|
Səhifələr : # « 3 4 5 6 7 8 9 10 11 » #
“Bələdiyyələr gərəkli bir orqan olduqlarını sübut etməlidirlər ki, insanlar öz həyatlarını onlarsız təsəvvür etməsinlər”
|
PA-nın şöbə müdiri: “Bələdiyyələr gərəkli bir orqan olduqlarını sübut etməlidirlər ki, insanlar öz həyatlarını onlarsız təsəvvür etməsinlər”. Parlament və prezident seçkiləri ilə müqayisədə bələdiyyə seçkilərinə maraq az olur. Bu, ilk növbədə ondan irəli gəlir ki, Azərbaycanda hələ də bələdiyyə institutu ictimai-siyasi, iqtisadi, ümumiyyətlə, ölkə həyatının tam bərabər hüquqlu üzvünə yeni-yeni çevrilir. KƏLAMİNFO xəbər verir ki, bu fikirləri Prezident Administrasiyası İctimai-siyasi məsələlər üzrə şöbəsinin müdiri Əli Həsənov söyləyib. Dünya ölkələrində bələdiyyələrin yaşı, təcrübəsi 50-100 illərlə ölçüldüyünü diqqətə çatdıran Ə.Həsənov Azərbaycanda bələdiyyələrin hələ çox çalışmalı oloduqlarını vurğulayıb.
|
17.11.09 Məqaləni oxumaq
|
|
|
Nazir Əbülfəs Qarayevin başçılıq etdiyi nümayəndə heyəti Parisə yola düşüb
|
Bu gün Xalq rəssamı Səttar Bəhlulzadənin 100 illik yubileyi münasibətilə YUNESKO-nun Baş Qərargahında keçiriləcək tədbirlərdə iştirak etmək məqsədilə mədəniyyət və turizm naziri Əbülfəs Qarayevin başçılıq etdiyi nümayəndə heyəti Fransanın paytaxtı Paris şəhərinə yola düşüb. Bu barədə məlumatı KƏLAMİNFO-a Mədəniyyət və Turizm Nazirliyindən veriblər. Mərasim sabah “Azərbaycan Günü” çərçəvəsində YUNESKO-nun “Segük” sərgi salonunda keçiriləcək. Sərgidə Avropanın və Azərbaycanın mədəni ictimaiyyətinin, müxtəlif Beynəlxalq təşkilatların rəhbər üzvlərinin iştirakı nəzərdə tutulur. Azərbaycan musiqisi isə sərgini bir həftə ərzində müşayiət edəcək.
|
17.11.09 Məqaləni oxumaq
|
|
|
Uşaq Hüquqları Konvensiyasının 20 illiyi münasibəti ilə Dəyirmi masa keçiriləcək
|
Noyabrın 19-da Atatürk Mərkəzində, BMT Baş Assambleyasının qəbul etdiyi Uşaq Hüquqları Konvensiyasının 20 illiyi münasibəti ilə Dəyirmi masa keçiriləcək. Bu barədə məlumatı KƏLAMİNFO-ya BMT-nin İctimai İnformasiya Departamentinin Azərbaycandakı ofisindən veriblər. Yığıncaqda çıxış və təqdimatlar ediləcək və AR Uşaq Hüquqları Konvensiyasını 1992 ildə ratifikasiya etməsindən sonra ölkədə həyata keçirilən tədbirlər müzakirə olunacaq. Bundan əlavə tədbirdə Azərbaycanın Konvensiyanın həyata keçirməsində üzləşdiyi əsas problemlər, Konvensiyanın həyata keçirilməsində əldə edilən nailiyyətlər və misallar, gələcəkdə yarana biləcək çətinliklər və potensial problemlərin müəyyən edilməsi, Konvensiyanın həyata keçirilməsinin sürətləndirilməsi üçün məsləhətlərə toxunulacaq.
|
16.11.09 Məqaləni oxumaq
|
|
|
Ölkə ərazisində quş qripi ilə əlaqədar növbəti monitorinqlərə başlanılıb
|
Bu gün ölkə ərazisində köçəri quşların miqyasını nəzərə alaraq quş qripi ilə əlaqədar növbəti monitorinqlərə başlanılıb. Bu barədə məlumatı KƏLAMİNFO-ya Dövlət Baytarlıq Xidmətindən (DBX) veriblər. Kənd Təsərrüfatı Nazirliyi yanında Dövlət Baytarlıq Xidməti monitorinqi DBX, Səhiyyə və Ekologiya və Təbii Sərvətlər nazirliklərinin, eləcə də “Ovçular” Cəmiyyətinin mütəxəssis və əvəkdaşlarının iştirakı ilə aparır. On gün davam edəcək nəzarət tədbirlərinin Abşeron yarmadası, Dəvəçi, alyan, Ağcabədi və Lənkəran rayonlarındakı Milli qoru və parklarda, həmçinin ölkənin dəniz sahil zonalarında və digər həyata keçirilməsi nəzərdə tutulur. Ölkə ərazisində köçəri və ev quşlarına görə aparılacaq monitorinqin nəticələri noyabrın 27-də ictimaiyyət üçün açıqlanacaq.
