Hazırda Dağlıq Qarabağ (DQ) mövzusunda güzəştlər iki müstəviyə keçmək ərəfəsindədir. KƏLAMİNFO xəbər verir ki, bunları jurnalistlərə açıqlamasında politoloq Mübariz Əhmədoğlu deyib. O, qeyd edib ki, hazırkı danışıqlar prosesinin birinci müstəvisi DQ tərəfdən güzəştlərin Ermənistana aid olmasından ibarətdir. Politoloqun fikirncə, ikinci müstəvidə olan güzəştlər Azərbaycan tərəfdən kommunikasiya və enerji layihələrinin Ermənistan üzərində keçmə məsələləridir. “Bu çox ciddi bir prosesin başlanğıcıdır. Fikrimcə, Ermənistan Nabukko məsələsinə razılıq verməklə hələki oyun oynayır. Yəni, onlar ümüd edir ki, bu yolla danışıqları yubada bildilər. Əslində Ermənistan xarici siyasəti gen-bol yalanlardan istifadə etmək əvəzinə bu prosesdə siyasi iradə nümayiş etdirməlidir”,-deyə politoloq vurğulayıb.

Baxılıb: 568