbuat xidmətindən veriblər.
Festivala hazırlıq işləri cari ilin fevral ayında başlanıb. Aprel ayının 1-də Gəncə şəhərində bölgənin 14, may ayının 1-də Lənkəranda bölgənin 12, may ayının 15-də Şəkidə bölgənin 12, may ayının 30-da Xaçmazda bölgənin 8 rayonun, sentyabr ayının 24-də Sumqayıtda Sumqayıt və Abşeron rayonunun, noyabr ayının 3-də Bakı şəhərinin xalq tətbiqi sənəti ustalarının əsərlərindən ibarət regional sərgilər keçirilib. Hazırkı sərgi isə Festivalın Yekun sərgisidir. Bu sərgidə artıq regional mərkəzlərdə keçirilmiş sərgilərdən Festivalın Təşkilat komitəsi tərəfindən seçilmiş bədii əhəmiyyəti ilə seçilən dekorativ-tətbiqi sənət nümunələri nümayiş olunur.
Respublikanın bütün şəhər və rayonlarını əhatə edən Festivalın bağlanışından sonra yekun sərgidə nümayiş etdirilən əsərlərdən ibarət nəfis tərtibatlı kataloq çap olunacaq.
|
|
25.12.09 Məqaləni oxumaq
|
| |
|
|
|
Din pərdəsi altında zərərli fəaliyyət göstərən qüvvələrin sayı azalıb
|
|
Ölkədə din pərdəsi altında zərərli fəaliyyət göstərən qüvvələrin sayı azalıb. KƏLAMİNFO xəbər verir ki, bu fikirləri Dini Qurumlarla İş üzrə Dövlət Komitəsinin (DQİDK) sədri Hidayət Orucov söyləyib.
Belə zərərli fəaliyyət göstərən qruplara Azərbaycan cəmiyyətində yer olmadığını vurğulayan H.Orucov onlara qarşı mübarizə tədbirlərinin görülməsinin zəruriliyini söyləyib. Onun sözlərinə görə, belə məsələlərdə dini icmalar da diqqətli olmalı və onların zərərli fəaliyyətinin qaşısı birgə alınmalıdır.
|
|
24.12.09 Məqaləni oxumaq
|
| |
|
|
|
Səhifələr : # « 1 2 3 4 5 6 7 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
