Onu çoxdan tanıyıram. 35 ilə yaxındır Türkiyədə ingilis dilini tədris edir. Qardaş ölkənin ən sayılıb-seçilən ingilis dili mütəxəssislərindən biridir Cengiz Sakmanlı. Onun Bakı şəhərində olduğunu öyrənincə, onunla görüşmək və həmsöhbət olmaq qərarına gəldik. Söhbətimizə də özü barədə tanışlıqdan başladıq: Türkiyənin Mərmərə Universitetində ingilis dili müəllimliyi fakültəsində təhsil almışam. Bu günədək Türkiyənin müxtəlif dövlət liseylərində ingilis dilindən dərs demişəm. Bu dillə bağlı 6 kitab yazmışam. Bu yaxınlarda həmin kitablarımı çap etdirmək niyyətindəyəm. Bu sahədə 35-ilin təcrübəsinə malikəm. Bütün bu təcrüblərimdən bəhrələnərək, ingilis dilini öyrənmək üçün yeni bir metod hazırlamışam və həmin metod əsasında ingilis dilini öyrədirəm. Yeni metodum ingilis dilini öyrənmək istəyənlər üçün çox böyük əhəmiyyətə malikdir.

-Bu dili öyrənmək istəyən bir insan, əvvəlcə qrammatikanı öyrənməlidir. Bu məqsədlə videolar hazırlamışam. Həmin videolarda şəxsi mühazirələrim var. Bu videolardan istifadə edərək tələbələr ingilis dilinin qramatikasını müstəqil şəkildə öyrənə bilərlər. Bütün videolarım www.Thecengizhoca.com adlı şəxsi saytımda yer alıb. İngilis dilini öyrənmək üçün mənə müraciət edənlərə və tələbələrimə öncə bu videoları izləməyin vacibliyini vurğulayıram. Yəni onlar dərsə gəlməmişdən öncə bu videoları mütləq izləməlidirlər. Videoda başa düşmədikləri mövzuları isə sinifdə müzakirə edirik. Daha sonra tələbələrə öyrəndikləri mövzularla bağlı test verirəm. Həmin testin nəticələrinə görə tələbəin dərsi öyrənib-öyrənməməsi məlum olur. Yalnız testdən yaxşı nəticələr əldə edən tələbələr dərslərinə davam edə bilirlər. Onlar dərs zamanı, ingilis dili səviyələrinə görə müxtəlif musiqilər dinləyir, video-filmlərə baxırlar. Bu zaman başa düşmədikləri sözlərin mənasını onlara öyrədirəm. İrəliləyişlər olanda, tələbələr xarici müəlimlərin iştirakı ilə danışıq klublarında iştirak edirlər. Sizə söylədiyim şəxsi saytımda, çat bölməsi də var. Onlar bu bölmədən istifadə edərək də, ingilis dili bacarıqlarını daha da təkmilləşdirə bilərlər. Təbii ki, bütün bunları tətbiq etməyim çoxillik təcrübəyə malik olmağımdan irəli gəlir. Bunu bir neçə ilin müəllimi bu şəkildə edə bilməz. 

-Hazırkı məqsədim pul qazanmaq deyil, ingilis dilini öyrətməkdir. Çalışıram ki, hər kəsə bu dili öyrədim. Hətta, sizə söyləyim ki, bu günə qədər bir neçə imkansız insana pulsuz ingilis dili öyrətmişəm. Gördüyüm işin Azərbaycanda yayılması üçün dərslərimin münasib qiymətlərdə olması vacibdir. İndi bu işdən qazancım az olsa da, gələcəkdə qazancımın daha çox olacağına  inanıram. Videolara gəlincə isə bildiyiniz kimi ingilis dilində 6 səviyyə var. Saytımda hər səviyyə üçün videolar var. Yalnız bir məqam var ki, ilk 2 səviyyənin videolarına baxmaq ödənişsizdir. Digər səviyyələrə baxıb öyrənmək üçün isə saytda göstərilən bank hesabına 20 manat pul ödəmək lazımdır. Bu pulu ödədikdən sonra 4 ay müddətində videolardan asanlıqla yararlanmaq olur. Qeyd edim ki, bu ilin sentyabr ayından etibarən Bakıda açdığım şəxsi ingilis dili kurslarında ingilis dili dərslərinə start verəcəyik. 

