“Xəyanətkar və satqın Ələkrəm Hümbətovun Ermənistana səfəri cənub bölgəsinin ziyalılarını və ağsaqqalları narahat edir. Biz onun doğma Azərbaycanımıza qarşı xəyanətkar mövqeyindən təəssüflənirik”. Bu barədə AZADİNFORM-a açıqlama verən Qafqaz Müsəlmanları İdarəsinin Fətva şöbəsinin müdiri Qazi Hacı Mirəziz Seyidzadə mənfur Ələkrəm Hümbətovun Vətənə xəyanətinin hər kəsə bəlli olduğunu söyləyib.  Hacı Mirəziz bildirib ki, Ələkrəm kmi “canlı ölü”lər bütün dövrlərdə milli mənafeyimizə zərbə vurmağa çalışıb: 

“Təbii ki, cavabını da alıblar. Dövlət Ələkrəmi vətəndaşlıqdan çıxarıbsa, biz talışlar onu talışlıqdan çıxarmışıq. Daim ermənilərin və antiazərbaycançı qüvvələrin yanında olan insan talış ola bilməz. Talış olan şəxs dövlətinin yanında olar. Ələkrəm kimi separatçının talış xalqı adından danışmağa heç bir mənəvi haqqı yoxdur. Biz Prezident İlham Əliyevin rəhbərliyi ilə gün-gündən inkişaf edən, qüdrətlənən, bütün dünyada əsl tolerantlıq və xalqlar dostluğu örnəyi olan Azərbaycanımızla fəxr edirik.”