|
|
Səhifələr : # 1 2 3 4 5 6 7 8 9 #
|
|
Vilayət Eyvazov: “Fahişəliklə məşğul olan 749 qadın barəsində inzibati tənbeh tədbirləri görülüb”
|
|
Daxili İşlər Nazirliyinin “Qaynar xətt” telefon xidmətlərinə daxil olan 5163 zəngdən 8-i insan alveri, 27-si əxlaqsız yuvaları saxlama və fahişəliyə cəlb etmə cinayətləri ilə bağlı olub. KƏLAMİNFO xəbər verir ki, bu barədə məlumatı daxili işlər nazirinin müavini, general-leytenant Vilayət Eyvazov parlamentdə çıxışı zamanı bildirib.
V.Eyvazov qeyd edib ki, digər müraciətlər xarici ölkələrdə işə düzəltmək, təhsil almaq, əcnəbilərlə nikah bağlamaq və s. məsələlərlə əlaqədardır. V.Eyvazov ictimai mənəviyyat əleyhinə olan hüquqazidd əməllərlə bağlı 217, o cümlədən fahişəliyə cəlb etməyə görə 72, əxlaqsızlıq yuvaları saxlama ilə əlaqədar 134 cinayət aşkar edilərək onları törədən 160 nəfərin məsuliyyətə cəlb edildiyini söyləyib. O, fahişəliklə məşğul olan 749 qadın barəsində isə qanunvericiliklə nəzərdə tutulmuş inzibati tənbeh tədbirlərinin görüldüyünü deyib.
|
27.10.09 Məqaləni oxumaq
|
| |
|
|
|
Prezident İlham Əliyev Berdiməhəmmədova təbrik məktubu göndərib
|
|
Azərbaycan prezidenti İlham Əliyev Türkmənistanlı həmkarı Qurbanqulu Berdiməhəmmədova təbrik məktubu göndərib. Məktubda bildirilir: “Hörmətli Qurbanqulu Məlikquliyeviç, Türkmənistanın milli bayramı – Müstəqillik günü münasibətilə Sizi və Sizin simanızda bütün xalqınızı öz adımdan və Azərbaycan xalqı adından səmimi qəlbdən təbrik edirəm.
Əminəm ki, Azərbaycan-Türkmənistan dövlətlərarası münasibətlərinin inkişaf etdirilməsi, dostluq və əməkdaşlığımızın möhkəmləndirilməsi yolunda bundan sonra da qarşılıqlı səylərimizi davam etdirəcəyik.
Bu əlamətdar gündə Sizə möhkəm cansağlığı, işlərinizdə uğurlar, dost Türkmənistan xalqına sülh və firavanlıq arzulayıram”.-deyə məktubda qeyd olunur.
|
|
27.10.09 Məqaləni oxumaq
|
| |
|
|
|
Azərbaycanda 1000-ə yaxın küçə uşağı var
|
|
Bu gün “Park-inn” otelində “Azərbaycanda uşaqların vəziyyəti və BMT-nin Uşaq Hüquqları Konvensiyasının icrasına dair vətandaş cəmiyyətinin və uşaqların nativ Hesabatı“na həsr olunan konfrans keçirildi. Konfransda çıxış edən Uşaq Hüquqları Klinikasının sədri Nazir Quliyev son dövrlər uşaqlar arasıdakı cinsi və fiziki zorakılıq halları ilə əlaqədar olan mövcud vəziyyətlə bağlı məlumat verdi. Sözügedən hallarla bağlı kilinikaya müxtəlif regionlar, o cümlədən Bakı şəhərindən çoxsaylı faktların daxil olduğunu vurğulayan N.Quliyev bildirdi ki, bu halların qarşısının alınması üçün Azərbaycanda uşaq hüqlarının müdafiəsi üzrə hüquqi müdafiə fəaliyyətinin gücləndirilməsi və gənc vəkillərin hazırlanmasına ehtiyac var.
Azərbaycanda Uşaqlar Birliyinin sədri Kəmalə Ağazadə isə küçə uşaqları ilə bağlı rəsmi göstəricilər barədə məlumat verdi. O, bildirdi ki, rəsmi məlumata görə, küçə uşaqlarının sayı 208, qeyri-rəsmi məlumatlara görə isə, onların sayı 500-1000 nəfər arasındadır. Onun sözlərinə görə, hazırda rəhbərlik etdiyi qurumda 425 küçə uşağı qeydiyyatdan keçib.
|
|
27.10.09 Məqaləni oxumaq
|
| |
|
|
|
R.T.Ərdoğan yenidən söz verib
|
|
Türkiyə ilə Ermənistan arasında imzalanan protokolların təsdiqinin vaxtını Türkiyə Böyük Millət Məclisindəki qruplar təyin edəcək. Bu fikirləri Türkiyənin Baş naziri Rəcəb Tayyib Ərdoğan Qətərin “Əl-Cəzirə” televiziyasının protokolların nə vaxt imzalanacağı sualına cavab verərkən söyləyib.
