|
|
Səhifələr : # 1 2 3 4 5 6 #
|
|
Səhiyyə Nazirliyində AR İnzibati Xətalar Məcəlləsinin müvafiq maddələrinə uyğun müvafiq qərarlar qəbul edilib
|
|
Səhiyyə Nazirliyində AR İnzibati Xətalar Məcəlləsinin 64.1, 230.1 və 230.2-ci maddələrinə əsasən müvafiq qərarlar qəbul edilib. Bu barədə məlumatı KƏLAMİNFO-ya Səhiyyə Nazirliyinin mətbuat xidmətindən veriblər.
Məlumatda bildirilir ki, xüsusi razılıq (lisenziya) olmadan tibb və ya əczaçılıq fəaliyyəti ilə məşğul olmağa görə Səhiyyə Nazirliyi, Səhiyyə Nazirliyinin Dərman Vasitələrinin Analitik Ekspertiza Mərkəzi və Vergilər Nazirliyinin əməkdaşları tərəfindən 2009-cu ilin 10 ayı ərzində tibb fəaliyyəti üzrə 116, əczaçılıq fəaliyyəti ilə məşğul olmağa görə 2009-cu ilin son üç ayı ərzində 119 fakt aşkar edilib. AR səhiyyə nazirinin 03 may 2007-ci il tarixli “Reseptlərin yazılması və dərman vasitələrinin aptek müəssisələrindən buraxılması qaydaları haqqında” 46 nömrəli əmrinin tələblərini yerinə yetirməyən 22 aptek müəssisəsinə İnzibati Xətalar Məcəlləsinin 230.1-ci maddəsi ilə protokollar tərtib edilib. Həmin faktlar rəsmiləşdirilərək Səhiyyə Nazirliyinə göndərilib və AR İnzibati Xətalar Məcəlləsinin 64.1-ci, 230.1-ci və 230.2-ci maddələrinə əsasən müvafiq qərarlar qəbul edilib və cərimə sanksiyaları tətbiq olunub.
|
30.10.09 Məqaləni oxumaq
|
| |
|
|
|
Tələbə Qəbulu üzrə Dövlət Komissiyası növbəti elmi-metodiki seminarını keçirib
|
|
Bu gün Tələbə Qəbulu üzrə Dövlət Komissiyası (TQDK) tarix fənni üzrə növbəti elmi-metodiki seminarını keçirib. Bu barədə məlumatı KƏLAMİNFO-ya TQDK-nın mətbuat xidmətindən veriblər.
Seminarda ali məktəblərin II ixtisas qrupu və 9 illik təhsil bazasından orta ixtisas məktəbləri üçün tarix fənnindən qəbul proqramlarının təkmilləşdirilməsinin müzakirəsi olub.
Seminar iclasında II ixtisas qrupu üzrə “Azərbaycan tarixi” və 9 illik təhsil bazasından orta ixtisas məktəbləri üçün qəbul proqramları geniş müzakirə edilib. Orta məktəb dərsliklərində əsaslı dəyişikliklər olmadığından, qəbul proqramlarında yalnız redaktə xarakterli düzəlişlər aparılıb.
Ali məktəblərin II ixtisas qrupu və 9 illik təhsil bazasından orta ixtisas - məktəbləri üçün qəbul proqramlarının ədəbiyyat siyahısına Azərbaycan Respublikası Təhsil Nazirliyi tərəfindən təsdiq olunmuş və 2005-2009-cu illərdə nəşr edilmiş tarix dərslikləri əlavə edilib.
|
|
30.10.09 Məqaləni oxumaq
|
| |
|
|
|
Prezident İlham Əliyev İsmayıllı rayonuna səfər edib
|
|
Bu gün prezident İlham Əliyev İsmayıllı rayonuna səfərə gedib. KƏLAMİNFO xəbər verir ki, prezident İlham Əliyev və xanımı Mehriban Əliyeva ilk olaraq İsmayıllı şəhərinin mərkəzində ümummilli lider Heydər Əliyevin abidəsini ziyarət edərək gül dəstələri qoyublar.
Prezident İlham Əliyev və xanımı Mehriban Əliyeva İsmayıllı şəhərində Heydər Əliyev Mərkəzinin açılışında iştirak ediblər. Dövlət başçısı açılışı bildirən lenti kəsib və mərkəzlə tanış olub.
Prezident İlham Əliyev və xanımı Mehriban Əliyeva ulu öndərin həyatını əks etdirən sərgi-ekspozisiya zalına, Heydər Əliyev irsini Araşdırma Mərkəzinə, elektron kitabxanaya, kitabxanaya, kompyuter otaqlarına, konfrans zalına baxıb. Dövlət başçısı mərkəzin xatirə kitabına ürək sözlərini yazıb.
