|
|
Səhifələr : # « 10 11 12 13 14 15 16 17 18 » #
|
|
Van Bayburt: “Mən azərbyacanlılarla ermənilərin barışığına inanıram”
|
|
Gürcüstan prezidentinin məsləhətçisi Van Bayburt azərbaycanlıların, erməni və gürcülərin Cənubi Qafqazın əsl sahibləri olduğunu söyləyib. KƏLAMİNFO xəbər verir ki, məsləhətçi öz çıxışında “Azərbaycanlılar, erməni və gürcülər- budur Cənubi Qafqazın əsl sahibləri və Allah özü istəyir ki, onlar dostluq və barışıq şəraitində yaşasın”,-deyə bildirib. Bu xalqlar arasında olan problemlər həll edilərsə Cənubi Qafqazın ən güclü region olacağını söyləyən V.Bayburt azərbaycanlılar və ermənilərin müdrik xalq olduqlarını və onların barışığına inandığını vurğulayıb.
|
06.11.09 Məqaləni oxumaq
|
| |
|
|
|
Allahşükür Paşazadə: “Azərbaycanda vicdan azadlığı, dini etiqad azadlığı, dini tolerantlıq mövcuddur”
|
|
Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadənin 60 illik yubileyi və Şeyxülislam kimi fəaliyyətinin 30 illiyi münasibətilə keçiriləcək konfransda iştirak etmək üçün Bakıya gələn qonaqlar bu gün Fəxri Xiyabana gələrək ümummilli lider Heydər Əliyevin məzarını ziyarət ediblər. KƏLAMİNFO xəbər verir ki, Şeyxülislam Hacı Allahşükür Paşazadə, Dini Qurumlarla İş üzrə Dövlət Komitəsinin sədri Hidayət Orucov, Belarus patriarxı Filaret və digər şəxslər ulu öndər Heydər Əliyevin və akademik Zərifə Əliyevanın məzarları önünə əklillər qoyublar. Sonra A.Paşazadə, H.Orucov və qonaqlar Şəhidlər Xiyabanına gələrək Azərbaycanın azadlığı uğrunda canlarından keçən vətən övladlarının xatirəsini yad ediblər. A. Paşazadə jurnalistlərə müsahibəsində bildirib ki, yubiley tədbirləri çərçivəsində sabah “Gülüstan” sarayında dinlərarası dialoqa həsr olunmuş beynəlxalq konfrans keçiriləcək. Bütün Qafqazın Şeyxi konfransın noyabrın 7-də Təzə Pir məscidində davam etdiriləcəyini söyləyib.
|
|
06.11.09 Məqaləni oxumaq
|
| |
|
|
|
Qarabağ müharibəsi zamanı həyata keçirilən hərbi əməliyyatlarından biri barədə film çəkiləcək
|
|
Qarabağ müharibəsi zamanı, 1992-ci ilin yanvarında polkovnik - leytenant Riad Əhmədovun başçılığı altında həyata keçirilən "Daşaltı" hərbi əməliyyatı barədə film çəkiləcək. Bu barədə məlumatı KƏLAMİNFO-ya Bakı şəhər Mədəniyyət və Turizm İdarəsinin mətbuat xidmətindən veriblər. Real hadisələr üzərində qurulacaq bədii-sənədli film azərbaycan və türk dillərində lentə alınacaq. Filmin müəllifi və prodüseri Rüfət Şixiyevdir. Qeyd olunub ki, "Daşaltı" əməliyyatı uğursuz başa çatıb və Riad Əhmədov əsir alınaraq Spitakda saxlanılıb. Ekran əsəri Türkiyə kanallarında nümayiş olunacaq.
