Suriya prezidenti Bəşər Əsəd Şamdakı bir məsciddə camaatla birlikdə namaz qılıb. Məscidə özü istifadə etdiyi lüks avtomobillə gələn Bəşər Əsəd sükan arxasında “bu ölkənin sükanında mən varam” mesajını verib. Suriya dövlət televiziyasında canlı yayımlanan görüntülərdə B.Əsəd Baş müfti Əhməd Hassun və din işləri naziri Məhəmməd Abdülsettarla birlikdə oturub.
Qılınan namazın və edilən duaların ardından danışan M.Abdülsettar ölkənin bütün vətəndaşlarına səslənib: “Müxalif ya da dəstəkçi, müsəlman ya da xristian, qadın ya da kişi... Bu fürsəti qaçırmayın”.