Sonra prezident İlham Əliyev İsmayıllı rayonunda Heydər Əliyev adına mədəniyyət və istirahət parkında aparılan yenidənqurma işləri ilə tanış olub.
|
|
30.10.09 Məqaləni oxumaq
|
| |
|
|
|
V Ümumrusiya Müsəlman Forumu fəaliyyətə başlayıb
|
|
Bu gün “Müsəlman problemlərinin maarifləndirilməsi və Rusiyada tədrisi” V Ümumrusiya Müsəlman Forumu öz işinə başlayıb. Forumda müsəlman olan din xadimlərindən başqa ilahiyyatçı alimlər də iştirak edirlər. Mərasimə Rusiya Federasiyası prezidentinin Privoljsk federal ərazisindəki təmsilçisi Qriqoriy Rapota, Nijeqorodskoy əyalətinin qubernatoru Valeriy Şançev, Nijni Novqorod şəhərinin meri Vadim Bulavinov və başqaları dəvət edilib. Tədbir İmam Hənəfinin 1310 illiyinə, mufti Rza Fəxrəddinin 150 illiyinə, “Mahinur” İslam Mədrəsəsinin yaradılmasının 15 illiyinə və Milli birlik gününə həsr edilib.
Proqram çərçivəsində “Müsəlman təhsil sisteminin modeli: Rusiya cəmiyyətində stabilliyi və inkişafı” elmi-praktik seminar və “Rusiyanın İslam kitabı” adlı satış sərgisi də keçiriləcək.
|
|
29.10.09 Məqaləni oxumaq
|
| |
|
|
|
TBMM Azərbaycanın milli mənafeyinə zidd olan hər hansı bir qərar qəbul etməyəcək
|
|
Milli Məclisin sədri Oqtay Əsədov Türkiyə Böyük Millət Məclisinin (TBMM) Xarici əlaqələr komissiyasının sədri Murad Mərcanın başçılıq etdiyi nümayəndə heyətini qəbul edib. Bu barədə məlumatı parlamentdən veriblər.
O.Əsədov qonaqları səmimi salamlayaraq bu cür səfərlərin parlamentlərarası və həyatın digər sahələrində əməkdaşlığın dərinləşməsinə müsbət impuls verdiyini bildirib. Qeyd edib ki, son dövrdə Türkiyə ilə Ermənistan arasında imzalanan protokollarla əlaqədar yaranan narahatlıq artıq aradan qaldırılıb.
O.Əsədov bildirib ki, heç bir qüvvə Azərbaycan-Türkiyə münasibətlərinə kölgə sala bilməz. İki dost və qardaş xalqlar arasında mövcud münasibətlərin dünyada analoqu olmadığını diqqətə çatdıran spiker Azərbaycanın ümummilli lideri Heydər Əliyevin dediyi kimi biz “bir millət iki dövlətik”.
|
|
29.10.09 Məqaləni oxumaq
|
| |
|
|
|
Yaxın günlərdə Azərbaycan xarici işlər nazirinin Fələstinə səfəri gözlənilir
|
|
Azərbaycan xarici işlər naziri Elmar Məmmədyarov Fələstinə dəvət olunub. KƏLAMİNFO xəbər verir ki, bu barədə məlumatı Fələstin Muxtariyyətinin xarici ilşlər naziri Riyad Əl-Malik söyləyib.
E.Məmədyarovun Fələstinə səfəri ilə bağlı dəvət məktubu təqdim etdiyini diqqtə çatdıran Riyad Əl-Malik səfərin yaxın gələcəkdə reallaşmasına ümid etdiyini vurğulayb. O, iki ölkə xarici işlər nazirləri arasında siyasi məsləhətləşmələrin aparılması üçün razılığa gəldiklərini də açıqlayıb. Səfərlə bağlı dəvət məktubunu qəbul etdiyini söyləyən E.Məmmədyarov onun reallaşması üçün müvafiq vaxtın dəqiqləşdiriləcəyini söyləyib.
|
|
29.10.09 Məqaləni oxumaq
|
| |
|
|
|
Bakıda Fələstin səfirliyinin açılması nəzərdə tutulub
|
|
Azərbaycanda Fələstin səfirliyinin açılması nəzərdə tutulub. KƏLAMİNFO xəbər verir ki, bu barədə məlumatı Azərbaycan xarici işlər naziri Elmar Məmmədyarov söyləyib.