-Dərslər həftədə 2 dəfə, 90 dəqiqə müddətində baş tutacaq. Düşünürəm ki, qiymətlər hər kəs üçün münasibdir. Belə ki, qiymətlər 20 nəfərlik qrupda bir nəfər üçün 25 manatdır. Dərs materiallarına gəlincə isə pulsuzdur. Tələbələr bizi seçməklə dünyanın bir nömrəli universiteti olan Cambrige Universitetinin təsdiqi ilə beynəlxalq sertifikata sahib ola bilər.  

-Bu universitetin sertifikatına sahib olmaq üçün imtahandan keçmək lazımdır. Mənim dərslərimə qatılan şəxslər bu imtahandan asanlıqla keçə bilər. Belə ki, bu imtahana daxil olmaq üçün müəyyən edilmiş məbləğ var. Bu imtahanda iştirak etmək istəyən şəxs Britanıyanın Azərbaycandakı səfirliyinə həmin məbləği ödəyir və imtahanda iştirak edir. İmtahandan keçərsə Cambrige Universitetinin sertifikatına sahib olur. Bir daha söyləyim ki, mənim dərslərimə qatılan tələbələrin bu imtahandan keçməsi çox rahatdır. Ümumiyyətlə, mən ingilis dilini elə öyrədirəm ki, insanların İngiltərəyə və Amerikaya getməsinə heç bir ehtiyac qalmır. 

Deməli, İETLS və TOFEL imtahanlarını verməyə gərək yoxdur. Elədirmi?

- Bəli, belədir. Cambirge Universitetinin verdiyi sertifikat ömürlükdür. Amma İETLS və TOFEL imtahanlarını verib keçdikdən sonra qazanılan sertifikat isə 2 illik qüvvədədir. Yenidən imtahan verib sertifikat qazanmaq lazımdır. Amma Cambrige Universitetinin sertifikatını qazandığınız zaman isə İETLS və TOFEL-in imtahanlarına daxil olmağa gərək qalmır. Bir sözlə, Cambrige Universitetinin verdiyi sertifikat dünyanın bir nömrəli sertifikatı sayılır. 

- Şəxsi kursumun açılmamasına baxmayaraq,  artıq Azərbaycanda bir çox tələbə yetişdirmişəm. Onlara ingilis dilini yüksək səviyədə öyrətmişəm. Tələbələrimdən 20 nəfər azərbaycanlı bu artıq bu sertifikata sahib olub.

 

-Tələbələr video dərslərimi izlədikdən sonra anlamadığı mövzuları Skype vasitəsilə məndən öyrənə bilərlər. Skype vasitəsilə dərslərimin müddəti həftədə 2 dəfə olmaqla 30 dəqqiqədir. Qiymətinə gəlincə isə 10 manatdır. 

-Yeni başlayanlar üçün bu dili mükəmməl şəkildə 12 aya öyrədirəm. Sıfırdan başlayan insana 12 aydan tez öyrətmək mümkün deyil. Təbii ki söhbət ingilis dilindən heç bir anlayışı olmayanlardan gedir. 

-Onlar bunu iddia edirlərsə, öyrətməlidilər. Amma 35 ilin təcrübəsinə malik olan bir müəllim kimi mən ingilis dilindən heç bir anlayışı olmayana bu dili 12 aya öyrədə bilmirəmsə, onlar bunu necə öyrədirlər ki? Görünən odur ki, onlar belə yazmaqla yalnız özlərini reklam edir. 

-Saytımın izləyicilərin sayı 10 mindən çoxdur. Gündəlik ziyarətçilərə gəlincə isə onların sayı 1000-2000 arası olaraq dəyişir. Qeyd edim ki, saytla yanaşı, Facebook səhifəmiz də var. Bu səhifənin üzvlərinin sayı 48300 nəfərdir. Bu üzvlər 82 fərqli ölkədəndir. Bu səhifə tələbələrə ingilis dilindən yeni sözlər öyrənmək imkanı yaradır.