Milli Məclisin bu gün keçirilən iclasında bir sıra qanunlara əlavə və dəyişiklik edildi. KƏLAMİNFO xəbər verir ki, iclasda əvvəlcə “Naxçıvan Muxtar Respublikasının Konstitusiyasına əlavələr və dəyişikliklər edilməsi haqqında” Konstitusiya qanun layihəsi müzakirə olundu. Sənədi millət vəkillərinin diqqətinə parlamentin Hüquq siyasəti və dövlət quruculuğu məsələləri komitəsinin sədri Əli Hüseynov təqdim etdi. İclasda 2009-cu il martın 18-də keçirilmiş referendum nəticəsində qəbul edilmiş “AR Konstitusiyasına əlavələr və dəyişikliklər edilməsi haqqında” AR Referendum Aktının tətbiqi ilə əlaqədar “Azərbaycan Respublikasının iqtisadi müstəqilliyinin əsasları haqqında” Konstitusiya Qanununa dəyişiklik edilməsi barədə”, “AR Mülki Məcəlləsinə dəyişiklik və əlavə edilməsi barədə”, “İnsanın immun çatışmazlığı virusunun törətdiyi xəstəliklə (HİV infeksiyası ilə) mübarizə haqqında” Qanun layihələri müzakirə olundu.

Parlamentdə həmçinin Azərbaycan prezidenti İlham Əliyevin və Belarus prezidenti A.Lukaşenkonun Birgə Bəyannaməsi, Azərbaycan və Sloveniya prezidentlərinin birgə Bəyannaməsini, Azərbaycan hökuməti və Sloveniya hökuməti arasında diplomatik pasportlara malik vətəndaşlara viza tələbinin ləğv olunması haqqında Sazişi ratifikasiya etdi.

Baxılıb: 511