“Dini etiqad azadlığı haqqında” Qanuna dəyişikliklər təsdiqləndi
Prezident İlham Əliyev “Dini etiqad azadlığı haqqında” Azərbaycan Respublikası Qanununa dəyişiklikləri təsdiq edib. Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 1-ci bəndini rəhbər tutaraq qərara alır: “Dini etiqad azadlığı haqqında” Azərbaycan Respublikası Qanununun (Azərbaycan Respublikası Ali Sovetinin Məlumatı, 1992, ¹ 16, maddə 694; Azərbaycan Respublikasının Qanunvericilik toplusu, 1997, ¹ 3, maddələr 171, 226, ¹ 4, maddə 287; 1998, ¹ 1, maddə 16; 2001, ¹ 12, maddə 736; 2002, ¹ 6, maddə 328, ¹ 12, maddə 692; 2003, ¹ 1, maddə 16; 2005, ¹ 8, maddə 684; 2009, ¹ 5, maddə 314, ¹ 7, maddələr 512, 517; 2011, ¹ 2, maddə 71, ¹ 7, maddə 604) 18-ci maddəsində aşağıdakı dəyişikliklər edilsin:
1. Dördüncü hissəyə aşağıdakı məzmunda ikinci və üçüncü cümlələr əlavə edilsin:
“Dini qurum qəbul etdiyi və ya vəd edilən ianə müqabilində, ianə verən şəxsə və ya hər hansı digər şəxsə birbaşa, yaxud dolayı yolla maddi və sair nemət, hər hansı imtiyaz və ya güzəşt verə, belə təkliflə çıxış edə və ya belə vəd verə bilməz. Dini quruma ianə verən şəxs verdiyi və ya verəcəyi ianə müqabilində özü və ya üçüncü şəxslər üçün birbaşa, yaxud dolayı yolla maddi və sair nemət, hər hansı imtiyaz və ya güzəşt tələb edə və ya qəbul edə bilməz, belə təklifə və ya vədə razılıq verə bilməz.”.
2. Aşağıdakı məzmunda “Qeyd” hissəsi əlavə edilsin:
“Qeyd: Bu maddədə “ianə” dedikdə dini qurumun qarşısında hər hansı məqsədə nail olmaq vəzifəsi qoymadan ona maliyyə vəsaiti şəklində və (və ya) başqa maddi formada verilən yardım başa düşülür.”.
Açılış Səhifəsi et 
“Dini etiqad azadlığı haqqında” Qanuna dəyişikliklər təsdiqləndi