O qeyd edib ki, sözügedən məsələ ilə bağlı gizli heç bir şey yoxdur. R.T.Ərdoğan protokollar imzalanmazdan əvvəl Azərbaycana etdiyi səfəri və buradakı görüşlərindən də bəhs edib. “Bu qədər həssaslıqla aparılan prosesdə bəzi məsələlər olur ki, bu da bizi üzür. O ki, qaldı Türkiyənin Baş nazirinin Azərbaycanın Milli Məclisindəki görüşləri və orada söylədiyi fikirlərinə, demək istəyirəm ki, məsələ orada bitib və Baş nazir onun arxasında durur. Güman edirəm ki, bizim aramızda etibir var. Əgər aramızda bu etibar yoxdursa, mənim özümdən şübhəm yoxdur. Başqalarının şübhəsi varsa, bunu da bilmirəm”,-deyən Ərdoğan son günlərin aktual və həssas məsələsinə belə münasibət açıqlayıb.
|
|
27.10.09 Məqaləni oxumaq
|
| |
|
|
|
Milli Kitabxanada 10 günlük ədəbiyyat sərgisi keçiriləcək
|
|
Oktyabrın 30-da Milli Kitabxanada Almaniyanın ölkəmizdəki səfirliyi ilə birgə “Lev Nussimbaum, Əsəd bəy, Qurban Səid: “Əli və Nino” əsərinin müəllifi kimdir?” adlı ədəbiyyat sərgisinin açılışı olacaq. Bu barədə məlumatı Milli Kitabxanadan veriblər.
Sərgidə Q.Səidin həyat və yaradıcılığını əks etdirən 70-dən çox foto şəkillər, arxiv materialları nümayiş ediləcək. Onun haqqında ümumi təsəvvür yaradan bu fotoşəkillər Tom Rays tərəfindən toplanıb.
Sərginin açılışından sonra almaniyalı mütəxəssis Q.Səid haqqında mühazirə oxuyacaq. Sərgi 10 gün davam edəcək.
|
|
27.10.09 Məqaləni oxumaq
|
| |
|
|
|
Təhsil Nazirliyinə 51 müraciət daxil olub
|
|
Sentyabrın 1-dən oktyabrın 16-dək Təhsil Nazirliyinin “qaynar-xətt”inə 51 müraciət daxil olub. Bu barədə məlumatı Təhsil Nazirliyinin Ali və orta ixtisas təhsili şöbəsinin böyük məsləhətsisi, “qaynar-xətt”in koordinatoru Ənvər İmanov verib.
Ə.İmanov qeyd edib ki, müraciətlərin 60 faizi ümumtəhsil müəssisələrində dərslik məsələsi ilə bağlı olub. Onların 25 faizinin məktəbəqədər tərbiyyə müəssisələri ilə əlaqədar olduğunu diqqətə çatdıran Ə.İmanov müraciətlərin 10 fazinin isə müəllimlərin aylıq məvaciblərinin gecikməsi ilə bağlı olduğunu söyləyib. O, vətəndaşlar tərəfindən ünvanlanan müraciətlərin 5 faizinin səlahiyyətləri çərçivəsində olduğunu da açıqlayıb. “Bəzən 75 yaşlı müəllimlər müracit edirlər ki, məni niyə fəxri adla təltif etmirlər. Biz də cavab veririk ki, bu məsələ bizim səlahiyyətlərimiz xaricindədir. Ona görə də biz, məcburən belə müraciətləri də qeydə alırıq”,-deyə Ə.İmanov əlavə edib. Onun sözlərinə görə, “qaynar-xətt”ə daxil olan məlumatlarla əlaqədar noyabr ayının əvvəllərində ətraflı açıqlama veriləcək.
|
|
27.10.09 Məqaləni oxumaq
|
| |
|
|
|
TBMM-nin parlament nümayəndə heyətinin Bakıya səfərinin proqramı açıqlanıb
|
|
Türkiyə Böyük Millət Məclisinin Xarici əlaqələr komissiyasının sədri Murad Mərcanın rəhbərlik etdiyi nümayəndə heyətinin Bakıya səfərinin proqramı açıqlanıb. Türkiyənin Azərbaycandakı səfirliyindən verilən məlumata görə, 8 millət vəkilinin daxil olduğu nümayəndə heyəti sabah axşam Bakıya gələcək. Nümayəndə heyətinin tərkibinə Türkiyə parlamentinin xarici əlaqələr komissiyasının sədri Murad Mərcan (AKP, Əskişəhir), Şaban Dişli (AKP, Sakarya), Zeynəb Dağı (AKP, Ankara), Fevzi Şanverdi (AKP, Hatay), Abdullah Çalışkan (AKP, Kırşehir), Mehmet Çərçi (AKP, Manisa), Əhməd Dəniz Bölükbaşı (MHP, Ankara) və Şenol Bal (MHP, İzmir) daxildir.