|
|
06.11.09 Məqaləni oxumaq
|
| |
|
|
|
TQDK-da növbəti elmi-metodiki seminar keçirilib
|
|
Bu gün Tələbə Qəbulu üzrə Dövlət Komissiyasında (TQDK) İngilis dili fənni üzrə növbəti elmi-metodiki seminar keçirilib. Bu barədə məlumatı KƏLAMİNFO-ya TQDK-nın mətbuat xidmətindən veriblər. Seminar iclasında statistik məlumatlardan da istifadə etməklə 2009-cu ildə magistraturaya qəbul imtahanlarında təklif olunan test tapşırıqlarının elmi-metodiki təhlilinə başlanılıb. Müzakirələr zamanı “A” variantında təklif olunmuş test tapşırıqlarının qəbul proqramına uyğun şəkildə tərtib edildiyi və bu proqramda verilmiş dərsliklər və dərs vəsaitləri çərçivəsindən kənara çıxmadığı qeyd edilib. Test bloku içərisində bakalavrların düzgün cavab verməkdə çətinlik çəkdiyi və cavab verməkdən imtina etdiyi test tapşırıqları müəyyənləşdirilərək təhlil edilib, bunların səbəblərinin müəyyən edilməsi istiqamətində müzakirələr aparılıb. Müzakirələr göstərib ki, tərcümə ilə əlaqədar test tapşırıqlarına bakalavrların çox hissəsi düzgün cavab verib. Seminarda qərara alınıb ki, magistraturaya qəbul imtahanlarında təklif olunmuş digər variantlardakı test tapşırıqlarının elmi-metodiki təhlili növbəti seminar iclasında da davam etdirilsin.
|
|
06.11.09 Məqaləni oxumaq
|
| |
|
|
|
Səfər Əbiyev Silahlı Qüvvələrdə A/H1N1 virusuna qarşı mübarizə tədbirlərinin həyata keçirilməsi ilə bağlı əmr imzalayıb
|
|
Müdafiə naziri Səfər Əbiyev Silahlı Qüvvələrdə A/H1N1 virusuna (“donuz qripi”) qarşı mübarizə tədbirlərinin həyata keçirilməsi ilə bağlı xüsusi əmr imzalayıb. Bu barədə məlumatı KƏLAMİNFO-ya Müdafiə Nazirliyinin mətbuat xidmətinin rəisi, polkovnik-leytenant Eldar Sabiroğlu verib. Əmrin bir neçə gün bundan əvvəl imzalandığını bildirən E.Sabiroğlu qeyd edib ki, artıq əmrin icrasına başlanıb. E. Sabiroğlunun sözlərinə görə, nazirliyin şəxsi heyətinə “donuz qripi”nin yayılmasının qarşısının alınması, hərbi qulluqçuların virusa yoluxmaması istiqamətində müvafiq göstərişlər verilib.
|
|
06.11.09 Məqaləni oxumaq
|
| |
|
|
|
MDB Gənclər ili çərçivəsində Azərbaycanda bir sıra tədbirlər keçiriləcək
|
|
Bu il MDB İcrayə Komitəsi tərəfindən, MDB ölkələrində Gənclər İli elan olunub. KƏLAMİNFO xəbər verir ki, bu barədə məlumatı jurnalistlərə müsahibəsində gənclər və idman nazirinin müavini İntiqam Babayev verib. Gənclər ili çərçivəsində Azərbaycanda bir sıra tədbirlərin keçiriləcəyini vurğulayan İ.Babayev qeyd edib ki, tədbirdə əsasən MDB ölkələrindən gələn yaradıcı gənclərlər iştirak edəcək. Onun sözlərinə görə, burada həmçinin sərgi və konsertlər də nümayiş olunacaq. Tədbirlər çərçivəsində Dəyirmi masaların təşkil olunacağını diqqətə çatdıran İ.Babayevin sözlərinə görə, tədbirlərdə MDB ölkələri gənclərinin əməkdaşlığının daha da genişləndirməsi məsələləri müzakirə olunacaq. O, hazırda ölkədə bir sıra tədbirlərin başladığı və burada MDB ölkələrindən 100 yaxın gəncin iştirak etdiyini qeyd edib.
|
|
05.11.09 Məqaləni oxumaq
|
| |
|
|
|
Konstitusiya Məhkəməsi Palatasının növbəti iclası keçirilib
|
|
Konstitusiya Məhkəməsi Palatasının növbəti iclası keçirilib. Məhkəməsinin mətbuat xidmətindən KƏLAMİNFO-ya verilən məlumata görə, palatanın iclasında AR Konstitusiyasının 130-cu maddəsinin V hissəsinə və “Konstitusiya Məhkəməsi haqqında” AR Qanununun 7.1-ci maddəsinə əsasən, vətəndaş Nəcəf Talıb oğlu Quliyevin şikayətinə baxılaraq icraata qəbul edilməsi haqqında qərardad çıxarılıb. Şikayətə mahiyyəti üzrə, tərəflərin iştirakı ilə Konstitusiya Məhkəməsi Plenumunun noyabrın 27-nə təyin edilmiş iclasında baxılacaq.