|
16.11.09 Məqaləni oxumaq
|
|
|
Bakıda Şotlandiyanın Müqəddəs Endryu günü qeyd ediləcək
|
Noyabrın 21-də Bakıda, Şotlandiyanın Müqəddəs Endryu günü qeyd ediləcək. Bu barədə məlumatı KƏLAMİNFO-a Bakı şəhər Mədəniyyət və Turizm İdarəsinin mətbuat xidmətindən veriblər. Bakı Kaledoniya Cəmiyyətinin təşkil etdiyi bayram tədbirlərinin bir hissəsi kimi Şotlandiya milli musiqi ifaçıları olan zurnaçılar qrupu şənbə günü, İçəri Şəhərdə çıxış edəcəklər və parad keçirəcəklər. Zurnaçılar öz ifalarına Qoşa Qala Qapısının qarşısındakı əsas meydanda başlayacaq və daha sonra Endryu gününün mədəniyyətlərarası xarakterini təcəssüm etdirmək üçün İçəri Şəhərin küçələrindən keçəcəklər. Zurnaçıların nümayişi İçəri Şəhərin əsas küçələrində təxminən bir saat davam edəcək və Qız Qalasının yanında yekunlaşacaq. "İçəri Şəhər" Dövlət Tarix-Memarlıq Qoruğu İdarəsinin rəisi Mikayıl Cabbarov bu cür tədbirlərin təşkilini dəstəkləməkdə məqsədin İçəri Şəhərin beynəlxalq aləmdə təbliğini daha da genişləndirməkdən ibarət olduğunu bildirib.
|
16.11.09 Məqaləni oxumaq
|
|
|
Bələdiyyə seçkilərini Avropa Şurasının nümayəndələri də müşahidə edəcəklər
|
Avropa Şurasının Yerli və Regional Hakimiyyətlər Konqresinin müşahidə missiyası Azərbaycanda keçiriləcək bələdiyyə seçkilərini izləyəcək. KƏLAMİNFO xəbər verir ki, bu barədə açıqlamanı jurnalistlərə müsahibəsində Avropa Şurası Baş katibinin Azərbaycandakı xüsusi nümayəndəsi Veronika Kotek söyləyib. Xanım Kotek bildirib ki, müşahidə missiyası kiçik və qısamüddətli olacaq. Missiyanın seçkilərdən bir neçə gün əvvəl Azərbaycana gələcəyini diqqətə çatdıran V.Kotek qeyd edib ki, missiya seçki günü müşahidə aparacaq. Onun sözlərinə görə, missiyanın tərkibi hələ tam formalaşdırılmayıb.
|
16.11.09 Məqaləni oxumaq
|
|
|
ATƏT-in Bakı ofisinin rəhbəri Azərbaycanda keçirilən seçkilərdə demokratik irəliləyişin olması qənaətindədir
|
Azərbaycanda seçkilər sahəsində demokratik irəliləyişin olması qənaəti var. Amma bununla bərabər bəzi problemlər də mövcuddur. KƏLAMİNFO xəbər verir ki, bu fikirləri ATƏT-in Bakı ofisinin rəhbəri Əli Bilgə Cankorel söyləyib. Azərbaycan qanunlarına görə, hərbçilərin də ümumi seçki məntəqələrində səs verməli olduqlarını diqqətə çatdıran B.Cankorkel bildirib ki, bir sıra hallarda hərbi hissələrin özündə seçki məntəqələri də yaradılır. “Biz istəyirik ki, hərbçilərin səsvermə məsələsi qanunlara tam uyğun olaraq tətbiq edilsin. Amma belə görünür ki, bu, tam belə deyil”,-deyə diplomat əlavə edib. Təmsil etdiyi təşkilatın Demokratik Təsisatlar və İnsan Haqları Bürosunun Azərbaycanda ötən il keçirilən prezident seçkiləri ilə bağlı hazırladığı hesabata toxunan səfir həmin hesabatda bəzi problemlərin yer aldığını söyləyib. O, seçki məntəqələrində veb-kameraların quraşdırılması, seçici siyahılarının dəqiq hazırlanması, dövlət nümayəndələrinin prosesə müdaxiləsinin daha az olmasını müsbət hal kimi dəyərləndirib.