O qeyd edib ki, bu barədə məsələ həmkarı Riyad Əl-Malik ilə görüşündə müzakirə olunub.
Fələstin Muxtariyyətinin xarici işlər naziri Riyad Əl-Malik də görüşdə səfirliyn açılması və Azərbaycana səfir təyin olunması məsələsinin gündəmdə olduğunu qeyd edib. O bildirib ki, bundan sonra bura səfirin təyin olunması məsələsinə baxılacaq. O, yeni səfirin iki ölkə arasındakı əlaqələrin daha da inkişaf etdirilməsinə öz töhfəsini verəcəyinə ümid etdiyini söyləyib.
|
|
29.10.09 Məqaləni oxumaq
|
| |
|
|
|
RİTN ilə AMEA arasında əməkdaşlıq haqqında Niyyət Protokolu imzalanıb
|
|
Bu gün Bakıda Rabitə və İnformasiya Texnologiyaları Nazirliyi (RİTN) ilə Azərbaycan Milli Elmlər Akademiyası (AMEA) arasında əməkdaşlıq haqqında Niyyət Protokolu imzalanıb. KƏLAMİNFO xəbər verir ki, Protokolu nazir Əli Abbasov və AMEA-nın prezidenti Mahmud Kərimov imzalayıblar.
İmzalanan Protokola əsasən RİTN və AMEA informasiya-kommunikasiya texnologiyaları (İKT) sektorunun davamlı inkişafında innovativ fəaliyyətin genişləndirilməsi, fundamental elmi nailiyyətlərin istifadə edilməsi, mütərəqqi elmi-praktiki nəticələrin İKT məhsul və xidmətlərinin yaradılması və istehsalında tətbiqi, ölkədə informasiya cəmiyyətinin formalaşdırılması və s. bu kimi istiqamələrdə əməkdaşlıq nəzərdə tutulub.
Niyyət Protokolundan irəli gələn vəzifələrin həyata keçirilməsi üçün RİTN və AMEA-nın nümayəndələrindən ibarət İşçi Qrupunun yaradılması planlaşdırılıb.
|
|
29.10.09 Məqaləni oxumaq
|
| |
|
|
|
Yaxın günlərdə YAP üzvlərinin sayı 500 min nəfərə çatacaq
|
|
Yaxın günlərdə Yeni Azərbaycan Partiyası (YAP) üzvlərinin sayı 500 min nəfərə çatacaq. KƏLAMİNFO xəbər verir ki, bu barədə məlumatı YAP-ın Sədr müavini, icra kitibi Əli Əhmədov verib.
Ə.Əhmədov bildirib ki, Azərbaycanın tarixində bu qədər insanı öz sıralarında birləşdirən siyasi təşkilat heç bir zaman olmayıb. “İlk dəfə olaraq belə bir yüksək göstəricini YAP nümayiş etdirib. Digər parametrlər baxımından da YAP şəksiz olaraq cəmiyyətimizin ən güclü siyasi partiyasıdır. Bu o qədər böyük bir həqiqətə çevrilib ki, artıq YAP cəmiyyətin ən böyük, ən güclü partiyasıdır fikrini səsləndirmək özü belə adiləşib”,-deyə Ə.Əhmədov vurğulayıb.
Partiya rəsmisi həmçinin YAP-ın qarşıdan gələn ildönümünün də qeyd olunacağını söyləyib.
|
|
29.10.09 Məqaləni oxumaq
|
| |
|
|
|
BQXK-nin Ermənistan nümayəndəliyinin əməkdaşları əsir əsgərlərə baş çəkiblər
|
|
Beynəlxalq Qızıl Xaç Komitəsinin (BQXK) Ermənistan nümayəndəliyinin əməkdaşları bu ölkədə əsirlikdə saxlanılan Azərbaycan Ordusunun əsgərləri Rafiq Rəhman oğlu Həsənova və Anar Xanbaba oğlu Hacıyevə baş çəkiblər. Bu barədə məlumatı KƏLAMİNFO-ya BQXK-nın Azərbaycan nümayəndəliyin mətbuat katibi Gülnaz Quliyeva verib.
G.Quliyeva bildirib ki, görüş zamanı BQXK təmsilçiləri əsirlərin saxlanma şəraitinin monitorinqini keçiriblər və onlarla təkbətək söhbət aparıblar.
|
|
29.10.09 Məqaləni oxumaq
|
| |
|
|
|
Səhifələr : # 1 2 3 4 5 6 # |
|
Torpaqlarımızı qaytaraq..
|
| |
|
|
|
Açılış Səhifəsi et 