|
|
05.11.09 Məqaləni oxumaq
|
| |
|
|
|
Prezident İlham Əliyev Neft Daşlarının 60 illik yubileyi mərasimində iştirak edib
|
|
Bu gün Neft Daşlarının 60 illik yubileyi münasibətilə dünyanın səkkizinci möcüzəsi adlandırılan dəniz şəhərində yubiley mərasimi keçirilib. KƏLAMİNFO xəbər verir ki, prezident İlham Əliyev təntənəli mərasimdə iştirak etmək üçün Neft Daşlarında olub. Prezident İlham Əliyev əvvəlcə ümummilli lider Heydər Əliyevin abidəsini ziyarət edərək gül dəstəsi qoyub. Dövlət başçısı ulu öndər Heydər Əliyevin muzeyi ilə tanış olub. Sonra prezident İlham Əliyev neftçilərin istirahət parkının və qaz-kompressor stansiyasının açılışında iştirak edib. Dövlət başçısı yubiley mərasimində nitq söyləyib, dəniz neftçilərini yubiley münasibətilə təbrik edib, onlara gələcək işlərində uğurlar arzulayıb. Prezident təltif olunan neftçilərə orden və medallar təqdim edib.
|
|
05.11.09 Məqaləni oxumaq
|
| |
|
|
|
Bakıda NANO Texnologiyası üzrə beynəlxalq konfrans keçirilib
|
|
Bu gün Bakıda “BakuTel-2009” Beynəlxalq Sərgi və Konfransı çərçivəsində NANO Texnologiyası üzrə beynəlxalq konfrans keçirilib. KƏLAMİNFO xəbər verir ki, konfransa sədrlik edən Rabitə və İnformasiya Texnologiyaları Nazirliyinin Yeni Texnologiyalar Mərkəzinin direktoru Sevda Abdullayeva bu texnologiyanın son dövrlər ölkəmizdə tətbiqinin sürətlənməsindən danışıb. S.Abdullayeva müasir dövrdə bu sahədə kəşflərini Azərbaycana gələrək ilk təqdim edən yaponiyalı alim Yoşikazu Nokoyamanı konfrans iştirakçılarına təqdim edib. Yaponiya Osaka Universitetinin Mexaniki Mühəndislik Departamentinin professoru Yoşikazu Nokoyama geniş mühazirə ilə çıxış edərək bu sahədə hazırladığı iki layihəni iştirakçılara təqdim edib. O qeyd edib ki, bunlar NANO karbon materiallarının manipulyasiyası və Tətbiqetmə texnologiyasının inkişafı haqqında olan layihələrdir.
|
|
05.11.09 Məqaləni oxumaq
|
| |
|
|
|
Milli Elm Fondu müsabiqə elan edib
|
|
Azərbaycan Milli Elm Fondu (MEF) İnnnovasiya Tədqiqatları Elmi Mərkəzinə işə qəbulu üçün müsabiqə elan edib. Fondun direktoru Fuad İsmayılovun KƏLAMİNFO-ya verdiyi məlumata görə, müsabiqə mərkəzə laboratoriya meneceri tələb olunduğu üçün elan olunub. Qeyd edək ki, müsabiqədə iştirak etmək arzusunda olan şəxs 30 yaşdan yuxarı, elmi dərəcəli, bir neçə Qrant müsabiqələrinin qalibi, beynəlxalq konfransların iştirakçısı olmalıdır. Bundan əlaıvə, o, qəzet və jurnallarda elmi-publisistik məqalələrlə çıxış edən şəxs olmalıdır. Maraqlananlar noyabrın 30-dək müvafiq sənədrləri MEF-yə (www.ansf.az) (012 497-15-26) təqdim edə bilərlər. Qeyd edək ki, sözügedən mərkəz enerji, kənd təsərrüfatı və biotexnologiya sahəsinin elmi tədqiqıni aparır.
|
|
05.11.09 Məqaləni oxumaq
|
| |
|
|
|
Səhifələr : # « 10 11 12 13 14 15 16 17 18 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