Qeyd edək ki, Şenol Bal istisna olmaqla heyət üzvlərinin hamısı parlamentin xarici əlaqələr komissiyasının üzvləridir. Səfər çərçivəsində qonaqnlar Milli Məclisin Beynəlxalq və parlamentlərarası əlaqələr komitəsində görüş keçirəcək, prezident İlham Əliyevin qəbulunda olacaqlar.
|
|
26.10.09 Məqaləni oxumaq
|
| |
|
|
|
Murad Mərcanın başçılıq etdiyi parlament nümayəndə heyəti Azərbaycana səfərə gəlir
|
|
Sabah Türkiyə Böyük Millət Məclisinin xarici əlaqələr komissiyasının rəhbəri Murad Mərcanın başçılıq etdiyi nümayəndə heyəti Azərbaycana səfərə gələcək. Bu barədə məlumatı Milli Məclisin mətbuat xidmətindən veriblər.
Türkiyə parlament nümayəndə heyətinin Bakıda görüşləri oktyabrın 28-dən başlayacaq. Qonaqlar Fəxri Xiyabanda ümummilli lider Heydər Əliyevin məzarını, Şəhidlər Xiyabanını və Türk Şəhidliyini ziyarət edəcəklər.
Sonra Milli Məclisin beynəlxalq münasibətlər və parlamentlərarası əlaqələr komitəsinin üzləri ilə görüş keçiriləcək. Türkiyə Böyük Millət Məclisinin nümayəndələrinin Milli Məclisin sədri Oqtay Əsədovla da görüşü nəzərdə tutulub
Qeyd edək ki, səfərdə məqsəd Azərbaycan-Türkiyə münasibətləri, iki ölkənin qanunverici orqanları arasında təcrübə mübadiləsinin aparılması və digər məsələləri müzakirə etməkdir.
|
|
26.10.09 Məqaləni oxumaq
|
| |
|
|
|
Memorandum imzalanacaq
|
|
İranla Azərbaycan arasında mədəniyyət sahəsində əməkdaşlığa dair Memorandum imzalanacaq. Bu barədə məlumatı jurnalistlərə açıqlamasında Bakıda səfərdə olan İran prezidentinin müşaviri, Mədəniyyət və İslam Əlaqələri Təşkilatının sədri Mehdi Mustəfəvi məlumat verib. O, bildirib ki, Memorandumda kinematoqrafiya və incəsənətin digər sahələri üzrə əməkdaşlıq öz əksini tapacaq. Bu əməkdaşlıq çərçivəsində turizm və incəsənət sahəsində sərgilərin təşkili nəzərdə tutulub. İran rəsmisinin sözlərinə görə, bu sənəd çərçivəsində həmçinin universitet səviyyəsində tələbə və müəllim mübadiləsi həyata keçiriləcək. “Tədqiqat sahəsində əməkdaşlığın artırılması, hər iki ölkənin müasir incilərinin istər fars, istər Azərbaycan dilinə tərcümə edilməsi nəzərdə tutulub, biz hər iki ölkənin milli kitabxanaları arasında əlaqələrin inkişaf etməsini istəyirik”,-deüə M. Mustəfəvi vurğulayıb.
|
|
26.10.09 Məqaləni oxumaq
|
| |
|
|
|
“Yeni Azərbaycan” qəzetinin baş redaktoru hədələnib
|
|
Dünən axşam radələrində Nəsimi rayonunda, D.Əliyeva küçəsində, həmin küçədə yaşayan “Yeni Azərbaycan” qəzetinin baş redaktoru Hikmət Məmmədov “Toyota” markalı avtomaşınını idarə edərkən “Mercedes” markalı avtomaşının sürücüsü ilə aralarında münaqişə baş verib və bu zaman həmin sürücü avtomaşının yük yerindən avtomat silahı çıxararaq H.Məmmədovu hədələyərək hadisə yerini tərk edib. Bu barədə məlumatı Daxili İşlər Nazirliyinin mətbuat xidmətindən veriblər.
Nəsimi RPİ 22-ci PB əməkdaşlarının keçirdikləri əməliyyat-axtarış tədbirləri nəticəsində hadisəni törədən M.Ə.Rəsulzadə qəsəbə sakini Ənvər Sadıqov saxlanılıb, onun M.Fətəli küçəsi ev 152-də kirayədə götürdüyü mənzilə baxış zamanı 1 ədəd “AK” silahı, 29 ədəd avtomat gülləsi və 1 ədəd güllə darağı aşkar edilərək götürülüb. Faktla bağlı araşdırmalar aparılır.
|
|
26.10.09 Məqaləni oxumaq
|
| |
|
|
|
Səhifələr : # 1 2 3 4 5 6 7 8 9 # |
|
Torpaqlarımızı qaytaraq..
|
| |
|
|
|
Açılış Səhifəsi et 
