Seyyid ocağında toydayıq bu gün,

Allahın iznilə olubdur mümkün.

Seyidyar qızına edir toy-düyün,

Gözün aydın olsun, Mirəziz Ağa!

Xidmət eyləyirsən xalqa, millətə,

×atmısan hər cürə ada, izzətə,

Rəhmət o usdadın Şeyx Qüdrətə,

Gözün aydın olsun Mirəziz Ağa!

Seyd ocağının başındasan sən,

Kamillil, müdriklik yaşındasan sən,

Nəsil üzüyünün qaşındasan sən,

Gözün aydın olsun, Mirəziz Ağa!

El-oba hər zaman marağındadır,

Bu toyun, nişanın sorağındadır,

Dost, qohum, əqraba sol-sağındadır,

Gözün aydın olsun, Mirəziz Ağa!

Hacı Mirvəlinin şirin kəlamı,

Hacı Mirsəlimin arzusu, kamı,

Bu gözəl məclisi mədh edir hamı,

Gözün aydın olsun, Mirəziz Ağa!

Miryaqub,Mirhəbib bükülməz qolun,

Mirbaba, Ayazın yoludur yolun,

×əkir qeyrətini Mirsəid oğlun,

Gözün aydın olsun, Mirəziz Ağa!

Sevinən görürəm Hac Səxavəti,

Xeyirxah işlərdən çəkinməz qəti,

Nə gözəl adətdi bu toy adəti,

Gözün aydın olsun, Mirəziz Ağa!

Mirismayıl baban yaşasın deyə,

Adını hörmətlə qoydun nəvəyə,

Adıyla  böyüsün, ucalsın göyə,

Gözün aydın olsun, Mirəziz Ağa!

Yaşyır Mirsadıx, Mirbaba adı,

Mirkərim, Mirəhməd unudulmadı,

Ayaz, Mirəbdül də bu gün toydadı,

Gözün aydın olsun, Mirəziz Ağa!

Deyim Ağəddinin təbrikini mən,

O da Mirziyatək sevinir qəlbən,

Murad, Miramid də deyir ürəkdən,

Gözün aydın olsun, Mirəziz Ağa!

Həm böyük usdadsan, həm din xadimi,

Həm dünya alimi, həm din alimi,

Şerində sözlərin mirvarid kimi,

Gözün aydın olsun, Mirəziz Ağa!

Mehriban atasan, qayğıkeş dayı,

Tanrı bacılara vermiş bu payı,

Yaxşı əməlinin sonsuzdur sayı,

Gözün aydın olsun, Mirəziz Ağa!

Haqqım var, haqqında nə qədər desən, 

Halal çörəyini halal yemisən,

Kimsənin önündə baş əyməmisən,

Gözün aydın olsun, Mirəziz Ağa!

Coşdu Ağa Zahid danışdı, dindi,

Fatimə toyunda qəlbən sevindi,

Bir də təkrar edib deyirəm indi,

Gözün aydın olsun, Mirəziz Ağa!

 

Yazın yaz yeri var, payızın payız,

Qışda qış gözəldir, yayda yay gözəl,

Təbiət binadan gözəl yaranmış,

Günəş gündüz gözəl, gecə ay gözəl.

Hər şey taleyinin hökmü, qisməti,

Sevinc keçərgidi, qəm müvəqqəti,

Sevənlər çəkməsin acı həsrəti,

Birləşib olsunlar qoşa, tay, gözəl.

Sevgi ömrümüzə sönməz bir işıq,

Həm ömrə bəzəkdir, həm də yaraşıq,

Hamının sevincə başı qarışıq.

Xoş gündən hamıya çata pay, gözəl.

Zahid, min arzuyla qəlbin döyündü,

Bu gün bir ocaqda toydu, düyündü,

Ata fərəhləndi, ana öyündü,

Elimdə həmişə ola toy gözəl.

Açılmamış tər qonçədir sevgimiz,

Güldən, çiçəkdən incədir sevgimiz,

Bəs deyirdin ölüncədir sevgimiz,

Bu sevgiyə necə qiydın əzizim.

Vüsalına çatmamışdım bu eşqin,

Bal dadını dadmamışdım bu eşqin,

Qüssəsindən yatmamışdım bu eşqin,

Bu sevgiyə necə qiydın əzizim.

Gecə-gündüz varlığımla andığım,

Hicranına gizli-gizli yandığım,

Öz həyatım, öz taleyim sandığım,

Bu sevgiyə necə qiydın əzizim.

Zahidəm mən tutmamışam bir qərar,

Gül açmadı qönçə olan arzular,

Ürəyimdə bir ağlayan sevgi var,

Bu sevgiyə necə qiydın əzizim.

Ömrümə işıq tək yandın, sönmədin,

Yüz yol əzab verdim, bir yol dinmədin,

Sakit küsüb getdin geri dönmədin,

Qədrini bilmədim, bilmədim sənin.

Bəxtimə göylərdən enən mələkdin,

Sevgi bağımızda neçə gül əkdin,

Bilmədim ömrümə belə gərəkdin,

Qədrini bilmədim, bilmədim sənin.

Sən çıxıb gedəli qəlbim sınıqdı,

Kimə nə qıymadın bəxtimə çıxdı,

Mən səni, sən məni sevən o vaxtı,

Qədrini bilmədim, bilmədim sənin.

Tənhalıq qapımı döyəndə bildim,

Ayrılıq qəddimi əyəndə bildim,

Başım daşdan-daşa dəyəndə bildim,

Qədrini bilmədim, bilmədim sənin.

Dolaşdı illərim keçdi beləcə,

Dərdim ürəyimə axdı gizlicə,

Qınadım özümü hər gün, hər gecə,

Qədrini bilmədim, bilmədim sənin.

Şerimin kədərli sətri sən odun,

Sevgimin qoxusu, ətri sən oldun,

Hər şeyin qiyməti-qədri sən oldun,

Qədrini bilmədim, bilmədim sənin.