|
16.11.09 Məqaləni oxumaq
|
|
|
Hacı Zeynalabdin qəsəbəsində yeni parkın açılışı olub
|
Bu gün Sumqayıt şəhər Hacı Zeynalabdin qəsəbəsinin Səməd Vurğun küçəsi istiqamətində, əvvəllər baxımsız olan ərazidə salınan yeni parkın açılışı olub. Bu barədə məlumatı KƏLAMİNFO-a Sumqayıt şəhər İcra Hakimiyyətindən veriblər. Açılış mərasimində Sumqayıt şəhər İcra Hakimiyyətinin başçı Vaqif Əliyev və şəhər ictimaiyyəti iştirak edib. Ərazinin yaşıllaşdırılması məqsədilə qazon salınıb, gül dibçəkləri, dekorativ kollar və müxtəlif növ ağaclar əkilib. Parkda xüsusi işıqlandırma sistemi və müasir tipli oturacaqlar quraşdırılıb. Qeyd edək ki, 2003-ci ildən etibarən Hacı Zeynalabdin qəsəbəsində əhali asudə vaxtlarının səmərəli keçirilməsi və mədəni istirahətin təşkili istiqamətində bir sıra əhəmiyyətli işlər görülüb. Qəsəbə ərazisindəki Heydər parkında, qəsəbə stadionunda əsaslı təmir işləri aparılaraq Dədə Qorqud abidəsi ucaldılıb.
|
16.11.09 Məqaləni oxumaq
|
|
|
Əli Həsənov parlament seçkilərinin təxirə salınması məsələsinə münasibət bildirib
|
Prezident Administrasiyasının İctimai-siyasi məsələlər üzrə şöbə müdiri Əli Həsənov parlament seçkilərinin təxirə salınması məsələsinə münasibət bildirib. KƏLAMİNFO xəbər verir ki, Ə.Həsənov 2010-cu ildə keçiriləcək parlament seçkilərinin təxirə salınmasını lüzumsuz hesab edir. "Deputat Aydın Həsənovun parlament seçkilərinin təxirə salınması barədə təklifini ciddi hesab etmirəm və onun təklifi ölkə parlamenti tərəfindən bəyənilməyib",-deyə Ə.Həsənov vurğulayıb. Ə.Həsənov bildirib ki, Azərbaycanda demokratiya və hakimiyyət bölgüsü mövcuddur və bütün ümumrespublika tədbirləri qrafikə əsasən keçirilməlidir. Onun sözlərinə əsasən, Azərbaycanın seçkilərin keçirilməsi üçün kifayət qədər vəsaiti var. Qeyd edək ki, Milli Məclisin iclasında deputat Aydın Həsənov seçkilərin Ermənistanla hərbi münaqişə və qlobal maliyyə böhranı səbəbindən təxirə salınması barədə təkliflə çıxış edib.
|
16.11.09 Məqaləni oxumaq
|
|
|
Milli Məclisdə “Uşaqlar üçün ədliyyə: qanunvericilik və onun tətbiqi” mövzusunda beynəlxalq konfrans keçirilir
|
Bu gün Bakıda Milli Məclisin, BMT-nin Uşaq Fondunun (YUNİCEF) və Azərbaycan Hüquqşünaslar Konfederasiyasının birgə təşkilatçılığı ilə “Uşaqlar üçün ədliyyə: qanunvericilik və onun tətbiqi” mövzusunda beynəlxalq konfrans öz işinə başlayıb. KƏLAMİNFO xəbər verir ki, konfransda deputatlar, ədliyyə və hüquq sahəsində ixtisaslaşmış beynəlxalq və yerli mütəxəssislər iştirak edirlər. Konfransda çıxış edən Bahar Muradova bildirib ki, qadınlara Şərqdə ilk dəfə demokratik dövlət olan Azərbaycan Xalq Cümhuriyyəti dövründə seçki hüquqlarının verilib.
|
16.11.09 Məqaləni oxumaq
|
|
|
|
Səhifələr : # « 3 4 5 6 7 8 9 10 11 » #
|
Torpaqlarımızı qaytaraq..
|
|
|
|